RIPOTI SPESHO

TOKA TFF: EL MAAMRY KUSULUHISHA YANGA NA SIMBA, VPL KESHO, STARS NA ZIMBABWE, MALINZI AULA CAF!

EL-MAAMRY KUKUTANA NA SIMBA, YOUNG AFRICANS NOVEMBA 3

TFF-HQMsuluhishi wa kisheria wa sakata la madai ya Simba dhidi ya Young Africans hali kadhalika Mchezaji Hassan Hamisi Ramadhani maarufu kama Hassan Kessy, Wakili Msomi, Mzee Said El-Maamry anatarajiwa kukutana na pande zinazopingana Alhamisi Novemba 3, mwaka huu ili kufikia mwafaka wa mwadai hayo.

Kamati ya Katiba, Sheria na Hadhi za Wachezaji iliagiza pande za Simba na Young Africans kumaliza suala hilo mapema mwezi uliopita, lakini kwa sababu zilizo nje ya TFF na Kamati yake walishindwa kufanya hivyo kupewa barua ya wito kuitwa kikaoni Oktoba 29, mwaka huu.

Hata hivyo, msuluhishi huyo alishindwa kuendelea na kikao hicho baada ya taarifa kutoka Young Africans kusema kwamba mmoja wa Wawakilishi wake, Wakili Msomi Alex Mgongolwa kuwa safarini Iringa alikokwenda kwa sababu ya matatizo ya kifamilia. Ilielezwa kuwa Mgongolwa ambaye ni Mwanasheria wa Young Africans, alifiwa hivyo kuomba kupangiwa siku nyingine.

Kutokana na hali hiyo, E-Maamry amepanga sasa kukutana nna viongozi na/ au Wawakilishi wa pande zote mbili Alhamisi saa 11.00 jioni kwenye ofisi za TFF ili kuketi chini ya kuangalia namna ya kumaliza madai ya Simba iliyowasilisha mashauri mawili ambako moja ni dhidi ya Young Africans ilihali jingine ni dhidi ya mchezaji Hassan Kessy.

Mzee El-Maamry amesema: “Ili kutenda haki, lazima tutoe nafasi kwa pande zote kusikiliszwa. Ni vema Mwanasheria wa Young Africans akasubiriwa.”

Kamati ya TFF inasuburi makubaliano hayo, na ikitokea imeshindikana, suala hilo litarudi kwenye Kamati hiyo kwa ajili ya uamuzi wa mwisho kwa mujibu wa taratibu, kanuni na sheria zinazoongoza mpira wa miguu.

RAUNDI YA 14 LIGI KUU YA VODACOM

Ligi Kuu ya Vodacom Tanzania Bara (VPL) inatarajiwa kuendelea kesho kwa viwanja sita ambako kwa mara ya kwanza timu zote za Dar es Salaam zitakuwa mikoani kupambana kutafuta nafasi bora katika ligi hiyo iliyoanza Agosti 20, 2016 kabla kufifikia ukomo wa mzunguko wa 15, Novemba 12, mwaka huu.

Vinara ligi hiyo kwenye msimamo msimu wa 2016/17, Simba SC watakuwa wageni wa Stand United kwenye Uwanja wa CCM Kambarage wakati mabingwa watetezi wa taji hilo Young Africans itakaribishwa na Mbeya City kwenye Uwanja wa Sokoine jijini Mbeya.

Africans Lyon pia ya Dar es Salaam itakuwa mkoani Pwani kucheza na Ruvu Shooting kwenye Uwanja wa Mabatini mkoani Pwani wakati Maafande wengine kutokea mkoani humo – JKT Ruvu watakuwa wageni wa Majimaji ya Songea kwenye Uwanja wa Majimaji ilihali Ndanda itawakabiri Ndanda FC kwenye Uwanja wa Nangwanda Sijaona mjini Mtwara huku Toto African ikiwakaribisha Azam kwenye Uwanja wa CCM Kirumba jijini Mwanza.

Ligi hiyo itaendelea Alhamisi Novemba 3, mwaka huu kwa michezo miwili ambayo itafanyika mikoa ya Kanda ya Ziwa kwa Mwadui kuialika Mtibwa Sugar kwenye Uwanja wa Mwadui Complex huko Shinyanga huku Mbao Fc ikiwa na kibarua kigumu dhidi ya Kagera Sugar kwenye Uwanja wa CCM Kirumba, jijini Mwanza.

Wakati ligi hii ikiingia ukiongoni kwa nusu msimu, TFF inatoa wito kwa timu kuajiandaa na dirisha dogo la usajili linalotarajiwa kuanza Novemba 15, mwaka huu kusajili wachezaji mahiri ikiwa ni sehemu ya maandalizi ya mwendelezo wa ligi hiyo nusu ya msimu uliobaki utakaoanza baadaye Desemba.

Wakati wa usajili wa dirisha dogo ndipo michuano ya hatua ya awali ya kuwania Kombe la Shirikisho la Azam 2016/2017 inatarajiwa kuanza Novemba 19, mwaka huu ambako pia imepangwa kuzindua michuano hiyo hukop mkoani Mara.

