FA YAMPA MOURINHO HADI IJUMAA AJIELEZE KAULI YAKE JUU YA REFA!

MANUNITED-MOU-BLACKFA, Chama cha Soka England, kimemwandikia Meneja wa Manchester United Jose Mourinho ikimtaka ajieleze kuhusu matamshi yake juu ya Refa Anthony Taylor ambae Jana Jumatatu alichezesha pambano la Liverpool na Man United huko Anfield na kwisha 0-0.

FA imempa Mourinho hadi Ijumaa Saa 2 Usiku, Saa za Bongo, kutoa maelezo yake.

Uamuzi huo wa FA umekuja baada ya Chama hicho kuona amevunja Sheria kwa kuongea kuhusu Marefa kabla ya Mechi wanayopangiwa.

Mara baada ya Refa Taylor, mwenye Miaka 37 na anaetoka Kitongoji cha Wythenshawe kilichopo Maili 6 tu toka Old Trafford Nyumbani kwa Man United huko Jijini Manchester, kuteuliwa kuliibuka malalamiko, na hasa Mashabiki wa Liverpool, ambao walilivalia njuga kwenye Mitandao ya Kijamii..

Hata Keith Hackett, Refa wa zamani na Mkuu wa zamani wa Kampuni ya Marefa PGMOL, alisema kutaibuka malamiko makubwa ikiwa Refa huyo atafanya kosa lolote kwa upande wowote ule.

Akiongea na Wanahabari kabla ya Mechi hiyo, Mourinho aliulizwa kuhusu uteuzi wa Refa huyo na yeye kujibu: “Nadhani Bwana Taylor ni Refa mzuri sana lakini anapewa presha kubwa na itakuwa ngumu kwake kuwa na kiwango kizuri cha kuchezesha.

Aliongeza: “Sitaki kuzungumza mengi kuhusu hili. Ninayo maoni yangu lakini nishapata fundisho kwa kuadhibiwa mara nyingi kuhusu kauli zangu kwa Marefa!”

FA sasa inataka maelezo kutoka kwa Mourinho kwa kuvunja Sheria iliyotungwa Mwaka 2009 inayokataza Mameneja kuongea lolote kuhusu Marefa kabla ya Mechi.

Meneja wa kwanza kabisa kusulubiwa kwa Sheria hiyo alikuwa ni Meneja wa zamani wa Man United, Sir Alex Ferguson, ambae alishitakiwa Mei 2011 kwa kutoa kauli kuhusu Refa Howard Webb ambayo haikuwa mbaya bali ilikuwa ya kumsifia pale aliposema alikuwa ni Refa Bora huko England.

EPL: CHELSEA YAWABWAGA MABINGWA LEICESTER!

EPL - LIGI KUU ENGLAND

Ratiba/Matokeo:

Jumamosi 15 Oktoba 2016

Chelsea 3 Leicester City 0           

**Saa za Bongo

1700 Arsenal v Swansea             

1700 Bournemouth v Hull           

1700 Man City v Everton            

1700 Stoke v Sunderland            

1700 West Brom v Tottenham               

1930 Crystal Palace v West Ham

++++++++++++++++++++++

CHELSEA-COSTA-HAZRD-WILLIAN-TRIBUTELeo huko Stamford Bridge Jijini London, Wenyeji Chelsea waliwafunga Leicester City, Mabingwa Watetezi wa EPL, Ligi Kuu England, Bao 3-0.

Dakika ya 7 Chelsea walifunga kupitia Diego Costa kwa Mpira uliotokana na Kona ya Eden Hazard na kupigwa Kichwa na Matic na Costa kumalizia wavuni.

Chelsea walifunga Bao la Pili Dakika ya 33 baada ya Difensi ya Leicester kujichanganya wenyewe na kumruhusu Eden Hazard kupenya na kufunga.

