REFA MIKE DEAN KUCHEZESHA SPURS-VILLA LICHA KUWA KIKAANGONI KADI NYEKUNDU YA FEGHOULI!

REFA-MIKE-DEANREFA Mike Dean antakuwa dimbani Jumapili kuchezesha Mechi ya Raundi ya 3 ya FA CUP kati ya Tottenham Hotspur na Aston Villa licha kulalamikiwa kuhusu uamuzi wake wa kumpa Kiungo wa West Ham United kutoka Algeria Sofiane Feghouli Kadi Nyekundi kwa rafu yake dhidi ya Beki wa Manchester United Phil Jones.

West Ham imethibitisha kukataa Rufaa kupinga hiyo Kadi Nyekundu ya Feghouli na FA, Chama cha Soka England, kitatoa uamuzi wa Rufaa hiyo baadae Leo.

Feghouli, mwenye Miaka 27, amekuwa Mchezaji wa 5 kuonyeshwa Kadi Nyekundu na Refa Mike Dean Msimu huu.

Baada ya Mechi hiyo, Wachambuzi na Mashabiki wengi walikuja juu kuhusu uamuzi huo wa Refa Dean lakini Listi ya Marefa kwa ajili ya Mechi za FA CUP za Wikiendi hii ilikuwa tayari imeshatoka kabla ya Mechi ya Man United na West Ham.

Hadi sasa, PGMOL, Taasisi inayosimamia Marefa wa Kulipwa huko England, inaaminika haina nia kumwadhibu Dean ingawa habari za ndani zimedai wamekiri kosa la Dean.

Lakini pia inaaminika PGMOL inaelewa ni kwanini Dean alitoa Kadi Nyekundu wakiamini Dean aliona Mguu wa Feghouli uko juu na kugongana na Jones aliepiga kelele kwa maumivu matukio yote yakitokea kwa muda mfupi mno na spidi kali.

Refa Mike Dean ameshaichezesha Tottenham mara 3 Msimu huu, Mechi zote zikiwa za Ligi, na kila Mechi amempa Kadi Nyekundu Mchezaji wa Timu pinzani ya Tottenham wakiwa ni Adnan Januzaj wa Sunderland, Winston Reid wa West Ham na Nathan Redmond wa Southampton.

BAO LA NGE: MJADALA WAZUKA – LIPI BORA OLIVIER GIROUD V HENRIKH MKHITARYAN?

KUMEZUKA MJADALA mkubwa huko England na Duniani kote Mashabiki wakizozana Mitandaoni baada ya kufungwa Mabao Mawili ya ajabu kwa Kisigino na kubatizwa ‘Scorpion Kick’, kwa Kiswahili Kiki ya Nge.

Bao hizo mbili zilifungwa wakati Manchester United wakicheza na Sunderland Siku ya Boksing Dei na jingine Jana wakati Arsenal ikicheza na Crystal Palace.

Kwenye Mechi na Sunderland, Henrikh Mkhitaryan alifunga Bao kwa Kisigino kwa kuruka juu na Olivier Giroud alifunga Bao kama hilo wakati Arsenal ikiichapa Palace.

Wakati wote wakikiri Mabao hayo yanastahili kuwa Mabao Bora ya Msimu, sasa umezuka Mjadala mkali kwamba lipi kati ya Bao hizo ni Bora kupita jingine.

JE WEWE UNAONAJE?

LIPI BORA LA MKHITARYAN au GIROUD?

MKHI-GIROUD

BUNDESLIGA: BAYERN YAFUNGA MWAKA KWA KUIBONDA TIMU MPYA LEIPZIG NA KUKWEA KILELE

BUNDESLIGA-LOGO-16-17!MABINGWA WATETEZI Bayern Munich wanaenda Vakesheni ya Krismasi na Mwaka Mpya wakiwa kileleni mwa Bundesliga baada ya Jana kuibonda Timu iliyopanda Daraja Msimu huu RB Leipzig Bao 3-0.
Sasa Bayern wako mbele ya Timu ya Pili Leipzig kwa Pointi 3.
Bao za Bayern hapo Jana zilufungwa na Thiago na Xabi Alonso na kisha Leipzig wakapata pigo Dakika ya 30 pale Emil Fosberg alipopewa Kadi Nyekundu kwa kumchezea Rafu mbaya Philipp Lahm.      
Robert Lewandowski akapiga Bao la 3 kwa Penati iliyotolewa baada ya Kipa wa Leipzig Peter Gulasci kumchezea Faulo Douglas Costa.
Licha ya kufungwa, kikiwa ni kipigo chao cha pili Msimu huu wao wa kwanza kwenye Bundesliga, Leipzig wako Nafasi ya Pili.
Chini ya Kocha Ralph Hasenhuttl, Leipzig wameshinda Mechi zao 11 za kwanza za Bundesliga kati ta 15 ikiwa pamoja na kuifunga Timu ngumu Borussia Dortmund.
BUNDESLIGA
Ratiba
**Saa za Bongo
Jumanne Desemba 20
BV Borussia Dortmund 1 FC Augsburg 1
Borussia Monchengladbach 1 VfL Wolfsburg 2
Hamburger SV 2 Schalke 1
Eintracht Frankfurt 3 FSV Mainz 0
Jumatano Desemba 21
Bayern Munich 3 RB Leipzig 0
Hertha Berlin 2 SV Darmstadt 0
FC Koln 1 Bayer 04 Leverkusen 1
TSG 1899 Hoffenheim 1 SV Werder Bremen 1
FC Ingolstadt 1 SC Freiburg 2
Ijumaa Januari 20
2230 SC Freiburg v Bayern Munich8

BUNDESLIGA KUFUNGA MWAKA: TIMU MPYA LEIPZIG KUWAFUNGA BAYERN, KUWANG’OA KILELENI NA KUKAA WAO??