Safari hii timu shiriki zimeongezwa mabingwa wa mikoawa mwaka jana hivyo kufikisha idadi itakayofika 86 badala ya 64 za msimu ulioipita. Imechukuliwa mikoa 22 baada ya ile mitano, kupanda Daraja kucheza Ligi Daraja la Pili msimu huu ambayo imeanza kushika kasi.

TAIFA STARS KUJIPIMA NA ZIMBABWE

Baada ya kukosa mchezo wa kirafiki wa kimataifa dhidi ya Ethiopia, timu ya Taifa ya Tanzania ‘Taifa Stars’ imepata mwaliko wa kucheza na Zimbabwe katika mchezo wa kirafiki wa kimataifa unaotarajiwa kufanyika jijini Harare, Novemba 13, mwaka huu.

Kama ilivyotokea kwa Ethiopia kuomba nafasi hiyo kwa Tanzania, pia Zimbabwe imefanya hivyo na mara moja Tanzania imethibitisha kucheza mchezo huo wa kirafiki wa kimataifa wenye kutoa tathmini ubora ili kuingia kwenye viwango vya ubora vya Shirikisho la Kimataifa la Mpira wa Miguu (FIFA).

Kuikosa Ethiopia ambayo ilitoa taarifa baadaye kuwa isingeweza kuihodhi Taifa Stars kwa sababu ya hali mbaya ya hewa kwa kipindi cha Oktoba mwanzoni, kulisababisha Tanzania iliyokuwa imejiandaa kucheza mechi hiyo kushushwa kwa kiwango kikubwa nafasi ya ubora wa viwango vya FIFA kutoka ya 132 hadi zaidi ya 144. Zimbambwe kwa sasa ni ya 110 na Ethiopia ni ya 126.

Tayari Kocha Mkuu wa Taifa Stars, Charles Boniface Mkwasa amepewa majukumu ya kuanza maandalizi na wakati wowote wiki hii atatangaza kikosi ambacho kitawavaa vijana hao wa Mheshimiwa Rais Robert Mugabe wa Zimbabwe.

“Ni kipimo kizuri, ni timu nzuri kucheza nayo,” alisema Mkwasa alipozungumza na Mtandao wa TFF ambao ni www.tff.or.tz.

Taifa Stars ambayo kwa sasa haina mashindano au kujiandaa na mashindano yoyote baada ya kutolewa nafasi ya kuwania Kombe la Mataifa ya Afrika, inajipanga huku ikisubiria ratiba mpya za Baraza la Mpira wa Miguu Afrika Mashariki (CECAFA), Shirikisho la Mpira wa Miguu Afrika (CAF) na Shirikisho la Kimataifa la Mpira wa Miguu (FIFA).

SERENGETI BOYS YAANZA KAMBI SAFARI YA KOREA KUSINI

Timu ya Taifa ya Mpira wa Miguu ya vijana wenye umri wa chini ya miaka 17 – Serengeti Boys, imeanza rasmi kambi ya wiki moja kabla ya kwenda Korea Kusini ambako itashiriki michuano maalumu ya kimataifa iliyoandaliwa na Shirikisho la Mpira wa Miguu la Korea Kusini.

Timu hiyo itapiga kambi kwa wiki moja kwenye Hosteli za TFF zilizoko Uwanja wa Kumbukumbiu ya Karume, Ilala jijini Dar es Salaam. Tayari vijana wameripoti kwenye hosteli hizo tangu jana Oktoba 31, 2016.

Ikiwa Korea, itashiriki michuano hiyo kwa siku takribani 10 kabla ya kurejea nchini ambako itapangiwa programu nyingine ikiwa ni kucheza na nyota 40 walioteuliwa na Airtel baada ya michuano ya Kampuni hiyo ya simu iliyofanyika mwaka huu kwenye kona mbalimbali nchini kabla ya fainali zake kufanyika Uwanja wa Karume, Dar es Salaam.

Serengeti Boys imepata nafasi hiyo kutokana na umahiri wake wa kucheza soka la ushindani kwani kwa kipindi cha mwaka mmoja tu, imeweza kucheza michezo 16 ya kimataifa ambako imekuwa ikifanya vema katika mechi 15 kabla ya 16 iliyopoteza dhidi ya Congo-Brazaville katika michuano ya kuwania nafasi ya kucheza Kombe la Mataifa ya Afrika.

WAJUMBE WA KAMATI YA UTENDAJI WAMPONGEZA RAIS MALINZI

Wadau mbalimbali wakiwamo Wajumbe wa Kamati ya Utendaji wa Shirikisho la Mpira wa Miguu Tanzania, wamemwagia sifa na pongezi Rais wa TFF Jamal Malinzi kwa kuteuliwa kwake kuunda jopo la watu 11 tu wa Kamati maalumu ya mageuzi ya muundo wa CAF itakayokuwa na jukumu la kufanya mabadiliko mapya ya shirikisho.