Wote, Costa na Hazard, walishangilia Magoli yao kwa kuonyesha Vidole Viwili vya kila Mkono kuweka Umbo la W wakimlenga Mchezaji mwenzao Willian na kumpa faraja kutokana na Kifo cha Mama yake Mzazi.

Willian sasa yuko kwao Brazil kwa ajili ya Msiba huo.

Hadi Mapumziko, Chelsea 2 Leicester 0.

Kipindi cha Pili, Chelsea walipiga Bao la 3 kwa kazi njema ya Victor Moses ambae alimpasia Nathaniel Chalobah, alieingizwa Kipindi cha Pili na kurejesha Mpira kwa kisigino na Moses kufunga Bao hilo katika Dakika ya 80.

VIKOSI:

Chelsea (Mfumo 3-4-3): Courtois, Azpilicueta, David Luiz, Cahill, Moses [Aina, 82’], Kante, Matic, Alonso, Pedro [Chalobar, 68’], Diego Costa, Hazard [Loftus-Cheek, 82’]

Akiba: Begovic, Aina, Terry, Chalobah, Loftus-Cheek, Batshuayi, Solanke,

Leicester (Mfumo 4-4-2): Schmeichel, Hernández, Huth, Morgan, Fuchs, Albrighton [King, 74’], Drinkwater, Amartey, Schlupp [Mahrez, 67’], Musa [67’], Vardy

Akiba: Zieler, King, Simpson, Slimani, Gray, Ulloa, Mahrez.

REFA: Mr Andre Marriner

EPL - LIGI KUU ENGLAND

**Saa za Bongo

Jumapili 16 Oktoba 2016

1530 Middlesbrough v Watford             

1800 Southampton v Burnley                

Jumatatu 17 Oktoba 2016

2200 Liverpool v Man United      

MTANANGE ANFIELD LIVERPOOL v MAN UNITED: KLABU HIZO 2 ZAONYA MASHABIKI!

LIVER-MAN-OKT17KLABU za Liverpool na Manchester United zimetoa tamko la pamoja kuwaonya Mashabiki kuhusu madhara ya kufanya vitendo kinyume na tabia safi za Jamii wakati wa mtanange wao wa Jumatatu Usiku Uwanjani Anfield Jijini Liverpool.

Hiyo itakuwa ni Mechi ya nadra sana kwa Timu hizo kupambana Usiku kwenye Mechi za Nchi yao ingawa Msimu uliopita walipambana Usiku kwenye Mashindano ya UEFA EUROPA LIGI na kuzua tafrani na UEFA ambayo ilizichunguza Klabu hizo na hatimaye kuziadhibu kutokana na kushangilia kwa kashfa kwa Mashabiki wao ambao pia walileta vurugu.

Klabu hizo mbili kubwa huko Uingereza zenye upinzani wa Jadi zimewania kupoza uhasama hasa ule wa kila upande kukashifu maafa yaliyozikumba Klabu hizo Miaka ya nyuma yakiwa ni yale ya Hillsborough, kwa Liverpool ambapo Mashabiki wao wengi walikufa Uwanjani kutokana na mkanyagano na ile Ajali ya Ndege ya Munich iliyoua Wachezaji wa Man United.

++++++++++++++++++++++++++

JE WAJUA?

-Mtanange wa Liverpool dhidi ya Manchester United ni pambano kubwa Duniani linalotazamwa na Watu Milioni 700 kwenye Nchi 200.

++++++++++++++++++++++++++

Katika Taarifa yao ya pamoja, Klabu hizo zimesema: “Klabu zote mbili, Mashabiki wao na Wapenzi wa Soka Dunia nzima wanangojea kwa hamu pambano hili la kihistoria na lenye hisia kubwa zenye upinzani mkubwa na wa Miaka mingi kupita yote. Upo upinzani mkubwa kati ya Mashabiki wetu na tunawaomba Mashabiki wote wawe na heshima na wasaidie kufuta namna zote za tabia za kuudhi na kubaguana kwenye Gemu hii.”

