UHAMISHO ENGLAND: HEKAHEKA ZISHAANZA, PATA MCHEZAJI YUPI KENDA WAPI HADI LEO, NANI KATEMWA!

UHAMISHO-SIT-17-18WAKATI Bosi wa Manchester City Pep Guardiola akiwa wa kwanza kabisa kuchupa kwenye harakati za Uhamisho mara tu baada ya Msimu kumalizika akijiweka sawa kwa Msimu Mpya wa 2017/18 unaoanza Agosti 12 kwa kumwaga Pauni Milioni 43 kumnunua Kiungo wa AS Monaco Bernardo Silva, Klabu nyingine nazo zishaanza kuchanganya.

Akimnunua Silva, Guardiola na City yake, pia walitangaza kuwaacha Wachezaji Watano ambao ni pamoja na Pablo Zabaleta ambae amejiunga na West Ham.

Nao Chelsea, Mabingwa Wapya wa England, hawajaingia kwa kishindo kwenye Mbio hizi za Uhamisho licha kuweka wazi kuwaacha Wachezaji wao Wawili.

HADI SASA HAYA NDIO YAMEJIRI KLABU KWA KLABU:

FAHAMU: Dirisha la Uhamisho litafunguliwa rasmi Julai 1 na Kufungwa Alhamisi Agosti 31 Saa 7 Usiku, Saa za Bongo.

**LISTI HII ITAKUWA IKIONGEZWA KADRI UHAMISHO UNAPOKAMILIKA/KUTHIBITIKA [Si Uvumi!].

Brighton & Hove Albion

Ndani

Pascal Gross - Ingolstadt - Ada Haikutajwa

Josh Kerr - Celtic - Ada Haikutajwa

Burnley

Nje

Michael Kightly - Wameachwa

Joey Barton - Wameachwa

George Green - Wameachwa

R J Pingling - Wameachwa

Christian Hill - Wameachwa

Taofiq Olmowewe - Wameachwa

Jon Flanagan – Mwisho wa Mkopo, anarudi Liverpool

Chelsea

Nje

Juan Cuadrado - Juventus - Ada Haikutajwa

Christian Atsu - Newcastle United - Ada Haikutajwa

Everton

Nje

Tom Cleverly - Watford - Ada Haikutajwa

Manchester City

Ndani

Bernardo Silva - Monaco (£43million)

Nje

Pablo Zabaleta - West Ham

Gael Clichy - Wameachwa

Jesus Navas - Wameachwa

Willy Caballero - Wameachwa

Baccary Sagna - Wameachwa

Newcastle United

Ndani

Christian Atsu - Chelsea - Ada Haikutajwa

Nje

Southampton

Nje

Cuco Martina - Wameachwa

Lloyd Isgrove - Wameachwa

Harley Willard - Wameachwa

Martin Caceres - Wameachwa

Swansea

Nje

Gerhard Tremmel - Wameachwa

Marvin Emnes - Wameachwa

Liam Shephard - Wameachwa

Josh Vickers - Wameachwa

Owain Jones - Wameachwa

Tom Dyson - Wameachwa

Tom Holland - Wameachwa

Alex Samuel - Stevenage - Ada Haikutajwa

Watford

Ndani

Tom Cleverly - Everton - Ada Haikutajwa

West Ham

Ndani

Pablo Zabaleta - Manchester City

Nje

Jonathan Calleri - Deportivo Maldonado – Mwisho wa Mkopo

Gokhan Tore - Besiktas - End of loan

Alvaro Arbeloa - Wameachwa

Sam Howes - Wameachwa

Sam Ford - Wameachwa

Kyle Knoyle - Wameachwa

Sam Westley - Wameachwa

ANTONIO CONTE WA MABINGWA CHELSEA NDIE MENEJA BORA WA MSIMU – LMA!

>ATWAA KOMBE SASA LINAITWA SIR ALEX FERGUSON!

CONTE-SIR ALEX-TROPHYMENEJA wa Mabingwa Wapya wa England Chelsea, Antonio Conte, ndie ameteuliwa kuwa Meneja Bora wa Msimu wa EPL, LIGI KUU ENGLAND, na Chama cha Mameneja wa Ligi [League Managers Association].

