KOCHA MPYA ITALY GIAMPIERO VENTURA ANENA MARIO BALOTELLI YUPO NJIA PANDA!

BALOTELLI-GOTIKOCHA MPYA wa Timu ya Taifa ya Italy Giampiero Ventura amesema Straika wa Liverpool Mario Balotelli yupo njia panda ya maisha yake ya Soka.

Balotelli, ambae ameichezea Italy mara 33, hakuwemo kwenye Kikosi cha Italy kilichocheza Fainali za EURO 2016 huko France Mwezi Juni na Julai baada ya kuwa na Msimu mbovu akiwa kwa Mkopo Klabuni AC Milan.

Akiwa na AC Milan Msimu uliopita, Balotelli alifunga Bao 3 katika Mechi 23 na sasa amerejea Klabuni kwake Liverpool kujitayarisha na Msimu mpya lakini huko nako amefunguliwa milango kuondoka baada ya Meneja Jurgen Klopp kumtaka atafute Klabu nyingine.

Giampiero Ventura ameeleza: “Kuhusu tabia zake, anaweza kuwa bora zaidi. Hakucheza akiwa na AC Milan, pia Liverpool imemwaga, na hii inamaanisha yuko njia panda.”

Aliongeza: “Mara chache Balotelli alizotaka kuwa Mwanasoka alionyesha kipaji chake. Sibagui lakini Soka ndio lizungumze!”

Ventura, ambae ametwaa wadhifa huu kutoka kwa Meneja mpya wa Chelsea Antonio Conte, pia ameonya kuhusu Wachezaji wanaohamia ‘Ligi ndogo’ baada ya Straika wa Italy Graziano Pelle kuondoka Southampton inayocheza Ligi Kuu England kwenda kujiunga na Klabu ya Shandong Luneng inayocheza Ligi Kuu ya China.

Ventura ameeleza: “Wachezaji lazima wawe na tamaa ya ushindi lakini kwenda Ligi ndogo hakusaidii hilo. Kuhusu Pelle, mbali ya kukosa Penati [Walipotolewa na Germany kwenye Robo Fainali] alicheza vizuri EURO 2016. Lakini China ni mbali, hebu tuone kwanini alihama.”

CONTE AANZA HIMAYA CHELSEA KWA KICHAPO!

CHELSEA-CONTE-1ST GAMEJANA Chelsea wamechapwa 2-0 na Rapid Vienna katika Mechi ya kwanza chini ya Meneja wao mpya Antonio Conte.
Wakichezesha Kikosi chini ya Kepteni John Terry na pia wakiwemo Branislav Ivanovic, Nemanja Matic, Willian, Ruben Loftus-Cheek na Diego Costa, Chelsea walijikuta wako nyuma kwa Bao la Tineja wa Brazil Joelinton katika Dakika ya 8.
Tomi Correa akaipa Rapid Vienna Bao la Pili katika Dakika ya 82 na kuwapa ushindi wa 2-0.
Nao Stoke City walianza matayarisho yao kwa ajili ya Msimu mpya kwa kuitwanga Timu mpya ya Daraja la Championship Burton Albion kwa kuitwanga 3-0.
Kwenye Mechi hii iliyochezwa Pirelli Stadium, Bao zote zilifungwa Kipindi cha Pili kwa Bao 2 Chris O’Grady na 1 la Lucas Akins.
Nae Saido Berahino alizima utata wake kuhusu kubakia West Bromwich Albio  alipoifungoa Bao 2 walipoichapa Kidderminster 2-1.

CHELSEA: ANTONIO CONTE AMEANZA HIMAYA, JOHN TERRY ABAKI KEPTENI, ACHEZE AU ASICHEZE!

CHELSEA-CONTEMENEJA MPYA wa Chelsea ameanza himaya yake kwa kusisitiza John Terry anabaki kuwa Kepteni wa Timu hata kama hachezi.

Mwezi Mei, kukiwa na hatihati kuwa mwisho wa Terry umefika, Chelsea iliamua kumpa nyongeza ya Mwaka Mmoja baada ya Mkataba wake kwisha na hii ni mara ya 3 kupata nyongeza ya aina hiyo.

Terry, mwenye Miaka 35 na ambae ameichezea Chelsea zaidi ya Mechi 700, amekuwa akisuasua Msimu uliopita na Mwezi Januari aliwahi mwenyewe kutangaza kuwa anatarajia kuondoka mwishoni mwa Msimu.

Akiongea kwa mara ya kwanza na Wanahabari mara baada ya kutambulishwa rasmi hii Leo huko Stamford Bridge kama Meneja mpya, Antonio Conte, ambae aliteuliwa kuwa Meneja wa Chelsea Mwezi Aprili wakati bado akiwa Kocha wa Timu ya Taifa ya Italy na kupewa Mkataba wa Miaka Mitatu, amesema anamthamini sana John Terry.

