KLABU BINGWA ULAYA: JUVE, LEICESTER ZAINGIA ROBO FAINALI!

=LEO ATLETICO, CITY KUPITA?
UCL, UEFA CHAMPIONZ LIGI
Raundi ya Mtoano ya Timu 16
Mechi za Pili
**Mechi zote kuanza Saa 4 Dakika 45 Usiku Saa za Bongo
**Kwenye Mabano Jumla ya Mabao kwa Mechi 2
Jumanne 14 Machi 2017
Juventus 1 FC Porto 0 [3-0]
Leicester City 2 Sevilla 0 [3-2]          
Jumatano 15 Machi 2017
**Kwenye Mabano Matokeo Mechi za Kwanza
Atlético Madrid v Bayer 04 Leverkusen [4-2]    
AS Monaco v Manchester City [3-5]    
++++++++++++++++++++++++++++
IMG-20161121-WA0000MABINGWA wa Italy na England, Juventus na Leicester City, Jana walifuzu kuingia Robo Fainali ya UCL baada ya kushinda Mechi zao za pili.
Wakicheza huko King Power Stadium, Leicester walitumia vyema Uwanja wao kwa kuichapa Sevilla ya Spain 2-0 na kusonga Robo Fainali kwa Jumla ya Mabao 3-2 kwani walifungwa Mechi ya Kwanza huko Spain 2-1.
Bao za Leicester zilifungwa na Wes Morgan Dakika ya 27 na Marc Albrighton Dakika ya 54.
Sevilla walibaki Mtu 10 kuanzia Dakika ya 74 baada ya Mchezaji Man City alie kwa Mkopo Klabuni hapo Samir Nasri kupewa Kadi za Njano 2 na kutolewa nje kwa Kadi Nyekundu.
Mechi ingekwenda Dakika za Nyongeza 30 kama si uhodari wa Kipa wa Leicester Kasper Schmeichel kuokoa Penati ya Steven N'Zonzi kwenye Dakika ya 80.
Huko Turin, Italy, Juventus waliifunga FC Porto ya Portugal Bao 1-0 kwa Penati ya Paulo Dybala ya Dakika ya 42.
Penati hiyo ilitolewa baada ya Maxi Pereira kuushika Mpira uliokuwa ukitinga wavuni.
Sasa Leicester na Juve zipo Robo Fainali pamoja na Mabingwa Watetezi Real Madrid, Barcelona, Borussia Dortmund na Bayern Munich.
Leo zipo Mechi 2 za mwisho za Raundi ya Mtoano ya Timu 16 ambazo zitatoa Timu 2 kukamilisha safu ya Robo Fainali.
Droo ya Robo Fainali itafanyika Ijumaa.

UCL: JUMANNE NA JUMATANO, MAN CITY, LEICESTER KUTINGA ROBO FAINALI?