Taarifa hiyo ikaonya: “Shabiki yeyote akikutwa anashiriki vitendo vyovyote viovu na Walinzi au kunaswa kwenye Kamera za Ulinzi ataondolewa mara moja toka Uwanjani na kuwa hatarini kukamatwa na kuwekwa chini ya ulinzi na kushitakiwa pamoja na kuwekewa taarifa za kuzuiwa kabisa kuingia tena Uwanjani!”

Pambano hili la Jumatatu ni Mechi ya EPL, Ligi Kuu England.

EPL - LIGI KUU ENGLAND

**Saa za Bongo

Jumamosi 15 Oktoba 2016

1430 Chelsea v Leicester City               

1700 Arsenal v Swansea             

1700 Bournemouth v Hull           

1700 Man City v Everton            

1700 Stoke v Sunderland            

1700 West Brom v Tottenham               

1930 Crystal Palace v West Ham           

Jumapili 16 Oktoba 2016

1530 Middlesbrough v Watford             

1800 Southampton v Burnley                

Jumatatu 17 Oktoba 2016

2200 Liverpool v Man United      

KOMBE LA DUNIA 2018 - ULAYA: ENGLAND BILA ROONEY YANUSURIKA, GERMANY MASHINE KALI!

ULAYA – KOMBE LA DUNIA 2018

Jumanne Oktoba 11

KUNDI C

Czech Republic 0 Azerbaijan 0              

Germany 2 Northern Ireland 0              

Norway 4 San Marino 1              

KUNDI E

Kazakhstan 0 Romania 0            

Denmark 0 Montenegro 1           

Poland 2 Armenia 1          

KUNDI F

Lithuania 2 Malta 0          

Slovakia 3 Scotland 0       

Slovenia 0 England 0        

++++++++++++++++++++++++

ENGLAND-SOUTHGATE-ROONEYMECHI za Makundi ya Nchi za Ulaya kuwania kucheza Fainali za Kombe la Dunia za huko Russia Mwaka 2018, ziliendelea Jana Usiku na England wakicheza Ugenini walitoka Sare 0-0 na Slovenia katika Mechi ya Kundi F.

England, walioanza bila ya Kepteni wao Wayne Rooney alieingizwa zikibaki Dakika 18, walicheza ovyo na kama si uhodari wa Kipa Joe Hart basi wangefungwa na Timu ambayo ipo Nafasi ya 67 katika Listi ya FIFA ya Ubora Duniani.

Mbali ya Hart hata Posti iliwaokoa England kufuatia Shuti la Jasmin Kurtic.

Hata hivyo, Sare hii imewatwika England kwenye Kilele cha Kundi F wakiwa na Pointi 7 wakifuata Lithuania na Slovenia, wote wakiwa na Pointi 5 na kisha Scotland wenye Pointi 4 huku wote wakiwa wamecheza Mechi 3 kila mmoja.

++++++++++++++++++++++++

JE WAJUA?

-Ulaya itakuwa na Nafasi 13 kwenye Fainali za Kombe la Dunia za Mwaka 2018 huko Russia

-Washindi wa Makundi 9 watatinga moja kwa moja Fainali za Kombe la Dunia

-Washindi wa Pili 8 wa Makundi watacheza Mechi za Mchujo kupata Washindi Wanne kwenda Fainali za Kombe la Dunia

++++++++++++++++++++++++

Nao Mabingwa wa Dunia Germany wameendelea kutawala Kundi C baada ya Jana kushinda Mechi yao ya 3 mfululizo kwa kuichapa Northern Island 2-0 kwa Bao za Dakika za 13 na 17 za Julian Draxler na Sami Khedira.

Mechi zinazofuata za Kombe la Dunia kwa Makundi ya Ulaya zitachezwa tena Mwezi ujao.

