SIR ALEX FERGUSON KUREJEA TENA OLD TRAFFORD!

SIRALEX-CARRICK-MATCHSir Alex Ferguson atarudi tena Old Trafford kwenye Benchi wakati wa Mechi ya Kumtukuza Kiungo wa Manchester United Michael Carrick kwa Utumishi Ulitukuka wa muda mrefu Klabuni hapo.

Ferguson, aliestaafu Umeneja Mwaka 2013 baada ya kuitumikia Man United kwa Miaka 27, ataongoza moja ya Timu katika Mechi hiyo Maalum.

Timu atakayoongoza Sir Alex Ferguson itaitwa Manchester United 2008 XI na itaundwa na Wachezaji waliotwaa Ubingwa wa England na UEFA CHAMPIONZ LIGI Mwaka 2008 wakiwa chini yake.

Timu hiyo itacheza na Timu itakayoitwa Michael Carrick All-Star XI ikiongozwa na aliewahi kuwa mmoja wa Mameneja wa Michael Carrick, Harry Redknapp.

Carrick, mwenye Miaka 35 na ambae amedumu Man United kwa Miaka 11 hadi sasa, ameelezea kurejea kwa Sir Alex Ferguson: “Ni heshima kubwa kurejea kwake na kuwa sehemu ya hiyo Gemu. Yeye pengine ndio sababu pekee nilijiunga na Man United, sina uwezo kumshukuru inavyostahili!”

Miongoni mwa Majina makubwa ya Wachezaji Soka watakaoshiriki Mechi hiyo maalum ni Edwin van der Sar, Gary Neville, Rio Ferdinand, Paul Scholes na Ryan Giggs wakiichezea Man United na upande wa Michael Carrick All-Star XI watakuwemo Steven Gerrard, Frank Lampard na Michael Owen.

ENGLAND: JERMAIN DEFOE, MARCUS RASHFORD, JAKE LIVERMORE, LUKE SHAW KIKOSI CHA GARETH SOUTHGATE!

ENGLAND-DEFOE-RASHFORDGareth Southgate Leo ameshangaza Wadau wa Timu ya Taifa ya England alipotangaza uteuzi wake wa Kikosi chake cha Kwanza kabisa tangu athibitishwe kuwa Meneja wa kudumu kwa kuwaita Jermain Defoe, Jake Livermore na Luke Shaw pamoja na Wachezaji wengine Wanne wapya kabisa.

Kikosi kilichoitwa Leo ni Wachezaji 26 ambacho kitacheza na Mabingwa wa Dunia Germany na kisha Lithuania na wamo Wachezaji Wawili wa Southampton, James Ward-Prowse na Nathan Redmond, waliowahi kucheza chini ya Southgate alipokuwa Kocha Mkuu wa England U-21 lakini hawajahi kuchezea Kikosi cha Kwanza cha England.

Wengine wapya kabisa walioitwa Leo ni Michael Keane na Michail Antonio.

Marcus Rashford, Phil Jones na Ross Barkley wameitwa tena kuichezea Timu ya Taifa huku Straika wa Sunderland Jermaine Defoe, mwenye Miaka 34, ambae mara ya mwisho kuichezea England ni Novemba 2013, kuitwa tena kutokana na pengo la Mafowadi Majeruhi Wayne Rooney, Daniel Sturridge na Harry Kane.

Kwa mshangao wa wengi, Kiungo wa West Bromwich Albion, Jake Livermore, ameitwa baada ya kuichezea England mara moja tu Mwaka 2012 na 2015 kukumbwa na Skandali ya Matumizi ya Kokeni lakini akapata Msamaha baada ya Kifungo kifupi kwani wakati huo alifiwa na Mwanawe.

Pia, Luke Shaw, Fulbeki wa Kushoto wa Man United alieichezea Klabu yake mara 2 toka Novemba, amepata upenyo wa kuitwa tena kutoka na kuumia kwa Danny Rose wa Tottenham.

KIKOSI KAMILI:

MAKIPA: Fraser Forster (Southampton), Joe Hart (Torino, Mkopo kutoka Man City), Tom Heaton (Burnley).

MABEKI: Ryan Bertrand (Southampton), Gary Cahill (Chelsea), Nathaniel Clyne (Liverpool), Phil Jones (Man United), Michael Keane (Burnley), Luke Shaw (Man United), Chris Smalling (Man United), John Stones (Man City), Kyle Walker (Tottenham).

VIUNGO: Dele Alli (Tottenham), Michail Antonio (West Ham), Ross Barkley (Everton), Eric Dier (Tottenham), Adam Lallana (Liverpool), Jesse Lingard (Man United), Jake Livermore (West Brom), Alex Oxlade-Chamberlain (Arsenal), Nathan Redmond (Southampton), Raheem Sterling (Man City), James Ward-Prowse (Southampton).

MAFOWADI: Jermain Defoe (Sunderland), Marcus Rashford (Man United), Jamie Vardy (Leicester).

