WENGER YUPO TU ARSENAL, AASHIRIA KUBAKI!

WENGER-YUPOMENEJA wa Arsenal Arsene Wenger Leo ametoa ishara ya kubakia kwake Klabuni hapo baada kuzungumzia mipango yao ya kabla Msimu Mpya wa 2017/18 kuanza.

Wenger, ambae Mkataba wake na Arsenal unamalizika mwishoni mwa msimu huu na tayari upo Mezani Mkataba Mpya wa Miaka Miwili, amekataa kutoboa kama ataendelea na Arsenal au atang’oka huku kukiwa na presha kutoka Kundi la Mashabiki wakitaka aondoke.

Mkataba wa Wenger, mwenye Miaka 67 na ambaye yuko Arsenal kwa Miaka 20, unaisha Juni lakini ametoa fununu za mipango yake kwa ajili ya Msimu Mpya unaoanza Agosti.

Wenger ameeleza: “Ninayo Mipango. Hiyo ndio kazi yangu kupanga.”

Alipobanwa nani atatangaza kama atabaki Arsenal, Wenger alijibu: “Klabu. Sina la kuongeza hapo. Siwezi kusema zaidi na nlichosema awali!”

Hivi karibuni Wenger alitamka kuwa ashaamua kuhusu kubaki au kuondoka Arsenal na Watu wasubiri tamko tu.

Hivi sasa Arsenal wapo Nafasi ya 5 kwenye EPL, Ligi Kuu England, na pia Nusu Fainali ya FA CUP ambako watacheza na Man City kwenye Nusu Fainali.

EPL – Ligi Kuu England

Ratiba:

Jumamosi Aprili 8

1430 Tottenham Hotspur v Watford                

1700 Manchester City v Hull City          

1700 Middlesbrough v Burnley              

1700 Stoke City v Liverpool                  

1700 West Bromwich Albion v Southampton              

1700 West Ham United v Swansea City           

1930 Bournemouth v Chelsea               

Jumapili Aprili 9

1530 Sunderland v Manchester United            

1800 Everton v Leicester City               

Jumatatu Aprili 10

2200 Crystal Palace v Arsenal     

LIVERPOOL YAFUNGIWA KUSAINI CHIPUKIZI, FAINI £100,000!

LIVER-U-WILL-NEVER-WALK-ALONELiverpool imepigwa Faini Pauni Laki 1 na kufungiwa kusaini Chipukizi baada ya kukiri kuvunja Sheria za Ligi Kuu England, EPL, zinazolinda na kudhibiti Usajili wa Makinda hao.

Liverpool wamepatikana na Hatia ya kumrubuni Chipukizi aliekuwa Klabuni Stoke City na sasa hawaruhusiwi kusaini Chipukizi yeyote kwa Mwaka Mmoja na Kifungo cha Mwaka Mmoja unaofuata kusimamishwa na kuwepo kwenye Angalizo kwa Miaka Mitatu ili kosa hilo lisirudiwe.

Wasimamizi wa EPL wameridhika kuwa Liverpool ilijaribu kumrubuni Kijana wa Miaka 12 aliyesajiliwa na Stoke City kwa kutoa Ofa ya kumlipia Ada za Shule na kuwalipa Wazazi wake ili aihame kwao bila maridhiano kwa Klabu hizo mbili kitu ambacho kilikuwa kinyume cha taratibu.

EPL imesema Liverpool wamekiri Kosa lao na wamekubali Adhabu zao.

EPL – Ligi Kuu England

Ratiba:

Jumatano Aprili 5

2145 Arsenal v West Ham United          

2145 Hull City v Middlesbrough             

2145 Southampton v Crystal Palace                 

2145 Swansea City v Tottenham Hotspur                  

2200 Chelsea v Manchester City           

2200 Liverpool v Bournemouth

Jumamosi Aprili 8

1430 Tottenham Hotspur v Watford                

1700 Manchester City v Hull City          

1700 Middlesbrough v Burnley              

1700 Stoke City v Liverpool                  

1700 West Bromwich Albion v Southampton              

1700 West Ham United v Swansea City           

1930 Bournemouth v Chelsea               

Jumapili Aprili 9

1530 Sunderland v Manchester United            

1800 Everton v Leicester City               

Jumatatu Aprili 10

2200 Crystal Palace v Arsenal      

FIFA YAMFUNGIA MESSI MECHI 4 KWA MATUSI!

