LUKAKU ANAJUA ATACHEZEA KLABU IPI MSIMU UJAO!

=NI CHELSEA, JUVE AU MAN UNITED?
Romelu Lukaku amekiambia Kituo cha TV cha Sky Sports kwamba tayari anajua Msimu Mpya wa 2017/18 unaoanza Agosti 12 atachezea Klabu ipi.
BELGIUM-LUKAKUStraika huyo wa Everton hajasaini Mkataba Mpya huku akihusishwa kuhama na Klabu za Chelsea, Juventus na Manchester United zinatajwa sana kumtaka.
Lukaku, mwenye Miaka 24, amekuwa msiri mno na azma yake lakini Jana mara baada kuichezea Nchi yake Kirafiki Belgium na Czech Republic na kuifunga Bao 2-1, alieleza kuwa uamuzi umeshafikiwa.
Amesema: "Wakala wangu anajua nini kitatokea. Mimi najua nataka kufanya nini na chochote kikitokea nyie mtaambiwa!"
Huko Everton, Lukaku nusura asaini Mkataba Mpya Mwezi Machi lakini akasita na kudai nia yake ni kucheza UCL, UEFA CHAMPIONZ LIGI.
Msimu uliopita, ulioisha Mwezi uliopita, Lukaku alipiga Bao 25 wakati Everton ikimaliza Nafasi ya 7 kwenye EPL, LIGI KUU ENGLAND.
Ijumaa Lukaku atakuwa tena Uwanjani kuichezea Belgium ikipambana Ugenini na Estonia kwenye Mechi ya Kundi H la Nchi za Ulaya kuwania kutinga Fainali za Kombe la Dunia za Mwaka 2018 huko Russia.
Kwenye Kundi hilo, Belgium wako juu na wana Pointi 13 wakifuata Greece 11, Bosnia and Herzegovina 10, Cyprus na Estonia wana 4 kila mmoja na mkiani ni Gibraltar 0.
Mechi za Kundi H ni Ijumaa Juni 9 ambazo ni Bosnia And Herzegovina v Greece, Estonia v Belgium na ile ya Gibraltar v Cyprus.

 

UEFA CHAMPIONZ LIGI: RONALDO AIPAISHA REAL MADRID KUTETEA UBINGWA WAO, WAIWASHA JUVE 4!

UEFA CHAMPIONZ LIGI – FAINALI

Millenium Stadium, Cardiff, Wales

Jumamosi Juni 3

Juventus 1 Real Madrid 4

+++++++++++++++++++++++++

MABINGWA WATETEZI Real Madrid Leo wamekuwa Timu ya Kwanza kumudu kutetea Ubingwa wao baada ya kuitandika Juventus Bao 4-1 kwenye Fainali ya UEFA CHAMPIONZ LIGI iliyochezwa huko Millenium Stadium, Jijini Cardiff, Wales.

REAL-RONALDO-BAOHii ni mara ya 12 kwa Real Madrid kuwa Mabingwa wa Ulaya.

Kwa Juventus, ambao wameshinda Fainali zao 2 tu kati ya 8 walizotinga, sasa wamefungwa katika zote 5 walizofika mara ya mwisho ambazo ni za Miaka ya 1997, 1998, 2003, 2015 na hii ya Leo.

Tangu AC Milan wafanikiwe kutetea Ubingwa wa Ulaya Miaka ya 1989 na 1990, wakati huo Kombe hili likiitwa, EUROPAEN CUP, hakuna Timu iliyowahi kutetea Taji hili la UEFA CHAMPIONZ LIGI hadi hii Leo Real Madrid kuweka Historia hii.

Kwa Mchezaji Bora Duniani sasa amefikisha Maba 105 ya UCL na Msimu hu undie Mfungaji Bora wa Mashindano haya akiwa na Bao 12 akimpiku Lionel Messi wa Barcelona aliefunga Bao 11.

++++++++

MAGOLI:

Juventus 1

Mario Mandzukic 27

Real Madrid 4

Cristiano Ronaldo 20

Carlos Casemiro 61

Cristiano Ronaldo 64

Marco Asensio 90

++++++++

Juve walimaliza Fainali hii wakibaki Mtu 10 baada ya Juan Cuadrado, alieingizwa Uwanjani Kipindi cha Pili, kutolewa nje kwa Kadi Nyekundu kufuatia Kadi za Njano 2.