Conte alieleza: “Ndio, John Terry ni Kepteni wa Chelsea acheze au asicheze. Daima ni Kepteni. Ni Mchezaji mzuri, mwenye haiba nzuri, na mvuto. Napenda kuongea nae kuhusu Klabu hii kwa sababu anaijua Klabu, ana moyo kuchezea Klabu hii na kwangu ni Mchezaji muhimu. Mchezaji akistahili kucheza, kwangu, atacheza tu!”

GUARDIOLA ANENA: “SI VITA YANGU NA MOURINHO!”

MANCITY-PEPMENEJA MPYA wa Manchester City Pep Guardiola akiongea na Wanahabari hii Leo kwa mara ya kwanza akiwa Klabuni hapo ametoboa kuwa ujio wake na kuwepo Jose Mourinho kwa Wapinzani wao wakubwa Man United si kufufua ‘bifu’ lao.

Akitumia maneno kama ya Mourinho alieongea rasmi na Wanahabari Majuzi kwa mara ya kwanza akiwa Meneja Mpya wa Man United, Guardiola alitamka: “Si kuhusu yeye au mimi!”

Wakiwahi kugongana mara kwa mara huko Spain wakati Guardiola yupo Barcelona na Mourinho akiwa Real Madrid, Guardiola amejaribu kupooza uhasama na ushindani wao kwa sasa ambapo wapo Timu pinzani na Mahasimu wakubwa wa Jiji la Manchester.

Mechi za kwanza kabisa kwa Mameneja hawa wa Man City na Man United kukutana uso kwa uso ni huko China Julai 26 watakapocheza Mechi ya Kirafiki na kufuatia ile ya Septemba 10 ya Ligi Kuu England itakayopigwa Old Trafford.

Mbali ya hilo la upinzani wake na Mourinho ambalo lilikuwa shauku kubwa kwa Wanahabari, Guardiola pia alitoboa kuwa amekuja England ili kuonyesha kuwa upo uwezekano wa kucheza ‘Soka la kuvutia’.

Guardiola, ambae alikiri kutokuwa na kashikashi akiwa na Bayern Munich, amesema alitaka apate changamoto kubwa na mpya na ndio maana akaamua kutua England.

Akikiri kuwa na kila kitu huko Barcelona, pamoja na Mchezaji Bora Duniani, Guardiola, mwenye Miaka 45, amesema hata England staili ya ‘tiki-taka’ inachezeka na ndio maana ‘yeye yuko hapo!’

Hata hivyo, Guardiola alionyesha wasiwasi pale aliposema: “Sijawahi kucheza Siku ya Boksingi Dei. Sijawahi kuwa kwenye Uwanja wenye upepo mkali, baridi kali na uwanja wa kuchezea kuwa mbovu. Ni changamoto. Nipo hapa kuonyesha kama naweza na kuonyesha kama naweza kucheza staili ile ile!”

LEICESTER YAMNASA MENDY, WENGER AMPATA TAKUMA!

TAKUMA-MENDYMABINGWA wa England Leicester City wamemsaini Kiungo wa France Nampalys Mendy kutoka Nice wakati Arsenal wakithibitisha makubaliano ya kumsaini Straika wa Japan Takuma Asano.

Mendy

Nampalys Mendy, mwenye Miaka 24 ambae aliwahi kucheza chini ya Claudio Ranieri walipokuwa wote Monaco na kupanda Daraja kuingia Ligi 1 huko France, amesaini Mkataba wa Miaka Minne huko Leicester City na kuungana tena na Ranieri.

Mendy alijiunga na Nice Mwaka 2013 na kuichezea Mechi za Ligi 110.

Mfaransa huyu anakuwa Mchezaji wa Tatu kusainiwa na Ranieri katika kipindi hiki na wengine ni Kipa Ron-Robert Zielerand na Beki Luis Hernandez.

Mendy ameichezea Timu ya Taifa ya France ya Vijana chini ya Miaka 21 mara 5.

Takuma

Arsenal wamethibitisha makubaliano ya kumsaini Straika wa Japan Takuma Asano kutoka Sanfrecce Hiroshima.

Mjapan huyo wa Miaka 21 sasa atapimwa afya yake na kupaswa kukidhi mahitaji mengine ya kisheria ili kukamilisha Uhamisho wake.

Takuma atakuwa Mchezaji wa Pili kusainiwa na Arsene Wenger hivi sasa na wa kwanza ni Kiungo wa Switzerland Granit Xhaka.

Kijana huyo wa Kijapani analetwa mahsusi kuziba pengo la Straika Danny Welbeck ambae atakuwa nje kwa Miezi kadhaa akiuguza Goti lake.

Takuma Asano alianza kuichezea Timu ya Taifa ya Japan Agosti Mwaka Jana na hadi sasa ameichezea Mechi 5.

Mchezaji huyu anakuwa Mjapan wa 3 kuichezea Arsenal chini ya Wenger wengine wakiwa ni Junichi Inamoto na Ryo Miyaichi.