MOURINHO: ‘DE GEA HAENDI REAL, BALE HAJI MAN UNITED!'

MENEJA wa Manchester United Jose Mourinho amesisitiza Kipa David De Gea atabaki kuwa Mchezaji wao kwa Msimu ujao huku pia akisema nia yake ni kupata Mchezaji Mmoja Mpya au Wawili lakini Fowadi wa Real Madrid Gareth Bale si mmoja wao.

DAVID DE GEA

MANUNITED MOURINHO HATARIJose Mourinho amesisitiza David De Gea atabakia Manchester United kwa Msimu ujao kwani Kipa huyo hana nia kujiunga na Real Madrid kama inavyozushwa.

Kwenye Duru nyingi za Soka ilivumishwa kuwa Real Madrid itatoa Ofa kumnunua De Gea baada ya kumkosa Dakika za mwisho za Siku ya Mwisho ya Dirisha la Uhamisho Mwaka 2015.

Mourinho ameeleza: "Nawahakikishieni De Gea hahami Msimu huu!"

Vile vile Mourinho ametoboa De Gea amekiri uwepo wa Kipa wa Akiba Sergio Romero ambae pia hudakia Timu ya Taifa ya Argentina kumemfanya awe bora zaidi.

Mourinho ameeleza kwa jinsi Romero alivyodaka Msimu uliopita, hasa kwenye UEFA EUROPA LIGI, kulimsukuma De Gea kuwa makini na kukaza Buti Mazoezini na kwenye Mechi.

Mourinho pia ameeleza uteuzi wa Kipa yupi atacheza Mechi zipi Msimu ujao utazingatia uzito wa Mechi na pia anataraji Kipa wa 3 Joel Pereira atajifunza mengi kutoka kwa De Gea na Romero.

WAPYA

Vile vile Mourinho amekiri ana nia ya kuongeza Wachezaji Wapya lakini amekiri ugumu wa Soko lenyewe.

Ameeleza: "Kutaja Majina ni ngumu kwangu kwani ni Wachezaji wa Klabu nyingine. Mameneja na Wamiliki wa Klabu nyingine hawapendi uzungumzie kununua Wachezaji wao. Hata mie sipendi uzungumzie Wachezaji wa Manchester United. Mie sifichi plani zangu..nilitaka Wachezaji Wanne ili Timu iwe na uwiano mzuri Kiwanjani."

Aliongeza: "Kwa sasa nakipenda Kikosi changu lakini bado nina matumaini ntaongeza wa 3 na labda wa 4!"

BALE HAJI

Wakati huo huo, Jose Mourinho amefuta kabisa kuwa Manchester United itatoa Ofa kumnunua Fowadi wa Real Madrid Gareth Bale katika kipindi hiki.

Kwa muda mrefu Man United imekuwa ikihusishwa na Bale na Mwaka 2013 nusura impate lakini Mchezaji huyo akasainiwa na Real Madrid kutoka Tottenham.

Lakini Mourinho amethibitisha kuwa, kama ilivyo kwa Cristiano Ronaldo, Bale si mlengwa wake.

MAN CITY KUWASAINI BENJAMIN MENDY NA DANILO, MATUMIZI YAO KUGOTA £220M!

MENDYMANCHESTER CITY wanakaribia kukamilisha Dili za kuwaunua Benjamin Mendy na Danilo na ununuzi huo utawafanya wafikie Pauni Milioni 220 katika kununua Wachezaji katika kipindi hiki.

Tayari City imewanunua Kipa kutoka Benfica Ederson kwa Dau linalokisiwa kuwa ni Pauni Milioni 34.7 na Mchezaji wa AS Monaco Bernardo Silva.

City inatarajiwa kumpata Mendy kutoka AS Monaco kwa Dau la Pauni 54 na pia Danilo, mwenye Miaka 27, kutoka Real Madrid kwa Dau la Pauni Milioni 30.

Imetobolewa kuwa Danilo tayari ashaafiki Mkataba wa Miaka Mitano na Dili hii itakuwa rasmi katika Masaa 48 yajayo.

Hivi sasa Danilo yupo Kambini na City huko Los Angeles, USA na ataruhusiwa kuondoka kwenda kupimwa Afya.