VIKOSI:

Juventus:Buffon, Barzagli, Bonucci, Chiellini, Alves, Sandro, Pjanic, Khedira, Dybala, Mandzukic, Higuain.

Akiba:Neto, Benatia, Lichsteiner, Cuadrado, Marchisio, Lemina, Asamoah

Real Madrid:Navas, Carvajal, Varane, Ramos, Marcelo, Casemiro, Modric, Isco, Kroos, Benzema, Ronaldo.

Akiba:Casilla, Nacho, Bale, Kovacic, Asensio, Morata, Danilo

REFA:Felix Brych (Germany)

 

UEFA CHAMPIONZ LIGI: LEO NI FAINALI JUVENTUS v REAL MADRID, NANI BINGWA ULAYA?

UCL-FINAL-2017LEO USIKU, Saa 3 Dakika 45, Saa za Bongo, Juventus na Real Madrid zitakutana kwenye Fainali ya UEFA CHAMPIONZ LIGI huko Millenium Stadium, Jijini Cardiff, Wales.

Hii itakuwani mara yao ya 19 kukutana kwenye Mashindano haya ya Klabu Bingwa Ulaya.

Kila Timu imeshinda mara 8 na Sare 2 Juve ikifunga Bao 21 na Real 18.

Hali za Timu

Bosi wa Real Madrid Zinedine Zidane ana kazi kubwa ya kuamua nani aanze kati ya Gareth Bale na Isco.

Bale hajacheza Mechi tangu Aprili 23 alipoumia na nafasi kuzibwa na Isco ambae amefunga Bao 5 katika Mechi 8 zilizopita.

Zidane amesisitiza Wachezaji wote hao ni muhimu na kila Mtu ana maoni yake lakini yeye hafuati hilo kwenye uamuzi wake wa kumpanga yupi.

Kocha wa Juve, Max Allegri, hana tatizo chake kitajumuishwa tena na Gianluigi Buffon, Giorgio Chiellini, Alex Sandro, Mario Mandzukic, Leonardo Bonucci walipoumzishwa Mechi yao iliyopita walipocheza na Bologna kwenye Mechi yao ya mwisho ya Serie A ambayo pia Dani Alves aliikosa kwa kuwa Kifungoni.

Pia Mchezaji wa zamani wa Real, Sami Khedira anatarajiwa kuwemo kwenye Kikosi cha Juve.

Kikosi hicho kitaongozwa na Nahodha, Kipa Mkongwe Gianluigi Buffon, mwenye Miaka 39, ambae hajawahi kutwaa Ubingwa wa UEFA CHAMPIONZ LIGI.

Kuelekea Fainali

Kwenye Nusu Fainali, Juve iliibwaga AS Monaco kwa Jumla ya Mabao 4-1 kwa Mechi 2 na kutinga Fainali yao ya 2 katika Misimu Mitatu.

Real Madrid wao waliwabwaga Mahasimu wao Atletico Madrid kwa Jumla ya Mabao 4-2 kwa Mechi 2.

Real ndio Mabingwa Watetezi wa Kombe hili wakiwania kuwa Timu ya kwanza kulitetea Taji kwa mara ya Pili mfululizo.

Ronaldo

Real wanae Cristiano Ronaldo scores against Hungary ambae amefunga Bao 100 kwenye UEFA CHAMPIONZ LIGI.

Millenium Stadium

Ulinzi umeimarishwa kwa Uwanja huu wa Mjini Cardiff na Watazamaji wote wameombwa kufika mapema, Masaa Mawili kabla Mechi kuanza, na bila kubeba Mabegi kwa sababu za Kiusalama.

Pia Paa la juu la Uwanjani hapo litafungwa na kuifanya hii kuwa ni Fainali ya kwanza kuchezwa kwenye ‘Uwanja wa Ndani’ kwa Paa la Uwanja kufunika Uwanja wa kuchezea.

Hii pia ni sababu ya Kiusalama.

