WEST HAM YAIKATIA RUFAA NYEKUNDU YA FEGHOULI, KOCHA WA BAYERN ATHIBITISHWA MENEJA MPYA SWANSEA!

SWANSEA-CLEMENTWest Ham imethibitisha kukataa Rufaa kupinga Kadi Nyekundu ya Mchezaji wao Sofiane Feghouli aliyopewa Jumatatu Usiku walipochapwa 2-0 na Manchester United na wakati huo huo Swansea City kuthibitisha uteuzi wa Paul Clement kama Meneja wao mpya.

RUFAA

West Ham imethibitisha kukataa Rufaa kupinga Kadi Nyekundu ya Mchezaji wao Sofiane Feghouli aliyopewa Jumatatu Usiku walipochapwa 2-0 na Manchester United.

Kiungo huyo kutoka Algeria alipewa Kadi Nyekundu na Refa Mike Dean kwa kumchezea Rafu mbaya Sentahafu Phil Jones katika Dakika ya 15.

Feghouli, mwenye Miaka 27, amekuwa Mchezaji wa 5 kuonyeshwa Kadi Nyekundu na Refa Mike Dean Msimu huu.

Ikiwa Kifungo cha Feghouli kitathibitishwa, Mchezaji huyo atazikosa Mechi 3 za Swansea dhidi ya Manchester City hapo Ijumaa ikiwa ni Mechi ya Raundi ya 3 ya FA CUP, na Mechi 2 za EPL, Ligi Kuu England, wakicheza na Crystal Palace na Middlesbrough.

PAUL CLEMENT MENEJA MPYA SWANSEA CITY.

Swansea wamemthibitisha Paul Clement kama Meneja wao mpya na amepewa Mkataba wa Miaka Miwili na Nusu.

Clement, mwenye Miaka 44 na Bosi wa zamani wa Derby County ambae yupo Bayern Munich kama Kocha Msaidizi, alikuwa mazungumzoni na Swansea kuwa Meneja wao wa 3 Msimu huu.

Clement anarithi nafasi ya Bob Bradley alietimuliwa mara baada ya Swansea kuchapwa 4-1 na West Ham Siku ya Boksing Dei baada kudumu kwa Siku 85 tu.

Clement amewahi kufanya kazi kama Msaidizi wa Carlo Ancelotti huko

Chelsea, Paris St Germain, Real Madrid na sasa Bayern Munich.

Lakini kazi pekee aliyofanya kama Meneja, huko Derby County, ilitibuka Miezi 8 tu tangu ateuliwe alipotimuliwa Februari 2016 bila kutegemewa kwani aliiweka Derby Nafasi ya 5 baada kuongoza Ligi ya Daraja la Championship Miezi Miwili nyuma.

KOCHA WA BAYERN KUTUA SWANSEA KAMA MENEJA MPYA!

SWANSEA-CLEMENTSwansea wapo mbioni kumteua Paul Clement kama Meneja wao mpya.

Clement, Bosi wa zamani wa Derby County na sasa yupo Bayern Munich kama Kocha Msaidizi, amekuwa mazungumzoni na Swansea kuwa Meneja wao wa 3 Msimu huu.

Huenda mazungumzo hayo yakakamilika kabla ya Jumanne ambapo Swansea, wakiwa mkiani mwa EPL, Ligi Kuu England, watasafiri kwenda London kucheza na Crystal Palace.

Clement anatarajiwa kurithi nafasi ya Bob Bradley alietimuliwa mara baada ya Swansea kuchapwa 4-1 na West Ham Siku ya Boksing Dei baada kudumu kwa Siku 85 tu.

Clement, mwenye Miaka 44, alikuwemo kwenye usaili uliomteua Bob Bradley na kuvutia kiasi cha Swansea kumtaka yeye sasa achukue nafasi hiyo.

Meneja huyu mtarajiwa amewahi kufanya kazi kama Msaidizi wa Carlo Ancelotti huko

Chelsea, Paris St Germain, Real Madrid na sasa Bayern Munich.

Lakini kazi pekee aliyofanya kama Meneja, huko Derby County, ilitibuka Miezi 8 tu tangu ateuliwe alipotimuliwa Februari 2016 bila kutegemewa kwani aliiweka Derby Nafasi ya 5 baada kuongoza Ligi ya Daraja la Championship Miezi Miwili nyuma.

