NEYMAR – ‘UHAMISHO WA HADAA’: KESI KUNGURUMA MAHAKAMANI!

>>WASHTAKIWA NI YEYE, BABAE, MARAIS WA BARCA NA SANTOS!

BRAZIL-NEYMAR-BOLIVIAWAKATI Juzi Neymar akipiga Bao lake la 300 katika maisha yake ya Soka wakati Nchi yake Brazil ikiitwanga Bolivia 5-0 kwenye Mechi ya Kanda ya Marekani ya Kusini kuwania kutinga Fainali za Kombe la Dunia huko Russia Mwaka 2018, huko Spain Waendesha Mashitaka wameitaka Mahakama kumfungulia Mchezaji huyo Mashitaka ya Udanganyifu na Rushwa kuhusu Uhamisho wake wa kutoka Klabu ya Brazil Santos kwenda Barcelona wa Mwaka 2013.

Mbali ya Neymar, wengine ambao wanakabiliwa na Mashitaka hayo ni Baba yake Mzazi pamoja na Rais wa Barcelona, Sandro Rosell, na Rais wa Klabu ya Santos, Odilo Rodrigues.

Mashitaka hayo yanahusishwa na Udanganyifu na Rushwa kwa madai kuwa Fedha halisi za Uhamisho wa Neymar zilifichwa ili kuidhulumu Kampuni ya Brazil, DIS, ambayo pia ilikuwa ikimiliki Haki za Kibiashara za Neymar.

+++++++++++++++++++++

CHIMBUKO:

-Mwaka 2013, Barcelona walitangaza kuwa Ada ya Uhamisho ya Neymar kutoka Santos ya Brazil kwenda Barcelona ilikuwa Euro Milioni 57.1 huku Euro Milioni 40 akilipwa Neymar na Familia yake na Santos kupokea Euro Milioni 17.1 ambapo kati ya hizo Euro Milioni 6.8 zililipwa kwa Kampuni ya DIS iliyomiliki Asilimia 40 ya Haki za Kibiashara za Neymar

-Madai yakaibuka kuwa Ada halisi ni Euro Milioni 83.

+++++++++++++++++++++

Awali Mahakama huko Spain chini ya Jaji Jose de la Mata iliitupa Kesi hiyo ikidai ni ya Madai na si Uhalifu lakini sasa imeamuliwa ifufuliwe tena baada ya Waendesha Mashitaka kukata Rufaa na kushinda.

Neymar, ambae alipasuliwa Usoni kwenye Mechi ya Jana na Bolivia na kutolewa nje na kubadilishwa, ameruhusiwa kurejea Spain kutoka Kambi ya Brazil kwa sababu haruhusiwi kucheza Mechi yao ya Jumatano Ugenini na Venezuela baada ya kupata Kadi ya Njano iliyompa Kifungo cha Mechi Moja.

NEYMAR-KESI-WATUHUMIWA

XAVI: RONALDO, NA SI MESSI, KUBEBA BALLON D'OR!

XAVI-RONALDOMWEZI uliopita Xavi alidai kwamba yeyote anaependa Soka atamwona Lionel Messi ni Bora kupita Cristiano Ronaldo lakini sasa ameungama kuwa Ronaldo ndie anaestahili kutwaa Ballon d'Or ambayo ndio Tuzo ya Mchezaji Bora Duniani wa Mwaka.

Xavi, Mchezaji wa zamani wa Barcelona aliecheza na Messi muda mrefu, amekiri kuwa Ronaldo baada ya kutwaa UCL, UEFA CHAMPIONZ LIGI akiwa na Real Madrid na Ubingwa wa Ulaya EURO 2016 akiwa na Portugal.

Xavi ametoboa: “Cristiano anazo hesabu za kubeba Ballon d'Or Mwaka huu baada ya kuzoa UCL na EURO 2016! Lakini Messi atakuwepo!”

Xavi, ambae sasa yupo huko Qatar, alikuwa akiongea huko Amsterdam, Holland kwenye Warsha maalum.

+++++++++++++++++++++++++++++

HABARI ZA AWALI: http://www.sokaintanzania.com/za-penati-boksi/3057-fifa-yang-atuka-tuzo-ya-ballon-d-or

FIFA ‘YANG’ATUKA’ TUZO YA BALLON D’OR

FIFA, ambayo ndio Mamlaka ya Soka Duniani, imejiondoa kuhusika na Tuzo ya kila Mwaka ya Mchezaji Bora Duniani ijulikanayo kamaBallon d'Or.

