DERBY DELLA MADONNINA: AC MILAN, INTER MILAN SARE!

Derby Della MadonninaWABABE wa Uwanja wa San Siro huko Jijini Milan Nchini Italy, AC Milan na Inter Milan Jana walitoka Sare 2-2 katika Mechi ya Serie A inayobatizwa Jina la ‘Derby Della Madonnina’.

Bao 2 za Fernández Saez zilielekea kuwapa ushindi AC Milan lakini Ivan Perisic alisawazisha katika Dakika za Majeruhi na kuwapa Inter Sare ya 2-2 katika Mechi yao kwanza chini ya Meneja Stefano Pioli.

Matoke ohayo bado yamewaacha Mabingwa Juventus kuwa kilelewni wakiwa na Pointi 33 kwa Mechi 13 wakifuata AS Roma na AC Milan waliofungana kwa Pointi 26 kila mmoja huko nao pia wamecheza Mechi 13 kila mmoja.

++++++++++++++++++++

MAGOLI:

AC Milan 2

Fernández Saez (42' & 58')

Inter Milan 2

Candreva (53')

Perisic (92')

++++++++++++++++++++

Inter Milan, ambao pia wamecheza Mechi 13, wapo Nafasi ya 9 wakiwa na Pointi 18.

VIKOSI:

AC Milan: Donnarumma; Abate, Paletta, Gomez, De Sciglio; Kucka, Locatelli, Bonaventura; Suso, Bacca, Niang

Akiba: Gabriel, Plizzari, Antonelli, Ely, Zapata, Mati Fernandez, Honda, Pasalic, Poli, Sosa, Lapadula, Luiz Adriano

Inter Milan: Handanovic; D’Ambrosio, Miranda, Medel, Ansaldi; Brozovic, Kondogbia, Joao Mario; Candreva, Icardi, Perisic

Akiba: Carrizo, Berni, Ranocchia, Santon, Murillo, Nagatomo, Melo, Banega, Gnoukouri, Jovetic, Biabiany, Eder, Gabriel Barbosa

JURGEN KLOPP AMTETEA ROONEY: ‘MALEJENDARI WALIGIDA KAMA MASHETANI, KUCHOMA KAMA WEHU!’

>>WENGER NAE ATETEA: ‘SOTE TUSHAPITIA UJANA, HATUKUWA MALAIKA!’

ROONEY-KEPTENI-ENGLANDMENEJA wa Liverpool Jurgen Klopp anaamini chochote alichofanya Kepteni wa England Wayne Rooney kwenye Usiku ambao Wachezaji wa Timu ya Taifa walipewa Ofu hakikuwa kitu kibaya.

Klopp pia amedai Malejendari wote wa Soka ‘walikunywa kama Mashetani na kuvuta kama Wehu!’.

Kauli ya Klopp inafuatia zogo lililoikumba England baada ya Picha za Rooney kuzagaa Magazetini na Mitandaoni akinaswa akiwa ‘chakari’ ingawa Meneja wa England Gareth Southgate alithibitisha Siku hiyo Wachezaji wote walipewa Ofu baada ya kuichapa Scotland 3-0 kwenye Mechi ya kusaka Tiketi ya kucheza Fainali za Kombe la Dunia za Mwaka 2018 huko Russia.

Picha hizo za Rooney zilipigwa akiwa kwenye Hoteli waliyofikia Wachezaji wa Timu ya Taifa ya England baada kuombwa na Mashabiki waliokuwa kwenye Harusi kupiga nao Picha.

Tayari Rooney ameshaomba radhi kwa tukio hilo.

Lakini Jurgen Klopp anaamini inabidi Watu waweke sawa tukio lote.

Akiongea na Wanahabari kuelekea Gemu ya Timu yake Liverpool ambayo Jumamosi ipo Ugenini huko Southampton, Klopp alieleza: “Nawaonea imani Wachezaji. Najua sisi tupo kwenye neema, tunzavuna hela nyingi na kufanya kazi tunayoipenda lakini mwishoe inaweza kushangaza ikijulikana pia sisi ni Binadamu!”

