SCHOLES: MAN UNITED INAHITAJI WAPYA 5 KUISHIKA CHELSEA!

PAUL-SCHOLESKiungo wa zamani wa Manchester United Paul Scholes ametoboa kuwa Timu yake hiyo inahitaji kujiimarisha Msimu ujao.
Scholes anaamini, Man United, chini ya Meneja Louis van Gaal, inahitaji Mabeki Wawili, Kiungo na Straika mmoja moja na Golikipa ikiwa David De Gea atahamia Real Madrid.
Man United tayari ishaanza kujiimarisha kwa kumchota Fowadi Chipukizi wa Holland, Memphis Depay, kutoka PSV Eindhoven.
Lakini Scholes anafikiria Van Gaal bado anahitajika kumwaga Fedha nyingi zaidi ikiwa watataka kuibwaga Chelsea kutoka kwenye Ubingwa.
Akiongea na Sky Sports, Scholes alieleza: "Nadhani United itatazama kumnunua Sentahafu, Fulbeki wa Kulia, pengine Kipa, Sentafowadi wa kiwango cha juu na hata Winga na hao ni Wachezaji Watano!"
Aliongeza: "Tumewaona kwenye Gemu kubwa na Timu kubwa na hawako mbali. Pengine wamecheza vizuri dhidi ya Timu kubwa. Ikiwa wataendeleza mtiririko huo dhidi ya Timu za chini na kati kwenye Tebo basi wana nafasi."
Scholes alisema: "Inabidi wajiimarishe kuzikabili Chelsea na Man City. Arsenal hawanitii wasiwasi."
Kuhusu kuondoka kwa Kipa De Gea, Scholes amesema Watu wasimlaume kwa vile Kipa huyo anatoka Spain na Real Madrid ikimtaka Mtu kawaida humpata kwa Dau lolote lile.

STAA MPYA WA MAN UNITED MEMPHIS DEPAY AZOA TUZO MCHEZAJI BORA KIJANA UHOLANZI!

Memphis-DepayMfungaji Bora wa Ligi Kuu ya Holland iitwayo Eredivisie, Memphis Depay, ameteuliwa kuwa ndio Mshindi wa Kombe la Johan Cruyff.
Tuzo hii ya Johan Cruyff Trophy hupewa kwa Mchezaji Bora Kijana huko Holland na Memphis Depay, mwenye Miaka 21, ametajwa kuwa Mshindi hapo Jana wakati akiwa Jijini Manchester akipimwa Afya yake Klabuni Manchester United akiwa njiani kuhamia hapo akitokea PSV Eindhoven.
Msimu huu, Memphis Depay, ambae pia huichezea Timu ya Taifa ya Holland, alifunga Bao 22 na kuongoza katika Ufungaji na pia kuisaidia PSV Eindhoven kutwaa Ubingwa wa Holland.
Tuzo hii kwa Mchezaji Bora Kijana imepewa Jina la Johan Cruyff ambae ni Nguli wa Soka katika Historia ya Holland.
Jopo lililomtangaza Depay kuwa Mshindi lilikuwa nae Johan Cruyff mwenyewe, Kocha Mkuu wa Ajax Frank de Boer, Bosi wa Zwolle Ron Jans na Mchezaji wa zamani wa Holland Wim Jonk. 
Mchezaji mwingine wa PSV Eindhoven, Georginio Wijnaldum, ametangazwa kuwa Mshindi wa Tuzo ya Mchezaji Bora wa Eredivisie kwa Msimu wa 2014-15.
Depay anatarajiwa kukamilisha Uhamisho wake kwenda Man United Mwezi Juni wakati Dirisha la UHamisho litakapofunguliwa.
 
 
 

MAN UNITED YATHIBITISHA MEMPHIS DEPAY KUFUZU UPIMWAJI AFYA!

Memphis-DepayKlabu ya Manchester United imetoa tamko rasmi kuwa Memphis Depay amekamilisha upimwaji afya yake na taratibu za Uhamisho wake zitakamilika Mwezi Juni wakati Dirisha la Uhamisho litakapofunguliwa.
Mapema Mwezi huu zilivuja habari kuwa Manchester United ilifikia makubaliano kumsaini Fowadi huyo Chipukizi wa Holland anaechezea Klabu ya PSV Eindhoven.
Ada ya Uhamisho wake inasemekana kuwa kati ya Pauni Milioni 25 hadi 30 na atasaini Mkataba hadi Mwaka 2019 huku kukiwa na nyongeza ya Mwaka mmoja Zaidi.
Msimu huu, Depay ameifungia PSV Bao 21 na kuisaidia kutwaa Ubingwa wa Holland.
Kijana huyu alikuwa mmoja wa Wachezaji wa Timu ya Taifa ya Holland iliyokuwa chini ya Meneja sasa wa Man United Louis van Gaal ambayo pia ilitwaa ushindi wa 3 kwenye Fainali za Kombe la Dunia huko Brazil Mwaka Jana.
Habari za Uhamisho wa Depay zilithibitishwa mapema na Mkurugenzi wa Michezo wa PSV Marcel Brands aliongea kwenye Tovuti ya PSV na kusema wamempa Baraka Mchezaji huyo kuhama.
 