Rais wa Shirikisho la Mpira wa Miguu Afrika (CAF), Issa Hayatou ameteua Rais Malinzi ikiwa ni sehemu ya maazimio ya mkutano uliopita wa kawaida wa shirikisho uliofanyika Septemba 29, mwaka huu ambako Rais Hayatou amezingatia mjadala uliolenga kufanya mabadiliko kwa kufanyia kazi mara moja.

Hayatou si tu kwamba amejali mjadala wa mkutano ule, pia ameheshimu mawazo ya vyama wanachama vya nchi pamoja na wajumbe wa Kamati ya Utendaji na wataalamu mbalimbali ili kupata mustakabali wa muundo wa uongozi wa shirikisho hilo ili kukabiliana na changamoto dhidi ya mpira wa miguu barani Afrika.

Baada ya kutangazwa, salamu za wajumbe wa Kamati ya Utendaji zilikuwa ni kama ifuatavyo.

Lina Kessy, ameandika: “Kwanza Napenda kumpongeza Rais kwa uteuzi huo. Tuna imani naye na tunaamini itaiwakilisha vyema nchi yetu. Huu ni ushahidi tosha wa uwezo wa Rais wetu latika maswala ya utawala. Nakutakia majukumu mema naomba nikungate sikio. Nafasi ya Vice (Makamu) MOJA KATI YA WALE WAWILI IENDE KWA MWANA MAMA... Mwamba ngozi...Nakutakia kila la kheri Rais.  Naamini tutakuwa tayari kukuwezesha kufanikisha majukumu yako. Asante.

Ayoub Nyenzi, ameandika: “Hongera sana Rais Jamal Malinzi kwa uteuzi huu .Ni jitihada zako za kuendeleza mchezo wa mpira kumesababisha uteuzi huu Mungu akuongoze katika jukumu hilo lililo nje ya mipaka ya Tanzania.

Blassy Kiondo, naye ameandika: “Napenda kuchukua fursa hii kukupongeza wewe binafsi Mh. Rais kwa Kuteuliwa katika Kamati hiyo muhimu ya Mabadiliko ya Muundo wa Shirikisho la soka la Afrika, CAF.  Uadilifu wako, Juhudi katika Utendaji wako na Uweledi wako busara na hekima ulizonazo ndizo zimepelekea wewe Kuteuliwa kuwa Mjumbe katika Kamati hiyo Hongera sana  Mh. Rais, Hii pia ni sifa kubwa kwa Nchi yetu ya Tanzania, Hongera JAMAL MALINZI.

Saloum Chama: “Mimi binafsi nimepata faraja kubwa sana kwa uteuzi alioupata Mh. Rais wa Shirikisho la Mpira wa Miguu Tanzania nampongeza sana kwa kuteuliwa kwake uteuzi huu ni imani kubwa kwa Watanzania na ni kipimo kuwa Rais wetu anatambulika na kioo kwa mataifa ya nje hivyo basi jukumu letu sote nikumuombea kwa allah amjaalie katika majukumu yake mapya, na Mungu akupe afya njema daima.

Kalilo Samson Mswaga: Nampongeza Mh. Rais wetu kwa kuteuliwa katika nafasi hiyo, Mola azidi kumpa busara aweze kuitangaza zaidi TFF na Tanzania kwa umahiri.

Alhaji Ahmed Mgoyi: “President kwa kweli nimefarijika sana kwa nafasi uliyoaminiwa na kiroho safi nakuahidi pamoja na shughuli nyingi nilizonazo lakini kwa uzito wa jambo hili NIMEJITOLEA kuwa nakusindikiza katika Shughuli zako ngumu za Kamati hii. President HONGERA SANA. INSHALLAH, Tupo Pamoja. Kila la Kheri.

Kamati hiyo itawajibika kwa Kamati ya Utendaji ya CAF ili kupata mwongozo ingawa haibanwi zaidi na Katiba ya shirikisho.

Kamati inaundwa na

1.            Issa Hayatou (Cameroon), ambaye ni Rais CAF atakayekuwa Mwenyekiti.

2.            Amadou Diakite (Mali), Makamu Rais wa CAF na Mjumbe wa Kamati ya Utendaji ya shirikisho.

3.            Mohammed Raouraoua (Algeria), Mjumbe wa Kamati ya Utendaji CAF ambaye pia ni Mwenyekiti wa Masuala ya Sheria. Pia ni Rais wa Shirikisho la Mpira wa Miguu la Algeria (FAF).

4.            Lydia Nsekera (Burundi) Mjumbe wa Baraza la Shirikisho la Kimataifa la Mpira wa Miguu (FIFA).

5.            Raymond Hack (Afrika Kusini), Mwenyekiti wa Bodi ya Nidhamu ya CAF.

6.            Me. Prosper Abega (Cameroon), Mwenyekiti wa Bodi ya Rufaa ya CAF.

7.            Jamal Malinzi (Tanzania), Rais wa Shirikisho la Mpira wa Miguu Tanzania (TFF).

8.            Me. Augustin Senghor (Senegal), Rais wa Shirikisho la Mpira wa Miguu Senegal (FSF)

9.            Victor Adolfo Osorio (Cap Verde), Rais wa Shirikisho la Mpira wa Miguu Cap Verde (FCF)

10.         Maclean Letshwti (Botswana), Rais wa Shirikisho la Mpira wa Miguu Botswana (BFA)

Hicham El Amrani (Morocco) ambaye ni Katibu Mkuu wa CAF.

