EUROPA LIGI: MAN UNITED ALHAMISI KUCHEZA NA ZORYA NDANI YA OLD TRAFFORD!

EUROPA-LIGIManchester United watakuwa Enyeji wa Klabu ya Ukraine Zorya Luhansk huko Old Trafford
Alhamisi Usiku kwenye Mechi yao ya pili ya Kundi A la UEFA EUROPA LIGI.
Wiki 2 zilizopita Man United walicheza.Mechi yao ya kwanza ya Kundi A Ugenini huko Rotterdam, Holland na kufungwa 1-0 na Feyenoord.
Kwenye kipigo hicho, Nahodha wa Man United Wayne Rooney  hakuwemo Kikosini na kwenye Mechi yao iliyopita ya EPL, Ligi Kuu England ambayo waliwatwanga Mabingwa wa England Leicester City Rooney alikuwa Benchi na kuingizwa zikisalia Dakika 7 tu.
==========
JE WAJUA?
-Ikiwa Rooney atacheza Mechi hii na Zorya na kufunga Bao, basi atafungana na Ruud van Nistelrooy kwa wote kuwa na Goli 37 na wote kuwa ndio Wafungaji Bora wa Man United kwenye Mashindano ya Klabu Barani Ulaya.
==========
 Kwenye Mechi hii Man United itamkosa Straika wao Zlatan Ibrahimovic lakini Henrikh Mkhitaryan amerejea Kikosini baada kukosa Mechi 4 akiuguza Paja lake.
Zorya, ambao wapo Nafasi ya Pili kwenye Ligi ya Ukraine, walitoka Sare 1-1 na Fenerbahce katika Mechi yao ya kwanza ya Kundi A.
Mechi nyingine ya Kundi A ni huko Instanbul, Turkey kati ya Fenerbahce na Feyenoord inayoongozwa na Kepteni Dirk Kuyt, Mchezaji wa zamani wa Liverpool, alieichezea Fenerbahce kwa Miaka Mitatu hadi 2015.
 Klabu nyingine ya England inayocheza EUROPA LIGI ni Southampton iliyoanza Kundi K kwa ushindi wa Nyumbani wa 3-0 dhidi ya Sparta Prague.
Alhamisi Southampton wapo Ugenini huko Israel kucheza na Hapoel Beer-Sheva.
 Nayo Timu ya Straika wa Tanzania Mbwana Samatta, Genk, wako kwao huko Belgium kucheza na Sassuolo ya Italy ambayo iliinyuka Athletic Bilbao ya Spain 3-0 katika Mechi ya Kwanza ya Kundi F.
Kwenye Mechi yao ya kwanza, Genk walifungwa Ugenini 3-2 na Rapid Vienna ya Austria.
UEFA EUROPA LIGI
Ratiba
Alhamisi Septemba 29
**Saa za Bongo
1800 GABALA v MAINZ [8KM Stadium Baku] Kundi C
1800 ASTANA v YOUNG BOYS [Astana Arena Astana[ Kundi B]
2000 AJAX v  STANDARD LIÈGE [Amsterdam ArenA Amsterdam] Kundi G
2000 CELTA v PANATHINAIKOS [Balaídos Vigo] Kundi G
2000 GENT v  KONYASPOR [KAA Gent Stadium Ghent] Kundi H
2000 SHAKHTAR DONETSK v BRAGA [Arena Lviv Lviv]
2000 SCHALKE v SALZBURG [Arena AufSchalke Gelsenkirchen] Kundi I
2000 KRASNODAR v NICE [Kuban Krasnodar] Kundi I
2000 FIORENTINA v QARABAĞ [Stadio Artemio Franchi Florence] Kundi J
2000 LIBEREC v PAOK [U Nisy Liberec] Kundi J
2000 SPARTA PRAHA v INTERNAZIONALE [Generali Arena Prague] Kundi K
2000 H. BEER-SHEVA v SOUTHAMPTON [Turner Stadium Beer Sheva] Kundi K
2000 ZÜRICH v OSMANLISPOR [Stadion Letzigrund Zurich] Kundi L
2000 STEAUA v VILLARREAL [Arena Națională Bucharest] Kundi L
2205 ST-ÉTIENNE v ANDERLECHT [Stade Geoffroy Guichard Saint-etienne] Kundi C
2205 ZENIT v AZ [Stadion Petrovskiy St. Petersburg] Kundi D
2205 DUNDALK  v M. TEL-AVIV [Tallaght Stadium Dublin] Kundi D
2205 AUSTRIA WIEN v PLZEŇ [Ernst-Happel-Stadion Vienna] Kundi E
2205 ROMA v ASTRA [Stadio Olimpico Rome] Kundi E
2205 ATHLETIC v RAPID WIEN [Estadio de San Mamés Bilbao] Kundi F
2205 GENK v SASSUOLO [KRC Genk Arena Genk] Kundi F
2205 FENERBAHÇE v FEYENOORD [Şükrü Saracoğlu Istanbul] Kundi A
2205 MAN UNITED v ZORYA [Old Trafford Manchester] Kundi A
2205 OLYMPIACOS v APOEL [Stadio Georgios Karaiskakis Piraeus] Kundi B