>LEO KUIKOSA BOLIVIA, ARGENTINA KUKATA RUFAA!

MESSI-HUZUNIKEPTENI wa Argentina Lionel Messi amefungiwa Mechi 4 na FIFA ikiwa ni Masaa Machache kabla Nchi yake kucheza na Bolivia kwenye Mechi ya Kanda ya Nchi za Marekani ya Kusini kusaka Nafasi ya kucheza Fainali za Kombe la Dunia za Mwaka 2018 huko Russia.

Adhabu hiyo inatokana na tukio la Mechi ya Juzi ambapo Argentina iliifunga Chile 1-0 kwa Penati ya Messi lakini ikadaiwa kwenye Mechi hiyo Staa huyo alimshambulia Mshika Kibendera Marcelo Van Gasse kwa Matusi makali katika Kipindi cha Pili.

Pia inasemekana mwishoni mwa Mechi hiyo Messi alikataa kumpa mkono Refa huyo Msaidizi.

Hata hivyo, tukio hilo halikuwekwa kwenye Ripotri ya Awali ya Refa wa Mechi lakini Jana likaongezwa na kupelekwa CONMEBOL ambalo ndio Shirikisho la Soka la Nchi za Marekani ya Kusini kutokana na shinikizo la FIFA.

Mbali ya Kifungo cha Mechi 4 pia Messi ametwangwa Faini ya Pauni 8,100.

Taarifa ya FIFA imedai Messi amevunja Kipengele cha 57 cha Kanuni za Nidhamu za FIFA kwa kumrushia Matusi Refa Msaidizi.

Mara baada ya Adhabu hiyo kutangazwa, AFA, Chama cha Soka Argentina, kikatangaza kukata Rufaa kuipinga.

Mbali ya Messi kuikosa Mechi ya Leo Usiku na Bolivia, pia atazikosa Mechi za Kombe la Dunia ya Ugenini na Uruguay Mwezi Agosti, za Nyumbani na Venezuela Mwezi Septemba na Oktoba dhidi ya Peru ikimaanisha atarejea Uwanjani kwa ajili ya Mechi ya mwisho tu dhidi ya Ecuador ambayo watakuwa Ugenini.

Hivi sasa Argentina wapo Nafasi ya 3 kwenye Kundi hili ambalo linatoa Timu 4 kufuzu Fainali za Kombe la Dunia huko Russia ambalo linaongozwa na Brazil wenye Pointi 30, Uruguay 23, Argentina 22, Colombia 21, Ecuador 20 na Chile 20.

Timu inayomaliza Nafasi ya 5 inabidi iende Mechi ya Mchujo ili ifuzu kwenda Russia.

LIONEL MESSI KUIKOSA BOLIVIA USIKU HUU, KUFUNGIWA KWA MATUSI?

CONMEBOL

Kombe la Dunia – Russia 2018

Mechi za Makundi

Ratiba:

**Saa za Bongo

Jumanne Machi 28, 2017         

2330 Bolivia  v Argentina

Jumatano Machi 29, 2017         

0001 Ecuador v Colombia

0100 Chile v Venezuela     

0345 Brazil v Paraguay     

0515 Peru v Uruguay        

+++++++++++++++++++

MESSI-HUZUNIKEPTENI wa Argentina Lionel Messi huenda Leo akaikosa Mechi ya Nchi yake na Bolivia ambayo ni ya Kanda ya Nchi za Marekani ya Kusini kusaka kufuzu Fainali za Kombe la Dunia za Mwaka 2018 huko Russia.

Juzi Argentina iliifunga Chile 1-0 kwa Penati ya Messi lakini imedaiwa kwenye Mechi hiyo Staa huyo alimshambulia Mshika Kibendera Marcelo Van Gasse kwa Matusi makali katika Kipindi cha Pili cha Mechi hiyo.

Pia inasemekana mwishoni mwa Mechi hiyo Messi alikataa kumpa mkono Refa huyo Msaidizi.

