RIPOTI SPESHO

KWA VIKOMBE KABATINI, NANI MBABE –MAN UNITED AU LIVERPOOL?

MANUNITED-TROPHYROOMUSHINDI wa Manchester United kwenye Fainali ya Kombe la Ligi, EFL CUP, dhidi ya Southampton Juzi Jumapili umewaongezea Kombe moja zaidi kwenye mengi waliyotwaa katika Historia yao lakini pia umezua mjadala mkali kama wao ndio Klabu yenye mafanikio makubwa kupita yeyote huko England.

Mafanikio kwenye Soka hupimwa na Mataji unayochukua, yaani Vikombe vingapi umebeba.

Lakini upo utata ni Vikombe vipi viingizwe kwenye hesabu hiyo.

Huko England wapo wanaoamini Man United sasa wanaongoza wakiwa na idadi kubwa ya Vikombe ambayo wamebeba kupita Klabu yeyote, Vikombe 41, lakini wapo wanaoamini Klabu hiyo sasa imefungana na Liverpool.

Gazeti la The Sun huko England linaamini Timu hizo zote zimebeba Vikombe 44 kila mmoja.

Je ukweli ni upi?

Taasisi ya Utangazaji ya talkSPORT imebainisha kuwa ili kupata idadi sahihi basi ni lazima kwanza itambulike Vikombe vikubwa huko England na Ulaya ni vipi na kuviacha vile vinavyoshindaniwa mara moja tu na kisha kusahaulika huku wakihoji kwanini UEFA SUPER CUP iwe Kikombe kikubwa wakati Ngao ya Jamii ya England haipo kundi hilo.

Wao wametamka Super Cup, Kombe la Klabu Bingwa Duniani [zamani Intercontinental Cup] na England Super Cup [iliyowahi kushindaniwa mara moja tu na Liverpool kubeba Kombe] yasihesabiwe.

Kwa misingi hiyo, Manchester United na Liverpool, ngoma ni Droo katika kubeba Makombe kama ifuatavyo:

KIKOMBE

MANCHESTER UNITED

LIVERPOOL

Ubingwa England

20

18

FA Cup

12

7

Kombe la Ligi

5

8

Ubingwa Ulaya

3

5

Kombe la Washindi Ulaya/UEFA CUP

1

3

JUMLA

41

41

 

SINEMANI SI NCHINI..

SINEMANI SI NCHINI..

TANZANIA-UPENDO-SPESHO-FBKUWA SHUJAA TU..

Binadamu daima….

Hupita misukosuko..

Masekeseke mengi tu..

KUWA SHUJAA....

Kuwa imara…

Himili hayo..

Umeburuzwa tu…

KUWA SHUJAA...

Sentro wenda..

Halikuhusu Shobo..

Kisa wewe fulani tu...

KUWA SHUJAA...

Sentro ukatoka..

Kisutu upo..

Kesi ipo tu..

KUWA SHUJAA...

Acha kutapatapa..

Kujitoa Jahazi mumo..

Kujitosa Baharini tu..

KUWA SHUJAA...

Bahari yajaa..

Kuna Papa humo…

Wageuka kitoweo tu..

KUWA SHUJAA...

Jihoji Dadaa…

Waja nao wamo..

Sio Jahazi tu..

KUWA SHUJAA...

Umepewa shutuma..

Waswekwa Selo…

Ni fedheha tu..

KUWA SHUJAA...

Moyoni amana…

Huna kosa kwako..

Ukweli utadhihiri tu..

KUWA SHUJAA...

Wewe Shujaa..

Uimara wa Nchi yako..

Ni Ustahamilivu tu..

KUWA SHUJAA TU…

RAIS MALINZI MIKAKATI, NAPE AIPONGEZA TFF!

>UAMUZI WA KIKAO CHA SAA 72

>ASFC KESHO

PRESS RELEASE NO. 259                                                         FEBRUARY 23, 2017

RAIS MALINZI AELEZA MIKAKATI, NAPE AIPONGEZA TFF

TFF-TOKA-SITRais wa Shirikisho la Mpira wa Miguu Tanzania (TFF), Jamal Emil Malinzi ameelezea mikakati mbalimbali ya maendeleo ya soka nchini akisema hiyo ndiyo sababu ya Kamati ya Utendaji kubuni na kuunda Mfuko wa Maendeleo ya soka.

Katika Risala yake aliyoitoa jana mbele ya Waziri wa Habari, Utamaduni, Sanaa na Michezo, Mheshimiwa Nape Nnauye katika uzinduzi wa mfuko huo, Rais Malinzi alisema wamefanya hivyo kwa lengo la kutimiza ndoto za Tanzania kushiriki michuano mbalimbali ya soka.

