FIFA LISTI YA UBORA DUNIANI: ARGENTINA BADO 1, BRAZIL 2, TANZANIA YAPANDA NAFASI 4!!

FIFA-RANKINGSFIFA Leo hii imetoa Listi ya Ubora Duniani ambayo ni ya mwisho kwa Mwaka 2016 na Argentina wameendelea kushika Nambari 1 wakifuata Brazil.

Tanzania imepanda Nafasi 4 na sasa ipo ya 156 kutoka ile ya 160 ya Mwezi uliopita.

Mwezi Januari Mwaka huu Tanzania ilikuwa ya 126 na kupanda hadi 125 Mwezi Februari, kushuka 130 Aprili na kuyumba lakini Julai ikawa ya 123 na baada ya hapo mporomoko ukafuatia.

Kwa Bara la Afrika, Timu inayoshika Nafasi ya juu kabisa ni Senegal ambao ni wa 33 wakifuata Mabingwa wa Afrika Ivory Coast walio Nafasi ya 34 kisha Tunisia 35, Egypt 36 na Algeria 38.

10 BORA:

1. Argentina

2. Brazil

3. Germany

4. Chile

5. Belgium

6. Colombia

7. France

8. Portugal

9. Uruguay

10. Spain

FIFA KOMBE LA DUNIA KWA KLABU: MCHEZAJI BORA DUNIANI RONALDO AIBEBESHA REAL UBINGWA WA DUNIA!

FIFA-WC-2016-RONALDOMchezaji Bora Duniani Cristiano Ronaldo Leo amepiga Bao 3 na kuwawezesha Real Madrid kutwaa Kombe la Ubingwa kwenye Fainali ya Mashindano ya FIFA ya Kombe la Dunia kwa Klabu huko Yokohama International Stadium Nchini Japan kwa kuwachapa Wenyeji wao Kashima Antlers 4-2 kwenye Mechi iliyokwenda Dakika 120 baada ya Sare 2-2 katika Dakika 90.

Real walitangulia kufunga kupitia Karim Benzema na Kashima kujibu kwa Bao kabla Haftaimu na jingine mara tu baada ya Haftaimu zote zikifungwa na Gaku Shibasaki.

Real walisawazisha kwa Penati iliyofungwa na Ronaldo ambayo ilitolewa baada ya Lucas Vazquez kuangushwa kwenye Boksi na Shuto Yamamoto.

Hadi Dakika 90 kwisha Bao zilikuwa 2-2 na Mechi kwenda Dakika 30 za Nyongeza na ndipo Ronaldo alipopiga Bao 2 zaidi na kuwapa Real Uningwa wa Dunia kwa ushindi wa 4-2.

Ushindi huu wa Leo umeendeleza wimbi la Real kutofungwa katika Mechi 37.

++++++++++++++++++++++++++++++

MAGOLI:

Real Madrid 4

-9’ Karim Benzema

-60’, 98 & 104’ Cristiano Ronaldo [Bao la Pili kwa Penati]

Kashima Antlets 2

-44’ & 52’ Gaku Shibasaki

++++++++++++++++++++++++++++++

Ushindi huu wa Real umeletwa kwa mchango mkubwa wa Ronaldo ambae mapema Wiki hii alizoa Tuzo ya Mchezaji Bora Duniani, Ballon d'Or, na pia kuukamilisha Mwaka mwema kwake ambao yeye ndie alifunga Penati ya Ushindi kwenye Fainali ya UEFA CHAMPIONZ LIGI Mwezi Mei na kuwapa Ubingwa Real wakati pia Mwezi Julai, akiwa Nahodha wa Portugal, aliiongoza Nchi yake kutwaa EURO 2016, Ubingwa wa Mataifa ya Ulaya.

Pia Hetitriki ya Leo imemuweka kuwa Mchezaji wa Kwanza kabisa kupiga Bao 3 katika Fainali ya Kombe la Dunia kwa Klabu.

Hii pia ni mara ya 3 kwa Ronaldo kutwaa Kombe hili na mara nyingine alitwaa akiwa na  Manchester United Mwaka 2008 na Real Mwaka 2014.