Hata hivyo, tukio hilo halikuwekwa kwenye Ripotri ya Awali ya Refa wa Mechi lakini Jana likaongezwa na kupelekwa CONMEBOL ambalo ndio Shirikisho la Soka la Nchi za Marekani ya Kusini.

Sasa kinangojewa uamuzi wa Kamati ya Nidhamu ya CONMEBOL ambayo inaweza kutoa Adhabu mara moja na hivyo Messi kuikosa Mechi ya Argentina na Bolivia huko La Paz hii Leo ama kuamuru Kifungo kiwe baada ya Mechi hii.

Ikiwa atafungiwa kwa Mechi ya Leo, Argentina wakikata Rufaa Messi anaweza Leo kucheza na Kifungo chake kutumika baada ya Rufaa kuamuliwa ikiwa atashindwa na Mechi itakayohusika ni ya Mwezi Agosti na Uruguay.

Hivi sasa Argentina wapo Nafasi ya 3 kwenye Kundi hili la Kombe la Dunia 2018 wakiwa nyuma ya Vinara Brazil na Uruguay.

++++++++++++++++++++++++

JE WAJUA?

-CONMEBOL itatoa Nchi 4 kutinga Fainali za Kombe la Dunia huko Russia Mwaka 2018.

-Nchi hizo zinaweza kuwa 5 ikiwa Timu itakayomaliza Nafasi ya 5 kwenye Kundi lao itashinda Mechi ya Mchujo dhidi ya Timu nyingine toka Bara jingine ambayo itakuwa ni moja toka Kanda ya Oceania yenye Nchi za Visiwani ambazo ni New Zealand, New Caledonia, Fiji, Papua New Guinea, Solomon Islands na Tahiti.

++++++++++++++++++++++++

MOURINHO YU CROATIA KUMFUATILIA PERISIC, NAE GRIEZMANN KUIGHARIMU MAN UNITED €100M!

PATA FUPI ZA LEO:

GRIEZMANN-PERISICMOURINHO APAA KWENDA CROATIA

MENEJA wa Manchester United Jose Mourinho amepaa kwenda Croatia kwa kile kinachodaiwa kuharakisha kumsaini Staa wa Inter Milan Ivan Perisic.

Habari toka huko England zimedai Mourinho yuko huko Zagreb ambako Leo Usiku Croatia wako kwao kuivaa Ukraine kwenye Mechi ya Kundi lao la kusaka kucheza Fainali za Kombe la Dunia za Mwaka 2018 huko Russia.

Huku Chelsea na Liverpool pia zikidaiwa kumwinda Perisic ambae Dau lake linadaiwa kuwa Pauni Milioni 35, Mourinho ndie anapewa nafasi kubwa kumchota Mchezaji huyo wa Croatia kutokana na uhusiano wake mzuri sana na Wakala wake Predrag Mijatovic.

Perisic, mwenye Miaka 28, ana uwezo mkubwa wa kucheza kama Kiungo Mshambuliaji na nafasi zote za Fowadi.

MAN UNITED TAYARI KULIPA €100M KUMCHUKUA GRIEZMANN!

ZIPO Ripoti nzito kuwa Manchester United wanakaribia kuimaliza Dili ya kumsaini Mfaransa Antoine Griezmann kutoka Atletico Madrid.

Ripoti hizo zimedai Man United italipa Euro Milioni 100 kumsaini Griezmann mwenye Miaka 26.

++++++++++++

JE WAJUA?

Antoine Griezmann: Ni pekee Lionel Messi (Bao 168) na Cristiano Ronaldo (Bao 167) ndio wamefunga Mabao mengi kwenye la La Liga kupita Griezmann (Bao 84) tangu Agosti 2012.

++++++++++++

Ripoti hizo zimefafanua kuwa Jose Mourinho na Man United hawatakuwa na shida kulipa Dau kubwa kwa Griezmann na kumpa Mshahara mkubwa kwa vile inatarajiwa Wayne Rooney ataondoka mwishoni mwa Msimu na hivyo kuipunguzia Klabu hiyo zigo kubwa la Mshahara mkubwa wa Rooney.