IMETOLEWA NA TFF

VPL: LEO VINARA SIMBA KUNGURUMA MWADUI? YANGA JUMAPILI NA MBAO!

>JANA AZAM FC YAJITUTUMUA KUIBWAGA KAGERA HUKO KAITABA!

VPL

Ratiba/Matokeo:

Ijumaa Oktoba 28

Kagera Sugar 2 Azam FC 3

Jumamosi Oktoba 29

Mwadui FC v Simba

Mbeya City v Maji Maji FC

Toto Africans v Mtibwa Sugar

JKT Ruvu v Ndanda FC

African Lyon v Tanzania Prisons

++++++++++++++++++++++++++

VPL-2016-17-LOGO-1LEO, VPL, Ligi Kuu Vodacom, inaendelea kwa Mechi 5 na mojawapo ni kuleVPL-OKT29 Shinyanga, wakati Vinara wa VPL, Simba, watakapocheza na Mwadui FC.

Baada ya Mechi 11, Simba wapo kileleni wakiwa na Pointi 29 na Yanga ni wa Pili wakiwa na Pointi 24.

Jana ilichezwa Mechi pekee ya VPL kule Kaitaba, Bukoba ambapo Wenyeji Kagera Sugar walizamishwa 3-2 na Azam FC kwa Bao la Dakika ya 86 la Kepteni John Bocco ‘Adebayor’.

Leo Simba wataivaa Timu isiyotabirika ambayo iko chini ya Kocha machachari Jamhuri Kiwelu ‘Julio’ ambae ni Veterani wa hiyo Simba na sasa anaiongoza Mwadu FC ambayo inaselelea Nafasi ya 10 ikiwa imecheza Mechi 11 na ina Pointi 13.

Mechi nyingine za hii Leo Jumamosi ni huko Sokoine, Mbeya, ambapo Wenyeji Mbeya City watakutana na Maji Maji FC na kule CCM Kirumba Jijini Mwanza ni kati ya Toto Africans na Mtibwa Sugar.

Huko Mlandizi ni JKT Ruvu na Ndanda FC wakati Uwanja wa Uhuru Jijini Dar es Salaam ni ngoma ya African Lyon na Tanzania Prisons.

VPL itaendelea tena Jumapili kwa Mechi 2 ambapo Jijini Dar es Salaam kwenye Uwanja wa Uhuru, Mabingwa Watetezi Yanga wataivaa Mbao FC ya Mwanza na nyingine ni huko Mlandizi kati ya Ruvu Shooting na Stand United.

Jumapili Oktoba 30

Yanga v Mbao FC

Ruvu Shooting v Stand United

VPL WIKIENDI, LIGI DARAJA LA KWANZA KUENDELEA, LIGI WANAWAKE NOV 1!

MICHEZO YA LIGI KUU VODACOM MWISHONI MWA WIKI

TFF-HQ-1-1Wakati Ligi Kuu ya Vodacom Tanzania Bara (VPL) ikiendelea leo Ijumaa Oktoba 28, 2016 kwa mchezo mmoja, kwa siku ya kesho Jumamosi Oktoba 29, mwaka huu kutakuwa na michezo mitano wakati kwa siku ya Jumapili kutakuwa na michezo miwili—michezo yote ikiwa ni ya raundi ya 13, ligi ikielekea ukiongoni mwa mzunguko wa kwanza.

Leo Kagera Sugar inacheza dhidi ya Azam FC katika mchezo utakaofanyika Uwanja wa Kaitaba mjini Bukoba wakati kesho itakuwa ni zamu ya Toto Africans ya Mwanza dhidi ya Mtibwa Sugar ya Morogoro kwenye Uwanja wa CCM Kirumba.

Mchezo mwingine utakuwa ni kati ya Mbeya City ya Mbeya itakayokuwa mwenyeji wa Majimaji ya Songea kwenye Uwanja wa Sokoine jijini Mbeya.

Mwadui ya Shinyanga inatarajiwa kuialika Simba kwenye Uwanja wa CCM Kambarage mkoani Shinyanga wakati African Lyon ya Dar es Salaam itakuwa mwenyeji wa Tanzania Prisons ya Mbeya kwenye Uwanja wa Uhuru, Dar es Salaam ilihali JKT Ruvu na Ndanda zitachuana Uwanja wa Mabatini, Mlandizi mkoani Pwani.

Keshokutwa Jumapili Oktoba 30, 2016 Young Africans itacheza na Mbao FC kwenye Uwanja wa Uhuru huku Ruvu Shooting ikiwa mwenyeji wa Stand United kwenye Uwanja wa Mabatini ulioko Mlandizi mkoani Pwani.

