UEFA CHAMPIONZ LIGI: LEO LEICESTER-ATLETICO, REAL-BAYERN, NANI KWENDA NUSU FAINALI? PATA VIKOSI, DONDOO!

UCL, UEFA CHAMPIONZ LIGI

Robo Fainali

Marudiano

***Mechi zote kuanza Saa 3 Dak 45 Usiku

Jumanne Aprili 18

**Kwenye Mabano Matokeo Mechi ya Kwanza

Leicester City v Atletico Madrid [0-1]

Real Madrid v Bayern Munich [2-1]

++++++++++++++++++++++++++++

UCL-2016-17-1-1JUMANNE na Jumatano Usiku ni Mechi za Marudiano za Robo Fainali za UCL, UEFA CHAMPIONZ LIGI, ili kupata Washindi wa kusonga Nusu Fainali.

Jumanne zipo Mechi Mbili ambapo huko King Power Stadium, Mabingwa wa England Leicester City wanarudiana na Klabu ya Spain Atletico Madrid ambao Wiki iliyopita walishinda 1-0.

LEICESTER CITY v ATLETICO MADRID

-King Power Stadium, Leicester, England

Leicester City wanapaswa kupindua kipigo cha 1-0 walichopewa Wiki iliyopita huko Vicente Calderon Jijini Madrid ili wasonge kutinga Nusu Fainali.

Leicester wanakabiliwa na upungufu huku Nahodha wao Wes Morgan akiwa bado ana hatihati kucheza hii Leo baada ya kuzikosa Mechi 6 zilizopita akiuguza Mgongo wake huku pia Sentahafu mwenzake Robert Huth akikosekana kwa kuwa Kifungoni.

Kwa upande wa Atletico wao watajumuika nae Straika wa France Kevin Gameiro ambae alizikosa Mechi 5 zilizopita akiuguza Nyonga na pia Koke, Saul Niguez, Gabi na Antoine wote watarejea Uwanjani baada ya Wikiendi iliyopita kupumzishwa kwenye Mechi waliyowafunga Osasuna 3-0 kwenye La Liga.

VIKOSI VINATARAJIWA KUWA:

LEICESTER: Schmeichel; Simpson, Morgan, Benalouane, Fuchs; Mahrez, Ndidi, Drinkwater, Albrighton; Okazaki; Vardy.

NJE: Huth (Kifungoni), Mendy (Majeruhi), Wague (Majeruhi)

ATLÉTICO MADRID: Oblak; Juanfran, Savić, Godín, Filipe Luís; Carrasco, Saúl, Gabi, Koke; Griezmann, Gameiro.

NJE - Majeruhi: Vrsjalko, Augusto Fernández

REFA: Gianluca Rocchi (Italy)

REAL MADRID v BAYERN Munich

-Santiago Bernabeu, Madrid, Spain

Real Madrid wapo kwenye usukani kutinga Nusu Fainali baada ya Wiki iliyopita kuifunga Bayern Munich 2-1 huko Allianz Arena Jijini Munich Germany.

Kwenye Mechi hiyo, Bayern walitangulia 1-0 lakini Mchezaji Bora Duniani Cristiano Ronaldo akafunga Bao 2 na kuwapa ushindi wa 2-1 Real huku yeye binafsi akiweka Rekodi ya kuwa Mchezaji wa Kwanza kabisa kufikisha Bao 100 katika Mashindano ya Klabu Ulaya.

Kwenye Mechi hii, Real watamkosa Fowadi wao Gareth Bale alieumia Enka Wiki iliyopita lakini Bayern watakuwa nae Straika wao Robert Lewandowski baada ya kuikosa Mechi ya Wiki iliyopita kutokana na maumivu ya Bega.

+++++++++++++

JE WAJUA?

-Bayern wamefungwa Mechi 8 kati ya 10 walizocheza mwisho na Bayern Uwanjani Santiago Bernabeu wakishinda 2 na mara ya mwisho ni 2001 huku wakipoteza 5 zilizopita.

