RIPOTI SPESHO

BIG SAM AACHIA NGAZI ENGLAND BAADA MECHI 1 NA SIKU 67 TU!

BIG-SAMSam Allardyce, maarufu kama Big Sam, ameacha kazi ya Umeneja wa Timu ya Taifa ya England baada ya kuwa Madarakani kwa Siku 67 tu na kusimamia Mechi 1 tu.

Kung’atuka huku, ambako kumesemwa ni kwa makubaliano ya pande mbili, kumekuja baada ya Gazeti la Uingereza The Daily Telegraph kudai alizungumzia njia zisizo halali za Uhamisho wa Wachezaji.

Gazeti hilo limechapisha habari kuwa Maripota waliojifanya Wafanyabiashara walizungumza na Allardyce na yeye alikiri inawezekana kuizunguka Sheria ya FA, Chama cha Soka England, ya Mwaka 2008 ya kuzuia Mchezaji kuwa Mali ya Mmiliki mwingine Kibiashara mbali ya Klabu yake.

Pia, ripoti ya Telegraph ilidai alimdhihaki Meneja wa England aliemrithi, Roy Hogson, huku pia akisema FA inajali kutengeneza Fedha tu.

Gazeti hilo pia lilirusha mtandaoni Video inayoonyesha Mkutano huo na Wafanyabiadhara feki wakati Big Sam akimponda Hodgson na kuikandya FA.

Vile vile, Gazeti hilo limedai Allardyce, mwenye Miaka 61, alitaka kutumia wadhifa wake ilia pate Dili ya kumwingizia Pauni 400,000 kwa kuiwakilisha Kampuni ya huko Mashariki ya Mbali Ya Asia.

FA imetamka kuwa Gareth Southgate atakaimu nafasi ya Umeneja wa England.

BIG SAM MATATANI BAADA KUNASWA MTEGONI!

BIG-SAMGAZETI moja huko Uingereza, The Daily Telegraph, limemtia matatani Meneja wa England Sam Allardyce baada kudai alizungumzia njia zisizo halali za Uhamisho wa Wachezaji.
Gazeti hilo limechapisha habari kuwa Maripota waliojifanya Wafanyabiashara walizungumza na Allardyce, maarufu kama Big Sam, ambae alikiri inawezekana kuizunguka Sheria ya FA, Chama cha Soka England, ya Mwaka 2008 ya kuzuia Mchezaji kuwa Mali ya Mmiliki mwingine Kibiashara mbali ya Klabu yake.
Pia, ripoti ya Telegraph ilidai alimdhihaki Meneja wa England aliemrithi, Roy Hogson, huku pia akisema FA inajali kutengeneza Fedha tu.
Gazeti hilo pia lilirusha mtandaoni Video inayoonyesha Mkutano huo na Wafanyabiadhara feki wakati Big Sam akimponda Hodgson na kuikandya FA.
FA wamethibitisha kuwepo kwa sakata hili na kueleza kuwa wamelitaka The Daily Telegraph kuwapa ukweli wote kuhusu Mkutano huo.
Inasemekana Allardyce mwenyewe hajajibu chochote alipotakiwa kujibu tuhuma hizi.

KPL: SOFAPAKA WAIBANA MBAVU GOR MAHIA

NA Ripota Spesho toka Kenya

KENYA-LIGI2Sofapaka inayokabiliwa na tisho la kushuka Daraja iliibana Gor Mahia kwa sare tasa huku mechi zilizohusisha Thika United-Sony Sugar na Mathare United-Posta Rangers pia zikitoka sare kwenye Jumapili ya kugawanya alama.

Mathare United 0-0 Posta Rangers

Matumaini ya Mathare United kushinda ligi kuu yalizidi kudidimia baada ya kuzuiliwa na Ranger waliocheza kibabe. Timothy Otieno alikaribia kupata bao la uongozi mapemaKENYA-LIGI kwa upande wa Rangers lakini akapIga nje. Baadaye Mathare,walioanza msimu huu vizuri, waliwaelemea bila kuzalisha bao. Sare hii ina maana kuwa Mathare wameshinda mechi mbili tu kati ya 10 na hivyo basi wamejitoa kwenye nafasi ya uwezekano wa kushinda taji lao la pili.