MECHI ZA LIGI DARAJA LA KWANZA

Mechi za Ligi Daraja la Kwanza msimu wa 2016/2017 zitaendelea tena kesho Oktoba 29, 2016 kwa michezo minane ya makundi A, B na C.

Katika kundi A kutakuwa na michezo miwili ambako Polisi Dar itacheza na Lipuli ya Iringa kwenye Uwanja wa Karume, ulioko Ilala jijini Dar es Salaam wakati Friends Rangers itasafieri hadi Tanga kupambana na African Sports kwenye Uwanja wa Mkwakwani jijini Tanga.

Jumatatu Oktoba 31, mwaka huu kutakuwa pia na michezo miwili ya kundi hilo ambako Mshikamano na Ashanti zitachuana jijini Dar es Salaam kwenye kwenye Uwanja wa Karume, ulioko Ilala jijini.

Kundi B kutakuwa na michezo mitatu kwa siku ya kesho Oktoba 29, 2016 ambako Mlale itaikaribisha Coastal Union ya Tanga kwenye Uwanja wa Majimaji mjini Songea wakati Kurugenzi ya Mafinga itakuwa mwenyeji wa Kemondo ya Morogoro kwenye Uwanja wa Uwambi huko Iringa ilhali Njombe Mji itacheza na Mbeya Warriors ya Mbeya huko Makambako.

Katika kundi hilo, KMC ya Dar es Salaam itacheza Jumatatu Oktoba 31, mwaka huu kwenye Uwanja wa Mabatini ulioko Mlandizi mkoani Pwani.

Kadhalika Kundi C kutakuwa na mechi tatu. Mechi hizi ni kati ya Singida United itayocheza na Polisi Mara kwenye dimba la Namfua mjini humo wakati kwenye Uwanja wa Jamhuri mjini Dodoma Polisi itakuwa mwenyeji wa Rhino ya Tabora ilhali Panone ya Kilimanjaro itacheza na Mgambo JKT ya Tanga kwenye Uwanja wa Ushisirika mjini Moshi.

Leo Oktoba 28, kutakuwa na mchezo mmoja tu kati ya Alliance ya Mwanza itakayocheza na Mvuvumwa ya Kigoma kwenye Uwanja wa CCM Kirumba, Mwanza.

MECHI SITA LIGI YA TAIFA YA WANAWAKE

Uzinduzi wa Ligi ya Taifa ya Wanawake unatarajiwa kufanyika Novemba 1, 2016 kwenye Uwanja wa Jamhuri mkoani Dodoma katika mchezo ambao Baobao itacheza na Victoria Queens ya Kagera.

Ligi hiyo ya kwanza kufanyika nchini Tanzania, lakini pia kwa nchi za Afrika Mashariki na Kati imetokea kuvutia wadau kadhaa wakiwamo Azam Tv ambao wamedhamini kwa kuonyesha mubashari (live), michezo hiyo 30 itakayofanyika viwanja mbalimbali.

TFF imepeleka uzinduzi huo Dodoma ikiwa na lengo la kuhamasisha soka mikoani tofauti na Dar es Salaam ambako ilizoeleka zaidi miaka ya nyuma kabla ya kuwa na mpango wa mashindano ya aina hiyo yanayoshirikisha timu 12 kutoka kona mbalimbali za nchi.

Kadhalika, kwa siku ya Novemba mosi ya uzinduzi huo vingozi wengi wa Serikali wakiwamo wabunge wanatajiwa kuwa Dodoma ambako watapata fursa pekee ya kushuhudia burudani ya mpira wa miguu wa ushindani itakayosukuma hamasa ya kutoa michango yao mbalimbali kwa ajili ya soka la wanawake.

Mbali ya mchezo huo wa kundi B kati ya Baobao na Victoria, michezo mingine itakuwa ni kati ya Sisterz na Panama utakaofanyika Uwanja wa Tanganyika huko Kigoma wakati Marsh Academy ya Mwanza itacheza na Majengo Women ya Singida kwenye Uwanja wa CCM Kirumba jijini Mwanza.

Kundi A kutakuwa na michezo mitatu ambako Viva Queens ya Mtwara itacheza na Mburahati Queens ya Dar es Salaam kwenye Uwanja wa Nangwanda Sijaona wakati Fair Play ya Tanga itapambana na Evergreen ya Dar Salaam katika mchezo utakaofanyika Uwanja wa Mkwakwani mjini Tanga huku JKT Queens ikiwa ni wenyeji wa Mlandizi Queens ya Pwani kwenye Uwanja wa Karume, Dar es Salaam.

IMETOLEWA NA TFF

YANGA: MKUTANO MKUU WA DHARURA WAFUTWA KUFUATIA AGIZO LA MAHAKAMA!