Historia

Hii ni mara ya 19 kwa Real na Juve kupambana kwenye UEFA CHAMPIONZ LIGI huku kila Timu ikishinda mara 8 na Sare 2.

Lakini kwenye Fainali wamekutana mara moja tu, Mwaka 1998, na Real kushinda 1-0 kwa Bao la Predrag Mijatovic.

Real ndio Klabu pekee iliyofika Fainali za Ulaya mara nyingi, mara 15, ikiwa ni mara 4 zaidi ya Klabu ya Pili AC Milan iliyocheza Fainali 11.

Real wameshinda Fainali hizo mara 11 kati ya 14 ikiwa ni idadi kubwa kupita Timu yeyote Ulaya.

Juventus wao wameshinda Fainali zao 2 tu kati ya 8 walizotinga na kufungwa zote 4 walizofika mara ya mwisho ambazo ni za Miaka ya 1997, 1998, 2003 na 2015.

Tangu AC Milan wafanikiwe kutetea Ubingwa wa Ulaya Miaka ya 1989 na 1990, wakati huo Kombe hili likiitwa, EUROPAEN CUP, hakuna Timu iliyowahi kutetea Taji hili la UEFA CHAMPIONZ LIGI.

Real, ambao wapo Fainali yao ya 3 katika Misimu minne, wanajaribu kuandika Historia.

VIKOSI VINATARAJIWA KUWA:

JUVE-REAL-VIKOSI

UEFA CHAMPIONZ LIGI: FAINALI JUMAMOSI JUVE NA REAL, TIMU ZILIZOPAMBANA MARA 18 ULAYA!

>PATA UNDANI:

UCL-FINAL-2017Juventus na Real Madrid zitakutana kwenye Fainali ya UEFA CHAMPIONZ LIGI Jumamosi Juni 3 huko Millenium Stadium, Jijini Cardiff, Wales na hiyo itakuwa mara yao ya 19 kucheza kwenye Mashindano haya ya Klabu Bingwa Ulaya.

Kila Timu imeshinda mara 8 na Sare 2 Juve ikifunga Bao 21 na Real 18.

PATA NINI KILIJIRI KATIKA MARA HIZO 18:

1961/62 Robo Fainali Kombe la Klabu Bingwa Ulaya

Juventus 0-1 Real Madrid

Real Madrid 0-1 Juventus

Real Madrid 3-1 Juventus (Marudiano Paris, France)

1986/87 Raundi ya Pili Kombe la Klabu Bingwa Ulaya

Real Madrid 1-0 Juventus

Juventus 1-0 Real Madrid (Baafa Dakika za Nyongeza, Real Madrid walishinda kwa Penati 3-1)

1995/96 Robo Fainali UEFA CHAMPIONZ LIGI

Real Madrid 1-0 Juventus

Juventus 2-0 Real Madrid

-Real walishinda Mechi ya Kwanza kwa Bao la Raúl González.

Kwenye Mechi ya Pili Juve waliibuka kidedea kwa Bao za Alessandro Del Piero na Michele Padovano.

1997/98 Fainali UEFA CHAMPIONZ LIGI

Juventus 0-1 Real Madrid

-Fainali hii ilichezwa huko Amsterdam ArenA, Nchini Netherlands na Predrag Mijatović kuwapa Real Bao pekee na la ushindi Dakika ya 66.

2002/03 Nusu Fainali UEFA CHAMPIONZ LIGI

Real Madrid 2-1 Juventus

Juventus 3-1 Real Madrid

-Real walishinda Mechi ya Kwanza kwa Bao za Ronaldo na Roberto Carlos huku Juve wakifunga Bao lao pekee kupitia David Trezeguet.

Katika Mechi ya Pili, Juve walipiga Bao 3 kupitia Trezeguet, Del Piero na Pavel Nedvěd wakati Real wakifunga Bao lao 1 kupitia Zinédine Zidane.

2004/05 Raundi ya Mtoano ya Timu 16 UEFA CHAMPIONZ LIGI

Real Madrid 1-0 Juventus

Juventus 2-0 Real Madrid (Baada Dakika 120)

-Juve walifungwa Mechi ya Kwanza huko Madrid 1-0 kwa Bao la Iván Helguera lakini katika Mechi ya Pili huko Turin Trezeguet aliipa Bao zikibaki Dakika 15 na Gemu kwenda Dakika za Nyongeza 30 Marcelo Zalayeta akapiga Bao la Pili na la ushindi kwa Juve katika Dakika ya 116 kwenye Mechi ambayo Ronaldo na Mchezaji wa Juve kutolewa nje kwa Kadi Nyekundu Dakika ya 113.