JOE HART SHUJAA TORINO IKIIBWAGA AS ROMA MARA YA KWANZA BAADA MIAKA 26!

HART-TORINOKOCHA wa Torino Sinisa Mihajlovic anaamini ujio wa Kipa wa England Joe Hart umeanza kuwapa manufaa baada ya kufanikiwa kushinda Mechi ya Nyumbani kwao ya Serie A dhidi ya AS Roma kwa mara ya kwanza baada ya Miaka 26.
Jana Hart alimudu kumzuia Edin Hazard waliekuwa nae Klabu moja huko England, Man City, kila wakati Torino ikiichapa AS Roma 3-1 ndani ya Stadio Olimpico.
Bao za Mechi hiyo zilifungwa na Iago Falque, Mchezaji wa Mkopo kutoka AS Roma, aliepiga Bao 2 na Andrea Belotti wakati lile la Roma kufungwa kwa Penati na Mkongwe Francesco Totti likiwa ni Bao lake la 250 kwenye Serie A akibakisha Siku 2 tu kutimiza Miaka 40.
Kocha Mihajlovic aneeleza: "Tulimsaini Hart kwa ajili ya ari yake, morali na uzoefu wake. Ni Mtu mwema na Mchezaji wa kweli wa kulipwa wa Kimataifa mwenye mvuto mkubwa. Kuwepo kwake kunaifanya Timu ijiamini zaidi!"
Hart, mwenye Miaka 29, alitua Torino mwishoni mwa Agosti kwa Mkopo akitokea Man City ambako Meneja Mpya Pep Guardiola alimtema.
 
 
 
 
 
 
 
 
 
 
 
 
 

BALOTELLI ATINGISHA DABI YA RIVIERA, KOCHA WAKE APIGWA BUTAA!

BALOTELLI-Nice2BOSI wa Nice Lucien Favre ameungama kwamba Mario Balotelli sasa amezidi matarajio yao baada ya Jana kupiga tena Bao 2 kwenye Mechi na Monaco ya Ligi 1 huko France.
Hiyo ni Mechi ya pili mfululizo kwa Balotelli kufunga Bao baadavya Jana Nice kuwachapa Monaco 4-0 katika Dabi ya Riviera na kukaa kileleni mwa Ligi 1 wakiwa juu ya Mabingwa Watetezi Paris Saint-Germain.
Baada ya Gemu hiyo Kocha Favre alisema: "2-0 toka kwa Balotelli zilikuwa ni muhimu na zilitupa morali ya kujiamini. Mario ni muhimu kwetu kwani anatoa kina kwenye Gemu yetu. Sasa anapaswa kuendelea hivi hivi."
Kocha huyo aliendelea: "Baada ya Miaka kadhaa migumu kwake sasa anaweza kurejea kileleni. Tutajaribu kumsaidia ili aimarike zaidi!"
Aliongeza: "Bao 4 Gemu 2? Sikutegemea hilo!"

EFL CUP: DROO YA RAUNDI YA 4 LEO!

