UJIO WA JESUS: GUARDIOLA ‘AMWONYESHA MLANGO’ AGUERO!

AGUERO-JESUSPEPPep Guardiola amesema anataka Sergio Aguero abakie Manchester City mwishoni mwa Msimu huu lakini hana hakika kama Straika huyo kutoka Argentina atabikia.

Katika Wiki za hivi karibuni, Aguero amekosa namba katika Kikosi cha City hasa baada ya kuanza kucheza kwa Straika wa Brazil Gabriel Jesus.

Licha ya kupasua kuwa Aguero ni Mchezaji mzuri na muhimu kwa City, lakini Guardiola ameshindwa kutamka kwa uhakika kama Straika huyo mwenye Miaka 28 atabakia City mwishoni mwa Msimu.

Akiongea na Wanahabari, Guardiola alitamka: “Mwishoni mwa Msimu sijui. Najua ni ngumu kupata Wafungaji wa kiwango cha juu na napenda abakie lakini sijui itakuwaje!”

Aguero, ambae ana Mkataba na City hadi 2020, ameifungia Klabu hiyo Mabao 154 tangu ajiunge nao 2011.

Wiki ilyopita, Aguero mwenyewe alibainisha hakuna uhakika kuhusu hatima yake na kutupa Mpira kwa Klabu na kusema ndiyo itakayoamua.

Nae Guardiola alikoleza kutokuwa na uhakika huo kwa kutamka: “Sababu za kutocheza Mechi 2 zilizopita ni kuwa Leroy Sane, Jesus na Raheem Sterling sasa wanacheza vizuri mno. Hiyo ndiyo sababu pekee Aguero hachezi!”

Leo City wako Ugenini huko Fitness Firt Stadium kuivaa Bournemouth katika Mechi ya EPL, Ligi Kuu England na ushindi kwao utawaweka Nafasi ya Pili wakiwa Pointi 8 nyuma ya Vinara Chelsea.