Tuzo hiyo imekuwa ikitolewa na Jarida la Ufaransa,France Football, kila Mwaka tangu 1956 lakini kwa Miaka 6 iliyopita FIFA ilishiriki kwenye Tuzo hiyo ambayo iliitwa FIFABallon d'Or.

Jarida hilo laFrance Footballlimesema litaendelea kutoa Tuzo hii na Jumanne Septemba 20 litatoa maelezo ya kina.

Kabla ya kushirikiana na France Football, FIFA ilikuwa ikitoa Tuzo yake ya Mchezaji Bora Duniani kuanzia Mwaka 1991 hadi 2009.

Tangu FIFA na France Football washirikiane kwa kutoa FIFABallon d'Or, Fowadi wa Barcelona ya Spain, Lionel Messi, ameshinda mara 4 na Cristiano Ronaldo, ambae sasa yuko Real Madrid ametwaa mara 2 na ya kwanza akiwa na Manchester United.

Tangu Wawili hao watawale kutwaa Tuzo za Ballon d’Or au ile ya FIFA, mara pekee ambayo hawakutwaa Tuzo hizo ni Mwaka 2007 wakati Mchezaji wa Brazil, Kaka, alipozibeba.

LA LIGA: BARCA YAFUNGWA, REAL SARE, ATLETICO YASHINDA IPO KILELENI!

LALIGA-2016-17Atletico Madrid wamepaa hadi kilele cha La Liga Jana wakati Celta Vigo wakiichapa Barcelona 4-3 huko Balaidos na Real Madrid kuendeleza Sare zao kufikia 4 mfululizo.LALIGA-OKT3

Barca, wakicheza bila Majeruhi Lionel Messi, walitundikwa Bao 3 katika Dakika 11 za Kipindi cha Kwanza kupitia Pione Sisto, Iago Aspas na Jeremy Mathieu aliejifunga mwenyewe.

Barca walirejesha Bao 2 Wafungaji wakiwa Gerard Pique na Penati ya Neymar lakini kosa kubwa la Kipa wao Marc-Andre ter Stegen lilimpa mwanya Pablo Hernandez kupiga Bao na kuifanya Celta Vigo iwe mbele 4-2.

Kichwa cha Gerard Pique kilifanya Gemu iishe 4-3 kwa ushindi wa Celta Vigo ambao Msimu uliopita wakiwa hapo hapo kwao Balaidos waliinyuka Barca 4-1.

Mapema Jana, Real Madrid , wakiwa kwao walitoka Sare 1-1 na Eibar na hiyo ni Sare yao ya 4 mfululizo katika Mechi zao 4 zilizopita.

Awali Atletico, licha ya kukosa Penati 2, waliinyuka Valencia 2-0 kwa Bao za Antoine Griezmann na Kevin Gameiro na kuing’oa Real kileleni mwa La Liga kwa ubora wa Magoli huku wakifungana kwa Pointi.

Barca wako Nafasi ya 3 wakiwa Pointi 2 nyuma.

Celta coach suffered another embarrassing return to Balaidos.

LA LIGA

Matokeo:

Jumapili Oktoba 2

Valencia 0 Atletico Madrid 2
Real Madrid 1 Eibar 1
Malaga 2 Athletic Bilbao 1
Espanyol 0 Villarreal 0
Celta Vigo 4 Barcelona 3

LA LIGA: VIGOGO REAL, BARCA, ATLETI KILINGENI JUMAPILI!

LALIGA-2016-17BAADA ya kucheza Mechi za Makundi yao ya UCL, UEFA CHAMPIONZ LIGI, katikati ya Wiki, Jumapili Vigogo wa Spain Real Madrid, Barcelona na Atletico Madrid wanarejea kwenye Ligi ya kwao LA LIGA.

Real, walicheza huko Germany na kutoka Sare ya 2-2 na Borussia Dortmund katika Mechi ya UCL na matokeo haya yamewafanya kupata Sare 3 mfululizo baada ya pia kutoka droo na Villarreal na Las Palmas kwenye La Liga na kuufanya uongozi wao kuwa Pointi 1 tu mbele ya Timu ya Pili LALIGA-OKT1Barcelona.