Vile vile, Ronaldo ameweka Rekodi ya kufunga Goli nyingi, Bao 5, kwenye Fainali za Mashindano haya akifungana na Mchezaji mwingine.

VIKOSI:

Real Madrid: Navas; Carvajal, Ramos, Varane, Marcelo; Casemiro, Modric, Kroos; Vazquez, Ronaldo, Karim Benzema

Kashima Antlers: Sogahata; Daigo, Shoji, Ueda, Nagaki; Yamamoto, Endo, Mitsuo, Shibasaki, Shoma; Kanazaki

REFA Janny Sikazwe [Zambia]

FIFA KOMBE LA DUNIA KWA KLABU

Ratiba/Matokeo

**Saa za Bongo

Alhamisi Des 8

Kashima Antlers 2 Auckland City 1

Jumapili Des 11

Robo Fainali

Jeonbuk Hyundai Motors 1 América 2

Mamelodi Sundowns 0 Kashima Antlers 2

Jumatano Des 14

Mshindi wa 5

Jeonbuk Hyundai Motors 4 Mamelodi Sundowns 1

Nusu Fainali

Atlético Nacional 0 Kashima Antlers 3

Alhamisi Des 15

Club América 0 Real Madrid 2

Jumapili Des 18

Mshindi wa 3

Atletico Nacional 2 Club America 2 [Penati 4-3]

Fainali

Kashima Antlers 2 Real Madrid 2 [4-2, Real Mabingwa baada ya Dakika 120]

FIFA KOMBE LA DUNIA KWA KLABU: MCHEZAJI BORA DUNIANI RONALDO APIGA BAO REAL IKITINGA FAINALI!

RONALDO-CLUBAMERICAMABINGWA wa Ulaya Real Madrid wakiongozwa na Mchezaji Bora Duniani Cristiano Ronaldo Leo wametinga Fainali ya Mashindano ya FIFA ya Kombe la Dunia kwa Klabu huko Yokohama International Stadium Nchini Japan kwa kuwachapa Club America Bao 2-0.

Bao za Real, ambao sasa wamefikisha Mechi 36 mfululizo bila kufungwa, zilifungwa na Karim Benzema na Cristiano Ronaldo katika Dakika za 47, kipindi cha Kwanza, na 93.

Lakini Bao la Pili, ambalo alifunga Ronaldo, ilibidi lipasishwe na VARs, Msaada wa Teknolojia ya Video, ambalo liliangaliwa kwenye Video pembezoni mwa Uwanja kama lilikuwa Ofsaidi au la.

Hatimae Bao hilo likakubaliwa.

Kwenye Fainali, hapo Jumapili, Real watavaana na Kashima Antlers ambayo ni Klabu Wenyeji kutoka Japan.

Ikiwa Real watatatwaa Taji hili basi litakuwa ni Kombe la Dunia lao la Pili katika Kipindi cha Miaka Mitatu.

++++++++++++++++++++++++++++++

JE WAJUA?

KOMBE LA DUNIA KWA KLABU:
-
Kombe la Dunia kwa Klabu hushirikisha Klabu Bingwa za Mabara 6 ya Mashirikisho ya Soka Wanachama wa FIFA pamoja na Klabu Bingwa ya Nchi Wenyeji Japan.

VARs:

- Mfumo wa Majaribio uitwao VARs, Video Assistant Referees.

Mfumo wa Video kusaidia maamuzi ya Marefa Uwanjani, VARs [Video Assistant Referes] umefanyiwa Majaribio rasmi ya FIFA kwa mara ya kwanza katika Mechi ya Kimataifa hapo Septemba 1 wakati Italy ilipocheza na France huko Bari.

Kwenye Mfumo huo wa Video, Refa Msaidizi anakuwepo pembeni mwa Uwanja na anakuwa na Mawasiliano na Refa wa Mechi wakati wote wa Mechi hiyo akipitia Video bila kusitisha Mechi.

Ikiwa litatokea tukio ambalo Refa Msaidizi ameliona atamtonya Refa wa Mechi ambae ana ruksa ya kuukubali ushauri huo au au akaamua mwenyewe kwenda pembeni kutizama na kuliptia tukio na kutoa uamuzi wake.