YANGA-HQ-MANJI-1YANGA imethibitisha kuwa ule Mkutano Mkuu wa Dharura wa Klabu yao kupitia mchakato wa kuikodisha kwa Yanga Yetu Limited umesitishwa kutokana na Amri ya Mahakama.

Mwenyekiti wa Yanga, Yusuf Manji, amesema wamepokea Hati ya Kuzuia Mkutano huo Jana Usiku na sasa wapo kwenye harakati za Kisheria kukabiliana na zuio hilo.

HABARI ZA AWALI:

YANGA: KUELEKEA MKUTANO MKUU WA DHARURA KUIBARIKI ‘YANGA YETU’, MWENYEKITI MANJI ANENA MZEE AKILIMALI ‘AMENG’ATUKA’ UANACHAMA!

MWENYEKITI wa Yanga, Yusuf Manji, ameeleza kuwa Wapinzani wote wa mchakato wa Yanga kukodishwa kwa Kampuni ya Yanga Yetu Limited kwa Miaka 10 wanakaribishwa kwenye Mkutano Mkuu wa Dharura utakaofanyika Jumapili Oktoba 23 Uwanja wa Kaunda, Makao Makuu ya Yanga, Jijini Dar es Salaam.

Akiongea na Wanahabari hapo Jana kwenye Makao Makuu ya Yanga, Mtaa wa Twiga na Jangwani Jijini Dar es Salaam, Manji amemwelezea Mpinzani Mkuu wa azma ya Yanga kukodishwa, Mzee Ibrahim Akilimali, kuwa ashapoteza haki ya kuwa Mwanachama wa Yanga kwa vile alikuwa hajalipia Ada ya Uanachama kwa Miezi 6 iliyopita.

Manji amemshauri Mzee Akilimali akitaka kuhudhuria Mkutano Mkuu wa Jumapili basi atapaswa kurudi kwenye Tawi lake kuomba upya Uanachama.

Vile vile, Mwenyekiti Manji amewakaribisha Wapinzani wote wa Yanga kukodishwa wahudhurie Mkutano Mkuu na kutoa michango yao wakihakikishiwa ulinzi badala ya kupayuka kwenye Vyombo vya Habari.

Manji pia alidokeza mipango yake ya maendeleo kwa Yanga na kudokeza kuwa Uwanja wa Gezaulole huko Kigamboni utakuwa ni wa Mazoezi na Gym wakati Uwanja wa Kisasa wa kuchezea Mechi utajengwa hapo hapo Jangwani kwenye Makao Makuu ya Yanga.

WAKATI HUO HUO, Mdau mmoja mkubwa wa Yanga amedai kuwa wanaopinga Mabadiliko ndani ya Yanga ni ‘Wapumbavu na Malofa tu’ ambao ni wanyonyaji wa Yanga badala ya wao kuisaidia Yanga kukua na kujitegemea.

Mdau huyo amedai zama za Klabu kubwa kutegemea kuzungushwa Kofia kwa Wanachama na Wadhamini ili kujiendesha zimepitwa na wakati na sasa Watu wajipange upya kuendesha Klabu kisasa, kitaaluma na kibiashara kwa ufanisi mkubwa.

++++++++++++++++++++++++++++++++++

AJENDA ZA MKUTANO MKUU WA DHARURA, Oktoba 23:

1. SALA NA UTAMBULISHO WA WAGENI WAALIKWA:

1.1. Sala ya Wakristo ya Kubariki Kikao.

1.2. Sala ya Waislamu ya Kubariki Kikao.

1.3. Utambulisho wa wageni waalikwa waliohudhuria, pia wenye udhuru – Waziri wa Michezo na Sanaa; Mwenyekiti wa Baraza la Michezo (BMT), Mwenyekiti wa Chama Cha Mpira wa Miguu Dar-Es-Salaam (DRFA) na Rais wa Shirikisho la Mpira wa Miguu Tanzania (TFF).

2. KUFUNGUA KIKAO

3. KUPITIA DONDOO ZA KIKAO KILICHOPITA CHA MKUTANO WA WANACHAMA NA KUIDHINISHA.

4. KUTHIBITISHA WAJUMBE WA BODI YA WADHAMINI NA KUMPUMZISHA MJUMBE MMOJA NAkuongeza mjumbe mwingine kwenye baraza la wadhamini. mwenyekiti kuomba ridhaa ya kumteua mjumbe mmoja bila ya kuitisha mkutano mkuu kupunguza gharama kwaklabu.

5. KUPITIA NA KUJADILL MUHTASARI YA MAKUBALIANO YA BODI YA WADHAMINIkulingana na maagizo ya wanachamakukodisha timu ya Yanga na nembo ya Yanga kwa kipindi cha miaka kumi na kupata maamuzi kupitia kura za wanachama.

6. KUJADILI MWEYEKITI ABAKI KAMA MWENYEKITI AUkulingana na maslahi yake kwenye kampuni, kama italeta mgongano katika kampuni yake inayokodisha timu ya Yanga na nembo ya Yanga kwa kipindi cha miaka kumi ili kupata maamuzi kupitia kura za wanachama.

