VITUKO VYA COPA AMERICA-GODIN ATAKA JARA ALIEMTENDA CAVANI AFUNGIWE KAMA SUAREZ!

edinson-cavani-gonzalo-jara-uruguay-chile-copa-america 1x2bpdopqc1ri14n151njaonscStraika mahiri wa Uruguay Edinson Cavani alilambwa Kadi Nyekundu kwa kulipa kisasi wakati wa Mechi ya Jana ya Wenyeji Chile na waliokuwa Mabingwa wa Copa America, Uruguay, kufuatia Beki wa Uruguay, Gonzago Jara, kumsukumia kidole kwenye makalio.
Tukio hilo la kwenye Mechi ya Robo Fainali ya Copa America ambayo Chile waliifunga Uruguay 1-0 na kutinga Nusu Fainali halikuonwa na Refa lakini TV lilinasa waziwazi wakati Gonzago Jara akimfuata Cavani na kumsokomeza kidole na kisha Cavani akionekana akiinua mkono na kumgusa usoni Jara ambae alijirusha chini mithili ya Mtu alielipuliwa na bomu.
Refa wa Mechi hiyo alimwonyesha Cavani Kadi ya Njano ya Pili na kumtoa nje  kwa Kadi Nyekundu licha ya Staa huyo kulalamika kwa Refa akionyesha alama ya kutiwa kidole.
Kitendo hicho kimempa hasira Beki wa Uruguay anaechezea Atletico Madrid, Diego Godin, ambae ametaka Gonzalo Jara asulubiwe kama alivyofanywa mwenzake wa Uruguay Luis Suarez ambae alifungiwa Mechi 9 na FIFA kwa kumuuma Meno Beki wa Italy Giorgio Chiellini wakati wa Fainali za Kombe la Dunia huko Brazil Mwaka Jana.
Tayari Fainali hizi za Copa America zimegubikwa na Adhabu kali baada ya Kepteni wa Brazil Neymar kupewa Kadi Nyekundu wakati Mechi ikiwa imeisha kwa kumbabatiza na Mpira Mchezaji wa Colombia na baadae akatupwa nje ya Mashindano hayo kwa kufungiwa Mechi 4.
Sasa Dunia imeitupia jicho CONMEBOL, Shirikisho la Soka la Nchi zaMarekani ya Kusini, kutaka kuona nini watafanya dhidi ya Mchezaji wa Wenyeji wa Mashindano Chile.
 

MAYANJA ATUA COASTAL!

NA MWANDISHI WETU,TANGA.

tnMABINGWA wa Ligi kuu soka Tanzania bara mwaka 1988,Coastal Union,Wagosi wa Kaya imeingia mkataba wa miaka miwili na aliyekuwa Kocha Mkuu wa Kagera SugarJackson Mayanjaambaye ni raia wa Uganda kuifundisha timu ya Coastal Union katika msimu ujao wa Ligi kuu soka Tanzania Bara itakayoanza Mwezi Agosti mwaka huu .

Utiliaji wa saini wa Kocha huyo ulifanyika (leo)jana mjini hapa na kuhudhuriwa na viongozi mbalimbali wa timu ya Coastal Union akiwemo Mjumbe wa Kamati ya Utendaji Albert Peter na Katibu Mkuu wa timu hiyo,Kassim El Siagi.

Akizungumza baada ya kumalizika zoezi hilo,Ofisa Habari wa Coastal Union,Oscar Assenga amesema kuwa kutokana na umahiri aliokuwa nao kocha huyo wanaimani kubwa ataipa mafanikio timu hiyo hasa katika harakati za kuhakikisha inafanya vizuri ligi kuu msimu ujao.

Amesema kuwa uwezo wa Kocha huyo utaleta matumaini makubwa ya mafanikio hasa ukizingatia ni kocha mwenye uwezo mzuri wa kufundisha na kuzipa mafanikio timu hivyo tunaamini kuja wake kwetu itakuwa chachu katika maendeleo.

Mayanja ambaye aliwahi kuzifundisha timu za soka Kiyuvu FC ya Rwanda,Timu ya Mamlaka ya Mapato nchini Uganda (URA),Vipers FC ya Bunamwaya  na KCC ya Uganda amesema kutua kwenye timu hiyo kumpa faraja kubwa hivyo atahakikisha anatoa mchango wake kwenye kuipa mafanikio.

Amesema kuwa mipango yake mikubwa ni kuhakikisha timu hiyo inang’ara katika michuano ya Ligi kuu msimu ujao ikiwemo kubadili aina ya mchezo wa timu hiyo ili iweze kupata mafanikio kwa kuweka umoja baina ya wachezaji mashabiki, wanachama na wapenzi.

Amesistiza pia umuhimu wa mshikamano baina ya wapenzi,wanachama na viongozi ili kuiwezesha timu hiyo kuchukua Ubingwa wa Ligi kuu msimu ujao kwani dhamira yake ni kutaka kuona timu hiyo inang’ara kwenye medani za kitaifa na kimataifa.

Mwisho.

FIRMINO NJIANI KUTUA ANFIELD KWA DAU LA PAUNI MILIONI 29!