“Kwa kipindi kirefu Tanzania hatujafanikiwa kucheza fainali kubwa za mpira Barani Afrika. Mara ya mwisho kupata mafanikio makubwa kwa Timu ya Taifa (Taifa Stars) ilikuwa ni mwaka 1980 Tanzania ilipofuzu kucheza fainali za Afrika (AFCON) nchini Nigeria,” amesema Rais Malinzi na kuongeza:

“Ila kuhakikisha Tanzania inang’ara tena Kimataifa katika mpira wa miguu Shirikisho la Mpira wa Miguu Tanzania (TFF) linania thabiti ya kuhakikisha Tanzania inafuzu kucheza fainali za kombe la Dunia mwaka 2026 kwa upande wa wanaume (Taifa Stars) na kufuzu kucheza fainali za Dunia kwa mpira wanawake (Twiga Stars) nchini Ufaransa mwaka 2019.

“Msingi mkubwa wa mafanikio ya Timu za Taifa duniani kote ni kuwekeza katika mpira wa vijana ili kuhakikisha vijana wanafundishwa mpira kwa kiwango cha Kimataifa kuanzia wakiwa wadogo. Wakilelewa pamoja na kufundishwa mpira pamoja ukubwani wanaunda Timu ya Taifa imara yenye uwezo wa kushindana na timu yoyote duniani. Hakuna njia ya mkato,” alisisitiza Rais Malinzi ambaye mbali ya Risala hii kupatikana kwenye Mtandao wa TFF wa www.tff.or.tz pia inasomeka hapa chini neno kwa neno.

Kabla ya kuzindua mfuko huo, Waziri Nape alisema:

“Kwanza, napenda kuwashukuru wale wote walioshiriki kuandaa hafla hii na kunialika mimi kuja kuzindua mfuko huu.

“Pili, niwapongeze TFF kwa kubuni Mfuko huu. Wakati sisi Serikali tunahangaika kuona namna gani tutasaidia, tayari wenzetu wa TFF umekuja na ubunifu na leo nawazindulia mfuko wenu. Hongereni sana. Tunawapongeza.

“Kinachohitajika kwa sasa ni kuunga mkono jitihada hizi za TFF. Ni matumaini yangu kwamba mfuko huu utatimiza wajibu wenu kwa uaminifu na uadilifu.

“Watu wanaweza kusita kama mtapata fedha na mkazitumia visivyo. Kama mtapata fedha mkazitumia inavyokusudiwa basi naamini tutafanikiwa. Na wito wangu kwa viongozi wa mfuko na TFF kuwa wawazi mna kutoa taarifa kila inapobidi.

“Sisi Serikali, kama wadau wakubwa wa mpira wa miguu hatutasita kuonyoosha mkono kama mambo yatakuwa hayaendi sawa, lakini kwa watu walioko kwenye mfuko huu sitatajii kama kunaweza kuibuka malalamiko yoyote.”

Pamoja na hayo, Waziri Nape alitumia fursa hiyo kutoa onyo kwa mashabiki wa mpira wa miguu ambao wana lengo la kufanya fujo kwenye mchezo wa Jumamosi wa Ligi Kuu ya Vodacom utakaozikutanisha timu za Simba na Yanga kwenye Uwanja wa Taifa, Dar es Salaam.

TANZANIA FOOTBALL FEDERATION

RISALA YA TFF KATIKA UZINDUZI WA BODI YA MFUKO WA MAENDELEO YA MPIRA WA MIGUU (TFF FOOTBALL DEVELOPMENT FUND).

MH. Nape Nnauye, Waziri wa Habari, Utamaduni, Sanaa na Michezo.

Ndugu Yusuph Singo Mkurugenzi wa Idara ya Michezo.

Ndugu Wajumbe wa Mfuko wa Maendeleo ya Mpira wa Miguu.

Ndugu Wajumbe wa Kamati ya Utendaji ya TFF.

Sekretariet ya TFF mkiongozwa na Katibu Mkuu Mwesigwa Selestine.

Ndugu Wanahabari.

Wageni waalikwa Mabibi na Mabwana.

Habari za asubuhi.

Ninaomba nianze kwa kumshukuru Mwenyezi Mungu mwingi wa rehema kwa kutuwezesha kuwa pamoja hapa leo.

Mheshimiwa Waziri tunakushukuru sana pamoja na shughuli zako nyingi umeweza kutenga muda wa kuwa na sisi asubuhi hii. Ahsante sana.

Ndugu mgeni rasmi wazo la kuunda hiki chombo lilitujia mwaka 2015 baada ya kuona ugumu wa kutekeleza mipango ya maendeleo kutokana na uhaba wa rasilimali hasa fedha. Hivyo kwa kushirikiana na Rais wa Heshima wa TFF Bwana Leodegar Tenga tuliweza kubuni uanzishwaji wa chombo hiki pamoja na kanuni  za uendeshaji wake. Mfuko huu ulirasimishwa rasmi katika Mkutano Mkuu wa TFF wa mwaka 2015 na hivyo mfuko huu uko na Katiba ya TFF. Tulifanya hivyo ili kuulinda mfuko huu kutokana na mabadiliko ya uongozi wa TFF ambayo huwa tunayafanya kil baada ya miaka minne.  Kwa mujibu wa Katiba ya TFF kanuni za uendeshaji wa mfuko huu zimeundwa na kupitishwa na Kamati ya Utendaji ya TFF.

