EL CLASICO: BARCA GOIGOI WAHAHA KUIBOMOA REAL NGANGARI!

LALIGA-2016-17JUMAMOSI huko Nou Camp upo mtanange.mkali ambao hubatizwa.EL CLASICO kati ya Mahasimu wakuu huko Spain FC Barcelona na Real Madrid na safari hii Barca wanatinga wakiwa maji shingoni wakihaha kutafuta mbinu kuibwaga Real ambayo iko ngangari.

Safari hi Real, chini ya Kocha Lejendari Zinedine Zidane, wanaongoza La Liga wakiwa Pointi 6 mbele ya Barca ambao wako chini ya Kocha Luis Enrique.
Mara ya mwisho Timu hizi kukutana ilikuwa Aprili huko huko Catalonia na hapo hapo Nou Camp na Real kuibuka kidedea kwa Bao 2-1.
Kwa sasa Barca wenyewe wanajijua wako maji shingoni huku Timu yao ikitaabika kupata ushindi na hali hii imeelezwa kinagaubaga na Beki wao Gerard Pique aliesema: "Jumamosi sie ndio tuna kazi kubwa kupita Madrid, wao wanaweza kufungwa lakini kufungwa sisi ni mbaya zaidi!"
Hata hivyo Kocha Luis Enrique haikubali hali ya sasa na amedai ni Vyombo vya Habari ndivyo vinavyokuza hali.
Ameeleza: "Sie bado tunategemewa kutwaa Mataji yote lakini ni wazi tunapaswa kuwa bora zaidi! Tunakosa mtiririko wa ushindi lakini msiikuze hali kwani Msimu wangu wa kwanza 2015 hali ilikuwa kama hii na tukaja kutwaa Trebo!"
Ni wazi hii El Clasico ni moja ya Mechi kubwa Duniani na inategemewa kutazamwa na Mashabiki Milioni 650 Duniani kote.
Nae Rais wa Real Florentino Perez amesema: "Siwezi kusema hii ni Mechi ya kawaida, hii ni Mechi muhimu mno na ina maana kubwa!"
Lakini Zinedine Zidane amekataa kukubali imani iliyojengeka kuwa endapo Real watashinda na kuwa Pointi 9 mbele ya Barca basi Ubingwa ni wao kwa namna teyote ile labda waupoteze wao wenyewe tu.
Zidane ameongea: "Sifikirii matokeo. Tunafikiria matayarisho kwa ajili ya Mechi hii na lolote litakalotokea halitaamua chochote!"
Pande zote mbili zinatinga kwenye Mechi hii zikiathiriwa na Majeruhi.
Pigo kuu kwa Real ni kumkosa Fowadi wao kutoka Wales Gareth Bale ambae atakuwa nje kwa Miezi Minne baada ya kufanyiwa Operesheni ya Enka na pia Kiungo wao kutoka Germany Toni Kroos alievunjika Mguu.
Hata hivyo kukosekana kwa Kroos kunaweza kuzibwa na Mbrazil Casemiro ambae nae alikuwa nje kwa Miezi Miwili baada kuvunjika Mfupa mguuni na Juzi Jumatano akarejea wakati Real inaitwanga Culture 6-1 kwenye Copa del Rey.
Casemiro anatarajiwa kucheza Kiungo pamoja na Luka Modric na Mateo Kovacic.
Faraja kubwa kwa Real ni kuwika kwa Cristiano Ronaldo akifurumusha Mabao na sasa kuongoza Ufungaji Bora wa La Liga.
Ronaldo amepiga Bao 5 katika Mechi 2 zilizopita za La Liga na anatarajiwa kucheza Fowadi akishirikiana na Karim Benzema na Lucas Vazquez.
Kwa upande Wa Barca wasiwasi wao mkubwa ni juu ya Jordi Alba na Pique ambao wana maumivu na hamna hakika kama watakuwa fiti.
Lakini habari kubwa na njema kabisa kwa Barca ni kupona na kurejea Uwanjani kwa Nahodha na Mashine yao kubwa ya Kiungo Andres Iniesta.
Fowadi ya Barca ni inabaki ile ile almaarufu kama MSN, Lionel Messi, Luis Suarez na Neymar.


COPA DEL REY: MWANA WA ZIDANE APIGA BAO REAL MECHI YAKE YA KWANZA!