Manchester City – Uhamisho:

Ndani

Bernardo Silva (AS Monaco) Ada Pauni Milioni 42.5

Ederson (Benfica) Ada Pauni Milioni 34.7

Kyle Walker (Tottenham) Ada Pauni Milioni 43.35

Douglas Luiz (Vasco da Gama) Ada Pauni Milioni 10.2

Nje

Pablo Zabaleta (West Ham) Bure

Gael Clichy Ameachwa

Jesus Navas Ameachwa

Willy Caballero Ameachwa

Bacary Sagna Ameachwa

Enes Unal (Villarreal) Ada Haikutajwa

Angus Gunn (Norwich City) Mkopo

Aaron Mooy (Man City) Ada Pauni Milioni 8

Bersant Celina (Ipswich Town) Mkopo

Manchester City – Mechi kuelekea Msimu Mpya:

20 Julai v Manchester United, NRG Stadium, Houston, Texas (International Champions Cup) [0-2]

26 Julai v Real Madrid, Los Angeles Memorial Coliseum, (International Champions Cup)

29 Julai v Tottenham Hotspur, Nissan Stadium, Nashville, Tennessee (International Champions Cup)

4 Agosti v West Ham United, Laugardalsvollur National Stadium, Reykjavik

GUARDIOLA AMRUHUSU KOLAROV KWENDA ROMA, KLOPP AIGOMEA BARCA KUMCHUKUA COUTINHO!

WAKATI Bosi wa Manchester City Pep Guardiola akibariki Fulbeki wake Aleksandar Kolarov kujiunga na AS Roma, Bosi wa Liverpool Jurgen Klopp ameigomea Barcelona kumnunua Mchezaji wao kutoka Brazil Philippe Coutinho.

KOLAROV

COUTINHO KOLAROVBosi wa Manchester City Pep Guardiola amebariki Fulbeki wake Aleksandar Kolarov kutoka Serbia kujiunga na AS Roma ya Italy.

Mara baada ya Alfajiri ya Leo, Man City kuchapwa 2-0 na Man United kwenye Mechi ya International Champions Cup iliyochezwa huko Houston, USA, Guardiola alitoboa kuwa Kolarov, aliejiunga na City kutoka Lazio Mwaka 2010, ameomba kuihama City.

Guardiola pia ametoboa sasa wako Sokoni kutafuta Fulbeki huku Mchezaji wa AS Monaco Benjamin Mendy akitajwa.

Ameeleza: “Hatuna Mafulbeki, mbali ya mpya Kyle Walker, tunapaswa kununua Mafulbeki wengine. Watatu hatukuongeza Mikataba yao na Kolarov anakaribia kwenda Roma!”

Aliongeza: “Sipendi kukaa na Mchezaji asietaka kubaki. Kola ameomba kuondoka na tumeruhusu!”

COUTINHO

Zipo ripoti kuwa Ofa ya Pauni Milioni 72 ya Barcelona kumnunua Mchezaji kutoka Brazil Philippe Coutinho imekataliwa huku Meneja wa Liverpool Jurgen Klopp akisisitiza hauzwi.

Klopp amewaambia Barca kuwa Coutinho hauzwi kwa Bei yeyote ile.

Ameeleza: “Ndio, tunasema hauzwi. Sisi si Klabu ya kuuza Wachezaji!”

Mapema Mwaka huu, Coutinho alisaini Mkataba Mpya na Liverpool wa Miaka Mitano.

Mechi kuelekea Msimu Mpya:

Liverpool

12 Julai v Tranmere Rovers, Prenton Park, Birkenhead [4-0]

14 Julai v Wigan Athletic, DW Stadium, Wigan [1-1]

19 Julai v Crystal Palace, Hong Kong Stadium, Hong Kong (PL Asia Trophy) [2-0]

22 Julai v West Brom/Leicester City, Hong Kong Stadium, Hong Kong (PL Asia Trophy)

29 Julai v Hertha BSC, Olympiastadion Berlin

1 Agosti v Bayern Munich/Atletico Madrid/Napoli, Allianz Arena (Audi Cup) 

2 Agosti v Bayern Munich/Atletico Madrid/Napoli, Allianz Arena (Audi Cup) 

5 Agosti v Athletic Club, Aviva Stadium, Dublin

Manchester City

20 Julai v Manchester United, NRG Stadium, Houston, Texas (International Champions Cup) [0-2]

26 Julai v Real Madrid, Los Angeles Memorial Coliseum, (International Champions Cup)

29 Julai v Tottenham Hotspur, Nissan Stadium, Nashville, Tennessee (International Champions Cup)

4 Agosti v West Ham United, Laugardalsvollur National Stadium, Reykjavik

ENGLAND - UHAMISHO: HART YUPO WEST HAM, ARNAUTOVIC NAE WEST HAM, LUCAS LEIVA ANG'OKA LIVERPOOL YUPO LAZIO!