Bodi hii inaundwa na:

Bw. Tido Mhando              -        Mwenyekiti ( Mtendaji Mkuu Azam TV)

Bi. Beatrice Singano           -        Mjumbe (Mkurugenzi wa Mawasiliano Airtel)

Bw. Tarimba Abbas            -        Mjumbe (Mstaafu Bahati Nasibu ya Taifa)

Bw. Salum Rupia               -        Mjumbe (Mkurugenzi NBC)

Bw. Joseph Kahama           -        Mjumbe (Katibu Tanzania/China Friendship

                                                Society)

Bw. Ephraim Mafuru -        Mjumbe (Mkurugenzi Masoko ILOVO)

Bw. Meshack Bandawe       -        Mjumbe (Meneja wa PPF Kanda ya Ziwa)

Sekretarieti ya Bodi hii inaongozwa na Mtendaji Mkuu.

Jukumu kubwa la mfuko huu ni kubuni vyanzo mbalimbali vya rasilimali ambavyo vitaliwezesha Shirikisho kutekeleza program zake mbalimbali za maendeleo ya mpira wa vijana na wa wanawake. Mfuko huu unajiendesha kwa uhuru (independently), una akaunti yake benki ambayo inaitwa kwa jina la Mfuko wenyewe na watia saini (Bank Signatories) wanateuliwa na kusimamiwa na Bodi yenyewe.

Kiutaratibu Sekretarieti ya TFF ikiwa na mahitaji itakuwa inatuma maombi kwa maandishi kwenda kwenye Bodi, na Bodi ikijiridhisha na maombi hayo itakuwa inaruhusu matumizi yafanyike kwa masharti kuwa mrejesho wa matumizi hayo uletwe kwenye Bodi kwa kuangalia wadhifa wa wajumbe wa Bodi hii ni dhahiri rasilimali zitakazokusanywa na mfuko huu zitakuwa salama. Ofisi za mfuko huu ziko Mikocheni hapa Dar es Salaam.

Ndugu Mgeni Rasmi,

Kwa kipindi kirefu Tanzania hatujafanikiwa kucheza fainali kubwa za mpira Barani Afrika. Mara ya mwisho kupata mafanikio makubwa kwa Timu ya Taifa (Taifa Stars) ilikuwa ni mwaka 1980 Tanzania ilipofuzu kucheza fainali za Afrika (AFCON) nchini Nigeria.

Ila kuhakikisha Tanzania inang’ara tena Kimataifa katika mpira wa miguu Shirikisho la Mpira wa Miguu Tanzania (TFF) linania thabiti ya kuhakikisha Tanzania inafuzu kucheza fainali za kombe la Dunia mwaka 2026 kwa upande wa wanaume (Taifa Stars) na kufuzu kucheza fainali za Dunia kwa mpira wanawake (Twiga Stars) nchini Ufaransa mwaka 2019.

Msingi mkubwa wa mafanikio ya Timu za Taifa duniani kote ni kuwekeza katika mpira wa vijana ili kuhakikisha vijana wanafundishwa mpira kwa kiwango cha Kimataifa kuanzia wakiwa wadogo.  Wakilelewa pamoja na kufundishwa mpira pamoja ukubwani wanaunda Timu ya Taifa imara yenye uwezo wa kushindana na timu yoyote duniani. Hakuna njia ya mkato.

MKAKATI.

Ili kufikia azma hii TFF infanya yafuatayo:

Timu ya Taifa ya Wanawake (Twiga Stars).

Mwaka jana Timu ya Taifa ya Wanawake (Twiga Stars) ilipata mafanikio makubwa sana kwa kushinda ubingwa wa Afrika Mashariki na Kati (CECAFA Women Challenge). Lengo la TFF ni kuboresha kikosi hiki ili mwaka 2018 kiweze kufaulu kucheza fainali za Afrika kwa mpira wa wanawake nchini Ghana. Timu tatu bora katika fainali hizi zitacheza fainali za Kombe la Dunia la Wanawake nchini Ufaransa mwaka 2019. Ili kutimiza lengo hili kuanzia mwaka jana 2016 TFF ilianzisha Ligi Kuu ya vilabu vya wanawake. Mwaka huu wa 2017 wachezaji bora 40 toka katika Ligi hii wataingia kambini na kuchujwa ili wale walio bora waongezwe kwenye kikosi cha sasa cha Twiga Stars ili kuiimarisha. Timu itaendelea kuwa inaingia kambini na kupewa mechi za majaribio. Tunaamini kwa mkakati huu Tanzania itafuzu kucheza fainali za Afrika 2018 na za Dunia 2019.

Serengeti Boys.