 
 

GERRARD AAGWA ANFIELD KWA KIPIGO, SASA HAKIKA MAN UNITED ULAYA!

LIGI KUU ENGLAND: 
RATIBA/MATOKEO:
**Saa za Bongo
Jumamosi Mei 16
Southampton 6 Aston Villa 1
Burnley 0 Stoke 0
QPR 2 Newcastle 1
Sunderland 0 Leicester 0
Tottenham 2 Hull 0
West Ham 1 Everton 2
Liverpool 1 Crystal Palace 3
+++++++++++++++++++++++++++
Steven GerrardKepteni wa Liverpool Steven Gerrard Jana aliagwa rasmi kwa kichapo ambacho kimeihakikishia Manchester United moja ya Nafasi katika 4 Bora na hivyo kucheza UEFA CHAMPIONZ LIGI.
Hii ni Mechi ya mwisho kwa Gerrard kucheza Uwanja wa Nyumbani Anfield lakini yeye na Mashabiki walikumbwa na kipigo cha Bao 3-1 toka kwa Crystal Palace katika Mechi ya Ligi Kuu England. 
Liverpool ndio waliotangulia kufunga kwa Bao la Dakika ya 26 la Adam Lallana na Palacev kujibu kwa Bao 3 za Jason Puncheon, Dakika ya 43, Wilfried Zaha, Dakika ya 60 na Glenn Murray, Dakika ya 91.
Matokeo haya yameibakisha Liverpool Nafasi ya 5 ambayo itawapeleka kucheza EUROPA LIGI Msimu ujao.
Kabla ya Mechi hii kuanza, Wachezaji wa pande zote walisimama na kumkaribisha Gerrard kuingia Uwanjani ikiwa ni heshima kwa kuichezea Liverpool Mechi 709 na mwishoni mwa Msimu huu kustaafu na kuhamia huko Marekani kuichezea LA Galaxy.
VIKOSI:
Liverpool: Mignolet, Can, Skrtel, Lovren, Ibe, Gerrard, Henderson, Moreno, Coutinho, Sterling, Lallana.
Akiba: Johnson, Toure, Lambert, Lucas, Allen, Sinclair, Ward.
Crystal Palace: Hennessey, Ward, Dann, Kelly, Souare, Puncheon, Ledley, McArthur, Lee, Chamakh, Bolasie.
Akiba: Speroni, Campbell, Zaha, Jedinak, Murray, Mutch, Delaney.
REFA: Jonathan Moss
LIGI KUU ENGLAND
MSIMAMO:
**Mechi zilizochezwa/Tofauti ya Magoli/Pointi
1 Chelsea 36/42/84
2 Man City 36/41/73
3 Arsenal 35/32/70
4 Man United 36/25/68
----------------------------
5 Liverpool 37/9/62
6 Tottenham 37/4/61
7 Southampton 37/23/60
8 Swansea 36/0/56
9 Stoke 37/-2/51
10 Everton 37/-1/47
11 West Ham 37/-1/47
12 Crystal Palace 37/-5/45
13 WBA 36/-13/41
14 Leicester 37/-13/38
15 Aston Villa 37/-25/38
16 Sunderland 36/-20/37
17 Newcastle 37/-25/36
----------------------------
18 Hull 37/-18/34
19 Burnley 37/-26/30
20 QPR 37/-27/30
RATIBA
**Saa za Bongo
Jumapili Mei 17
1530 Swansea v Man City
1800 Man United v Arsenal
Jumatatu Mei 18
2200 West Brom v Chelsea
Jumatano Mei 20
2145 Arsenal v Sunderland

ENGLAND-MCHEZAJI ASIMAMISHWA BAADA KUGUNDILIKA 'MBWIA UNGA!'

JackLivermoreKiungo wa Hull City Jake Livermore amesimamishwa na Chama cha Soka England, FA, pamoja na Klabu yake baada ukaguzi kugundua alitumia Madawa ya Kulevya, Kokeni.
Livermore, mwenye Miaka 25, alijiunga na Hull Mwaka Jana Mwezi Juni akitokea Tottenham kwa Dau la Pauni Milioni 8.
Klabu ya Hull imethibitisha kwamba wao na FA wamemsimamisha Mchezaji huyo kupisha uchunguzi.
Livermore ameichezea Hull mara 39 Msimu huu na pia aliwahi kuichezea England mara 1 Mwezi Agosti 2012 kwenye Mechi ya Kirafiki na Italy.
Endapo Livermore atapatikana na hatia basi anaweza kufungiwa hadi Miaka Miwili.
Kabla kuzichezea Hull na Tottenham, Kiungo huyo pia alizichezea Klabu zan MK Dons, Derby, Peterborough, Ipswich na Leeds.
Hull, chini ya Meneja Steve Bruce, wapo Nafasi ya 18 ambayo ndio ya mwisho kushushwa Daraja.
Hull wapo Pointi 2 nyuma ya Newcastle na Sunderland na Pointi 3 nyuma ya Leicester ambao wako Nafasi ya 15.
Leo Hull wapo Ugenini kucheza na Tottemnham na Mechi yao ya mwisho ya Ligi ipo kwao KC Stadium Jumapili Mei 24 dhidi ya Manchester United.