JURGEN KLOPP ATAKA UBINGWA NA LIVERPOOL MSIMU HUU!

LIVERPOOL-KLOPP-MAZOEZINIMENEJA wa Liverpool Jurgen Klopp amesema Timu yao inawania Ubingwa Msimu huu na hawajali kufeli kwa Klabu hiyo Miaka iliyopita.

Liverpool hawajatwaa Ubingwa wa England tangu Msimu wa 1989/90 na Msimu huu, baada ya Mechi 17 kati ya 38, wapo Nafasi ya Pili wakiwa Pointi 6 nyuma ya Vinara Chelsea.

Akiongea kabla mfululizo wa Mechi zao za Kipindi hiki cha Krismasi kuelekea Mwaka Mpya ambapowatacheza Mechi 3 ndani ya Siku 7 kuanzia Jumanne Desemba 27 hadi Januari 2.

Liverpool wataanza na Stoke City Jumanne Desemba 27 huko Anfield, kisha Man City hapo Jumamosi Desemba 31 pia Anfield na Januari 2 kucheza Ugenini na Sunderland.

Klopp amesisitiza Klabu ipo imara kupigania Ubingwa Msimu huu na kuwataka Wachezaji na Mashabiki kutilia mkazo Msimu huu na kutofikiria nini kilitokea kwa Misimu 26 iliyopita.

Klopp ameeleza: “Hatupo Miaka 25 iliyopita. Tupo wakati huu. Sisi ndio Kizazi!”

Aliongeza: “Ingawa tuliwapenda mno Watu walioitengeneza Klabu hii, lakini hatungenezi kazi zao. Inabidi sisi tufanye kazi yetu!”

EPL - MECHI MFULULIZO KIPINDI CHA KRISMASI KUELEKEA MWAKA MPYA:

EPL-XMAS-NEWYEAR

Klopp amewataka Wachezaji kutimiza wajibu wao kwani wapo vizuri na Klabu yao ni kubwa.

Msimu huu, Liverpool imeshawafunga Chelsea na Arsenal ambao wapo kwenye kinyang’anyiro cha Ubingwa lakini pia wamefungwa na Timu ‘dhaifu’ kama vile Burnley na Bournemouth.

Klopp ametamka: “Mpzaka sasa tumecheza Msimu mzuri lakini kuwa Bingwa pia unahitaji uwe na bahati na usipate majeruhi!”

SUPERCOPPA ITALIANA 2016: KUPIGWA DOHA, QATAR IJUMAA JUVENTUS v AC MILAN

SUPERCOPPA-QA2Klabu za Italy, Juventus na AC Milan, zitapambana huko Doha, Qatar kugombea Supercoppa Italiana.

Kawaida Mashindano haya huchezwa kama Mechi ya Ufunguzi wa Msimu Mpya huko Italy lakini safari hii yamesogezwa hadi Desemba na kwa mara nyingine tena kuchezwa nje ya Italy.

Kombe hili lishawahi kuchezwa huko USA katika Miaka ya 1993 na 2003, Tripoli, Libya Mwaka 2002 na Fainali zake 3 kati ya 5 zilizopita kuchezwa huko China.

Supercoppa, ambayo hushindaniwa na Bingwa wa Serie A na Mshindi wa Coppa Italia.

Kwa vile Juve ndio walizoa Ubingwa wote, AC Milan, ambao walifungwa na Juve kwenye Fainali ya Coppa Italia, ndio watacheza na Juve kugombea Supercoppa Italiana.

Bingwa Mtetezi wa Supercoppa Italiana ni Juve ambae Mwaka Jana waliwafunga Napoli 2-0 huko Shanghai Stadium, Shanghai, China.

Safari hii Supercoppa itachezwa Jassim Bin Hamad Stadium, Doha, Qatar.

Kawaida Mechi kati ya Juve na AC Milan ni ngumu kutabirika na Mechi 4 zilizopita Mshindi kupatikana kwa tofauti ya Bao 1 tu.

Kwenye Fainali ya Coppa Italia Mwezi Mei, Juve waliwatungua AC Milan 1-0 kwa Bao la Alvaro Morata lakini Mwezi Oktoba AC Milan waliifunga Juve 1-0 kwenye Mechi ya Serie A.

