UBAGUZI: INFANTINO SASA AZINDUKA KUMFATA ‘MHANGA’ SULLEY MUNTARI!

MUNTARI-KADIRAIS wa FIFA Gianni Infantino amesema ataongea na Sulley Muntari kufuatia Mchezaji huyo kutoka Ghana anaechezea Pescara ya Italy kusakamwa Kibaguzi wakati wa Mechi ya SERIE A huko Italy.

Mbali ya kusakamwa huko, Muntari, mwenye Miaka 32, alipewa Kadi Nyekundu na Refa wa Mechi hiyo na Cagliari iliyochezwa Aprili 30 baada ya yeye kulalamika kwa Refa kuhusu Ubaguzi uliolengwa kwake na kususa kuendelea kucheza Mechi hiyo.

Muntari, aliewahi kuichezea Portsmouth ya England, alidai baadae kuwa FIFA na UEFA haitilii maanani Ubaguzi tofauti na huko England ambako matukio ya Kibaguzi hamna kabisa.

FIFA imekuwa ikisakamwa kwa kukivunja Chombo kilichokuwa kikifuatilia masuala ya Ubaguzi lakini Katibu Mkuu wa FIFA, Fatma Samba Diouf Samoura, amesema ilishatimiza wajibu wake na sasa wao wana Programu kamili kukabili Masuala ya Kibaguzi.

Akiongea huko Bahrain kabla Mkutano Mkuu wa Mwaka wa FIFA, Rais Infantino, ameahidi kumsapoti kikamilifu Muntari ambae Shirika la Soka la Italy, (FIGC), limefuta Kifungo chake cha Mechi 1 kutokana na Kadi Nyekundu yake.

Infantino amenena: “Nitaongea na Muntari na tutafanya kazi pamoja.”

Aliongeza: “Bahati mbaya tuna wapumbavu kila sehemu lakini lazima tupigane nao! Lazima tufanyie Watu kazi!”

Huko Italy, matukio ya Kibaguzi ni mengi mno na Jumamosi Mchezaji wa Juventus anaetoka Morocco, Medhi Benatia, alikatiza Mahojiano na Wanahabari baada ya kusikia kashfa za Kibaguzi.

ARSENE WENGER ASISITIZA KUTAKIWA ANG’OKE ARSENAL HAWEKI MOYONI!

>AJITETEA REAL MIAKA 5 , LIVERPOOL MIAKA 20 BADO KUWA BINGWA!

WENGER-HATIMAMENEJA wa Arsenal Arsene Wenger amesisitiza kutakiwa aondoke haweki Moyoni na hata yeye binafsi hujichukia wakifungwa.

Wenger, mwenye Miaka 67, hajabainisha kama atasaini Mkataba Mpya mwishoni mwa Msimu huu baada ule wa sasa kumalizika akiwa ameitumikia Arsenal Miaka 20 lakini kipindi hiki anasakamwa mno na Mashabiki ang’oke baada ya Klabu hiyo kushuka nje ya 4 Bora ya EPL, Ligi Kuu England na kutupwa nje ya UEFA CHAMPIONZ LIGI.

Tangu Wenger atue Arsenal Mwaka 1996 Timu hiyo imekuwa ikimaliza EPL ikiwa kwenye 4 Bora lakini Msimu huu sasa wapo Nafasi ya 6 wakiwa Pointi 6 nyuma ya Timu ya Nne Man City huku wakiwa wamebakisha Gemu 5.

Huku akisubiri Jumapili kumkaribisha Jose Mourinho na Man United yake hapo Jumapili huko Emirates kwenye Mechi ya EPL, Wenger amesisitiza kupondwa kwake hakuweki Moyoni.

Wenger amenena: “Mie niko kama Watu wote wengine, na napenda nipendwe lakini hilo naliacha. Kwa kweli najichukia mwenyewe kama Meneja kupita yeyote kama sishindi Gemu. Sipendi kufungwa!”

Arsenal hawajatwaa Ubingwa wa England tangu 2004 lakini wametwaa FA CUP mara 2 katika Misimu Mitatu iliyopita.

Lakini Wenger amenyoosha kidole kwa Wapinzani kuonyesha ni ngumu kutwaa Ubingwa.

Ameeleza: “Watu wanataka ushindi. Kama hutwai Ubingwa, FA CUP, CHAMPIONZ LIGI, ni maafa. Lakini sie tumebeba FA CUP mara 2 katika Miaka Mitatu na kumaliza Ligi Nafasi za 2, 3 na 4. Safari hii tupo tena Fainali ya FA CUP. Kwa ujumla hatufurahii kwani tunataka tushinde kila kitu!”