Matokeo haya yameidumisha Posta Rangers kwenye nafasi ya saba kwenye jedwali.

Thika United 1-1 Sony Sugar.

Sony Sugar waliokuwa wanacheza kwa kujituma waliingia uongozini dakika ya 26 kupitia kwa Victor Ademba aliyepokea pasi ya toka kwa Amon Muchiri. Thika walipambana vilivyo lakini ikawabidi wasubiri mpaka robo ya mwisho pale Saad Musa alipomalizia pasi ya Eugene Mukangula na kusawazisha Bao.

Sofapaka 0-0 Gor Mahia.

Mawindo ya Gor Mahia yaliingia doa jengine kwa kudondosha alama mbili dhidi ya waburuza mkia Sofapaka, wanaopigania wasiteremshwe ngazi. Mechi hii ilichezwa kwenye Uwanja wa Nyayo, Nairobi na Sofapaka almaarufu 'Batoto ba Mungu’ wakatumia mbinu ya kujaza kiungo cha kati ili kukatiza mtiririko wa K’Ogalo na wakafaulu.

Kocha wao David Ouma alifurahia kujituma kwa wachezaji wake kikamilifu. Gor walitawala mchezo huo na kupoteza nafasi za wazi, na matokeo haya huenda yakawagharimu huku ziiisalia mechi tano kukanilisha msimu wa mwaka 2016 wa ligi kuu ya Kenya.

Gor wapo alama nne nyuma ya Vinara Tusker walioshinda mechi yao ya wikendi kwa kuibwaga Muhoroni Youth FC 2 - 1 .

LIGI KUU SPORTPESA

Matokeo:

Ijumaa Septemba 23

FT Tusker FC 2 - 1 Muhoroni Youth FC

Jumamosi Septemba 24

FT Chemelil Sugar 1 - 0 Ulinzi Stars

FT AFC Leopards 0 - 1 Western Stima

FT Bandari 1 - 3 Nairobi City Stars

FT Kakamega Homeboyz 1 - 1 Ushuru

FC Jumapili Septemba 25

FT Mathare United 0 - 0 Posta Rangers

FT Thika United 1 - 1 SoNy Sugar

FT Sofapaka 0 - 0 Gor Mahia

MOURINHO AKANUSHA NUKUU YA ‘KUBOMOA SURA YA WENGER’!

WENGER-MOURINHOJose Mourinho amesema hana tatizo na Arsene Wenger licha ya kuchapishwa Kitabu kikimnukuu yeye akisema ‘ataibomoa Sura ya Wenger’.

Mourinho, ambae sasa ni Meneja wa Manchester United, amekuwa na upinzani wa muda mrefu na Wenger ambae ni Meneja wa Arsenal na hasa wakati Mourinho akiwa ni Meneja wa Chelsea.

Akiwa huko Chelsea, Mourinho aliwahi kumbatiza Wenger kuwa ni ‘Spesho wa Kushindwa’.

Nukuu hiyo ya kwamba ‘ataibomoa Sura ya Wenger’ ipo kwenye Kitabu kiitwacho Jose Mourinho: Up Close and Personal  kilichaoandikwa na Mwanahabari Rob Beasley.

Jana, Wenger alipogusiwa kuhusu Kitabu hicho alisema hatakisoma.

Na Jana hiyo hiyo, Mourinho akaulizwa kuhusu Kitabu hicho na kujibu: “Utaona yuko karibu na mimi. Nina furaha. Ametengeneza Pesa zake, hilo sawa kwangu!”