==BARCA SARE NA TIMU YA DARAJA LA PILI!
ENZO-ZIDANEJANA Real Madrid wameichapa Cultural Leonesa 6-1 Uwanjani Bernabeu na Mtoto wa Kocha wao Zinedine Zidane aitwae Enzo kufunga Bao katika Mechi yake ya kwanza kuichezea Timu ya Kwanza.
Zidane alimwingiza Enzo, mwenye Miaka 21, Kipindi cha Pili na kufunga Bao katika Mechi hiyo ya Pili ya Raundi ya Timu 32 ya Copa del Rey.
Kwenye Mechi ya Kwanza Real walishinda 7-1 na hivyo wamesonga Raundi ya Timu 16 kwa Jumla ya Mabao 13-2.
Enzo ni mmoja ya Watoto Wanne Wanasoka wa Zidane na ameichezea Timu ya Rizevu ya Real karibu Mechi 50.
Mchezaji mwingine wa Real katika Mechi hiyo ya Jana ni Tineja wa Norway Martin Odegaard aliekuwa pia akiichezea Timu ya Kwanza ya Real kwa mara ya kwanza tangu mwanzo.
Bao nyingine za Real hapo Jana zilifungwa na Mariano Diaz, Bao 3, James Rodriguez na Cesar Morgado aliejifunga mwenyewe.
Nao Barcelona wakicheza Ugenini katika Mechi ya Kwanza ya Raundi ya Timu 32 ya Copa del Rey walitoka 1-1 na Timu ya Daraja la Pili Hercules.
Hercules walifunga kwanza Dakika ya 52 kwa Bao la David Mainz na Barca kusawazisha Dakika ya 58 Mfungaji akiwa Carles Alena.
Timu hizo zitarudiana huko Nou Camp hapo Desemba 21.
COPA DEL REY
Raundi ya Timu 32
Jumanne Novemba 29         
CD Leganes 1 Valencia C.F 3
Sporting Gijon 1 SD Eibar 2 
Alcorcon 1 RCD Espanyol 1  
Jumatano Novemba 30         
Real Betis 1 Deportivo La Coruna 0 
CD Toledo 0 Villarreal CF 3 
Formentera 1 Sevilla FC 5            
Real Madrid CF 6 Cultural Leonesa 1 [Mechi ya Kwanza, 7-1]   
Cordoba CF 2 Malaga CF 0  
Granada CF 1 Osasuna 0      
UCAM Murcia 0 Celta de Vigo 1     
Guijuelo 0 Atletico de Madrid 6
Hercules CF 1 FC Barcelona 1       
Alhamisi Desemba 1         
22:00 Real Valladolid v Real Sociedad   
23:00 Gimnastica v Deportivo Alaves    
23:00 Huesca v Las Palmas        
Ijumaa Desemba 2         
0:00   Real Racing Santander v Athletic de Bilbao

COPA DEL REY: ZIDANE KUMPUMZISHA RONALDO JUMATANO AWE FRESHI EL CLASICO JUMAMOSI!

RONALDO-FURAHA-TUPU 1KOCHA wa Real Madrid Zinedine Zidane amethibitisha Cristiano Ronaldo atapumzishwa kwa ajili ya Mechi ya Jumatano ya Real Madrid ya Copa del Rey dhidi ya Cultural Leonesa ili kuhakikisha anakuwa fiti kwa Asilimia 100 kwa El Clasico ya Jumamosi hii huko Nou Camp na Barcelona.

Mechi hiyo ya Jumamosi mbali ya kuwa ni El Clasico ni nafasi murua kwa Real, ambao wanaongoza La Liga wakiwa Pointi 6 mbele ya Timu ya Pili Barca, kufungua pengo na Mahasimu hao kuwa Pointi 9.

Katika Mechi ya Kwanza ya Raundi ya Timu 32 ya Copa del Rey walipocheza Ugenini na Cultural Leonesa, Real walicheza bila ya Ronaldo na kushinda 7-1 kwa Bao za Gianni Zuiverloon, alijifunga mwenyewe, Marco Asensio, Bao 2, Alvaro Morata, Bao 2, Nacho Fernandez na Mariano Diaz.

Lakini Zidane amesema Kiungo wa Brazil, Casemiro, atacheza Mechi hiyo itakayochezwa Santiago Bernabeu baada ya kuwa nje kwa Miezi Miwili baada ya kuvunjika Mfupa wa Mguuni.

Wakati hii itakuwa ni Mechi ya Pili ya Raundi ya Mtoano ya Copa del Rey kwa Real, Timu nyingine kuanzia Leo zitakuwa zikicheza Mechi zao za Kwanza za Raundi hii na kurudiana Desemba 21.

Hilo ni kwa sababu Real wanapaswa kusafiri kwenda Japan kuanzia Desemba 8 ili kucheza Mashindano ya FIFA ya Kombe la Dunia kwa Klabu wao wakiwakilisha Bara la Ulaya kwa vile ni Mabingwa wa Ulaya.

Alhamisi, FC Barcelona watacheza Mechi yao ya Kwanza ya Raundi ya Timu 32 ya Copa del Rey Ugenini huko Estadio Jose Rico Perez na Hercules CF.

COPA DEL REY

Raundi ya Timu 32

Jumanne Novemba 29         

22:00 CD Leganes v Valencia C.F

23:00 Sporting Gijon v SD Eibar  

23:00 Alcorcon v RCD Espanyol  

Jumatano Novemba 30         

0:00   Real Betis v Deportivo La Coruna 

21:00 CD Toledo v Villarreal CF   

21:00 Formentera v Sevilla FC             

23:00 Real Madrid CF v Cultural Leonesa [Mechi ya Kwanza, 7-1]   

23:00 Cordoba CF v Malaga CF   

23:00 Granada CF v Osasuna      

23:00 UCAM Murcia v Celta de Vigo      

23:00 Guijuelo v Atletico de Madrid

Alhamisi Desemba 1         

0:00   Hercules CF v FC Barcelona         

22:00 Real Valladolid v Real Sociedad   

23:00 Gimnastica v Deportivo Alaves    

23:00 Huesca v Las Palmas        

Ijumaa Desemba 2         

0:00   Real Racing Santander v Athletic de Bilbao       

LA LIGA: BARCA SARE, ATLETI KIDEDEA, REAL KILELENI POINTI 6 MBELE YA BARCA!