Ameongeza: “Lazima ukubali kwamba hata Real Madrid hawajatwaa Ubingwa kwa Miaka Mitano sasa. Ni Klabu kubwa ni ngumu. Liverpool hawajakuwa Bingwa Miaka 20!”

KLABU AFRIKA: DROO ZA MAKUNDI CAF CHAMPIONZ LIGI, KOMBE LA SHIRIKISHO ZAFANYIKA!

CAF-DROODROO za kupanga Makundi ya Mashindano makubwa kwa Klabu za Afrika zimefanyika hii Leo na Mabingwa Watetezi wa CAF CHAMPIONZ LIGI, Mamelodi Sundowns ya Afrika Kusini, kupewa Kundi C ambalo ni tata.

Pamoja nao ni Timu mpya kwenye hatua hii ya Mashindano hayo, Saint George ya Ethiopia, Esperance ya Tunisia na AS Vita Club ya Congo DR, wote hao wakiwa ni Mabingwa wa zamani wa Mashindano haya.

Vigogo wakubwa wa Sudan, Al Hilal na Al Merreikh, wote wapo Kundi A pamoja na Etoile du Sahel ya Tunisia na Klabu ya Mozambique Ferroviario Beira.

DROO KAMILI:

CAF CHAMPIONZ LIGI

KUNDI A

Etoile du Sahel (Tunisia)   

Al Hilal (Sudan)      

Al Merreikh (Sudan)

Ferroviario Beira (Mozambique)

KUNDI B

Zamalek (Egypt)

USM Alger (Algeria)

Al Ahly Tripoli (Libya),

CAPS United (Zimbabwe)

KUNDI C

Mamelodi Sundowns (South Africa, Mabingwa Watetezi)

Esperance (Tunisia)

AS Vita Club (DR Congo)

Saint George (Ethiopia)

KUNDI D

Al Ahly (Egypt)

Wydad Casablanca (Morocco)

Coton Sport (Cameroon)

Zanaco (Zambia)

**Mechi za Kwanza za Makundi zitachezwa Mei 12-14

CAF KOMBE LA SHIRIKISHO

KUNDI A

-KCC [Uganda]

-FUS de Rabat [Morocco]

-Rivers United [Nigeria]

-Clube Africain [Tunisia]

KUNDI B

-Platinum Stars [South Africa]

-CS Sfaxien [Tunisia]

-Mbabane Swallows [Swaziland]

-MC Alger [Algeria]

KUNDI C

-Zesco United [Zambia]

-Al Hilal [Sudan]

-Libolo [Angola]

-Smouha [Egypt]

KUNDI D

-SuperSport [South Africa]

-TP Mazembe [congo DR]

-Horoya AC [Guinea]

-Centre de Formation de Mounana [Gabon]

**Mechi za Kwanza za Makundi zitaanza Wikiendi ya Mei 13 na 14

 

 

TOKA TFF: KAMATI YA KATIBA, SHERIA NA HADHI ZA WACHEZAJI KUKAA JUMANNE - KUPITIA POINTI ZA 'CHEE' ZA SIMBA?

>CAF YAPTISHA VIWANJA VYA UHURU, CCM KIRUMBA KUTUMIKA KIMATAIFA

PRESS RELEASE NO. 287                  APRILI 15, 2017

KAMATI YA KATIBA, SHERIA NA HADHI ZA WACHEZAJI KUKAA JUMANNE

TFF-TOKA-SITKamati ya Katiba, Sheria na Hadhi za Wachezaji ya Shirikisho la Mpira wa Miguu Tanzania (TFF), inatarajiwa kukutana Jumanne Aprili 18, 2017 kwa lengo la kupitia uamuzi uliofanywa na Kamati ya Usimamizi na Uendeshaji Ligi Tanzania maarufu kwa jina la Kamati ya Saa 72.

Kwa mujibu wa Katiba ya TFF, Kamati ya Katiba, Sheria na Hadhi za Wachezaji ya TFF, ina mamlaka ya kutafsiri sheria na kanuni za mpira wa miguu nchini kama ilivyoainishwa kwenye katiba na sehemu ya utangulizi ya kanuni za Ligi Kuu ya Vodacom Tanzania Bara.

Kamati hiyo inakutana kutokana na ombi la timu ya Kagera Sugar ambayo imeomba kupitiwa upya uamuzi uliofanywa na Kamati ya Saa 72 ambayo kwa mujibu wa kanuni, ilitoa matokeo mapya ya mchezo kati ya timu hiyo na Simba uliofanyika Aprili 2, mwaka huu huko Uwanja wa Kaitaba mkoani Kagera.