Uteuzi huo wa Conte ulitangazwa Jumatatu Usiku kwenye Hafla ya 25 ya Chakula cha Usiku iliyofanyika huko London na kukabidhiwa Kombe ambalo sasa linaitwa SIR ALEX FERGUSON LMA-WINNERSTROPHY.

Conte, akiwa kwenye Msimu wake wa kwanza tu na Chelsea, ambayo Msimu uliopita ilimaliza Nafasi ya 10 kwenye EPL, kutwaa Ubingwa wa England.

Msimu huu, Chelsea waliweka Rekodi ya kushinda Mechi 30 za EPL zikiwemo Mechi 13 mfululizo walizoshinda kuanzia Oktoba 1 na kumaliza Ligi wakiwa Mabingwa Pointi 7 mbele ya Timu ya Pili Tottenham.

Nae Chris Hughton ametwaa Tuzo ya Meneja Bora wa Mwaka kwenye Daraja la Championship baada kuiwezesha Brighton kupanda Daraja na kutua EPL.

Kutoka Ligi 1, Meneja Bora ni Bosi wa Sheffield United Chris Wilder kwa kuisaidia Northampton kupanda Daraja na kuingia Championship.

Ligi 2, Meneja Bora ni Paul Cook baada kuiwezesha Portsmouth kutwaa Ubingwa wa Daraja hilo na kupanda.

ENGLAND: MSIMU UJAO WACHEZAJI WANAOJIANGUSHA KUSUDI ‘KIFUNGONI’!

DIVING-SIMULATIONMSIMU ujao wa Soka huko England Wachezaji wanaojiangusha kusudi Uwanjani ili kumhadaa Refa sasa watakabiliwa na Kifungo kwa mujibu wa Kanuni Mpya.

Kanuni hiyo imepitishwa Leo kwenye Mkutano Mkuu wa Mwaka wa FA, Chama cha Soka England.

Kwa mujibu wa Kanuni hiyo, kutakuwepo na Jopo maalum litakalopitia Mikanda ya Mechi kila Jumatatu kufuatia Mechi za Wikiendi na kuchambua matukio ya kujiangusha kwa makusudi ili kumhadaa Refa.

Jopo hilo maalum, ikiwa litampata na hatia kwa kauli moja Mchezaji kwa Kosa hilo, basi atakabiliwa na Kifungo.

Lakini, kwa mujibu wa Kanuni hiyo Mpya, Matukio ambayo yatachunguzwa na kushushiwa Adhabu ni yale tu ambayo yamesababisha Penati au yatasababisha Mchezaji mwingine kutolewa nje kwa Kadi Nyekundu au Kadi za Njano 2 na hivyo kutolewa nje kwa Kadi Nyekundu.

FA imesisitiza ni kuwa yale Matukio Dhahiri ya Udanganyifu ndio yatashughulikiwa na Jopo hilo maalum.

Jopo hilo litakuwa na Watu Watatu ambao ni Refa wa zamani, Meneja wa zamani na Mchezaji wa zamani.

Ili Kanuni hii mpya ianze kutumika, pia inahitaji ridhaa za Bodi za EPL, Ligi Kuu England, Ligi za chini na Chama cha Wachezaji wa Kulipwa, PFA [Professional Footballers' Association].

Mfumo kama huu umekuwa ukitumika huko Scotland tangu 2011.

POGBA AFIWA NA BABA MZAZI!

POGBA-BABABABA Mzazi wa Kiungo wa Manchester United Paul Pogba amefariki Dunia akiwa na Miaka 79 baada ya kuugua.

Fassou Antoine Pogba aliihama Nchi yake Guinea kutoka Afrika na kwenda Paris, France akiwa na Miaka 30.

Mbali ya Paul Pogba, Watoto wake wengine ni Mapacha Florentin na Mathias ambao wote ni Wanasoka.