UCL, UEFA CHAMPIONZ LIGI
Raundi ya Mtoano ya Timu 16
Mechi za Pili
**Mechi zote kuanza Saa 4 Dakika 45 Usiku Saa za Bongo
**Kwenye Mabano Matokeo Mechi za Kwanza
Jumanne 14 Machi 2017
Juventus v FC Porto [2-0]
Leicester City v Sevilla [1-2]           
Jumatano 15 Machi 2017
Atlético Madrid v Bayer 04 Leverkusen [4-2]     
AS Monaco v Manchester City [3-5]     
++++++++++++++++++++++++++++
IMG-20161121-WA0000TAYARI Timu 4 zimeshatinga Robo Fainali ya UCL kufuatia kukamilika kwa Mechi zao za pili za Raundi ya Mtoano ya Timu 16 Wiki iliyopita na Wiki hii, Jumanne na Jumatano, zitapatikana Timy nyingine kutimiza idadi ya Timu 8.
Ijumaa hii Timu hizo 8 zitaingizwa kapuni kupanga Mechi 4 za Robo Fainali ambazo zitachezwa kuanzia Aprili 11.
Wiki iliyopita Timu 4 za kwanza kutinga Robo Fainali ni Mabingwa Watetezi Real Madrid, FC Barcelona, Bayern Munich na Borussia Dortmund.
Kesho Jumanne zipo Mechi mbili ambapo Mabingwa wa Italy Juventus, walioshinda Mechi ya Kwanza 2-0 Ugenini, wapo kwao Juventus Stadium Jijini Turin, Italy kurudiana na FC Porto
Mechi nyingine Siku hiyo ni huko King Power Stadium wakati Mabingwa England Leicester City wakiwa kwao kujaribu kupindua kipigo cha 2-1 walichopewa na Sevilla ya Spain.
Jumatano zipo Mechi 2 pia ambapo Atletico Madrid wako kwao Vicente Calderon Jijini Madrid, Spain kulinda ushindi wa Ugenini wa 4-2 dhidi ya Wajerumani Bayer 04 Leverkusen.
Maechi nyingine ni huko France ambako AS Monaco wanapaswa kupindua kipigo cha 5-3 walichopewa na Manchester City.
TAREHE MUHIMU:
MECHI ZA MTOANO:
14/15 na 21/22 Feb 2017: Raundi ya Mtoano ya Timu 16, Mechi ya Kwanza
7/8 na 14/15 Machi 2017: Raundi ya Mtoano ya Timu 16, Mechi ya Pili
11–12/04/17: Robo Fainali, Mechi ya Kwanza
18–19/04/17: Robo Fainali, Mechi ya Pili
02–03/05/17: Nusu Fainali, Mechi ya Kwanza
09–10/05/17: Nusu Fainali, Mechi ya Pili
03/06/17: Fainali (National Stadium of Wales, Cardiff)

MABINGWA LEICESTER WAMTEUA SHAKESPEARE MENEJA WAO KUMRITHI RANIERI!

LEICESTER-SHAKESPEARECraig Shakespeare ameteuliwa na Leicester City kuwa Meneja wao hadi mwishoni mwa Msimu huu.

Shakespeare, mwenye Miaka 53, amekuwa Meneja wa Muda tangu Februari 23 alipotimuliwa Claudio Ranieri Miezi 9 tu tangu awape Ubingwa wao wa kwanza wa England katika Historia yao.

Meneja huyo mpya alikuwa Msaidizi wa Ranieri baada ya kuletwa huko Leicester na Meneja aliemtangulia Ranieri, Nigel Pearson.

Tangu aondoke Ranieri na Shakespeare, ambae hajawahi kuongoza Timu hata mara moja, kushika hatamu, Leicester imeshinda Mechi zake zote Mbili.

Makamu Mwenyekiti wa Leicester, Aiyawatt Srivaddhanaprabha, ameeleza kuwa walijua Timu ipo mikono mizuri ya Skaespeare.

Mechi alizosimamia Skespeare zote walishinda 3-1 kwa kuzibonda Liverpool na Hull City kwenye EPL, Ligi Kuu England.

Hivi sasa Leicester wapo Nafasi ya 15 kwenye EPL wakiwa Pointi 3 juu ya zile Timu 3 za Mkiani.

Jumanne Usiku Leicester wako kwao King Power Stadium kuicaa Sevilla ya Spain kwenye Mechi ya Pili ya Raundi ya Mtoano ya Timu 16 ya UCL, UEFA CHAMPIONZ LIGI wakiwa wamefungwa 2-1 huko Spain katika Mechi ya Kwanza ambayo ndiyo ilikuwa mwisho wa Claudio Ranieri.

HATIMA YA REFA WA ‘BARCA', MIKONONI MWA PIERLUIGI COLLINA!

REFA-BARCADeniz Aytekin, Refa ambae alisimamia wakati Barcelona ikiichakaza 6-1 Paris Saint-Germain kwenye Mechi ya Pili ya Raundi ya Mtoano ya Timu 16 ya UCL, UEFA CHAMPIONZ LIGI, huenda akatupwa nje ya Marefa wa Mashindano hayo kutokanwa na uchezeshaji wake unaodaiwa kuinufaisha mno Barcelona na kusonga Robo Fainali baada ya kupiga Mechi ya Kwanza 4-0.

Pierluigi Collina, Mkuu wa Marefa wa UEFA, ndie anaepanga Refa yupi anachezesha Mechi zipi za UCL na UEFA EUROPA LIGI.