-Real wametinga Nusu Fainali ya UCL kwa Misimu 6 mfululizo iliyopita na safari hii wakisonga hii itakuwa ni Rekodi.

+++++++++++++

Lewandowski ndie tegemezi kubwa la Bayern kwa Mabao akiwafungia Bao 38 katika Mechi 40 Msimu huu.

VIKOSI VINATARAJIWA KUWA:

REAL MADRID: Navas; Carvajal, Ramos, Nacho, Marcelo; Kroos, Casemiro, Modrić; Isco, Benzema, Ronaldo.

NJE - Majeruhi: Pepe, Varane, Bale

BAYERN MUNICH: Neuer; Lahm, Alonso, Alaba, Bernat; Vidal, Thiago; Robben, Ribéry; Lewandowski, Müller.

NJE - Kifungo:  Javi Martínez

REFA: Viktor Kassai (Hungary)

UEFA CHAMPIONZ LIGI

Robo Fainali

Marudiano

***Mechi zote kuanza Saa 3 Dak 45 Usiku

Jumatano Aprili 19

**Kwenye Mabano Matokeo Mechi ya Kwanza

Barcelona v Juventus [0-3]

Monaco v Borussia Dortmund [3-2]

++++++++++++++++++++++++++++

TAREHE MUHIMU:

MECHI ZA MTOANO:

11–12/04/17: Robo Fainali, Mechi ya Kwanza

18–19/04/17: Robo Fainali, Mechi ya Pili

02–03/05/17: Nusu Fainali, Mechi ya Kwanza

09–10/05/17: Nusu Fainali, Mechi ya Pili

03/06/17: Fainali (National Stadium of Wales, Cardiff)

 

 

 

FAINALI KOMBE LA DUNIA 2026: USA, CANADA & MEXICO KUOMBA UENYEJI WENZA!

FIFA-WC2026-TIMU48United States, Canada na Mexico zimetangaza kuwa wataombankuwa Wenyeji Wenza wa Fainali za Kombe la Dunia za Mwaka 2026.

Fainali hizo ndio zitakuwa ndio za kwanza kushirikisha Timu 48 kutoka 32 za sasa.

Baada kuchezwa huko Brazil Mwaka 2014 na Germany kuibuka Mabingwa wa Dunia, Fainali zijazo zitachezwa huko Russia Mwaka 2018 na zifuatazo ni 2022 huko Qatar.

Ikiwa maombi hayo yatapita hii itakuwa mara ya kwanza kwa Nchi 3 kuwa Wenyeji Wenza wa Fainali za Kombe la Dunia.

Mwaka 2000 Korea Kusini na Japan waliendesha kwa pamoja Fainali za Kombe la Dunia na Brazil kuibuka Bingwa.

Mapendekezo ya Nchi hizo 3 ni kuwa USA itakuwa na Mechi 60 wakati huko Canada na Mexico zitachezwa Mechi 10 kwa kila mmoja.

Uamuzi wa nani atakuwa Mwenyeji wa Fainali za Kombe la Dunia za Mwaka 2026 utafanywa Mwaka 2020.

Wakati Canada haijawahi kuwa Mwenyeji wa Fainali za Kombe la Dunia, USA ilikuwa Mwenyeji Mwaka 1994 na Mexico kuwa Mwenyeji mara mbili, 1970 na 1986, na kuwa Nchi ya kwanza kuwa Mwenyeji mara mbili.

Kwa mujibu wa taratibu za FIFA, Fainali za 2016 haziwezi kuombwa na Nchi za Mabara ya Ulaya na Asia kwa sababu zile za kabla yake, 2018 na 2022, zitachezwa Barani humo. Qatar.

FIFA LISTI UBORA DUNIANI: BRAZIL NAMBARI WANI, EGYPT JUU AFRIKA, TANZANIA YAPANDA 22!

