UEFA CHAMPIONZ LIGI 2017/18: DROO RAUNDI 2 ZA KWANZA MTOANO ZAFANYWA!

UCL SIT SAFIUEFA Leo imefanya Droo ya Raundi za Mtoano ya Kwanza na ya Pili kwa ajili ya UEFA CHAMPIONZ LIGI kwa Msimu Mpya wa 2017/18.

Kwenye Raundi ya Kwanza ya Mtoano zipo Mechi 5 na Washindi wake Watano watasonga Raundi ya Pili ya Mtoano.

Mechi za Raundi ya Kwanza ya Mtoano zitachezwa Nyumbani na Ugenini hapo Juni 27/28 na Marudiano ni Julai 4/5.

Raundi ya Pili ya Mtoano itachezwa pia Nyumbani na Ugenini hapo Julai 11/12 na Marudiano ni Julai 18/19.

Raundi hii ina Mechi 17 na Washindi wake kusonga Raundi ya 3 ya Mtoano.

Moja ya Timu kubwa ambayo ipo Raundi ya Pili ya Mtoano ni Celtic ya Scotland ambao waliwahi kuwa Klabu Bingwa Ulaya.

Ikiwa Celtic watashinda watasonga Raundi ya 3 ya Mtoano ambako watajumuika na Timu kubwa nyingine kama vile Nice na Ajax.

Droo ya Raundi ya 3 ya Mtoano itafanyika Julai 14.

Washindi wa Raundi hiyo watasonga Raundi ya Mwisho ya Mchujo ambako zitaingia Timu kama vile Liverpool, Sevilla, Napoli, Hoffenheim na Sporting Lisbon.

Droo ya Raundi ya Mwisho ya Mchujo itafanywa Agosti 24.

Washindi wa Raundi hii wataingizwa Droo ya kupanga Makundi ambayo itafanywa Agosti 24.

UEFA CHAMPIONZ LIGI – DROO RAUNDI YA 1 MTOANO:

UCL1

UEFA CHAMPIONZ LIGI – DROO RAUNDI YA 2 MTOANO:

UCL2

FIFA KOMBE LA MABARA RUSSIA 2017: LEO NI MABINGWA WA DUNIA GERMANY v AUSTRALIA

FIFA CONFED2017 SITMARA ya mwisho kwa Germany na Australia kukutana ilikuwa kwenye Mashindano kama haya na Germany kushinda 4-3.

Kabla ya Mechi hiyo, Timu hizi zimekutana mara 5 na Germany kushinda 3 za mwanzo kufungwa iliyofuatia na ikaja Sare.

Lakini Australia ya sasa ni kigaga na imepoteza Mechi 1 tu katika 19 iliyocheza mwisho na hiyo ni ile ya Wiki iliyopita ilipopigwa 4-0 na Brazil huko Melbourne.

Kwa Germany, Kikosi kilicholetwa Russia kwa ajili ya Mashindano haya hakina Wazoefu wengi na kina Wachezaji Watatu tu waliyoipa Ubingwa wa Dunia huko Brazil Mwaka 2014.

Watatu hao ni Shkodran Mustafi, Matthias Ginter na Julian Draxler huku wengine wote ama ni Wastaafu, Majeruhi au wamepumzishwa.

Lakini Rekodi ya Germany ni ya kutisha kwani wameshinda Mechi 8 na sare 2 katika Mechi zao 10 zilizopita wakifunga Bao 31 na kufungwa 2 tu.

Hii ni mara ya 4 kwa Australia kucheza Kombe la Mabara baada kushiriki Mashindano yale ya Miaka ya 1997, 2001 na 2005.

Pia Kikosi chao kina Wachezaji wenye uzoefu wa Germany kwa vile wanacheza kwenye Bundesliga na hao ni Mitch Langerak na Mathew Leckie na Mchezaji aliesainiwa hivi karibuni na Klabu ya Darmstadt, Jamie MacLaren, wakati yupo pia aliewahi kuichezea Bayer Leverkusen kama Fowadi Robbie Kruse.

