RIPOTI SPESHO

MKWASA AITA 24 STARS!

 

TFF-HQ-1PRESS RELEASE NO. 145                                                                          JULAI 26, 2016       

MKWASA AITA NYOTA 24 STARS

Kocha Mkuu timu ya Mpira Tanzania ‘Taifa Stars’, Charles Boniface Mkwasa ameita kikosi cha wachezaji 24 watakaoanza kambi ya awali kuajindaa na mchezo dhidi ya Nigeria utakaofanyika Lagos, Septemba 2, 2016.

Kwa mujibu wa Mkwasa, timu hiyo itaingia kambini Agosti 1, 2016 na itadumu kwa siku tano tu kabla ya kuvunjwa na kuitwa tena mwishoni mwa mwezi Agosti, 2016 kujiandaa na kambi ya mwisho na moja kwa moja itakuwa ni kwa ajili ya safari kwenda Nigeria.

Katika kikosi hicho, Mkwasa hajaita nyota wa kimataifa akiwamo Nahodha, Mbwana Samatta wa FC Genk ya Ubelgiji na Thomas Ulimwengu wa TP Mazembe ya Jamhuri ya Kidemokrasia ya Congo (DRC) kwa sababu ya majukumu waliyonayo kwenye klabu zao kwa sasa.

Kadhalika, nyota hao wataungana na wenzao nchini Nigeria kwa kuwa mchezo huo upo kwenye kalenda ya CAF na ni wa mashindano. Mchezo huO ambao ni wa kukamilisha ratiba, Mkwasa amesema utakuwa mgumu kwani Nigeria wamebadili benchi la ufundi hivyo kila timu inaungalia mchezo huu kwa jicho la pekee.

Wachezaji walioitwa ni:

Makipa:

Deogratius Munishi

Aishi Manula

Benny Kakolanya

Mebeki:

Kelvin Yondani

Aggrey Morris

Oscar Joshua

Mohamed Husein ‘Tshabalala’

Juma Abdul

Erasto Nyoni

Viungo:

Himid Mao

Mohamed Ibrahim

Shiza Kichuya

Jonas Mkude

Ibrahim Jeba

Mwinyi Kazimoto

Farid Mussa

Juma Mahadhi

Hassan Kabunda

Washambuliaji:

Simon Msuva

Joseph Mahundi

Jamal Mnyate

Ibrahim Ajib

John Bocco

Jeremia Juma

INFANTINO AMSIFU MALINZI

Rais wa Shirikisho la Kimataifa la Mpira wa Miguu (FIFA), Gianni Infantino amemsifu Rais wa Shirikisho la Mpira wa Miguu Tanzania (TFF), kuwa ni miongoni mwa viongozi wa vyama vya soka duniani walioamua kuendesha soka kwa weledi kutokana na kuratibu mafunzo mbalimbali kwa makocha na waamuzi.

Salamu za Infantino zimetolewa na Msimamizi Mkuu wa kozi ya waamuzi nchini, Carlos Henrique kutoka Afrika Kusini akisema, “Infantino ana ripoti zote ya namna mpira wa miguu unavyoendeshwa duniani. Anasifu Tanzania kwa  namna mnavyopiga hatua. Ana ripoti idadi ya makocha walivyokuwa wachache na sasa mna makocha wengine wako kwenye kozi.

“Mbali ya makocha, leo tuko nanyi waamuzi, ni hatua kubwa ambayo Rais Infantino amemsifu Rais wa TFF, Bwana Malinzi,” alisema Henrique.

Henrigue aliyeka waamuzi hao kujikita zaidi kusoma namna sheria 17 za mpira wa miguu zilivyoboreshwa kwa kuondoa zaidi ya maneno 1,000 ili kuja kusimamia vema michezo wa soka huku akiwataka kuwa mahiri wakati wote. Henrique anafanya kazi hiyo kwa kushirikiana na Mark Mzengo kutoka Malawi, Felix Tangawarima wa Zimbabwe na Gladys Onyago kutoka Kenya.

Kozi za Waamuzi wa Mpira wa Miguu wa Tanzania sasa ilianza  jana Julai 25, 2016 kwa waamuzi wenye Beji ya Shirikisho la Mpira wa Miguu la Kimataifa (FIFA) na waaamuzi waandamizi wanaotarajiwa kuveshwa beji hizo kwa majina yao kupendekezwa FIFA kama watapata matokeo mazuri kwenye kozi inayoendelea.