Mourinho aliongeza: "Nilikutana na Arsene Wenger Wiki chache zilizopita, na kama Watu wastaarabu, tukapeana mikono. Tukakaa Meza moja na kula Chakula cha Usiku pamoja na Watu wengine. Tukabadilishana mawazo, tuliongea kwa sababu sisi ni Watu tuliostaarabika. Kwa mara nyingine sidhani Kitabu hiki kitakaa Maktaba moja na vile vya Shakespeares na vingine!”

Aliongeza: “Sitaongeza lolote jingine. Hilo ni neon langu la mwisho. Narudia huyo ametengeneza Pesa yake. Hilo sawa kwangu!”

PEP GUARDIOLA – MASTAA ALIOKOROFISHANA NAO – IBRA, ETO’O, HART NA SASA YAYA!

PEP-YAYAJANA ulibuka mzozo mkubwa baada ya Meneja wa Manchester City Pep Guardiola kumtaka Wakala wa Yaya Toure, Dimitri Seluk, kumuomba radhi la sivyo Mchezaji huyo hatachezea tena Timu hiyo.

Seluk alijibu mara moja kuwa hataomba radhi na sasa ni wazi Yaya Toure atatoswa tu.

Mbali ya kupata mafanikio makubwa kama Kocha katika Miaka 8 iliyopita, Guardiola pia ana sifa kubwa ya kugombana na kuwatimua Mastaa wakubwa kwenye Timu zake.

Baadhi ya hao ni Zlatan Ibrahimovic, Samuel Eto'o, Joe Hart na sasa Yaya Toure ambae alimtema alipokuwa nae huko Barcelona na kumuuza kwa Man City.

Mara baada Guardiola kukabidhiwa mikoba huko Barca Mwaka 2008 aliwatangaza Mastaa wakubwa wa Timu hiyo, Ronaldinho, Deco na Eto'o, kwamba wataondoka.

Eto'o aliweza kubakia kwa vile tu walishindwa kumpata Fowadi mbadala kwa wakati.

Baada ya Msimu mmoja aliofunga Bao 36 na kuipa ushindi Barca kwenye Fainali ya UEFA CHAMPIONZ LIGI, Eto’o akaondoka kwenda Inter Milan ya Italy.

Eto’o aliwahi kuongea Mwaka 2014: “Guardiola hakuwa na ubavu wa kuongea vitu mbele yangu. Hatukusaliamiana!”

Kuondoka kwa Eto’o kulimleta Zlatan Ibrahimovic Barca akitokea Inter Milan na kuiwezesha Barca kutetea Ubingwa wa La Liga na kutwaa Kombe la Dunia kwa Klabu lakini wakatupwa nje ya Copa del Rey na pia Nusu Fainali ya UEFA CHAMPIONZ LIGI na Inter Milan.

Ibrahimovic nae akaingia matatani na Guardiola na Straika huyo wa Man United hivi sasa ameeleza: “Sikuwa na tatizo na Mtu yeyote. Miezi ya mwanzo ilienda vizuri na kisha kikatokea kitu nisichokijua hadi Leo. ‘Mwanafalsafa’ huyo [Akimaanisha Guardiola], aliacha kuongea na mimi!”

Ibrahimovic pia alidai Wachezaji wenzake huko Barca walikuwa kama Watoto wa Shule wakikaa kimya tu mbele ya Guardiola.

Ameeleza: “Chumba chetu cha Kubadili Jezi kilikuwa kimya. Messi, Xavi na Iniesta Siku zote walitii bila kusema lolote. Mie siko hivyo!”

Wakati utawala wake ukiendelea huko Nou camp, zipo ripoti kuwa Guardiola alikodi Wapelelezi kuchunguza maisha binafsi ya Wachezaji wake na mmoja wao alikuwa Gerard Pique ambae Guardiola alitaka kujua kama alikuwa akila laifu kwa Mapati ya Usiku na Mpenzi wake Staa Muimbaji Shakira.