VIKOSI:

Slovenia: Oblak; Struna, Samardzic, Cesar, Jokic; Krhin; Kurtic, Verbic; Birsa; Ilicic, Bezjak

Akiba: Koprivec, Belec, Skubic, Jovic, Crnic, Novakovic, Trajkovski, Mevlja, Kronaveter, Zajc, Pihler, Omladic

 

England: Hart; Walker, Stones, Cahill, Rose; Dier, Henderson, Alli; Walcott, Sturridge, Lingard

Akiba: Forster, Pickford, Gibbs, Smalling, Oxlade-Chamberlain, Antonio, Keane, Townsend, Rooney, Vardy, Rashford

REFA: Deniz Aytekin [Germany]

ULAYA – KOMBE LA DUNIA 2018 – Mechi zijazo:

Ijumaa Novemba 11

Armenia v Montenegro [KUNDI E]

France v Sweden [KUNDI A]

Malta v Slovenia [KUNDI F]

Romania v Poland [KUNDI E]

Denmark v Kazakhstan [KUNDI E]

Czech Republic v Norway [KUNDI C]

San Marino v Germany [KUNDI C]

Northern Ireland v Azerbaijan [KUNDI C]

England v Scotland [KUNDI F]

Slovakia v Lithuania [KUNDI F]

         

SLOVENIA-ENGLAND: KEPTENI ROONEY BENCHI, SLOVENIA WASHANGILIA!

ROONEY-SOUTHGATEKEPTENI wa England Wayne Rooney anatarajiwa kuwa Benchi kwenye Mechi yao ya Jumanne Ugenini na Slovenia ikiwa ni Mechi yao ya Kundi F la Nchi za Ulaya kuwania kucheza Fainali za Kombe la Dunia huko Russia Mwaka 2018.

Rooney, mwenye Miaka 30 na ambae pia ni Kepteni wa Manchester United, alicheza Dakika zote 90 Jumamosi Uwanjani Wembley wakati wanaichapa Malta 2-0 katika Mechi yao ya pili ya Kundi F.

Hata hivyo, lipo kundi la Watu, wakiongozwa na baadhi ya Wachambuzi huko England ambao asilia yao ni Klabu pinzani asilia za Man United kama vile Liverpool na Arsenal, wamekuwa wakishika bango Kepteni huyo asichezeshwe na ikibidi atemwe kabisa Kikosini England.

Lakini, Meneja wa sasa wa England, Gareth Southgate, amemtetea Rooney na kutamka

++++++++++++++++++++++++++++

JE WAJUA?

-Rooney ndie Mfungaji Bora katika Historia ya England akiwa na Bao 53 akifuatiwa na Sir Bobby Charlton aliefunga Bao 49.

-Pia ndie Mchezaji wa Pili kuichezea Mechi nyingi England akiwa amecheza Mechi 117 na kuwa nyuma ya Kipa Peter Shilton aliecheza Mechi 125.

++++++++++++++++++++++++++++

Nae Meneja wa Slovenia, Srecko Katanec, amesema hatashangazwa ikiwa Rooney hatacheza dhidi yao Jumanne lakini ni faraja kubwa kwao.

Amenena: “Wayne Rooney ndie Kiongozi wa Timu, anao uzoefu ambao Kepteni anahitaji na ni ngumu kumbadili au kumwacha kabisa!”

Aliongeza: “Kwa sababu ya uzoefu wake na kipaji chakje, ni afadhali kwetu asianze Mechi hii!”

Hivi sasa kwenye Kundi F England ndio Vinara baada ya kushinda Mechi zao zote mbili.

ULAYA – KOMBE LA DUNIA 2018

**Mechi zote kuanza Saa 3 Dakika 45 Usiku isipokuwa inapotajwa

Jumanne Oktoba 11

KUNDI C

Czech Republic v Azerbaijan                 

Germany v Northern Ireland                 

Norway v San Marino                 

KUNDI E

1900 Kazakhstan v Romania                 

Denmark v Montenegro              

Poland v Armenia             

KUNDI F

Lithuania v Malta             

Slovakia v Scotland          

Slovenia v England