Kozi ilianza kwa ratiba ya waamuzi wote kuchukuliwa vipimo (physical fitness test) kwa kila mwamuzi chini ya wakufunzi hao kutoka FIFA. Baada ya vipimo, darasa la waamuzi hao litaanza kwa nadharia na vitendo. Darasa hilo litafikia mwisho Julai 29, 2016 kabla ya kuanza darasa la waamuzi wa Ligi Kuu ya Vodacom Tanzania Bara (VPL), Ligi Daraja la Kwanza ya StarTimes (FDL) na Ligi Daraja la Pili (SDL) na makamishna wa michezo kwa msimu wa 2016/2017.

SHEIKH SAID BADO MAKAMU MWENYEKITI TPLB

Bwana Said Mohamed bado ni Makamu Mwenyekiti wa Bodi ya Ligi Kuu Tanzania (TPLB) baada ya kuingia kwenye wadhifa huo katika uchaguzi uliofanyika Oktoba 2013.

Nafasi hiyo ya Bw. Mohamed ni kwa mujibu wa Kanuni za Uendeshaji za TPLB, na aliipata kupitia uchaguzi huo. Pia Makamu Mwenyekiti huyo ni Mwenyekiti wa klabu ya Azam FC inayoshiriki Ligi Kuu ya Vodacom.

Bw. Mohamed alikuwa Meneja Mkuu wa Kampuni ya Salim Said Bakhresa ambayo pia inamiliki pia timu ya Azam FC kabla ya kustaafu Mei mwaka huu. Licha ya kustaafu ajira yake ndani ya SSB, lakini Bw. Mohamed bado ni Mwenyekiti wa Azam FC.

Kwa mujibu wa Katiba ya Shirikisho la Mpira wa Miguu Tanzania (TFF), Mwenyekiti na Makamu Mwenyekiti wa TPLB pia ni wajumbe wa Kamati ya Utendaji ya Shirikisho hilo na wanaendelea na majukumu yao kama kawaida.

Uchaguzi ujao wa viongozi wa TPLB ambayo inaongozwa na Mwenyekiti wake Hamad Yahya unatarajiwa kufanyika mwakani.

DUA ZOTE KWA SERENGETI BOYS

Dua na sala za Watanzania zielekezwe pia kwa timu ya Taifa ya Mpira wa Miguu ya vijana wenye umri wa chini ya miaka 17 ‘Serengeti Boys’, iliyoondoka leo saa 12.00 Uwanja wa Ndege ya Mwalimu Julius K. Nyerere, Dar es Salaam, Tanzania kwenda Antananarivo, Madagascar kupitia Uwanja wa Ndege wa Ndege ya Oliver Tambo jijini Johannesburg, Afrika Kusini.

Serengeti Boys inayokwenda kuweka kambi huko Antananarivo, Madagascar inatarajiwa kufika huko saa 8.10 mchana. Timu hiyo inajiandaa kucheza na Afrika Kusini katika mchezo wa awali kuwania nafasi ya kucheza fainali za Kombe la Mataifa ya Afrika utakaofanyika Agosti 6, 2016.

Mchezo wa marudiano utafanyika Agosti 21, mwaka huu kwenye Uwanja wa Azam, ulioko Chamazi-Mbagala, nje kidogo ya jiji la Dar es Salaam. Serengeti ipo kwenye ushindani wa kuwania nafasi ya kufuzu fainali za Kombe la Mataifa ya Afrika kwa vijana, zitakazofanyika mwakani huko Madagascar.

Wakati mkuu wa msafara akiwa ni Ayoub Shaibu Nyenzi ambaye ni Mwenyekiti wa Kamati ya Soka la Vijana, maofisa wengine waliosafiri na timu hiyo ni Kocha Mkuu, Bakari Nyundo Shime, Daktari wa timu hiyo, Shecky Francis Mngazija na Mtunza Vifaa, Andrew Vanance Andrew pamoja na Juma Kaseja Juma ambaye kwa muda amechukua nafasi ya makocha wasaidizi, Sebastian Nkoma na Muharam Mohammed ‘Shilton’ wanaohudhuria kozi ya makocha ngazi ya juu inayoratibiwa na CAF.

Nyota waliosafiri ni pamoja na makipa, Ramadhani Awm Kabwili, Kelvin Deogratius Kayego na Samwel Edward Brazio wakati mabeki wako Kibwana Ally Shomari, Nickson Clement Kibabage, Israel Patrick Mwenda, Dickson Nickson Job, Ally Hussein Msengi, Issa Abdi Makamba na Enrick Vitalis Nkosi.