Katika mchezo huo, Kagera Sugar ilishinda mabao 2-1, lakini Simba ilikata rufaa ikidai kuwa Kagera Sugar ilivunja kanuni ya 37 (4) ya Ligi Kuu ya Vodacom kwa kumchezesha mchezaji Fakhi Mohammed ambaye alidaiwa na Simba kuwa alikuwa na kadi tatu za njano katika mechi tofauti za Liku Kuu ya Vodacom. Hivyo, ikaadhibiwa kwa mujibu wa kanuni ya 37 (37) ambayo ilitoa pointi tatu na magoli matatu kwa Simba.

CAF YAPTISHA VIWANJA VYA UHURU, CCM KIRUMBA KUTUMIKA KIMATAIFA

Shirikisho la Mpira wa barani Afrika (CAF), limevipitisha Viwanja vya Uhuru, Dar es Salaam na CCM Kirumba, jijini Mwanza kwa ajili ya michuano mbalimbali ya kimataifa ngazi ya klabu na timu za taifa.

Shirikisho la Mpira wa Miguu Tanzania (TFF), linachukua nafasi hii kuwapongeza wamiliki viwanja hivyo kwa namna walivyoweza kutunza hadi kukidhi matakwa ya CAF.

Pongezi zinakwenda kwa Serikali ya Jamhuri ya Muungano wa Tanzania ambao kupitia Wizara ya Habari, Utamaduni, Sanaa na Michezo ndio wamiliki wa Uwanja wa Uhuru na Chama Cha Mapinduzi Mkoa wa Mwanza ambao ndio wamiliki wa Uwanja wa CCM Kirumba.

Viwanja hivyo vilikaguliwa hivi karibuni kwa nyakati tofauti na Mkaguzi wa CAF na FIFA, Maxwell Mtouga kwa kukagua vema na kutoa taarifa ambayo imefanya taasisi za CAF na FIFA - zinazoongoza mpira wa miguu, kupitisha viwanja hivyo kwa ajili ya kutumika kwa ajili ya mechi za kimataifa.

…………………………………………………………………………………………

IMETOLEWA NA SHIRIKISHO LA MPIRA WA MIGUU TANZANIA

POGBA: ‘MSINIHUKUMU KWA ADA YA UHAMISHO AU MAGOLI!’

MANUNITED-POGBA-WAYAPaul Pogba amesema asihukumiwe kwa Kiwango cha Ada yake ya Uhamisho au Magoli anayofunga kwani yupo wakati murua Klabuni Manchester United.

Pogba, ambae alivunja Rekodi ya Ada ya Uhamisho Duniani alipohama kutoka Juventus mwanzoni mwa Msimu huu, amesema anaamini anaandamwa pasipo na haki licha ya kuisaidia Man United kubeba EFL CUP pamoja na Ngao ya Jamii na bado wapo mawindoni kutwaa UEFA EUROPA LIGI.

Akiongea na Wanahabari kuelekea Mechi yao ya Robo Fainali ya huko Brussells, Belgium dhidi ya RSC Anderlecht ikiwa ni Mechi ya Kwanza ya Robo Fainali ya UEFA EUROPA LIGI, Pogba amejieleza vizuri tu.

Amesema: “Najisikia safi, kwa kweli. Tumetwaa Vikombe Viwili, lakini ni wazi nataka kufanya vyema zaidi. Nafanya vizuri, Timu ipo vizuri na tunatilia mkazo kubeba EUROPA LIGI na kupigania 4 Bora kwenye Ligi. Mie nimesahau Ada ya Uhamisho, hiyo imepita, naangalia Uwanjani na kufanya vyema kwa Timu yangu.”

Ameongeza: “Watu wanataka nifunge Magoli na wananihukumu kwa kutofunga Magoli, lakini hiyo ndio Soka. Wanataka nifunge kwa sababu ya Ada ya Uhamisho. Kazi yangu ni Kiungo, kutengeneza Mabao. Kama ningefunga yale Magoli yote yaliyopiga Posti [Mashuti 9], Watu wangekuwa kimya!”

Alipoulizwa tofauti ya Soka la Italy na England na hasa hii mara ya pili kucheza England, Pogba alijibu: “Huko Italy ni mbinu, Magoli machache. Lakini hapa England, ni kushambulia na ni ngumu. Timu 5 za juu na zile 2 za juu zinakaribiana mno. Hujui nini litatokea…tizama Arsenal kapigwa 3-0 na Crystal Palace!”

EPL, LIGI KUU ENGLAND

Ratiba:

Jumamosi Aprili 15

1430 Tottenham Hotspur v Bournemouth                  

1700 Crystal Palace v Leicester City                

1700 Everton v Burnley     

1700 Stoke City v Hull City

1700 Sunderland v West Ham United              

1700 Watford v Swansea City               

1930 Southampton v Manchester City             

Jumapili Aprili 16

1530 West Bromwich Albion v Liverpool 

1800 Manchester United v Chelsea        

Jumatatu

2200 Middlesbrough v Arsenal