FIRMINOLiverpool inadaiwa kufikia makubaliano ya kumsaini Roberto Firmino kwa Dau la Pauni Milioni 29 ambalo litamfanya awe Mchezaji wa Pili kununuliwa na Klabu hiyo kwa Fedha nyingi.
Firmino, mwenye Miaka 23, ni Straika wa Klabu ya Bundesliga huko Germany, Hoffenheim, na sasa yuko Nchini Chile akiichezea Brazil kwenye Fainali za Copa America.
Mkuu wa Liverpool,  Ian Ayre, yupo Nchini Chile kusimamia Dili hii ambayo itampa Staa huyo Mkataba wa Miaka Mitano huku tayari inasemekana washaafikiana kuhusu maslahi yake binafsi.
Firmino ameifungia Hoffenheim Bao 49 katika Mechi 153 na Juzi aliipigia Brazil Bao la Pili wakati wanaichapa Venezuela 2-1 na kutinga Robo Fainali ya Copa America.
Mwaka 2011, Liverpool ilimsaini Straika wa Newcastle, Andy Carrol, kwa Dau la Pauni Milioni 35 ambalo ndio kubwa katika historia ya Klabu hiyo.
Hivi karibuni Liverpool ilimnunua Straika wa Burnley Danny Ings pamoja na Kipa Adam Bogdan, Beki Joe Gomez na Kiungo James Milner tayari kwa ajili ya Msimu mpya.
Lakini wapo njiani kumpoteza Staa wao mkubwa Raheem Sterling ambae amegoma kusaini Mkataba mpya na kutaka kuhama huku Manchester City wakitoa Ofa mbili ambazo zimekataliwa.
 

UEFA CHAMPIONZ LIGI-DROO RAUNDI ZA KWANZA NA ZA PILI ZAFANYIKA!

UCL-2014-15-LOGO-1Droo za Raundi za Kwanza na za Pili za Mtoano za UEFA CHAMPIONZ LIGI kwa Msimu mpya wa 2015/16 imefanyika Mchana huu huko Nyon, Uswisi.
Klabu 38 zimehusika na Droo hiyo.
DROO KAMILI:
Raundi ya Kwanza ya Mtoano:
Lincoln FC (Gibraltar) v FC Santa Coloma (Andorra)
Crusaders FC (Northern Ireland) v FC Levadia Tallinn (Estonia)
FC Pyunik (Armenia) v SS Folgore (San Marino)
B36 Tórshavn (Faroe Islands) v The New Saints FC (Wales)
**Mechi kuchezwa Juni 30/Julai 1 na Marudiano Julai 7/8
Raundi ya Pili ya Mtoano:
Hibernians FC (Malta) v Maccabi Tel-Aviv FC (Israel)
APOEL FC (Cyprus) v FK Vardar (Macedonia)
Qarabağ FK (Azerbaijan) v FK Rudar Pljevlja (Montenegro)
FK Sarajevo (Bosnia) v KKS Lech Poznań (Poland)
NK Maribor (Slovenia) v FC Astana (Kazakhstan) 
FC BATE Borisov (Belarus) v Dundalk FC (Ireland)
HJK Helsinki (Finland) v FK Ventspils (Latvia)
FC Midtjylland (Denmark) v Lincoln FC (Gibraltar/FC Santa Coloma (Andorra)
Molde FK (Norway) v FC Pyunik (Armenia)/SS Folgore (San Marino)
Malmö FF (Sweden) v FK Žalgiris Vilnius (Lithuania)
Celtic FC (Scotland) v Stjarnan (Israel) 
FK AS Trenčín (Slovakia) v FC Steaua Bucureşti (Roumania)
FK Partizan (Serbia) v FC Dila Gori (Georgia)
PFC Ludogorets Razgrad (Bulgaria) v FC Milsami Orhei (Moldova)
CS Fola Esch (Luxembourg) v GNK Dinamo Zagreb (Croatia)
KF Skënderbeu (Albania) v Crusaders FC (Northern Ireland)/FC Levadia Tallinn (Estonia)
B36 Tórshavn (Faroe Islands)/ The New Saints FC (Wales) v Videoton FC (Hungary)
**Mechi kuchezwa Julai 14/15 na Marudiano Julai 21/22
>>Washindi wa Raundi ya Pili ya Mtoano watasonga Raundi ya Tatu ya Mtoano na itafuatia Raundi ya Mwisho ya Mchujo na kisha Hatua ya Makundi.

TAIFA STARS VIPIGO MFULULIZO: TFF YAMFUKUZA KOCHA NOOIJ NA BENCHI LAKE LOTE!

NOIIJ-STARZTAARIFA KWA VYOMBO VYA HABARI - RELEASE NO. 102
 TAREHE 20 JUNI, 2015
 KAMATI YA UTENDAJI YASITISHA AJIRA YA NOOIJ
Kamati ya utendaji ya Shirikishi la Mpira wa Miguu Tanzania (TFF) Katika kikao chake cha leo pamoja na mambo mengine ilipitia mwenendo wa Timu ya Taifa (Taifa Stars) ikiwa ni pamoja na kuhudhuria mchezo kati ya Tanzania na Uganda, kama sehemu ya tathmin ya mwenendo wa timu.
 Kamati ya utendaji kwa kauli moja imeamua yafuatayo:
 1.Ajira ya Kocha Mkuu Maart Nooij inasitishwa mara moja kuanzia  tarehe 21/June/2015.
 2.Benchi lote la ufundi la Taifa stars limevunjwa kuanzia tarehe 21/06/2015.
 3.Uongozi wa TFF utatangaza punde benchi jipya la ufundi la timu ya Taifa.
 IMETOLEWA NA SHIRIKISHO LA MPIRA WA MIGUU TANZANIA (TFF)

Habari MotoMotoZ