Viungo ni Kelvin Nashon Naftal, Ally Hamisi Ng’anzi, Asadi Ali Juma Ali, Syprian Benedictor Mtesigwa, Ibrahim Abdallah Ali, Shaban Zuberi Ada huku washambuliaji wakiwa ni Mohammed Abdallah Rashid, Yohana Oscar Mkomola na Muhsin Malima Makame.

“Najua mchezo utakuwa mgumu, lakini nakiamini kikosi change. Kiko imara,” amesema Shime, maarufu zaidi kwa jina la Mchawi Mweusi.

Serengeti Boys inakwenda kucheza na Afrika Kusini baada ya kuwatoa Shelisheli kwa jumla ya mabao 9-0 katika mechi zake mbili za kimataifa. Mshindi wa jumla kati ya Serengeti Boys na Afrika Kusini, atacheza na timu mshindi kati ya Namibia na Congo-Brazaville.

Hivi karibuni Serengeti Boys ilifanya ziara India ambako walishiriki mashindano ya vijana ya Kimataifa yanayotambuliwa na FIFA (AIFF International Youth Tournament 2016) kabla ya kurudi na rekodi ya kupigiwa mfano si tu katika Tanzania na kwa nchi za Afrika Mashariki. Ilishika nafasi ya tutu nyuma ya Korea Kusini na Marekani.

……………………………………………………………………………………………..

IMETOLEWA NA SHIRIKISHO LA MPIRA WA MIGUU TANZANIA

RASMI TOKA TFF: RATIBA YA LIGI KUU YA VODACOM TANZANIA BARA 2016/2017

TFF-HQRatiba rasmi ya Ligi Kuu ya Vodacom Tanzania Bara msimu wa 2016/2017, imetoka.

Ratiba hiyo imezingatia michuano mbalimbali ya kitaifa na kimataifa kwa ngazi ya klabu na timu za taifa ili kukwepa dhana yoyote ya upangaji wa matokeo na kurundikana kwa michezo.

Hii ni ratiba rasmi ukiachana na ile ambayo ilisambaa kwenye mitandao ya kijamii.

Ile ya mitandao ya kijamii imekosewa anwani ya Posta ya TFF kadhalika kuonesha kuwa mchezo kati ya Azam FC na African Lyon ungefanyika Agosti 21, 2016 ilihali hii rasmi ina anwani sahihi na mchezo huo wa raundi ya kwanza ukionesha utachezwa Agosti 20, 2016.

Tunaomba familia ya soka kuegemea kwenye hii ya sasa rasmi inayotolewa na TFF.

…………………………………………………………....……………………

IMETOLEWA NA SHIRIKISHO LA MPIRA WA MIGUU TANZANIA

VPL1617-1ST-ROUNDA

VPL1617-2ND-ROUND

 

FIFA KUMWAGA MABILIONI, TFF YETU HII KUZIFIKISHA?

FIFA-FORWARDKAMATI ya Maendeleo ya FIFA, chini ya Makamu Rais wa FIFA ambae pia ni Rais wa Shirikisho la Soka la Bara la Asia, Shaikh Salman Bin Ebrahim Al Khalifa, wameanua Mpango Mpya wa Maendeleo wa Shirikisho la Soka Duniani FIFA, uitwao ‘Forward’ uliopitishwa na Kongresi ya FIFA Mwezi Mei.

Chini ya Mpango huu wa Forward, Vyama Wanachama wa FIFA - TFF, Shirikisho la Soka Tanzania - likiwa miongoni mwao pamoja na Mashirikisho ya 6 ya Mabara Duniani, ikiwemo CAF, wapo huru kuomba Fedha za Programu hii kwa ajili ya Maendeleo ya Soka katika sekta zao.
Kwa Vyama vya Soka, Fedha zimeongezwa kutoka Dola 1.6 Milioni kwa Miaka Minne hadi Dola Milioni 5 kwa kipindi hicho wakati zile za Mashirikisho ya Mabara, kwa kipindi cha Miaka Minne, zimepanda kutoka Dola Milioni 22 hadi 40.

Kwa Vyama kama TFF, mchanganuo ni kuwa kila Mwaka Dola 750,000 ni kwa ajili ya maendeleo ya Viwanja, Mashindano na Soka la Kinamama wakati Dola 500,000 kwa Mwaka ni gharama za Uendeshaji na Utawala Bora.