EFL-CUPLEO USIKU, mara baada ya kukamilika Mechi za Raundi ya 3 ya EFL CUP, Kombe la Ligi huko England, itafanyika Droo ya kupanga Mechi za Raundi ya 4.
Jana Timu 8 zilufuzu kuingia Raundi ya 4 baada ya kushinda Mechi zao na hizo ni Preston, Reading, Liverpool, Norwich, Leeds, Chelsea, Newcastle na Arsenal.
Timu hizo zitaingizwa kwenye Droo pamoja na Washindi 8 wengine watakaopatikana baada ya Mechi 8 za 
+++++++++++++++++++++++++
JE WAJUA?
-Msimu huu hili Kombe la Ligi halina Mdhamini na limebatizwa English Football League Cup, EFL CUP.
-Huko nyuma Kombe la Ligi, kwa sababu za kiudhamini, liliwahi kubatizwa Coca-Cola Cup, Worthington Cup, Carling Cup na Capital One Cup.
+++++++++++++++++++++++++
Leo za Raundi ya 3 ambazo pia zinamhusisha Bingwa Mtetezi Man City.
Mechi za Raundi ya 4 zitachezwa Wiki ya kuanzia Oktoba 24.
EFL CUP
Raundi ya 3
Jumatano Septemba 2
**Mechi zote kuanza Saa 3 Dak 45 Usiku Saa za Bongo isipokuwa inapotajwa
Fulham v Bristol City
Northampton v Man United
QPR v Sunderland
Southampton v Crystal Palace
Swansea v Man City
West Ham v Accrington
2200 Stoke v Hull
2200 Tottenham v Gillingham
Matokeo:
Jumanne Septemba 20
Bournemouth 2 Preston 2 [2-3 baada ya Dakika 120]
Brighton 1 Reading 2
Derby 0 Liverpool 3
Everton 0 Norwich 2
Leeds 1 Blackburn 0
Leicester 2 Chelsea 2 [2-4 baada ya Dakika 120]
Newcastle 2 Wolves 0
Nottingham Forest 0 Arsenal 4

PEP GUARDIOLA AMPASHA KEPTENI KOMPANY – HUNA NAMBA YA KUDUMU!

CITY-PEP-KOMPANYKEPTENI wa Manchester City Vincent Kompany ameambiwa waziwazi kwamba hana namba ya kudumu akirejea Kikosini baada ya kupona Nyonga yake.

Kompany, mwenye Miaka 30, amekuwa nje ya Uwanja tangu Mei 4 alipoumia kwenye Mechi na Real Madrid.

Inatarajiwa Kompany atakuwa fiti kabisa hivi karibuni lakini Guardiola ameonya: “Wachezaji lazima washindane kati yao na tuaona Uwanjani nani bora kwa kila Gemu.”

Tangu ahamie City Mwaka 2008 akitokea Hamburg ya Germany kwa Dau la Pauni Milioni 10, Kompany amekuwa ni chaguo la kwanza kwenye Kikosi cha Timu hiyo na kusimikwa kama Nahodha Mwaka 2011 kumrithi Carlos Tevez.

Kompany ameiceheza City Mechi 298 na kuiongoza kutwaa Ubingwa wa England mara 2 na Kombe la Ligi mara 2.

Hata hivyo, katika Misimu ya hivi karibuni, Mchezaji huyo wa Kimataifa wa Belgium amekuwa akiandamwa na Majeruhi ya mara kwa mara na hasa ya Musuli.

Katika Misimu Minne iliyopita, Msimu pekee aliocheza Mechi nyingi ni ule wa 2013/14 aliocheza Mechi 28 wakati Msimu uliopita akiumia mara 4 na kumfanya acheze Mechi 14 tu na pia kuikosa kuichezea Belgium Fainali ya EURO 2016 Mwezi Juni na Julai.

Msimu huu, pozisheni ya Sentahafu imekuwa ikishikwa na Mchezaji Mpya John Stones akisaidiwa na Nicolas Otamendi na wakati mwingine Fulbeki Aleksander Kolarov akijaza nafasi hiyo.

Guardiola ameeleza: “Najua ubora wa Kompany. Nataka yeye awape presha John Stones, Nico Otamendi na Kolarov. Lazima wajue kuwa kama hawachezi vizuri yupo Mtu pembeni anaeweza kucheza Mechi ijayo!”