Amefafanua: “Mara nyingine tunaalikwa kwenye Harusi, Bethdei na lolote na tunaweza kujichunga na kusema hatunywi au hatuvuti. Lakini Watu wote tuliowapenda, Malejendari wote tuliowapenda na kuwahusudu ‘walikunywa kama Mashetani na kuvuta kama Wehu’ na kubaki Wachezaji wazuri tu!”

Klopp amesema: “Sijui Wayne alikuwa wapi lakini hili si jambo kubwa! Baada ya Wiki 2 au 3 kila Mtu atasahau hili sasa ya nini kulikuza?”

Nae Meneja wa Arsenal Arsene Wenger amesema Wachezaji wa sasa wanajitunza vyema.

Wenger amesema: “Sote tumewahi kuwa Vijana, na sote hatukuwa Malaika tukiwa na Miaka 20, 21 na kwa ujumla ni sehemu ya Ujana kufanya makossa. Baada ya hapo Wachezaji wakubwa hujitathmini na kujikosoa.”

AZAM YAMSAINI KINDA WA GHANA, 7 WENGINE MAJARIBIONI!

AGYEI ASAINI MIAKA MITATU AZAM FC

AZAM-GHANAUONGOZI wa Klabu Bingwa ya Afrika Mashariki na Kati Azam FC, unayofuraha kuwaataarifu wapenzi wa soka kuwa jioni ya leo umefanikiwa kuingia mkataba wa miaka mitatu na kiungo mshambuliaji kutoka Ghana, Enock Atta Agyei.

Agosti mwaka huu, Azam FC tuliingia makubaliano maalumu na Medeama ya Ghana juu ya kumsajili kinda huyo anayetimiza umri wa miaka 18 mwakani baada ya benchi la ufundi kuridhishwa na uwezo wake na sasa amejiunga rasmi kwenye viunga vya Azam Complex.

Agyei anasaini mkataba tayari kabisa kuanza kuitumikia Azam FC katika mzunguko wa pili wa Ligi Kuu ya Vodacom Tanzania Bara (VPL) mwakani pamoja na michuano mingine ikiwemo Kombe la Shirikisho Afrika.

Tunaamini ya kuwa ujio wa nyota huyo wa timu ya Taifa ya Vijana ya Ghana chini ya miaka 17, utazidi kuipa nguvu timu yetu kuelekea kwenye michuano inayotukabili mbeleni, hivyo tunapenda kumtakia mafanikio mema kwa kipindi chote atakachokuwa akiipigania jezi ya Azam FC.

Azam FC tunapenda kuwafahamisha mashabiki wetu kuwa tutaendelea kukifanyia marekebisho kikosi chetu kuelekea usajili wa dirisha dogo, lengo ni kukipa nguvu kikosi hicho ili kifanye vizuri zaidi katika michuano ya hapa nchini pamoja na ile ya Kimataifa.

Lengo kubwa la Azam FC ni kuendelea kuwafurahisha mashabiki wetu kwa kupata matokeo bora uwanjani, na tunaamini ya kuwa, benchi zuri la ufundi tulilokuwa nalo, wachezaji wazuri walioko kikosini na wengine watakaokuja kuongeza nguvu, wote kwa pamoja wataweza kutuvusha kuelekea safari ya mafanikio msimu huu.

Hivyo, tunawaomba mashabiki wetu kuvuta subira na kuendelea kuisapoti timu kwani tunaamini ya kuwa nyie ndio nguzo muhimu ya 12 uwanjani katika kuwapa hamasa wachezaji ya kupata matokeo bora pamoja na kuijenga timu kiujumla.  

Wakati huo huo, leo tumewapokea wachezaji saba waliokuja kwenye majaribio ya kujiunga na Azam FC, ambao ni mabeki wa kati Mbimbe Aaron Nkot (Cameroon), Kone Nabil Ibrahim (Ivory Coast), kiungo mkabaji Kingue Mpondo Stephane (Cameroon),

Wengine ni washambuliaji Yaya Awaba Joel (Cameroon), Samuel Afful, Benard Ofori

(wote Ghana) na Konan Oussou kutoka Ivory Coast. 