FIFA-RANKINGSWAKATI Brazil imekamata Nambari Wani Duniani katika Listi ya Ubora Duniani iliyotolewa hii Leo na FIFA, Tanzania imechomoka kutoka Nafasi ya 157 iliyoshikilia Mwezi uliopita na kupanda Nafasi 22 juu.

Brazil imerejea kileleni kwa mara ya kwanza baada ya Miaka 6 na hili limekuja baada ya mafanikio makubwa chini ya Kocha wao Tite ambae ameshinda Mechi 9 mfululizo tangu atwae wadhifa Mwaka Jana wakifunga Bao 25 na kufungwa 2 tu.

Hivi karibuni Brazil ilishinda Mechi zake zote 2 za Kundi la Nchi za Marekani ya Kusini na kuwa Nchi ya Kwanza kufuzu kuingia Fainali za Kombe la Dunia za Mwaka 2018 huko Russia.

Wiki iliyopita, Brazil kwanza iliifunga Uruguay 4-0 huko Montevideo na Siku 3 baadae kuichapa 3-0 Paraguay huko Sao Paolo, Brazil.

Brazil wameitoa Argentina kwenye Namba 1 ya Listi ya Ubora baada ya Argentina hivi karibuni kushinda Mechi 1 tu, walipoifunga Chile 1-0, na kisha kuchapwa 2-0 na Bolivia.

Argentina sasa wameshika Namba 2 baada kukaa kileleni kwa Miezi 12 walipowang'oa Mabingwa wa Dunia Germany ambao sasa wako Nafasi ya 3.

Katika 10 Bora Nchi pekee mpya ni Switzerland ambayo ipo wa 9 baada ya kuifunga Latvia 1-0 kwenye Mechi ya Kundi lao la Ulaya la kusaka kufuzu kucheza Fainali za Kombe la Dunia za Mwaka 2018.

Nao Vigogo Netherlands, baada ya Wiki hii kuchapwa na Bulgaria na Italy, wamezidi kuporomoka kwa Nafasi 11 na kuangukia Nafasi ya 32 ikiwa ndio Nafasi ya chini kabisa katika Historia yao.

Wengine walioporomoka mno ni Uruguay walioshuka Nafasi 6 na kuangukia Nafasi ya 15 baada Wiki hii kuchapwa na Brazil na Peru.

Wakati Egypt ndiyo Timu ya juu kabisa kwa Afrika ikishika Nafasi ya 19, Tanzania sasa ipo Nafasi ya 135 ikitokea Nafasi ya 157 baada ya kuzifunga Botswana na Burundi Nchi ambazo ziko juu yake.

FIFA LISTI YA UBORA DUNIANI – 20 BORA:

1       Brazil

2       Argentina

3       Germany

4       Chile

5       Colombia

6       France

7       Belgium

8       Portugal

9       Switzerland

10      Spain

11      Poland

12      Italy

13      Wales

14      England

15      Uruguay

16      Mexico

17      Peru

18      Croatia

19      Egypt

20      Costa Rica

 

WENGER ADOKEZA KUBAKI ARSENAL ILA WACHEZAJI WAPYA KULETWA NA KLABU SI YEYE!

>NI KILIO KWA WADAU WA ‘NI ARSENAL FC SI ARSENE FC’!

WENGER-OUT-APR1Arsene Wenger amedokeza kubakia Klabuni Arsenal pale alipotoboa anafanya mipango kwa ajili ya Msimu Mpya lakini akasema Wachezaji Wapya watatua hapo kwa ajili ya Klabu na si yeye.

Hata hivyo, Wenger amesisitiza mipango ya Msimu Mpya anaifanya hata kama angekuwa anaondoka mwishoni mwa Msimu huu.

Habari hizi zitakuja kama pigo kubwa kwa Washabiki wanaoshinikiza Wenger aondoke kwa kutoleta mafanikio yeyote tangu 2004 walipotwaa Ubingwa wa England kwa mara ya mwisho.