HARAKATI za  Uhamisho ambazo Dirisha lake litafungwa Agosti  zimepamba moto huko England.
PATA ZILIZOBAMBA:
KIPA JOE HART YUPO WEST HAM KWA MKOPO
COSTA HARTKipa wa Manchester City na England Joe Hart amekamilisha Uhmisho wake wa Mkopo wa Msimu Mmoja na kuhamia West Ham.
Hart alishapashwa na Meneja wa City Pep Guardiola kwamba atafute Klabu nyingine baada ya Msimu uliopita kuwa huko Italy kwa Mkopo Klabuni Torino.
Mkataba wa Hart kuwepo kwa Mkopo huko West Ham hauna Kipengele cha Kipa huyo kununuliwa moja kwa moja baada ya kumaliza muda wake wa Mkopo lakini unamzuia Kipa huyo kucheza Mechi za Mashindano dhidi ya City.
Wakati City itamlipa Hart sehemu ya Mshahara wake, West Ham imelipa Ada ya Mkopo inayokadiriwa kuwa Pauni Milioni 4.5.
Mkataba wa Hart na City unaisha Mwaka 2019.
Akiwa na City, Hart alitwaa Ubingwa wa EPL, LIGI KUU ENGLAND, mara 2 na kuichezea Timu ya Taifa ya England mara 71.
Mechi ya kwanza rasmi ya Hart huenda ikawa huko Old Trafford dhidi ya Manchester United ambayo ni Mechi ya kwanza kabisa kwa Timu hizo kwenye Msimu Mpya wa EPL, LIGI KUU ENGLAND, hapo Agosti 13.
Wakati huo huo, West Ham wameafikiana na Stoke City kumnunua Fowadi kutoka Austria Marko Arnautovic.
West Ham walitoa Ofa mbili zilizokataliwa na ya tatu ya Pauni Milioni 24 ndio imefuzu.
Arnautovic, mwenye Miaka  28, alijiunga na Stoke kutoka Werder Bremen Miaka Minne iliyopita na alikuwa amebakiza Mwaka Mmoja kwenye Mkataba wake na Stoke.
Msimu uliopita, Arnautovic aliifungia Stoke Bao 7 katika Mechi zake 35.
KIUNGO WA LIVERPOOL LUKAS LEIVA AJIUNGA NA LAZIO
Kiungo wa Liverpool Lucas Leiva amekamilisha Uhamisho wake wa kujiunga na Lazio ya Italy kwa Dau la Pauni Milion 5.
Lucas, mwenye Miaka 30, ndie Mchezaji alieitumikia Liverpool kwa muda mrefu katika kipindi hiki baada ya kujiunga nao Mwaka 2007 kutoka Klabu ya Brazil Gremio kwa Ada ya Pauni Milioni 5.
Lucas ameichezea Liverpool Mechi 345 na kati ya hizo 247 ni za EPL, LIGI KUU ENGLAND.
Huko Lazio, Lucas atakuwa mbadala wa Kungo kutoka Argentina Lucas Biglia ambae amejiunga na AC Milan.
Msimu uliopita, Lazio, chini ya Meneja Simone Inzaghi, walimaliza Nafasi ya 5 kwenye Serie A na hivyo Msimu ujao watashiriki UEFA EUROPA LIGI.

SAMPDORIA YATOA OFA KUMNUNUA JACK WILSHERE!

WISHERESAMPDORIA ya Italy imetoa Ofa ya Pauni Milioni 6 pamoja na nyongeza kadhaa za Pauni Milioni 1.5 kumnunua Kiungo wa Arsenal Jack Wilshere.
Wilshere amebakiza Mwaka Mmoja kwenye Mkataba wake na Arsenal na Msimu ulopita alikuwa kwa Mkopo huko Bournemouth.
Hata hivyo Mchezaji huyo mwenye Miaka 25 na ambae ameichezea England mara 34 hakumaliza Msimu baada ya kuvunjika Mguu kwenye Mechi na Tottenham Mwezi Aprili.
Pia iliwahi kuripotiwa kuwa Wilshere atapelekwa kwa Mkopo huko Crystal Palace.
Lakini Wikiendi iliyopita Meneja wa Arsenal Arsene Wenger alieleza kuwa anatarajia Wilshere atabaki Arsenal na kupigania namba yake.