Hii ni timu ya Taifa ya Vijana wenye umri chini ya miaka 17. Kikosi cha sasa cha Timu hii ni cha vijana waliozaliwa baada ya tarehe 01 Januari, 2000.  Kikosi hiki kilikusanywa pamoja kwa mara ya kwanza mwaka 2014 kutokana na mashindano ya Copa CocaCola na Airtel Rising Stars, tunawashukuru sana AIRTEL ambao wameendelea kuwa karibu na timu hii. Hadi sasa timu hii imesafiri na kuweka kambi nchi mbalimbali duniani zikiwemo Madagascar, Seychelles, Rwanda, India na Korea ya Kusini. Hadi sasa kikosi hiki imecheza mechi 12 za Kimataifa dhidi ya timu kubwa za Taifa ikiwemo ya Marekani, Korea ya Kusini na Afrika Kusini na kimefanikiwa kushinda mechi saba, sare tatu na kufungwa mechi mbili tu.

Ni jambo la fahari kubwa kwa Taifa letu kuwa Serengeti Boys imefuzu kucheza fainali za Afrika za vijana umri chini ya miaka 17. Fainali hizi zitafanyika nchini Gabon kuanzia tarehe 21 Mei hadi tarehe 04 Juni, 2017. Katika fainali hizi timu nane zitashiriki na zimegawanywa katika makundi mawili ambayo ni kundi A ni Gabon, Ghana, Cameroon na Guinea ya Conakry. Kundi B ni Tanzania, Angola, Mali  na Niger. Timu mbili bora kila kundi zitafaulu kucheza fainali za Kombe la Dunia India mwezi Novemba.

Maandalizi ya Serengeti Boys kuelekea Gabon yatahusisha kambi za ndani na za nje ya nchi. Tunakadiria kuwa ili tushiriki kwa mafanikio katika fainali hizi jumla ya fedha zilizopungua ni Shs. 1,000,000,000/=( Billioni moja) zitahitajika ili kulipia gharama za kambi ndani na nje ya nchi.

Tutaendelea kuilea kikosi hiki ili mwaka 2019 kiweze kufaulu kucheza fainali za Afrika umri chini ya miaka 20 (Afcon U-20).

Fainali za Afrika umri chini ya miaka 17 mwaka 2019.

Tanzania imepewa fursa na Shirikisho la Mpira Barani Afrika CAF ya kuwa wenyeji wa Fainali za Afrika kwa vijana umri chini ya miaka 17 mwaka 2019 (Afcon U-17). Hii ni heshima kubwa sana kwa Tanzania na itakuwa ni mara ya kwanza kwa Tanzania kupata uenyeji huu tangia tupate uhuru. Fursa hii tukiitumia vyema itatupatia mwanya mzuri wa kunyakua ubingwa wa Afrika tukiwa wenyeji wa michuano. Aidha kufanikisha kuandaa mashindano haya makubwa kutafungua njia kwa Tanzania kuandaa fainali za Afrika kwa wakubwa (Afcon) kwa miaka ya baadae.

Maandalizi ya fainali hizi kama wenyeji yana sehemu mbili kubwa:

Ya kwanza, ni maandalizi ya mashindano yenyewe ambayo ni pamoja na kuandaa viwanja kwa kiwango stahiki, kuandaa hoteli za kutosha kwa ajili ya malazi ya washiriki, kuandaa miundo mbinu ya mawasiliano, maandalizi ya itifaki nk. Hii inahitaji kuunda Kamati ya Taifa ya Maandalizi (Local Organizing Committee). Taratibu za kuunda kamati hii zinaendelea.

Ya pili, ni maandalizi ya Timu ya Taifa ya Vijana chini ya miaka 17 (U17) itakayoshiriki fainali hizi. Kama wenyeji Tanzania itaingia moja kwa moja kwenye fainali hizi. TFF ilianza maandalizi ya timu hii mwaka 2014 ambapo yalifanyika mashindano ya Taifa ya Vijana chini ya miaka 13 wakati huo. Vijana 22 bora toka katika mashindano hayo walikusanywa na kuwekwa pamoja katika shule ya kukuza na kulea vipaji vya wanamichezo ya Alliance Mwanza ambapo wamekuwa wakisoma na kufundishwa mpira. TFF inalipia gharama za masomo ya vijana hawa. Tarehe 18 Disemba, 2016 timu hii (ambayo sasa  ni ya vijana umri chini ya miaka 15) ilicheza mechi yake ya kwanza ya Kimataifa dhidi ya Burundi na kushinda kwa bao 3-2. Utaratibu huu utaendelea na kikosi kitazidi kuboreshwa.

Fainali za Olimpiki mwaka 2020 Tokyo.