2008/09 UEFA CHAMPIONZ LIGI Makundi

Juventus 2-1 Real Madrid

Real Madrid 0-2 Juventus

-Juve walishinda Mechi zote 2 za Makundi na Mechi ya Kwanza Bao za Juve zilifungwa na Del Piero na Amauri na la Real kupachikwa na Ruud van Nistelrooy wakati Mechi ya Pili Del Piero alipiga Bao zote mbili.

Timu hizi 2 zilifuzu kutoka Makundi lakini zilikwama Hatua ya iliyofuatia.

2013/14 UEFA CHAMPIONZ LIGI Makundi

Real Madrid 2-1 Juventus

Juventus 2-2 Real Madrid

-Safari hii Real waliwanyosha Juve kwenye Makundi kwa Bao 2 za Cristiano Ronaldo katika Mechi ya Kwanza huku Fernando Llorente akiwapa Juve Bao lao 1.

Mechi ya Pili ngoma ilikuwa Sare kwa Bao za Arturo Vidal na Llorente na Real kupiga kupitia Ronaldo na Gareth Bale.

2014/15 UEFA CHAMPIONZ LIGI Nusu Fainali

Juventus 2-1 Real Madrid

Real Madrid 1-1 Juventus

-Wakikutana kwa mara ya kwanza tangu Msimu wa 2002/03, Juve waliwalaza Real kwa kushinda Mechi ya Kwanza wakiwa Nyumbani kwa Bao za Álvaro Morata na Carlos Tévez wakati Bao la Real likipigwa na Ronaldo na kutoka Sare huko Madrid wakifunga Bao lao moja kupitia Alvaro Morata zikisalia Dakika 12 wakati Ronaldo aliwafungia Real kwa Penati Dakika ya 23 na kuwapa matumaini ya kusonga.

**Juventus wamekuwa Mabingwa wa Ulaya mara 2, Real Madrid wao wamebeba Kombe mara 11.

 

MAN UNITED KUISHUPALIA REAL INAYOMTAKA DE GEA!

MANUNITED-MAKIPAManchester United wanatarajia kuiwekea ngumu Real Madrid katika azma yao ya kumnasa Kipa wao David de Gea.

Mwaka 2015, Real Madrid, ambao Jumamosi wako huko Cardiff, Wales kucheza Fainali ya UEFA CHAMPIONZ LIGI na Juventus huku wakiwania kutetea Taji lao na kuwa Klabu ya Kwanza kufanya hivyo, walijaribu kumnunua De Gea lakini Dili ikakwama Dakika za mwisho katika Siku ya Mwisho ya Uhamisho huku pande zote zikiwa zimeafikiana Dau la Pauni Milioni 29.

De Gea, mwenye Miaka 26, alipigwa Benchi kwenye Fainali ya UEFA EUROPA LIGI hapo Mei 24 Man United wakiichapa Ajax 2-0 na kutwaa Kombe na langoni aliwekwa Kipa wa Timu ya Taifa ya Argentina Sergio Romero.

Hivi sasa, kama ilivyo kawaida ya Spain, Magazeti ya huko hushabikia mno Klabu kubwa na yale ya upande wa Real Madrid kila kukicha hawakosa kupiga ‘mdogo mdogo’ kuhusu De Gea kutua kwa Mabingwa hao wa Spain.

Lakini hivi sasa, kupita ule Mwaka 2015 ambao De Gea alikuwa kwenye Mwaka wa Mwisho wa Mkataba wake, Kipa huyo mahiri ana Mkataba unaokwisha 2019 na hivyo Man United hawana presha kubwa.

Hadi sasa, habari toka ndani ya Klabu ya Man United, zimedokeza kuwa De Gea hajaomba Uhamisho kama ilivyo kwa Wachezaji ambao wana nia hiyo.

Habari MotoMotoZ