Wakati Pogba akiamua kuichezea France, Ndugu zake Florentin na Mathias wao waliamua kuiwakilisha Guinea.POGBA-BETHDEI

Familia ya Pogba ilithibitisha kwa Gazeti la France, Le Parisien, kuwa Mzee Fassou Antoine Pogba, aliekuwa akiugua, alifariki Jana Ijumaa.

Mwaka Jana kwenye Fainali za EURO 2016, Mzee Fassou alionekana Jukwaani Uwanjani akiwa na Wanawe Florentin na Mathias wakimshangilia Paul Pogba akiichezea France walipokutana na Switzerland.

Mwezi Machi Pogba alitoa Picha kwenye Instagram akisheherekea Siku ya Kuzaliwa ya Baba yake na kuandika: 'Happy birthday dear Dad, I feel blessed to be your son #pogdaddy #fighter #pogbance.'

Mzee Fassou alitua France akiwa hana hata Senti Moja lakini hakusahau Soka lake aliloanzia huko kwao Guinea na baadae kuendelea kuwa Kocha akiwafundisha pia Wanawe Watatu huko Roissy-en-Brie.

Mwaka 2016 alipohojiwa na Wanahabari alinena: “Nilicheza Soka Madaraja ya chini kupita nilivyotaka. Nilitaka Wanangu wacheze Madaraja ya juu, Nilikuwa mkali mno kwao walipokuwa wadogo na hilo liliwafanya wajifunze haraka. Ilifika wakati nafundisha Watoto wengine ili mradi Paul aweze kucheza akiwa na Miaka Minne, Mitano, Sita. Nilitaka wawe kiwango cha juu kabisa!”

LALA KWA AMANI, Baba yetu.

NEYMAR AFUNGUKA, AONGEA JUU YA MESSI, SUAREZ, KUIKOSA EL CLASICO!

BARCA-NEYMAR-TUTAHIVI KARIBUNI Straika wa Brazil na FC Barcelona Neymar alihojiwa na kuongea kuhusu maisha yake huko Catalonia akiwa Barcelona pamoja na Mastraika wenzake hatari kutoka Argentina na Uruguay, Lionel Messi na Luis Suarez.

Pia alizungumza kuhusu Kocha wa Barca Luis Enrique na kuhusu yeye kukosa kucheza El Clasico Mwezi Aprili wakati Barca ikiifunga Real 3-2 huko Bernabeu.

Lionel Messi, Luis Suarez and Neymar - maarufu kama MSN

Neymar:

- Kila mmoja ana uwezo wake na umuhimu wake kwa Timu. Tuna urafiki mkubwa ambao unatusaidia Uwanjani. Hili linarahisisha kufunga na kutengenezeana bnafasi. Tunataka Magoli mengi zaidi na Vikombe vingi zaidi. Tutaweka Historia!

Kuhusu Lionel Messi

- Lionel Messi anatoka sayari nyingine. Ni wa kuigwa, ni rafiki na najifunza nengi toka kwake. Namtakia kila heri!

Kubakia Barcelona

- Nataka kubaki hapa na ndio maana nimesaini Mkataba mpya. Ninafurahia kila kitu. Hapa ni Nyumbani!

Luis Enrique

- Inasikitisha. Tumekuwa nae Miaka Mitatu na tumepitia mengi mazuri. Ni mmoja wa Mameneja wazuri Duniani.

Mbio za Ubingwa wa La Liga

- Tuna Mechi ngumu na lazima tuwe bora au hatutashinda. Tujitilie mkazo wenyewe na tusiifikirie Real!

Kupewa Kadi Nyekundu ya Kwanza

Neymar alipewa Kadi Nyekundu kwenye Mechi na Malaga walipofungwa 2-0 na kisha kufungiwa Mechi 3 na kumfanya aikose El Clasico dhidi ya Real.

- Ile Kadi ya Njano ya kwanza si halali lakini ya pili ni sawa!

Kuikosa El Clasico

- Aipendi kuangalia Mpira Nyumbani. Ilibidi niikise El Clasico na iliniuma. Nechi ilipoisha tukaungana na wenzangu na kushereheke!