Wachambuzi wana usongo kuona Australia ngumu itafanyaje dhidi ya Germany Chipukizi.

VIKOSI VINATARAJIWA KUWA:

Australia: Mat Ryan; Bailey Wright, Milos Degenek, Trent Sainsbury; Mark Milligan, Aaron Mooy, Aziz Behich, Jackson Irvine, Tom Rogic, Mathew Leckie; Tomi Juric

Germany: Bernd Leno; Joshua Kimmich, Matthias Ginter, Antonio Rudiger, Jonas Hector; Emre Can, Julian Brandt, Leon Goretzka, Lars Stindl, Julian Draxler; Sandro Wagner

REFA: Mark Geiger (USA)

++++++++++++++++

FIFA KOMBE LA MABARA

Ratiba/Matokeo:

Hatua ya Kwanza

Jumamosi Juni 17

KUNDI A

Saint Petersburg Stadium, Saint Petersburg

Russia 2 New Zealand 0

Jumapili Juni 18

KUNDI A

Kazan Arena, Kazan

Portugal 2 Mexico 2

KUNDI B

Spartak Stadium, Moscow

Cameroon 0 Chile 2 

Jumatatu Juni 19

KUNDI B

Fisht Stadium, Sochi

1800 Australia v Germany

Jumatano Juni 21

KUNDI A

Spartak Stadium, Moscow

1800 Russia v Portugal

Fisht Stadium, Sochi

2100 Mexico v New Zealand

Alhamisi Juni 22

KUNDI B

Saint Petersburg Stadium, Saint Petersburg

1800 Cameroon v Australia

Kazan Arena, Kazan

2100 Germany v Chile

Jumamosi Juni 24

KUNDI A

Kazan Arena, Kazan

1800 Mexico v Russia

Saint Petersburg Stadium, Saint Petersburg

1800 New Zealand v Portugal

Jumapili Juni 25

KUNDI B

Fisht Stadium, Sochi

1800 Germany v Cameroon

Spartak Stadium, Moscow

1800 Chile v Australia

Hatua ya Pili

Nusu Fainali

Jumatano Juni 28

Kazan Arena, Kazan

2100 Mshindi Kundi A v Mshindi wa Pili Kundi B [NF1]

Alhamisi Juni 29

Fisht Stadium, Sochi

2100 Mshindi Kundi B v Mshindi wa Pili Kundi A [NF2]

Mshindi wa 3

Jumapili Julai 2

Spartak Stadium, Moscow

1500 Atakaefungwa NF1 v Atakaefungwa NF2

FAINALI

Jumapili Julai 2

Saint Petersburg Stadium, Saint Petersburg

2100 Mshindi NF1 v Mshindi NF2

WENGER ‘AMRUDIA’ LACAZETTE, MAN UNITED YAAMBIWA ‘WEKA £50M MCHUKUE DIER!

UHAMISHO ULIOBAMBA ENGLAND:

WENGER ‘AMRUDIA’

Arsenal wamerudi tena kumwinda Straika wa Lyon Alexandre Lacazette ambae sasa anatingwa na kukosa kucheza UEFA CHAMPIONZ LIGI kama akitua Emirates.

Arsene Wenger yupo tayari kupandisha dau kwa Lacazette Mchezaji ambae alitaka pia kumnunua mwanzoni mwa Msimu uliopita.

LACAZETTE-DIERKwa Lacazette, mipango ilikuwa tayari ajiunge na Atletico Madrid na kutocheza Miezi 6 kwa vile Atletico wako kwenye Kifungo cha FIFA cha kutosaini Mchezaji Mpya hadi Januari 2018.

Lakini hilo lilitegemea kwa Atletico kumuuza Antoine Griezmann kwa Man United kitu ambacho pia kimekwamishwa kwa hiyo Adhabu ya FIFA baada ya Rufaa yao kutupwa.

Msimu uliopita Wenger alijaribu kumsaini Lacazette lakini Ofa yao ya Pauni Milioni 30 ikakataliwa na sasa Ada ya kumnunua ni Pauni milioni 50.