BUNDESLIGA-LOGO-16-17RB Leipzig, ambayo imepanda Daraja Msimu huu, na kuishangaza Germany yote kwa kuwahi kutwaa uongozi wa Bundesliga, wanatarajia kufunga Mwaka kwa kutua huko Allianz Arena Jumatano kuwavaa Bayern Munich na ushindi kwao utawaweka kileleni mwa Ligi hiyo ambayo inaenda Mapumzikoni hadi Januari.

Leipzig, ambao walifufuliwa rasmi baada ya Kampuni ya Kutengeneza Red Bull kuanza kuwadhamini Mwaka 2009 na kuanza kupanda Madaraja haraka, wanafungana Pointi na Bayern, wote wakiwa na Pointi 36 baada ya Mechi 15, lakini Bayern wapo kileleni kwa Ubora wao wa Magoli.

Chini ya Mkurugenzi wa Michezo, Ralf Rangnick, Leipzig wameshinda Mechi 11 na kufungwa 1 tu katika Mechi 15 za Bundesliga.BUNDESLIGA-DES19

Rangnick amesema: “Tunakwenda Munich na ikiwezekana tuchukue Pointi 3!”

Msimu huu, chini ya Kocha Carlo Ancelotti, Bayern imefifia kidogo na Jumapili walihenya kuilaza Darmstadt 98 Bao 1-0 lakini kwenye Mechi hii na Leipzig wanatarajiwa kuongezwa nguvu kwa kurudi dimbani Majeruhi Arjen Robben na Franck Ribery.

Tishio kubwa toka kwa Leipzig kwa Bayern ni Mchezaji wa Kimataifa wa Germany Timo Werner, ambae tayari ana Bao 9, na mwenzake Emil Forsberg mwenye 15 Msimu huu katika Mashindano yote.

BUNDESLIGA

Ratiba

**Saa za Bongo

Jumanne Desemba 20

2200 BV Borussia Dortmund v FC Augsburg

2200 Borussia Monchengladbach v VfL Wolfsburg

2200 Hamburger SV v Schalke 04

2200 Eintracht Frankfurt v FSV Mainz 05

Jumatano Desemba 21

2200 Bayern Munich v RB Leipzig

2200 Hertha Berlin v SV Darmstadt 98

2200 FC Koln v Bayer 04 Leverkusen

2200 TSG 1899 Hoffenheim v SV Werder Bremen

FC Ingolstadt 04 v SC Freiburg

Ijumaa Januari 20

2230 SC Freiburg v Bayern Munich

SERIE A: GONZALO HIGUAIN AIPAISHA JUVE POINTI 7 KILELENI!

HIGUAIN-BAO-ROMABAO la Dakika ya 14 la juhudi binafsi za Gonzalo Higuain limewapa ushindi Juventus wa Bao 1-0 dhidi ya AS Roma na kufungua pengo la Pointi 7 kwa Juve kuongoza Serie A mbele ya Timu ya Pili AS Roma.

Kwa Juve, ambao ndio Mabingwa Watetezi wa Serie kwa Miaka Minne iliyopita, huu ulikuwa ushindi wao wa 25 mfululizo wa Nyumbani kwenye Serie A na kuifikia Rekodi yao SERIEA-DES18waliyoiweka kati ya Agosti 2013 na Desemba 2014.

Hicho kilikuwa kipigo cha 6 mfululizo kwa AS Roma ndani ya Juventus Stadium Jijini Turin.

Juve waliingia kwenye Mechi hii bila ya Leonardo Bonucci na Dani Alves wakati AS Roma wakiwakosa Mohamed Salah na Bruno Peres.

VIKOSI:

Juventus: Buffon; Lichtsteiner (Barzagli 68), Rugani, Chiellini, Alex Sandro; Khedira, Marchisio, Sturaro; Pjanic (Cuadrado 51); Mandzukic, Higuain (Dybala 82)

Roma: Szczesny; Rudiger, Manolas (Bruno Peres 85), Fazio, Emerson Palmieri; De Rossi (El Shaarawy 72), Strootman; Gerson (Salah 46), Nainggolan, Perotti; Dzeko

REFA: Orsato

SERIE A

Matokeo

Jumamosi Desemba 17

Empoli 2 Cagliari 0

Juventus 1 AS Roma

AC Milan 0 Atalanta 0

Ratiba

Jumapili Desemba 18

1430 Sassuolo v Inter Milan

1700 Napoli v Torino

1700 Pescara v Bologna

1700 Udinese v Crotone

1700 Chievo v Sampdoria

2245 Genoa v Palermo

2245 Lazio v Fiorentina