Washirika wa FIFA wamepewa hadi Tarehe 1 Juni 2017 kupeleka Maombi yao ya kupewa Fedha za Forward.

Mbali ya Msaada wa Forward, FIFA pia imesema ipo tayari kutoa Dola Milioni 1 kwa Vyama vya Soka kusaidia Vifaa, Mafunzo na Safari za Timu za Vijana na Kinamama.

Pia, FIFA imefafanua kuwa huviwezesha zaidi Vyama vya Soka [kama hii TFF yetu], chini ya Mpango wa Forward, gharama za Uendeshaji za Dola 100,000 kwa Mwaka na pia kupata ziada kufikia Dola 400,000 kwa Mwaka ikiwa watatimiza vigezo vifuatavyo:

-Wakiajiri Katibu Mkuu

-Wakiajiri Mkurugenzi wa Ufundi

-Wakiendesha Ligi ya Wanaume

-Wakiendesha Ligi ya Kinamama

-Wakiendesha Ligi ya Vijana

-Wakiendesha Ligi ya Vijana Kinamama

-Wakiwa na Mikakati ya kuendeleza Soka la Kinamama

-Wakiwa na Mikakati ya kendeleza Waamuzi

**SHARTI: Lazima vigezo Viwili vilengwe kwa Kinamama

Hata hivyo, FIFA imesisitiza kuwa Mipango hii chini ya Programu ya Foward, ni lazima iidhinishwe na Kamati ya Maendeleo ya FIFA na itadhibitiwa kwa kufuatiliwa kwa karibu mno kuhusu utekelezwaji wake ikiwa ni pamoja na kutumika Wakaguzi wa Mahesabu.

>>TFF HII YETU CHANGAMKENI LAKINI……….!!!!????

SOKA LA UFUKWENI, TANZANIA KUIVAA IVORY COAST

TFF-HQTimu ya Mpira wa Miguu Ufukweni ya Tanzania imepangwa kucheza na Ivory Coast kati ya Agosti 26, 27 au 28, 2016 kuwania nafasi ya kucheza fainali za Kombe la Mataifa ya Afrika kwa mwaka 2017 zitakazofanyika Lagos, Nigeria. Mchezo wa marudiano unatarajiwa kufanyika kati ya Septemba 16, 17, au 18.
Fainali za Mpira wa Miguu Ufukweni ambazo zitafahamika pia kama 2016 CAF Beach Soccer Championship, zitafanyika kuanzia Desemba 13 hadi 18, 2016 jijini Lagos, Nigeria kwa kushirikisha timu nane.
Tayari Nigeria imepasishwa kuwa mshiriki kwa sifa ya uenyeji waketi timu nyingine 14 zinawania kucheza fainali hizo. Timu nyingine zinazowania ni
Cape Verde v Senegal
Uganda v Misri
Liberia v Morocco
Kenya v Ghana  
Msumbiji v Madagascar  
Sudan v Libya

CAF U-17: SERENGETI BOYS YAITANDIKA SEYCHELLES 6-0, YASONGA KUIVAA AFRIKA KUSINI!

TFF-SERENGETI-BOYS2TIMU ya Taifa ya Tanzania ya Vijana chini ya Miaka 17, maarufu kama Serengeti Boys, Leo huko Mahe, Seychelles, imewanyuka wenzao wa Seychelles Bao 6-0 katika Mechi ya Marudiano ya Michuano ya CAF U-17 African Youth Championship na kusonga Raundi ya Pili kwa Jumla ya Bao 9-0.

Katika Mechi ya Kwanza iliyochezwa Jijini Dar es Salaam hapo Juni 26, Serengeti Boys iliifunga Seychelles Bao 3-0 kwa Bao za Shaaban Zubeiry Ada, Ibrahim Abdallah Ali na Ally Hussein Msengi.

Leo, Wafungaji wa Serengeti Boys walikuwa ni Shaaban Zubeiry Dakika ya 7, Mohammed Abdalah, 49’, Hassan Juma, 47’ na 75’, Issa Makamba, kwa Penalti, 65’ na Yohana Nkomola, 90’.

Serengeti Boys, chini ya Makocha Bakari Shime na Kim Poulsen kutoka Denmark, sasa wataivaa South Africa katika Raundi ya Pili itakayochezwa baadae Mwezi huu.

Fainali za CAF U-17 zitachezwa Mwakani huko Madagascar na kushirikisha Nchi 8.