TFF imejizatiti kuhakikisha timu yetu ya Taifa umri chini ya miaka 23 (Kilimanjaro Warriors) inafaulu kucheza fainali za Olimpiki Tokyo mwaka 2020. Ili kutimiza lengo hili TFF ilichezesha Ligi ya Taifa ya vijana umri chini ya miaka 20 mwaka jana. Hawa ni wale waliozaliwa baada ya tarehe 01 Januari, 1997. Mwezi Januari mwaka huu vijana 40 bora toka katika ligi hii waliitwa kambini na kuchujwa ili wabaki vijana 22 wakakaoanza kambi maalum kujiandaa na kufuzu kucheza fainali za Olimpiki. Tanzania haijawahi kufuzu kucheza mpira wa miguu katika fainali za Olimpiki. Safari hii tumedhamiria tufuzu. Tuna imani kwa kushirikiana na Kamati ya Olimpiki Tanzania TOC tutaweza kufikia athma  hii.

Kuelekea Kombe za Dunia 2026.

Matumaini ya TFF ni kuwa muunganiko wa wachezaji bora tokana na Fainali zaa Afrika umri chini ya miaka 17 mwaka 2019, Serengeti Boys ya sasa na Kilimanjaro Warriors ( Timu ya Olimpiki) iliyoundwa mwaka huu yatalipatia Taifa letu fursa ya kuunda kikosi imara cha timu ya Taifa (Taifa Stars) ambayo itaanza kuonyesha makali yake Afrika na Duniani kuanzia mwaka 2021 katika kuelekea fainali za Kombe la Dunia mwaka 2026.

Kwa kuwa program zote hizi zinahitaji matumizi makubwa ya fedha ikiwemo kugharamia kambi, usafiri wa ndani na wa nje ya nchi kwa mechi za majaribio na kununua vifaa vya michezo ni matumaini ya TFF kuwa kwa kupitia Mfuko wa Maendeleo wa Mpira wa Miguu yakiwemo Mashirika na Makampuni ya umma na binafsi, taasisi mbalimbali na watu binafsi wataweza kuchangia maendeleo ya mpira wa miguu kwa kupitia mfuko huu. Tunaomba Serikali itushike mkono katika jambo hili.

Ndugu mgeni rasmi kama ishara ya kutuzindulia Bodi ya Mfuko huu tutaomba uwakabidhi wajume wa Mfuko huu Katiba ya TFF, Kanuni za uendeshaji wa mfuko.

Ahsante sana.

Mungu Ibariki Afrika.

Mungu Ibariki Tanzania.

Mungu Ubariki Mfuko wa Maendeleo ya Mpira wa Miguu Tanzania.

Jamal Malinzi

DAR ES SALAAM.

23 Februari, 2017

UAMUZI WA KIKAO CHA SAA 72

Kikao cha Bodi ya Kusimamia na Kuendesha Ligi, kiliketi mwanzoni mwa wiki hii na kufanya tathmini ya mambo mbalimbali yaliyotokea kwenye michezo mbalimbali ya mpira wa miguu kwa michuano yote – Ligi Kuu ya Vodacom, Ligi Daraja la Kwanza na Ligi Daraja la Pili.

Haya haya ndiyo yaliyojiti katika kila mchezo.

Mechi namba 170 (Stand United FC vs Majimaji). Majimaji iliwasilisha malalamiko kuwa chumba chao kubadilishia nguo (changing room) kilipuliziwa na timu pinzani dawa ambayo ni sumu, hivyo kushindwa kukitumia wakati wa mapumziko.

Klabu ya Stand United FC pamoja na Meneja wa Uwanja waandikiwe barua kuwa vitendo hivyo vikiendelea kujitokeza uwanja huo utafungiwa kwa mechi za Ligi Kuu ya Vodacom.

Msimamizi wa Kituo aandikie taarifa yake (report) kuhusu tukio hilo. Pia Daktari wa Uwanja, Dk. Abel Kimuntu awasilishe taarifa yake ya kitaalamu kuhusu suala hilo, vilevile Meneja wa Uwanja huo, Meja mstaafu Mohamed Ndaro naye awasilishe taarifa yake kuhusu tuhuma hizo za kumwaga dawa kwenye vyumba.

Mechi namba 173 (Ruvu Shooting vs Azam). Klabu ya Ruvu Shooting iandikiwe barua kuhusu ubovu wa uwanja wake eneo la kuchezea (pitch) ambapo kuna mashimo, hivyo wafanyie marekebisho.

Ligi Daraja la Kwanza

Mechi namba 49 (Polisi Morogoro vs Kinondoni Municipal Council FC). Klabu ya Polisi Morogoro imepigwa faini ya sh. 300,000 (laki tatu) kwa kuchelewa kufika uwanjani kwa dakika 20, kitendo ambacho ni kinyume na Kanuni ya 14(9) ya Ligi Daraja la Kwanza. Adhabu hiyo imetolewa kwa kuzingatia Kanuni ya 14(48) ya Ligi Daraja la Kwanza.

Mechi namba 52 (Mbeya Warriors vs Njombe Mji). Mchezaji Boniface S. Nyagawa wa Mbeya Warriors amefungiwa mechi tatu na kupigwa faini ya sh. 500,000 (laki tano) kwa kutoa lugha ya matusi kwa Mwamuzi Msaidizi Namba Moja, tukio lililosababisha atolewe kwenye benchi kwa kadi nyekundu. Adhabu hiyo imetolewa kwa kuzingatia Kanuni ya 37(7).