Hata hivyo, licha ya Lyon kuwa tayari kumuuza, inadaiwa kikwazo kingine hivi sasa ni Mchezaji huyo mwenyewe kusita kwenda kuchezea Klabu ambayo haimo UEFA CHAMPIONZ LIGI Msimu ujao.

Kwa kumaliza Nafasi ya 5 kwenye EPL, LIGI KUU ENGLAND, Arsenal italazimika kucheza UEFA EUROPA LIGI.

Hata hivyo, Arsenal wanadaiwa pia kukubali kuwapa Lyon Straika wao Olivier Giroud ili wampate Lacazette.

Katika Misimu Mitatu iliyopita, Lacazette alipiga Bao 91.

MAN UNITED YAAMBIWA ‘WEKA £50M MCHUKUE DIER!

Manchester United wamepewa Dau la Pauni Milioni 50 ikiwa watataka kumnunua Kiungo wa Tottenham Hotspur Eric Dier.

Inadaiwa Dier yumo kwenye Listi ya Meneja Jose Mourinho ambayo amemkabidhi Makamu Mwenyekiti wa Man United Ed Woodward ya Wachezaji anaotaka waletwe Old Trafford kwa ajili ya Msimu unaokuja.

Tayari Mourinho na Woodward washamnasa Mchezaji Mmoja katika Listi hiyo baada ya Juzi kumnunua Beki Victor Lindelof kutoka Benfica ya Ureno.

Mourinho anamwona Dier, mwenye Miaka 23, kama ndie mrithi anaestahiki wa Michael Carrick ambae nae alinunuliwa kutoka Spurs Miaka 11 iliyopita na ambae hivi sasa ameongezewa Mkataba wa Mwaka mmoja hadi Juni 2018.

Dier ashaonywa na Meneja wa Spurs Mauricio Pochettino kwamba ni Spurs iliyomkuza hadi akafikia hapo na kuweza pia kuichezea Timu ya Taifa ya England.

Lakini tatizo kubwa kwa Dier na kumfanya avutiwe kwenda Man United ni Mshahara.

Mwezi Septemba Mwaka Jana, Dier alipewa Mkataba Mpya na Spurs na Mshahara wake kuwa Pauni 70,000 kwa Wiki lakini akitua tu Man United Kiungo huyo atazoa Mshahara usiopungua Pauni 150,000 kwa Wiki.

Lakini tatizo kubwa kwa Man United kufanya biashara na Spurs ni ‘ulalamishi’ wa Mwenyekiti wao Daniel Levy katika kukamilisha Dili.

Tangu wamnunue Dimitar Berbatov kutoka Spurs Mwaka 2008, Man United hawajarudi tena kumtaka Mchezaji mwingine licha ya kupenda sana kuwanunua Luka Modric na Gareth Bale walipokuwepo Spurs.

WEST HAM KUSHINDWA KUCHEZA MECHI YA KWANZA MSIMU MPYA WA LIGI 2017/18 UWANJANI KWAO!

West Ham hawataweza kucheza Mechi yao ya kwanza ya Msimu Mpya wa EPL, LIGI KUU ENGLAND, kwenye Uwanja wao wa Nyumbani London Stadium.

LONDON-STADIUMKlabu hiyo inaanza Msimu Mpya Agosti 12 kwa kucheza Ugenini huko Old Trafford na Manchester United na Mechi ya Pili ilitakiwa ichezwe Agosti 19 Nyumbani kwao London Stadium na Southampton lakini Uwanja huo hautakuwa tayari baada ya kutumika kwa Mashindano ya Riadha ya Dunia.

Mashindano hayo ya Riadha yanaisha Jumapili Agosti 13 na ili kuuweka tayari Uwanja West Ham wamethibitisha Mechi yao ya kwanza ya EPL humo London Stadium itakuwa Septemba 9 dhidi ya Huddersfield Town.