Kwenye Serie A hivi sasa, Juve ndio Vinara wakiwa Pointi 7 mbele ya Timu ya Pili AS Roma wakati AC Milan wako Nafasi ya 5 wakiwa Pointi 9 nyuma ya Juve.

WENGER: ‘BAO ZA CITY OFSAIDI..!! MAREFA WANALINDWA KAMA SIMBA WA ZOO!’

WENGER-BAOZACITY-OFSAIDIMENEJA wa Arsenal Arsene Wenger amekuja mbogo baada ya Timu yake Jana kuongoza 1-0 na kisha kupigwa 2-1 na Manchester City huko Etihad katika Mechi ya EPL, Ligi Kuu England.

Wenger amemtuhumu Refa wa Mechi hiyo Martin Atkinson kuizawadia City Bao 2 za Ofsaidi mwishoni mwa Wiki mbaya kwa Arsenal ambao wamechezea vichapo viwili mfululizo baada ya Majuzi kupigwa 2-1 na Everton huko Goodison Park na kutupwa Nafasi ya 4 kwenye EPL wakiwa nyuma ya Liverpool, Man City na Vinara Chelsea.

Arsenal walitangulia kufunga katika Dakika ya 5 kwa Bao la Theo Walcott ambalo lilidumu hadi Haftaimu.

Kipindi cha Pili Man City walikuja wapya na kuirudisha Arsenal nyuma na Dakika ya 47 kusawazisha kwa Bao la Leroy Sane.

Bao la ushindi kwa City lilifungwa Dakika ya 71 na Raheem Sterling huku David Silva akionekana kuwa Ofsaidi akimkaribia Kipa Petr Cech.

Baada ya Mechi hiyo na City, Wenger alieleza: “Maamuzi yalitupinga sisi. Zile Goli 2 zilikuwa Ofsaidi na hicho ni kitu kigumu kukikubali katika Mechi kubwa kama ile. Sasa imetosha kwa sababu Msimu mzima tunapata maamuzi mabovu dhidi yetu na nimeangalia zile Gole, zote Ofasaidi!”

Aliongeza: “Lakini, kama inavyojulikana vilivyo, Marefa wanalindwa sana, kama Simba kwenye Zoo, hivyo inabidi tuishi tu na maamuzi yao. Nataka walindwe sana. Lakini wakifanya maamuzi sahihi itakuwa vyema zaidi!”

Mechi inayofuata ya EPL kwa Arsenal ni Jumatatu Desemba 26 wakiwa kwao Emirates kucheza na West Bromwich Albion.

EPL, LIGI KUU ENGLAND

Ratiba:

**Saa za Bongo

Jumatatu Desemba 19

2300 Everton v Liverpool  

Jumatatu Desemba 26

1530 Watford v Crystal Palace              

1800 Arsenal v West Bromwich Albion            

1800 Burnley v Middlesbrough              

1800 Chelsea v Bournemouth               

1800 Leicester City v Everton               

1800 Manchester United v Sunderland            

1800 Swansea City v West Ham United           

2015 Hull City v Manchester City          

Jumanne Desemba 27

2015 Liverpool v Stoke City                  

Jumatano Desemba 28

2245 Southampton v Tottenham Hotspur                  

Ijumaa Desemba 30

2300 Hull City v Everton             

Jumamosi Desemba 31

1800 Burnley v Sunderland         

1800 Chelsea v Stoke City          

1800 Leicester City v West Ham United           

1800 Manchester United v Middlesbrough                 

1800 Southampton v West Bromwich Albion              

1800 Swansea City v Bournemouth                 

2030 Liverpool v Manchester City         

Jumapili Januari 1

1630 Watford v Tottenham Hotspur                

1900 Arsenal v Crystal Palace               

Jumatatu Januari 2

1530 Middlesbrough v Leicester City               

1800 Everton v Southampton               

1800 Manchester City v Burnley            

1800 Sunderland v Liverpool                

1800 West Bromwich Albion v Hull City           

2015 West Ham United v Manchester United             

Jumanne Januari 3

2245 Bournemouth v Arsenal                

2300 Crystal Palace v Swansea City                

2300 Stoke City v Watford 20:00

Jumatano Januari 4

2300 Tottenham Hotspur v Chelsea                 

         

 

 

Habari MotoMotoZ