7. KURUDIA KUPITIA MAREKEBISHO YA KATIBA ILIYOAGIZWA NA WANACHAMA KUPITIA VIKAO VYAO MBALIMBALIna baadhi kukataliwa na TFF, baadhi hazijasajiliwa kazi na BMT na baadhi RITA wamezikalia bila kuzifanyia kazi kwa sababu zisizojulikana kupata msimamo wa Wanachama kwa kuzingatia katiba ya Yanga inayosema mikutano ya wanachama ndio yenye mamlaka ya mwisho ilimradi tu maamuzi hayo yaangukie ndani ya sheria za nchi na si sahihi vyombo hivyo kuingiliaa maamuzi halali ya wanachama.

8. KUPITIA UTENDAJI WA KAMATI YA MASHINDANO, RATIBA YA LIGI KUU BARA, ADHABU YA YANGA KUTOKA WIZARA YA HABARI, UTAMADUNI, SANAA NA MICHEZO AMBAYO ILISABABISHWA NA FUJO ZA MASHABIKI WA SIMBA.  

9. KUPATA MAAMUZI JUU YA WANACHAMA AMBAO HAWAFIKI KATIKA MIKUTANO BADALA YAKE WANAKUWA WASEMAJI WA YANGA BILA KUWA NA MAMLAKA HAYOna kuleta uchonganishi wa wazi ndani ya klabu, kupotsoha jamii nakuchafua majina ya viongozi wa klabu.

10. TAREHE YA UCHAGUZI MDOGO KUJAZIA NAFASI ZILIZO WAZIna kupata mwongozo wakutumia katiba ipi kati ya 2010 au 2014.pamojana masahihisho baada ya 2014, au bila ya masahihisho ya 2014 yaliyoamuliwa na wanachama.

11. HOTUBA YA MWENYEKITI –maoni na msimamo wake juu ya maazimio ya wanachama kwenye kikao; kusema anayoyajua ya siri kuhusu yanga na adui wa Yanga na kufafanua wanaoleta vurugu Yanga, baadhi ni mamluki wa wafanyabiashara wenzake walioshindwa kumshinda kwa njia halali na sasa wanaitumia yanga kama sehemu pekee iliyobaki kumuumiza kupitia mbinu zinazotumika hasa kwa kuleta vurugu ndani ya yanga ili kumchafua yeye binafsi, kufanya kwao hivyo ni kushusha hadhi ya klabu na maoni yake kwa maslahi ya yanga, kipi kifanyike.

12. MENGINEYO.

13. SALA.

13.1. Sala ya waislamu ya kubariki maamuzi ya mkutano.

13.2. Sala ya wakristo kubariki maamuzi ya mkutano.

14. Kufunga mkutano.

YANGA: KUELEKEA MKUTANO MKUU WA DHARURA KUIBARIKI ‘YANGA YETU’, MWENYEKITI MANJI ANENA MZEE AKILIMALI ‘AMENG’ATUKA’ UANACHAMA!

YANGA-HQ-MANJI-1MWENYEKITI wa Yanga, Yusuf Manji, ameeleza kuwa Wapinzani wote wa mchakato wa Yanga kukodishwa kwa Kampuni ya Yanga Yetu Limited kwa Miaka 10 wanakaribishwa kwenye Mkutano Mkuu wa Dharura utakaofanyika Jumapili Oktoba 23 Uwanja wa Kaunda, Makao Makuu ya Yanga, Jijini Dar es Salaam.

Akiongea na Wanahabari hapo Jana kwenye Makao Makuu ya Yanga, Mtaa wa Twiga na Jangwani Jijini Dar es Salaam, Manji amemwelezea Mpinzani Mkuu wa azma ya Yanga kukodishwa, Mzee Ibrahim Akilimali, kuwa ashapoteza haki ya kuwa Mwanachama wa Yanga kwa vile alikuwa hajalipia Ada ya Uanachama kwa Miezi 6 iliyopita.

Manji amemshauri Mzee Akilimali akitaka kuhudhuria Mkutano Mkuu wa Jumapili basi atapaswa kurudi kwenye Tawi lake kuomba upya Uanachama.

Vile vile, Mwenyekiti Manji amewakaribisha Wapinzani wote wa Yanga kukodishwa wahudhurie Mkutano Mkuu na kutoa michango yao wakihakikishiwa ulinzi badala ya kupayuka kwenye Vyombo vya Habari.

Manji pia alidokeza mipango yake ya maendeleo kwa Yanga na kudokeza kuwa Uwanja wa Gezaulole huko Kigamboni utakuwa ni wa Mazoezi na Gym wakati Uwanja wa Kisasa wa kuchezea Mechi utajengwa hapo hapo Jangwani kwenye Makao Makuu ya Yanga.

WAKATI HUO HUO, Mdau mmoja mkubwa wa Yanga amedai kuwa wanaopinga Mabadiliko ndani ya Yanga ni ‘Wapumbavu na Malofa tu’ ambao ni wanyonyaji wa Yanga badala ya wao kuisaidia Yanga kukua na kujitegemea.