Lionel-Messi-161127-Scores-G-300UKAME wa Barcelona kukosa ushindi huko Estadio Anoeta umeendelea na kuwa Mechi 8 baada ya Jana kunusurika kipigo na kutoka 1-1 na Real Sociedad kwenye Mechi ya La Liga.
Matokeo haya yamewaacha Barca Nafasi ya Pili wakiwa Pointi 6 nyuma ya Vinara Real Madrid ambao Jumamosi waliifunga Sporting Gijon 2-1 na Bao zao zote kufungwa na Cristiano Ronaldo.
Mapema Jana Atletico Madrid wakicheza Ugenini waliibamiza Osasuna 3-0 kwa Bao za Diego Godin, Kevin Gameiro na Yannick Carrasco.
Jana Barca walinusurika baada ya Willian Jose kuipa Real Sociedad Bao Dakika ya 53 na Lionel Messi kuwapa Sare kwa Bao la Dakika ya 59.
Barca, ambao hawajashinda huko Estadio Anoeta maarufu kama San Sebastian tangu 2007, nusura waonje kipigo cha 5 mfululizo  Uwanjani hapo pale Carlos Vela kupiga Posti mara 2 na Bao 'halali' la Juanmi kukataliwa kwa Ofsaidi.
Sasa kazi kubwa ipo kwa Barca kuwasimamisha na Ronaldo na Timu yake kwenye El Clasico hapo Jumamosi huko Nou Camp wakati Real Madrid wakitua hapo kucheza na Barcelona.
Hadi sasa baada Mechi 13 Real wapo Nambari Wakiwa na Pointi 33 wakifuata Barca wenye 27 pamoja nacSevilla na Timu ya 4 ni Atletico Madrid wenye Pointi 24.
LA LIGA
Matokeo 
Jumapili Novemba 28
Villareal 0 Deportivo Alaves 2
Osasuna 0 Atletico Madrid 3
Celta Vigo 3 Granada 1
Real Sociedad 1 Barcelona 1

LA LIGA: BAO ZA RONALDO ZAIPELEKA REAL JUU ZAIDI KILELENI POINTI 7 MBELE YA TIMU YA PILI BARCA!

RONALDO-HETITRIKI-ESPANYOLBAO 2 za Cristiano Ronaldo Leo zimewaweka Rela Madrid kuwa Pointi 7 mbele ya Timu ya Pili Barcelona walipoifunga Sporting Gijon 2-1 kwenye Mechi ya La Liga iliyochezwa huku Mvua kubwa ikimwagika Uwanjani Santiago Bernabeu.

Ronaldo alifunga Bao la Kwanza Dakika ya 5 tu kwa Penati iliyotolewa baada Lucas Vazquez kukatwa na Sergio Alvarez.

Dakika ya 18 Ronaldo akaipa Real Bao la Pili na kuongoza 2-0 lakini Sporting Gijon wakapata Bao lao 1 Dakika ya 35 Mfungaji akiwa ni Carlos Carmona.

Gijon walikosa nafasi ya wazi kuifanya Mechi iwe suluhu walipopewa Penati kwenye Dakika ya 76 na Duje Cop kuipaisha juu.

Kwa Real Mechi yao inayofuata ni ya La Liga Wikiendi ijayo huko Nou Camp kuivaa Barcelona lakini Barcelona Kesho Jumapili wako Ugenini kucheza na Real Sociedad.

VIKOSI:

Real Madrid: Navas, Danilo, Pepe, Ramos, Nacho, Kovacic, Modric, Rodriguez, Vazquez, Benzema, Ronaldo

Akiba: Casilla, Carvajal, Marcelo, Casemiro, Asensio, Isco, Mariano 

Sporting Gijon: Marino, Douglas, Lillo, Mere, Amorebieta, Isma Lopez, Carmona, Sergio, Rachid, Moi Gomez, Cop

Akiba: Whalley, Babin, Victor Rodriguez, Cases, Canella, Xavi Torres, Viguera

REFA: Alejandro José Hernández Hernández

LA LIGA

Ratiba/Matokeo:

**Saa za Bongo

Ijumaa Novemba 25

SD Eibar 3 Real Betis 1

Jumamosi Novemba 26

Malaga CF 4 Deportivo La Coruna 3

Real Madrid CF 2 Sporting Gijon 1

2030 RCD Espanyol v CD Leganes

2245 Sevilla FC v Valencia C.F

Jumapili Novemba 27

1400 Villarreal CF v Deportivo Alaves

1815 Osasuna v Atletico de Madrid

2030 Celta de Vigo v Granada CF

2245 Real Sociedad v FC Barcelona

Jumatatu Novemba 28

2245 Las Palmas v   Athletic de Bilbao