Mechi namba 49 (Polisi Mara vs Singida United FC). Mwamuzi Msaidizi Namba Moja, Enock Mwanyonga, na Mwamuzi Msaidizi Namba Mbili, Abdulaziz Ally wameondolewa kwenye orodha ya waamuzi wa Ligi Daraja la Kwanza baada ya kushindwa kumudu mchezo huo.

Uamuzi huo umefanywa kwa mujibu wa Kanuni ya 38(1a) ya Ligi Daraja la Kwanza kuhusu Udhibiti wa Waamuzi.

Mechi namba 56 (Singida United vs Alliance Schools FC). Mwamuzi Msaidizi Namba Moja, Omari Miyala, na Mwamuzi Msaidizi Namba Mbili, Innocent Mwalutanile wamefungiwa miaka miwili kwa kushindwa kumudu mchezo huo. Uamuzi dhidi yao umezingatia Kanuni ya 38(1a) ya Ligi Daraja la Kwanza kuhusu Udhibiti wa Waamuzi.

Naye Kamishna Hamisi Kambi ameondolewa kwenye orodha ya Makamishna wa Ligi Daraja la Kwanza kwa kushindwa kutoa taarifa ya mchezo huo kwa usahihi. Adhabu hiyo imetolewa kwa kuzingatia Kanuni ya 39(1) ya Ligi Daraja la Kwanza kuhusu Udhibiti wa Kamishna/Mtathmini Waamuzi.

Klabu ya Alliance Schools FC imepigwa faini ya sh. 500,000 (laki tano) kwa kugoma kuinbia kwenye chumba vya kubadilishia (changing room), hivyo kusababisha timu yako ikaguliwe kwenye gari. Adhabu imezingatia Kanuni ya 14(48) ya Ligi Daraja la Kwanza.

Ligi Daraja la Pili

Mechi namba 27 (Bulyanhulu FC vs Mashujaa). Klabu ya Bulyanhulu FC imepigwa faini ya sh. 300,000 (laki tatu) baada ya timu yake kuchelewa kufika kwenye kikao cha maandalizi ya mechi (pre match meeting). Adhabu hiyo ni kwa mujibu wa Kanuni ya 14(3) ya Ligi Daraja la Pili.

Waamuzi wa mechi hiyo; Mwamuzi Elikana E. Mhoja (Mwanza), Mwamuzi Msaidizi Namba Moja, John Mrisho (Mwanza), na Mwamuzi Msaidizi Namba Mbili, Mukhusin I. Abdallah wa Mwanza wameondolewa kwenye orodha ya waamuzi kwa kushindwa kumudu mchezo huo. Uamuzi dhidi yao umezingatia Kanuni ya 38(1a) ya Ligi Daraja la Pili kuhusu Udhibiti wa Waamuzi.

Pia timu ya Bulyanhulu FC ilichelewa kufika kwenye kikao hicho katika mechi namba 28 dhidi ya Milambo FC iliyofanyika kwenye Uwanja wa Ali Hassan Mwinyi, mjini Tabora.

Mechi namba 30 (Mawenzi Market vs Sabasaba United). Klabu ya Mawenzi Market imepigwa faini ya sh. 100,000 (laki moja) kwa kufika kwenye kikao cha maandalizi ya mechi (pre match meeting) ikiwa na maofisa wawili tu badala ya wanne, na pia kutokuwa na vifaa vya mchezo. Adhabu dhidi ya klabu ya Mawenzi Market imetolewa kwa kuzingatia Kanuni ya 14(3) ya Ligi Daraja la Pili.

Mchezaji Awadh Ahmed wa Sabasaba United amefungiwa mechi tatu na kupigwa faini ya sh. 500,000 (laki tano) kwa kumsukuma Mwamuzi na kugoma kutoka uwanjani baada ya kuonyeshwa kadi nyekundu. Adhabu hiyo ni kwa mujibu wa Kanuni ya 37(7) ya Ligi Daraja la Pili kuhusu Udhibiti wa Wachezaji.

AJENDA 79/MSC/2017- MALALAMIKO YA ALLIANCE SCHOOLS

Malalamiko ya Alliance Schools FC kupinga matokeo ya mechi yake dhidi ya Singida United kwa madai mabao mawili waliyofungwa si halali, na mchezo huo urudiwe kwenye uwanja huru (neutral) yametupwa.

Msingi wa kutupa malalamiko hayo ni kuwa matokeo ya uwanjani hayawezi kubadilishwa kwa sababu ya kupinga mabao yaliyofungwa.

AZAM SPORTS FEDERATION CUP KUENDELEA KESHO  

Baada ya Simba kutangulia robo fainali ya Kombe la Shirikisho la Azam (ASFC) yaani Azam Sports Federation Cup kwa kuifunga African Lyon kwa bao 1-0, mechi nyingine za kuwania nafasi hiyo zitaanza kuchezwa kesho Ijumaa Februari 24, mwaka huu.