Ama Refa huyo anaweza kumuomba Refa Msaidizi kulipitia tukio ili ampe ushauri.

++++++++++++++++++++++++++++++

Kabla ya Fainali hapo Jumapili, itakuwepo Mechi ya kusaka Mshindi wa 3 kati ya Atletico Nacional na Club America.

VIKOSI:

Real Madrid (Mfumo 4-3-3): Navas; Carvajal, Varane, Nacho, Marcelo; Kroos, Casemiro, Modric; Lucas, Benzema, Ronaldo.

Akiba: Yanez, Casilla, Pepe, Ramos, James, Coentrao, Kovacic, Mariano, Asensio, Morata, Isco, Danilo.

America (Mfumo 4-3-3): Munoz; Alvarado, Valdez, Goltz, Aguilar; Samudio, Da Silva; Sambueza; Ibarra, Peralta, Romero.

Akiba: Gonzalez, Buron, Pimental, Guemez, Martinez, Arroyo, Leon, Mares, Guerrero, Quintero, Alvarez.

REFA: Enrique Patricio Cáceres [Paraguay]

FIFA KOMBE LA DUNIA KWA KLABU

Ratiba/Matokeo

**Saa za Bongo

Alhamisi Des 8

Kashima Antlers 2 Auckland City 1

Jumapili Des 11

Robo Fainali

Jeonbuk Hyundai Motors 1 América 2

Mamelodi Sundowns 0 Kashima Antlers 2

Jumatano Des 14

Mshindi wa 5

Jeonbuk Hyundai Motors 4 Mamelodi Sundowns 1

Nusu Fainali

Atlético Nacional 0 Kashima Antlers 3

Alhamisi Des 15

Club América 0 Real Madrid 2

Jumapili Des 18

Mshindi wa 3

1000 Atletico Nacional v Club America

Fainali

1300 Kashima Antlers v Real Madrid

FIFA KOMBE LA DUNIA KWA KLABU: VARs YATUMIKA KWA MARA YA KWANZA KUTOA PENATI, WENYEJI KASHIMA WATINGA FAINALI!

VARS-REFA-KASSAIWENYEJI Kashima Antlers Leo wametinga Fainali ya Mashindano ya FIFA ya Kombe la Dunia kwa Klabu huko Suita City Stadium Nchini Japan kwa kuwachapa Atletico Nacional Bao 3-0 huku Bao lao la Kwanza likifungwa kutokana Msaada wa Teknolojia ya VARs kuwapa Penati.

Refa Msaidizi aliekuwa nje ya Uwanja akichambua Mechi kwenye Video alimbonyeza Refa wa Mechi hiyo Viktor Kassai kutoka Hungary kuhusu Kosa la Orlando Berrio Mchezaji wa Attletico ndani ya Boksi na Kassai kwenda pembeni ya Uwanja kuliangalia tukio hilo kwenye Kompyuta na kuafiki ni Penati.

Penati hiyo ilitolewa kwenye Dakika ya 33 na Shoma Doi kufunga na Kashima kuongoza 1-0.

Bao nyingine za Kashima zilifungwa Dakika za 83 na 85 Wafungaji wakiwa Yasushi Endo na Yuma Suzuki.

 ++++++++++++++++++++++++++++++

JE WAJUA?
-
Kombe la Dunia kwa Klabu hushirikisha Klabu Bingwa za Mabara 6 ya Mashirikisho ya Soka Wanachama wa FIFA pamoja na Klabu Bingwa ya Nchi Wenyeji Japan.

VARS:

- Mfumo wa Majaribio uitwao VARs, Video Assistant Referees.

Mfumo wa Video kusaidia maamuzi ya Marefa Uwanjani, VARs [Video Assistant Referes] umefanyiwa Majaribio rasmi ya FIFA kwa mara ya kwanza katika Mechi ya Kimataifa hapo Septemba 1 wakati Italy ilipocheza na France huko Bari.

Kwenye Mfumo huo wa Video, Refa Msaidizi anakuwepo pembeni mwa Uwanja na anakuwa na Mawasiliano na Refa wa Mechi wakati wote wa Mechi hiyo akipitia Video bila kusitisha Mechi.