Kwenye Mechi yao ya Jumapili, Real itawakosa Wabrazil wao Casemiro na Marcelo, ambao ni Majeruhi na Kocha wao Zinedine Zidane huenda akabadili kiosi chake na kuwatumia Alvaro Morata, Marco Asensio na Pepe.

Eibar, ambao hawajawahi kupata hata Pointi 1 mikononi mwa Real katika Historia yao, Msimu huu wanakwenda vizuri na wapo Nafasi ya 8 kwenye La Liga wakiwa Pointi 4 nyuma ya Vinara Real.

Barcelona, hivi sasa wakicheza bila Staa wao Majeruhi Lionel Messi, Juzi kwenye UCL walitoka nyuma huko Germany na kuifunga Borussia Moenchengladbach na sasa wanasafiri tena kwenda Ugenini kwa mara ya 3 ndani ya Wiki na sasa kucheza na Celta Vigo kwenye La Liga hapo Jumapili.

Atletico, ambao Juzi waliifunga 1-0 Bayern Munich kwenye UCL wanaenda Ugenini kucheza na Valencia hapo Jumapil.

Baada ya kuanza kwa Sare mfululizo kwenye La Liga, Mwezi uliopita walishinda Mechi 5 kati ya 6, wakitoka Sare 1 tu na Barca ya 1-1 na sasa wapo Nafasi ya 3 kwenye La Liga wakiwa Pointi 1 nyuma ya Barca na 2 nyuma ya Vinara Real.

LA LIGA

Ratiba

**Saa za Bongo

Jumamisi Oktoba 1

1400 Granada v Leganes
1715 Sevilla v Alaves
1930 Osasuna v Las Palmas
2145 Deportivo la Coruna v Sporting Gijon

Jumapili Oktoba 2

1300 Valencia v Atletico Madrid
1715 Real Madrid v Eibar
1930 Malaga v Athletic Bilbao
1930 Espanyol v Villarreal
2145 Celta Vigo v Barcelona

LA LIGA: BARCA YABAMIZA, REAL YABANWA!

LALIGA-2016-17VINARA wa La Liga Real Madrid Jana walilazimishwa Sare ya 2-2 na Las Palmas walipocheza Mechi ya Ligi hiyo na matokeo hayo kuwafanya Barcelona kuwakaribia wakiwa sasa Pointi 1 nyuma yao.

Wakicheza huko Ugenini mara mbili Real waliongoza kwa Bao za Asensio na Karim Benzema alietokea Benchi lakini mara mbili La s Palmas walisawazisha huku Bao lao la pili likifungwa Dakika ya 86.

Kwenye Mechi hiyo, Cristiano Ronaldo na Gareth Bale walianza na kukosa Bao kadhaa.

Kocha Zinedine Zidane alimtoa Ronaldo Dakika ya 72 akieleza kuwa hiyo ilikuwa kwa sababu ya Mechi yao ya Wiki ijayo ya Kundi lao la UCL, UEFA CHAMPIONZ LIGI dhidi ya Borussia Dortmund.

Mapema Jumamosi, Mabingwa Watetezi wa La Liga, FC Barcelona, wakicheza Ugenini bila ya Staa wao Majeruhi Lionel Messi, waliitandika Sporting Gijon 5-0 kwa Bao za Luis Suarez, Neymar, Bao 2, Rafinha na Arda Turan.

VIKOSI:

Las Palmas (Mfumo 4-2-3-1): Varas; Michel, Garcia, Aythami, Castellano; Vicente, Roque; Tana, Viera, Momo; Livaja

Las Palmas

Akiba: Lizoain, Lemos, Montoro, El Zhar, Araujo, Tyronne, Lopes.

Real Madrid (Mfumo 4-3-3): Casilla; Carvajal, Ramos, Varane, Nacho; Modric, Kroos, Asensio; Bale, Morata, Ronaldo Real Madrid

Akiba: Navas, Benzema, James, Kovacic, Vazquez, Isco, Danilo.

REFA: Javier Estrada Fernández

LA LIGA

Matokeo:

Jumamosi Septemba 24

SD Eibar 2 Real Sociedad 0

Sporting Gijon 0 FC Barcelona 5

Athletic de Bilbao 3 Sevilla FC 1  

Las Palmas 2 Real Madrid CF 2