Tatizo kubwa ni kuwa Uwanjani humo Viti vyote vya Safu za mbele vitang’olewa ili kutoa nafasi kwa ile sehemu maalum ya kukimbilia Wanaradha na kuhifadhiwa sehemu nyingine kabisa nje ya Uwanja huo.

Kazi ya kuving’oa Viti vyote itachukua Siku 15 na inakadiriwa zinahitajika pia Siku 15 kuvirudisha vile vile kama mwanzo.

West Ham sasa wapo kwenye mchakato wa kuomba Mechi yao Agosti 19 na Southampton ichezwe Ugenini huko St Mary’s na ile waliyopangiwa kucheza huko St Mary’s hapo 31 Machi 2018 ichezwe London Stadium.

Ikiwa hilo litaafikiwa, basi West Ham watacheza Mechi zao 3 za kwanza za Msimu Mpya wa EPL zote Ugenini.

Msimu uliopita Liverpool walikutana na hali kama hiyo ya kucheza Mechi zao zote za mwanzo Ugenini kutokana na Ujenzi Uwanjani kwao Anfield.

West Ham United - Ratiba yao Mechi za Mwanzoni:

12 Agosti – Manchester United (U)

19 Agosti – Southampton (N)

26 Agosti – Newcastle United (U)

9 Septemba – Huddersfield Town (N)

16 Septemba – West Bromwich Albion (U)

23 Septemba – Tottenham Hotspur (N)

30 Septemba – Swansea City (N)

**U-Ugenini N=Nyumbani

KIMATAIFA KIRAFIKI: BRAZIL YAIWASHA 4 AUSTRALIA!

>BAADAE LEO SINGAPORE v ARGENTINA, FRANCE v ENGLAND

Jumanne Juni 13

Ratiba/Matokeo:

**Saa za Bongo

Australia 0 Brazil 4           

1500 Singapore v Argentina                 

1730 Indonesia v Puerto Rico               

2000 South Africa v Zambia                  

2045 Norway v Sweden              

2100 Romania v Chile                

2130 Cameroon v Colombia                 

2200 France v England

++++++++++++++++++++++

BRA-AUSKatika Mechi ya Kimataifa ya Kirafiki chini ya Kalenda ya FIFA iliyochezwa Mchana huu huko Melbourne Cricket Ground Nchini Australia, Brazil iliitandika Australia 4-0 mbele ya Mashabiki 49,874.

Iliwachukua Brazil, waliocheza bila ya Nyota wao mkubwa Neymar, Sekunde 11 tu tangu Mpira uanze kuandika Bao la Kwanza lililofungwa na Diego Souza ambae alipenyezewa Pasi na Giuliano baada ya Australia kuanza Mechi na kuupoteza Mpira.

Bao hilo lilidumu hadi Haftaimu.

Brazil walipiga Bao la Pili Dakika ya 62 kupitia Thiago Silva na Dakika ya 75 Taison kupiga la 3 na kisha Diego Souza kufunga tena Bao Dakika ya 93.

VIKOSI:

AUSTRALIA (Mfumo 3-2-4-1): Langerak; Degenek, Sainsbury (Irvine, 57 mins), Wright (D McGowan, 78 mins); Luongo (Mooy, 78 mins), Milligan; Leckie (Hrustic, 57 mins), Kruse, Troisi (Rogic, 81 mins), Behich; Cahill (Maclaren (57 mins)

Akiba hawakutumika:  Juric, R McGowan, Ryan, Vukovic 

BRAZIL (Mfumo 4-1-4-1): Alvez; Rafinha, Silva (Jemerson, 77 mins), Luiz (Fernandinho, 73 mins), Alex Sandro; Caio; Coutinho (Willian, 71 mins), Paulinho (Augusto, 83 mins), Giuliano (Rodriguinho, 78 mins), Costa (Taison, 58 mins); Souza

Akiba hawakutumika: Weverton, Ederson, Filipe Luis, Gil, Fagner

REFA: Mark Clattenburg [England]  

Habari MotoMotoZ