Simba iliilaza African Lyon katika mchezo wa hatua ya 16 bora uliofanyika Februari 16, mwaka huu kwenye Uwanja wa Taifa, Dar es Salaam.

Michezo ya kesho kwa mujibu wa ratiba inayotolewa na Shirikisho la Mpira wa Miguu Tanzania (TFF), itakuwa ni kati ya Madini FC ya Arusha na JKT Ruvu ya Pwani watakaocheza kwenye Uwanja wa Sheikh Amri Abeid jijini Arusha wakati Kagera Sugar itacheza Stand United ya Shinyanga Uwanja wa Kaitaba mjini Bukoba.

Mechi nyingine itakuwa ni kati ya The Mighty Elephant ya Ruvuma na Ndanda FC ya Mtwara zitakazopambana kwenye Uwanja wa Majimaji mjini Songea ilihali Azam na Mtibwa Sugar watacheza Chamanzi –Mbagala, Dar es Salaam. Michezo yote itaanza saa 10.00 jioni.

Jumapili Februari 26, mwaka huu timu ya Mbao FC itacheza na Toto Africans kwenye Uwanja wa CCM Kirumba jijini Mwanza wakati Tanzania Prisons itacheza na Mbeya City zote za Mbeya kwenye Uwanja wa Sokoine mjini Mbeya.

Machi 7, mwaka huu Young Africans SC itacheza na Kiluvya United kwenye Uwanja wa Taifa jijini Dar Es Salaam.

LIGI KUU YA WANAWAKE SASA KUANZA FEBRUARI 26

Ligi Kuu ya Wanawake ya Shirikisho la Mpira wa Miguu Tanzania (TFF) hatua ya 6 Bora itaanza rasmi Februari 26, 2017 kwenye kituo kimoja cha Uwanja wa Kumbukumbu ya Karume, Ilala, Dar es Salaam.

Timu sita zilizofanikiwa kufika hatua ya Sita Bora ni JKT Queens ya Dar es Salaam, Mlandizi Queens ya Pwani na Fair Play ya Tanga kutoka Kundi “A” wakati kutoka Kundi “B” zimo Marsh Acedemy ya Mwanza, Sisterz ya Kigoma na Panama ya Iringa.

Kwa mujibu wa ratiba hiyo, kutakuwa na mechi mbili kila siku katika kituo kimoja kwa mujibu wa kanuni. Kituo hicho ni Uwanja wa Karume, ulioko Ilala jijini Dar es Salaam ambako mchezo wa kwanza utaanza saa 8.00 mchana wakati mwingine utaanza saa 10.00 jioni.

Ratiba mpya inaonesha kwamba siku ya Februari 26, mwaka huu kutakuwa na mchezo kati ya JKT Queens na Mlandizi saa 8.00 mchana wakati saa 10.00 kutakuwa na mchezo kati ya Fair Play na Sisterz.

Ratiba kamili kwa mechi inazofuata itatolewa wiki ijayo. Shirikisho la Mpira wa Miguu Tanzania (TFF) linaomba radhi kwa usumbufu wowote uliojitokeza au unaoweza kujitokeza kutokana na mabadiliko hayo.

IMETOLEWA NA SHIRIKISHO LA MPIRA WA MIGUU TANZANIA (TFF)

SIMBA-YANGA: SERIKALI YATAMKA!