Inasemekana Collina sasa anapitia Ripoti ya Uchezeshaji wa Aytekin, Refa kutoka Germany mwenye Asili ya Uturuki ambae ana Umri wa Miaka 38.

UEFA bado haijathibitisha uamuzi wa Collina lakini habari za chini chini zinadai Refa huyo ana uwezekano mdogo kusimamia tena Mechi za Ulaya Msimu huu.

UEFA imedokeza kuwa ili kufuta na kupunguza makosa, Collina ana kawaida ya kuwaondoa Marefa ‘wabovu’ kwenye Mechi kubwa.

REFA-TATA

MATUKIO MAKUBWA YA REFA AYTEKIN:

-Penati aliyotoa Aytekin baada Luis Suarez kujiangusha haikustahili.

Penati hii ilizaa Bao la 5 la Barca.

-Penati ya Neymar kuanguka wakati Beki wa PSG Thomas Meunier nayo haikustahili. Penati hii ilizaa Bao la 3 la Barca.

-Mascherano wa Barca alimchezea Faulo Di Maria ilistahili Penati lakini haikutolewa.

 

UEFA EUROPA LIGI: SHUJAA WA TANZANIA MBWANA SAMATTA APIGA 2 ‘VITA’ YA WABELGIJI KAA GENT NA KRC GENK!

SAMATTA-GENK-SHUJAASHUJAA wa Tanzania Mbwana Samatta Usiku huu amefunga Bao 2 wakati Timu yake KRC Genk ikiichapa KAA Gent 5-2 katika Mechi ya Klabu pinzani za Belgium kwenye Mechi ya Kwanza ya Raundi ya Mtoano ya Timu 16 ya UEFA EUROPA LIGI iliyochezwa Jules Otten Stadion Mjini Gent.

Wakicheza Ugenini, Timu ya Samatta KRC Genk ilitangulia kufunga Dakika ya 21 kwa Bao la Ruslan Malinovsky na KAA Gent kusawazishiza Dakika ya 27 kupitia Samuel Kalu lakini Genk wakapiga Bao 3 zaidi za Dakika za 33, 41 na 45 kupitia Omar Colley, Mbwana Samatta na Jere Uronen wakiongoza 4-1 hadi Haftaimu.

Dakika ya 61 Kalifa Coulibally akaipa Gent Bao na Gemu kuwa 4-2 lakini Dakika ya 72 Mbwana Samatta akapiga Bao lake la Pili na KRC Genk kuongoza 5-2.

Timu hizi zitarudiana tena Wiki ijayo katika Mechi ya Pili itakayochezwa Nyumbani kwa Klabu ya Samatta KRC Genk na Mshindi kutinga Robo Fainali.

UEFA EUROPA LIGI

Raundi ya Mtoano ya Timu 16

Mechi za Kwanza [Marudiano Machi 16]

Matokeo:

Apoel Nicosia (Cyprus) 0 Anderlecht (Belgium) 1

FC Rostov (Russia) 1 Manchester United (England) 1

FC Copenhagen (Denmark) 2 Ajax (Netherland) 1

Celta Vigo (Spain) 2 FC Krasnodar (Russia) 1

Schalke (Germany) 1 Borussia Monchengladbach (Germany) 1

Lyon (France) 4 AS Roma (Italy) 2

Olympiakos (Greece) 1 Besiktas (Turkey) 1

KAA Gent (Belgium) 2 KRC Genk (Belgium) 5

+++++++++++++++++++++++++++++

UEFA EUROPA LIGI

Tarehe Muhimu:

09/03/17: Raundi ya Mtoano ya Timu 16, Mechi za Kwanza

16/03/17: Raundi ya Mtoano ya Timu 16, Marudiano

13/04/17: Robo Fainali, Mechi za Kwanza

20/04/17: Robo Fainali, Mechi za Pili

04/05/17: Nusu Fainali, Mechi ya Kwanza

11/05/17: Nusu Fainali, Mechi ya Pili

FAINALI

24 Mei 2017: Friends Arena, Solna, Sweden