Mdau huyo amedai zama za Klabu kubwa kutegemea kuzungushwa Kofia kwa Wanachama na Wadhamini ili kujiendesha zimepitwa na wakati na sasa Watu wajipange upya kuendesha Klabu kisasa, kitaaluma na kibiashara kwa ufanisi mkubwa.

++++++++++++++++++++++++++++++++++

AJENDA ZA MKUTANO MKUU WA DHARURA, Oktoba 23:

1. SALA NA UTAMBULISHO WA WAGENI WAALIKWA:

1.1. Sala ya Wakristo ya Kubariki Kikao.

1.2. Sala ya Waislamu ya Kubariki Kikao.

1.3. Utambulisho wa wageni waalikwa waliohudhuria, pia wenye udhuru – Waziri wa Michezo na Sanaa; Mwenyekiti wa Baraza la Michezo (BMT), Mwenyekiti wa Chama Cha Mpira wa Miguu Dar-Es-Salaam (DRFA) na Rais wa Shirikisho la Mpira wa Miguu Tanzania (TFF).

2. KUFUNGUA KIKAO

3. KUPITIA DONDOO ZA KIKAO KILICHOPITA CHA MKUTANO WA WANACHAMA NA KUIDHINISHA.

4. KUTHIBITISHA WAJUMBE WA BODI YA WADHAMINI NA KUMPUMZISHA MJUMBE MMOJA NA kuongeza mjumbe mwingine kwenye baraza la wadhamini. mwenyekiti kuomba ridhaa ya kumteua mjumbe mmoja bila ya kuitisha mkutano mkuu kupunguza gharama kwaklabu.

5. KUPITIA NA KUJADILL MUHTASARI YA MAKUBALIANO YA BODI YA WADHAMINI kulingana na maagizo ya wanachamakukodisha timu ya Yanga na nembo ya Yanga kwa kipindi cha miaka kumi na kupata maamuzi kupitia kura za wanachama.

6. KUJADILI MWEYEKITI ABAKI KAMA MWENYEKITI AU kulingana na maslahi yake kwenye kampuni, kama italeta mgongano katika kampuni yake inayokodisha timu ya Yanga na nembo ya Yanga kwa kipindi cha miaka kumi ili kupata maamuzi kupitia kura za wanachama.

7. KURUDIA KUPITIA MAREKEBISHO YA KATIBA ILIYOAGIZWA NA WANACHAMA KUPITIA VIKAO VYAO MBALIMBALI na baadhi kukataliwa na TFF, baadhi hazijasajiliwa kazi na BMT na baadhi RITA wamezikalia bila kuzifanyia kazi kwa sababu zisizojulikana kupata msimamo wa Wanachama kwa kuzingatia katiba ya Yanga inayosema mikutano ya wanachama ndio yenye mamlaka ya mwisho ilimradi tu maamuzi hayo yaangukie ndani ya sheria za nchi na si sahihi vyombo hivyo kuingiliaa maamuzi halali ya wanachama.

8. KUPITIA UTENDAJI WA KAMATI YA MASHINDANO, RATIBA YA LIGI KUU BARA, ADHABU YA YANGA KUTOKA WIZARA YA HABARI, UTAMADUNI, SANAA NA MICHEZO AMBAYO ILISABABISHWA NA FUJO ZA MASHABIKI WA SIMBA.  

9. KUPATA MAAMUZI JUU YA WANACHAMA AMBAO HAWAFIKI KATIKA MIKUTANO BADALA YAKE WANAKUWA WASEMAJI WA YANGA BILA KUWA NA MAMLAKA HAYO na kuleta uchonganishi wa wazi ndani ya klabu, kupotsoha jamii nakuchafua majina ya viongozi wa klabu.

10. TAREHE YA UCHAGUZI MDOGO KUJAZIA NAFASI ZILIZO WAZI na kupata mwongozo wakutumia katiba ipi kati ya 2010 au 2014.pamojana masahihisho baada ya 2014, au bila ya masahihisho ya 2014 yaliyoamuliwa na wanachama.

11. HOTUBA YA MWENYEKITI –maoni na msimamo wake juu ya maazimio ya wanachama kwenye kikao; kusema anayoyajua ya siri kuhusu yanga na adui wa Yanga na kufafanua wanaoleta vurugu Yanga, baadhi ni mamluki wa wafanyabiashara wenzake walioshindwa kumshinda kwa njia halali na sasa wanaitumia yanga kama sehemu pekee iliyobaki kumuumiza kupitia mbinu zinazotumika hasa kwa kuleta vurugu ndani ya yanga ili kumchafua yeye binafsi, kufanya kwao hivyo ni kushusha hadhi ya klabu na maoni yake kwa maslahi ya yanga, kipi kifanyike.

12. MENGINEYO.

13. SALA.

13.1. Sala ya waislamu ya kubariki maamuzi ya mkutano.

13.2. Sala ya wakristo kubariki maamuzi ya mkutano.

14. Kufunga mkutano.