TFF-HQ-1-1-1-1PRESS RELEASE NO. 257 FEBRUARY   20,2017
TAMKO LA SERIKALI MCHEZO WA SIMBA NA YANGA
Ndugu   Watanzania   Jumamosi,   tarehe   25/02/2017 saa 10.00 jioni Uwanja wa Taifa tutakuwa na mchezo mkubwa wa kati yaSimba SC na Yanga FC.
Ikumbukwe   kuwa   mchezo   uliopita   wa   timu   hizi   uliochezwa kwenye   uwanja   huu   tarehe   1/10/2016   zilitokea   vurumaizilizosababisha Serikali kuufungia Uwanja kwa zaidi ya miezimitatu. Vurugu hizo zilisababisha uharibifu wa miundombinuikiwemo   uvunjifu   wa   viti,   mageti  na  mbaya   zaidi   baadhi   yawatu walijerehuliwa.Tunaomba waandishi na wadau wote tushirikiane kuelimishaumma wa wapenda michezo kuwa Michezo ni Furaha, Amani na Upendo.
Kuelekea mchezo ujao tungependa kueleza yafuatayo:-
Tunawaomba   wadau   wote   tujenge   utamaduni   wa   kununuatiketi mapema  kwani  mpaka  sasa tiketi zinapatikana kupitia SELCOM.   
Hii   itaondoa   msongamano   na   lawama   zisizo   za lazima.
Tunafahamu kuwa kuna changamoto  za matumizi  ya  mfumowa Ki- elektroniki lakini hatuna budi kuendelea kuelimishanana  kujifunza   kwani   huko  ndiko   Dunia   ilipo, tutakua  watu   waajabu   leo   tukisema   hatuwezi   kutumia   mfumo   huu   kisa changamoto hizi ndogondogo zinazojitokeza.Tujiepushe  na  vurugu  za aina yoyote  siku ya  mchezo  kwani Serikali haitamvumilia mtu yeyote atakayepelekea uvunjifu waamani siku ya mchezo.Kutakua na   ulinzi wa kutosha  ndani  na  nje  ya  Uwanja hasaukichukulia kuwa kuna kamera zenye uwezo wa kumuona kilamtu   anayeingia   Uwanjani   na   kila   anachokifanya.   Tutapiga picha   na  kuzirusha   kwenye  TV   kubwa  ya  Uwanja   kwa  wale wote   watakaobainika   kuashiria/kutenda   vurugu   sheriaitachukua mkondo wake.Tunatoa rai kwa  waamuzi waliopewa dhamana ya kuchezesha mchezo huu, wajue kuwa wana dhamana kubwa hivyo ni vyemawakafuata   kanuni   na   sheria   za   mchezo   husika   ili   kuepusha malalamiko.
Mwisho   napenda   niwatakie   mchezo   mwema   kwa   timu   zotewajue kuwa Watanzania wanategemea burudani nzuri kutoka kwao, na niwaombe mashabiki wakumbuke  kuwa  wajibu waomkuu   ni   kuzishangilia   na   kuzipa   hamasa   timu   zao   na   sivinginevyo.
Mtendaji Mkuu wa Bodi ya Ligi
Mtendaji   Mkuu   wa   Bodi   ya   Ligi   Kuu   Tanzania,   Boniface Wambura   yeye   kwa   upande   wake,   alisema   kwamba   mchezo huo utaanza saa 10.00 jioni na kwamba mwamuzi atatangazwa wakati wowote kuelekea mchezo huo.                
Alionya mashabiki kutofanya vurugu kwa sababu masharti ya kuufungulia   yanakwenda   sambamba   na   kuchunguzwa kama jamii ya wapenda soka kama imejirekebisha baada ya kutokea vurugu Oktoba mosi, mwaka jana. Mtoa Huduma wa Mauzo ya Tiketi Meneja Mauzo wa Kampuni inayotoa Huduma ya Kuuza Tiketiza Elektroniki, Gallus Runyeta alisema kwamba wanatarajiwa kutoa   huduma   ambayo   haitakuwa   na   changamoto   kama ilivyotokea huko nyuma.
Ofisa Usalama wa TFF/FIFA
Ofisa   Usalama   wa   TFF/FIFA,   Inspekta   Hashim   Abdallah, alisema kwamba Jeshi la polisi limejipanga vema kudhibiti kila aina ya fujo zinazoweza kujitokeza kwani wana askari  kama 300.…………………………………………………………………………........................
IMETOLEWA   NA   SHIRIKISHO   LA   MPIRA   WA   MIGUU TANZANIA (TFF)

WENGER KUIGANDA ARSENAL MIAKA MINNE ZAIDI!

WENGER-BAIBAI==ADAI HATASTAAFU YEYE SI MZEE KAMA SIR ALEX!
Arsene Wenger ametoboa kuwa atabakia kuwa Meneja kwa Miaka Minne zaidi na kusisitiza chaguo lake ni kubaki Arsenal.
Meneja huyo wa Arsenal anamaliza Mkataba wake na Klabu hiyo mwishoni mwa Msimu huu na Juzi alisema uamuzi wa kuendelea kuwepo hapo utafanywa Machi au Aprili.
Kubakia kwa Wenger Arsenal kumezua mjadala mkali huko England hasa baada ya Timu hiyo kubamizwa 5-1 na Bayern Munich Majuzi huko Germany na kuhatarisha kufuzu kwao kwenda Robo Fainali ya UCL, UEFA CHAMPIONZ LIGI.
Ikiwa Arsenal watashindwa kuibwaga Bayern kwenye Mechi ya Marudiano basi hiyo itakuwa ni Msimu wa 7 mfululizo kwa Arsenal kushindwa kuvuka Hatua hii ya UCL.
Wenger, ambae alianza kuitumikia Arsenal tangu 1996, ndie sasa Meneja aliedumu muda mrefu huko England kwa kukaa na Arsenal kwa Miaka 21.
Alipoulizwa kama ataiga nyayo za Sir Alex Ferguson ambae aliitumikia Manchester United kwa Miaka 26 na kustaafu Mwaka 2013, Wenger alijibu: "Ferguson alikuwa na vitu alivyovipenda nje ya Soka na yeye alikuwa na umri mkubwa alipostaafu kupita mimi. Alikuwa Miaka Minne mkubwa kupita mimi. Alistaafu ana Miaka 71 na mimi nina 67!"
Jumatatu Usiku Arsenal wako Ugenini kucheza na Timu isiyo kwenye mfumo rasmi wa Ligi huko England Sutton United ikiwa ni Mechi ya Raundi ya 5 ya FA CUP.