Wadau hao, wenye Kampeni iliyobatizwa ‘NI ARSENAL FC SI ARSENE FC’, ni wazi watakatishwa tamaa na habari hizi baada ya presha yao kupamba moto hasa baada ya Arsenal kucharazwa 10-2 katika Mechi 2 na Bayern Munich na kutupwa nje ya UCL, UEFA CHAMPIONZ kwenye Raundi ya Mtoano ya Timu 16 ikiwa ni mara ya 7 mfululizo kufeli Hatua hiyo ya Mashindano hayo.

Inaelekea sasa Wenger atasaini Mkataba Mpya wa Miaka Miwili na moja ya Wachezaji Wapya ambao Wenger amependekeza watue Emirates ni Mchezaji wa Borussia Dortmund, Marco Reus.

Pia inasemekana Wenger sasa anasaka mbadala wa Mesut Ozil na Alexis Sanchez ambao inadaiwa wako mbioni kuhama licha ya Wenger mwenyewe kutamka Juzi wanataka kubaki na mazungumzo nao yanaendelea vizuri.

Akiosha mikono kuwa Wachezaji wapya hutua Arsenal si kwa sababu yake, Wenger ametamka: “Arsenal ni Brandi ya Dunia hivi Leo, inaheshimika Dunia nzima. Jina la Arsenal ni kubwa kupita Jina langu na kuja Arsenal ni muhimu…huji kwa Arsene Wenger..unakuja kwa Arsenal!”

KOMBE LA DUNIA 2026: FIFA YATOA MGAO WA TIMU FAINALI ZA TIMU 48!

>AFRIKA YAPEWA 9 TOKA 5 ZA SASA!

FIFA-WC2026-TIMU48FIFA imetoboa mipango yake ya jinsi Nafasi 48 za kwenye Fainali za Kombe la Dunia za Mwaka 2026 zitakavyogawiwa.

Fainali hizo, ambazo Mwenyeji wake hajaamuliwa, zitafuatia zile za 2018 zitakazochezwa Russia na zile za 2022 ambazo zitakuwa Qatar.

Mapendekezo haya ya FIFA, yaliyopitishwa na Rais wa FIFA pamoja na Mashirikisho yote 6 Mabara ya FIFA, yanatarajiwa kupata baraka za Baraza la FIFA hapo Mei 9.

Mwezi Januari, Wanachama wa FIFA walipiga Kura na kuamua kuzipanua Fainali za Kombe la Dunia kutoka Timu 32 za sasa hadi 48.

MGAO wa Nchi kwenye Fainali:

-Mashirikisho 6 ya Mabara ya FIFA [UEFA/CAF/CONMEBOL/CONCACAF/AFC/OCAENIA] yatakuwa na si chini ya Timu 1 kwenye Fainali huku kukiwa hamna Mechi za Mchujo kati ya Nchi za Mashirikisho hayo kama ilivyon sasa.

-Mwenyeji wa Fainali anatinga moja kwa moja Fainali na nafasi yake itatoka kwenye ile ya Shirikisho lake.

-Mgao wa Nafasi 46 [Bado 2 zitatoka Mchujo]:

Africa - 9 (toka 5)

Asia - 8 (toka 4 au 5)

Europe - 16 (toka 13)

North, Central America and Caribbean - 6 (toka 3 au 4)

Oceania - 1 (toka 0 au 1)

South America - 6 (toka 4 au 5)

Mechi za Mchujo za kupata Timu 2 za mwisho kucheza Fainali:

Timu 6 zitacheza Mechi za Mchujo ili kuamua Nafasi 2 za Fainali zilizobakia.

Kila Shirikisho la FIFA litatoa Nchi 1, isipokuwa UEFA, na moja itatoka kwenye Shirikisho la Nchi Mwenyeji wa Fainali za 2026.

Inapekezwa Mechi za Mchujo kuchezwa Novemba 2025 katika Nchi Mwenyeji wa Fainali za Kombe la Dunia za Mwaka 2026.