Kutoboka kwa hili la Wapelelezi pia likafichua kuwa Guardiola aliwahi mtindo huo huo na kuwachunguza kina Ronaldinho, Deco na Eto'o maisha yao binafsi.

Akielekea kuondoka Nou Camp, ziliibuka taarifa kuwa Guardiola pia aliwahi kukwaruzana na Messi na Cesc Fabregas.

Hata alipotua huko Germany akiwa na Bayern Munich, Wachezaji walishikishwa adabu na kunyamazishwa lakini zipo ripoti wa ugomvi na Mfaransa Frank Ribery.

Alipoondoka Guardiola huko Bayern na nafasi yake kuchukuliwa na Kocha wa Italy, Carlo Ancelotti, Ribery alifunguka na kumkandya Guardiola kimafumbo: “Ancelotti anajua kuishi na Wachezaji. Ancelotti ni zawadi kwa Bayern na kwa yeye najiamini. Nahitaji Makocha kama yeye, Jupp Heynckes na Ottmar Hitzfeld!”

Akiwa Bayern, Guardiola alimtosa pia Lejendari wao Bastian Schweinsteiger na alipotua Man City tu shoka likatua kwa Kipa wa England Joe Hart na kumnyemelea Yaya Toure.

Toure na Guardiola wana historia ya uhasama iliyoanzia wote wakiwa huko Barcelona.

Baada ya Toure kuihama Barca na kumuacha Guardiola huko na yeye kutua City, Toure alieleza: “Kila nilipokuwa nikimuuliza kitu, Pep hunijibu vitu vya ajabu. Siku zote alinidharau hadi ilipokuja Ofa ya City. Hapo nikaamua kuondoka. Sikuongea na Guardiola Mwaka mzima. Kama angekuwa anaongea na mimi nisingeondoka. Mie nilitaka nimalizie Soka langu Barca. Lakini yeye hakuwa na Imani na mimi!”

Jana ndipo likaibuka hili sakata jipya la Toure na Guardiola pale Yaya Toure alipoambiwa na Meneja Pep Guardiola kwamba hatachezea tena Manchester City mpaka Wakala wake atakapoomba radhi kwa matamshi yake kwenye Vyombo vya Habari.

Mara baada ya kauli hiyo, Wakala wa Toure, Dimitri Seluk, akajibu mapigo na kumtaka Guardiola ndie aombe radhi kwa Manuel Pellegrini na Kipa Joe Hart.

Kauli ya Seluk kwa Vyombo vya Habari iliyoleta tafrani hiyo ni pale alipodai Guardiola amemfedhehesha Toure kwa kumuacha kwenye Kikosi cha Man City cha UCL, UEFA CHAMPIONZ LIGI Msimu huu.

Tangu Guardiola atue City mwanzoni mwa Msimu huu, Toure amecheza Mechi 1 tu kati ya 8 City walizocheza hadi sasa.

Guardiola ameeleza kuwa ilikuwa ngumu kwake kumuacha Toure kwenye Kikosi cha UCL.

Guardiola akaongeza: “Lakini Siku Wakala wake alipoongea, hapo hapo Yaya alikuwa nje. Nitakubali tu arejee ikiwa Dimitri Seluk ataongea kwa Rafiki zake wa Vyombo vya Habari na aiombe radhi Man City, na Wachezaji wenzake na Kocha, na hilo likitokea Yaya atakurudi Kundini na atakuwa na nafasi kucheza Mechi zote kama wengine.”

Wachambuzi wengi wanaamini Guardiola hampendi Toure kwani ni yeye aliemuuza Mchezaji huyo wa Ivory Coast kwa Man City walipokuwa wote huko Spain Klabuni FC Barcelona.

Hiyo Jana Wakala Seluk alitoboa: “Pep hataki Wachezaji Mastaa wenye haiba kubwa. Yeye anataka Wachezaji wanaomuogopa tu na kufanya kila analosema. Ndio maana alipotua City akaibua bifu na Yaya na Joe Hart, Wachezaji wakubwa hapo City!”