Imetolewa na Uongozi Azam FC

Novemba 11, 2016

HENRIKH MKHITARYAN HAJAKATA TAMAA NDOTO YAKE NA MANCHESTER UNITED!

MANUNITED-MKHITARYANHenrikh Mkhitaryan ameapa kupigania nafasi ndani ya Manchester United huku akisisitiza hakuna kitakachomsimamisha kutimiza ndoto yake na Timu hiyo.

Wadau wengi walitegemea makubwa kutoka kwa Mkhitaryan, mwenye Miaka 27, tangu ahamie Man United kutoka Borussia Dortmund mwanzoni mwa Msimu kwa Dau la Pauni Milioni 26.3.EPL-NOV18

Lakini Staa huyo kutoka Armenia amekuwa hana Namba kabisa Kikosini mwa Man United na amecheza Mechi 1 tu katika Siku 54 wakati Man United inafungwa 2-1 na Fenerbahce huko Uturuki Alhamisi iliyopita katika Mechi ya Kundi A la UEFA EUROPA LIGI.

Baada ya kipigo hicho, Meneja wa Man United Jose Mourinho aliwapandishia Wachezaji wake na Mkhitaryan kuambiwa anahitaji kufanya juhudi zaidi.

Licha ya kuhuzunishwa na kutopata namba, lakini Mkhitaryan hajakata tamaa na ameapa: “Ni kweli sichezi sana lakini sitakata tamaa. Nimetoka mbali mno kuja kucheza Manchester United na hakuna kitakachonizuia kutimiza ndoto yangu. Sitarudi nyuma, nitapata nguvu ya kutimiza lengo lango!”

Hivi sasa Man United ipo ‘mapumzikoni’ kupisha Mechi za Kimataifa na itarudi dimbani Novemba 19 kucheza Mechi ya EPL, Ligi Kuu England, Uwanjani Old Trafford na Arsenal.

EPL - LIGI KUU ENGLAND

Ratiba:

**Saa za Bongo

Jumamosi Novemba 19

1530 Manchester United v Arsenal FC

1800 Everton FC v Swansea City

Southampton FC v Liverpool

Sunderland v Hull City

Watford v Leicester City

Crystal Palace FC v Manchester City

Stoke City FC v Bournemouth FC

2030 Tottenham Hotspur v West Ham United

Jumapili Novemba 20

1900 Middlesbrough v Chelsea FC

Jumatatu Novemba 21

2300 West Bromwich Albion FC v Burnley FC   

GARETH BALE ASAINI MKATABA MPYA REAL, SASA UKITAKA KUMNUNUA LIPA EURO MILIONI 500!

BALE-USHINDIGareth Bale amesaini Mkataba Mpya na Klabu yake ya Spain Real Madrid ambao utamweka hapo kwa Miaka 6 zaidi.

Bale, Raia wa Wales mwenye Miaka 27, alijiunga na Real kutoka Tottenham Hotspur Mwaka 2013 kwa Dau la Rekodi ya Dunia wakati huo la Pauni Milioni 86.

Akiwa na Real, Bale amefanikiwa kutwaa UCL, UEFA CHAMPIONZ LIGI mara 2 na kujijenga mno Kimpira.

Bale ameifungia Real Mabao 62 katika Mechi 134 na Msimu uliopita alikuwemo kwenye Kikosi cha Msimu cha UCL.

Hivi sasa Real imefanikiwa kuwafunga upya kwa Mikataba mipya Wachezaji wao wengine Luka Modric, Lucas Vazquez na Toni Kroos na anaefuatia ni Cristiano Ronaldo.

Klabu ya Real ilithibitisha taarifa hizi za Bale kwa kutangaza kuwa Gareth Bale atakuwa na Mkutano na Wanahabari Jumatatu Oktoba 31 ili kutangaza kwake kubakia Real hadi Juni 30, 2022.

Pamoja na kuongeza Mkataba, pia imedokezwa kuwa Mkataba huo Mpya wa Bale unacho Kipengele ambacho kinataka Klabu inayotaka kumnunua ndani ya Mkataba huo illipe Euro Milioni 500 ili aweze kuihama Real kabla ya Juni 39, 2022.