Ikiwa litatokea tukio ambalo Refa Msaidizi ameliona atamtonya Refa wa Mechi ambae ana ruksa ya kuukubali ushauri huo au au akaamua mwenyewe kwenda pembeni kutizama na kuliptia tukio na kutoa uamuzi wake.

Ama Refa huyo anaweza kumuomba Refa Msaidizi kulipitia tukio ili ampe ushauri.

++++++++++++++++++++++++++++++

Katika Mechi nyingine iliyochezwa mapema Leo huko huko Japan kusaka Mshindi wa 5, Jeonbuk Hyundai Motorsya Korea iliwafumua Mabingwa wa Afrika Mamelodi Sundowns kutoka Afrika Kusini Bao 4-1.

Kwenye Nusu Fainali iliyobaki na ambayo itachezwa Alhamisi, Club America watacheza na Real Madrid na Mshindi

FIFA KOMBE LA DUNIA KWA KLABU

Ratiba/Matokeo

**Saa za Bongo

Alhamisi Des 8

Kashima Antlers 2 Auckland City 1

Jumapili Des 11

Robo Fainali

Jeonbuk Hyundai Motors 1 América 2

Mamelodi Sundowns 0 Kashima Antlers 2

Jumatano Des 14

Mshindi wa 5

Jeonbuk Hyundai Motors 4 Mamelodi Sundowns 1

Nusu Fainali

Atlético Nacional 0 Kashima Antlers 3

Alhamisi Des 15

1300 Club América v Real Madrid

Jumapili Des 18

1000 Atletico Nacional v Club America/Real Madrid

1300 Kashima Antlers v Club America/Real Madrid

FIFA KOMBE LA DUNIA KWA KLABU: LEO NUSU FAINALI WENYEJI KASHIMA NA ATLETICO!

==ALHAMISI RONALDO NA REAL DIMBANI KUIVAA CLUB AMERICA!
FIFA-CLUB-WC2016LEO Nusu Fainali ya kwanza ya Mashindano ya FIFA ya Kombe la Dunia kwa Klabu itachezwa huko Suita City Football Stadium Nchini Japan kati ya Wenyeji Kashima Antlers na Atletico National ya Colombia.
Wakati Atletico wakianzia hatua hii, Kashika walitoka Raundi za Awali na kwenye Robo Fainali kuwabwaga Klabu Bingwa ya Afrika Mamelodi Sundowns ta Afrika Kusini.
Nusu Fainali nyingine itachezwa Kesho Alhamisi huko International Stadium Mjini Yokohama Nchini Japan kati ya Club America ya Mexico na Real Madrid wanaoanzia hatua hii.
Mvuto mkubwa wa Mechi hiyo ni kumuona Staa wa Real Cristiano Ronaldo akicheza Mechi yake ya kwanza tangu Juzi atwae Tuzo ya Mchezaji Bora Duniani kwa Mwaka 2016 ijulikanayo kama Ballon D'oR.
++++++++++++++++++++++++++++++
JE WAJUA?
-Kombe la Dunia kwa Klabu hushirikisha Klabu Bingwa za Mabara 6 ya Mashirikisho ya Soka Wanachama wa FIFA pamoja na Klabu Bingwa ya Nchi Wenyeji Japan.
++++++++++++++++++++++++++++++
Lakini kabla ya Mechi hiyo ya Nusu Fainali ya Leo itapigwa Mechi ya kusaka Mshindi wa 5 kati ya Jeonbuk Hyundai Motors na Mamelodi Sundowns.
FIFA KOMBE LA DUNIA KWA KLABU
Ratiba/Matokeo
**Saa za Bongo
Alhamisi Des 8
Kashima Antlers 2 Auckland City 1
Jumapili Des 11
Robo Fainali
Jeonbuk Hyundai Motors 1 América 2
Mamelodi Sundowns 0 Kashima Antlers 2
Jumatano Des 14
Mshindi wa 5
1030 Jeonbuk Hyundai Motors v Mamelodi Sundowns
Nusu Fainali
1330 Atlético Nacional v Kashima Antlers
Alhamisi Des 15
1300 Club América v Real Madrid
Jumapili Des 18
1000 Kusaka Mshindi wa 3
1300 Fainali