 

 

ENGLAND: RASHFORD KUITWA TAIFA KUWAVAA MABINGWA WA DUNIA GERMANY NA LITHUANIA

RASHFORD-ENGLANDFOWADI CHIPUKIZI wa Manchester United Marcus Rashford anatarajiwa kuitwa kwenye Kikosi cha Timu ya Taifa ya England kuzikabili Germany na Lithuania hivi karibuni.
England watacheza Mechi ya Kirafiki huko Signal Iduna Park, Dortmund na Mabingwa wa Dunia Germany hapo Machi 22 na Siku 4 baadae kurejea kwao Wembley Jijini London kuivaa Lithuania ikiwa ni Mechi ya Kundi F Barani Ulaya kusaka kufuzu kucheza Fainali za Kombe la Dunia huko Russia Mwaka 2018.
Leo Jioni Meneja wa England Gareth Southgate anatarajiwa kutangaza Kikosi chake kwa ajili ya Mechi hizo na Rashford, mwenye Miaka 19, atakuwemo Kundini.
Awali ilitarajiwa Rashford atabaki Kikosi cha Vijana England U21 kwa matayarisho ya Ubingwa wa Ulaya Mwezi Juni lakini Majeruhi iliyowakumba Timu ya Kwanza ya England imelazimisha kuitwa kwake.
Mafowadi wa kawaida wa England, Wayne Rooney, Harry Kane na Daniel Sturridge wote ni Majeruhi.
Msimu huu Rashford ameifungia Man United Bao 7 na mara nyingi alianzia Benchi lakini Majuzi Jumatatu alianza Mechi ambayo walifungwa 1-0 na Chelsea.
Rashford aliitwa kwa mara yankwanza kuichezea England Mwaka Jana Mwezi Mei na aliekuwa Meneja Roy Hodgson na kupiga Bao katika Mechi yake ya kwanza dhidi ya Australia.
Baada ya hapo Hodgson akamchukua tena kwenye Kikosi cha England kilichocheza EURO 2016 huko France na kushiriki Mechi 2 akitokea Benchi.

ENGLAND: RASHFORD KUITWA TAIFA KUWAVAA MABINGWA WA DUNIA GERMANY NA LITHUANIA

FOWADI CHIPUKIZI wa Manchester United Marcus Rashford anatarajiwa kuitwa kwenye Kikosi cha Timu ya Taifa ya England kuzikabili Germany na Lithuania hivi karibuni.
England watacheza Mechi ya Kirafiki huko Signal Iduna Park, Dortmund na Mabingwa wa Dunia Germany hapo Machi 22 na Siku 4 baadae kurejea kwao Wembley Jijini London kuivaa Lithuania ikiwa ni Mechi ya Kundi F Barani Ulaya kusaka kufuzu kucheza Fainali za Kombe la Dunia huko Russia Mwaka 2018.
Leo Jioni Meneja wa England Gareth Southgate anatarajiwa kutangaza Kikosi chake kwa ajili ya Mechi hizo na Rashford, mwenye Miaka 19, atakuwemo Kundini.
Awali ilitarajiwa Rashford atabaki Kikosi cha Vijana England U21 kwa matayarisho ya Ubingwa wa Ulaya Mwezi Juni lakini Majeruhi iliyowakumba Timu ya Kwanza ya England imelazimisha kuitwa kwake.
Mafowadi wa kawaida wa England, Wayne Rooney, Harry Kane na Daniel Sturridge wote ni Majeruhi.
Msimu huu Rashford ameifungia Man United Bao 7 na mara nyingi alianzia Benchi lakini Majuzi Jumatatu alianza Mechi ambayo walifungwa 1-0 na Chelsea.
Rashford aliitwa kwa mara yankwanza kuichezea England Mwaka Jana Mwezi Mei na aliekuwa Meneja Roy Hodgson na kupiga Bao katika Mechi yake ya kwanza dhidi ya Australia.
Baada ya hapo Hodgson akamchukua tena kwenye Kikosi cha England kilichocheza EURO 2016 huko France na kushiriki Mechi 2 akitokea Benchi.

EVERTON: ROMELU LUKAKU AGOMEA MKATABA MPYA, CHELSEA, MAN UNITED ZAVIZIA!

EVERTON-LUKAKU-GOLISTRAIKA wa Everton Romelu Lukaku ameistua Everton kwa kutamka hatasaini Mkataba mpya wa Klabu hiyo ulioboreshwa kwa ajili yake.
Hivi karibuni, Wakala wa Lukaku, Mino Raiola, 
alisisitiza Mbelgiji huyo hataihama Everton na tayari alishakubali kusaini Mkataba mpya ambao ungemfanya alipwe Pauni Laki 1 kwa Wiki na yeye kuwa ndie Mchezaji mwenye Mshahara mkubwa katika Historia ya Everton.
Licha ya Raiola kutoa uhakika huo, Meneja wa Everton Ronald Koeman alionyesha wasiwasi wake alipotamka: "Siamini Mawakala!"
Na hilo limetimia baada ya Jana Lukaku, mwenye Miaka 23, kuongea na Kituo cha TV cha huko kwao Belgium na kukanusha Maswali yote Mawili kama kwamba yupo tayari kusaini Mkataba mpya wa Miaka 5 au kama yapo Mazungumzo kuhusu hilo.
Hivi sasa Lukaku amebakiza Miaka Miwili katika Mkataba wake wa sasa lakini amepanda chati mno hasa baada ya Msimu huu kupiga Bao 19 kwenye Ligi Kuu England.
Mwanzoni mwa Msimu huu, Chelsea, ambako ndiko alikotoka na kwenda Everton kwa Mkopo na kisha kuhama moja kwa moja, walitaka kumnunua tena.
Pia zipo ripoti kuwa Man United wanamtaka licha ya kuripotiwa  kumlenga Antoine Griezmann wa Atlético Madrid na pia kutaka kumbakisha Mkongwe Zlatan Ibrahimovic kwa Msimu mmoja zaidi.
Ingawa zipo kila dalili sababu za Kifedha zitashindwa kuwafanya Everton kumng'ang'ania Lukaku baada ya Msimu huu kwisha, Klabu hiyo inaamini hamna kutoelewana kati yao na kambi ya Lukaku.