HATIMAE MESSI AKUTANA NA MTOTO WA AFGHANISTAN ALIEPATA UMAARUFU DUNIANI KWA KUVAA JEZI YA MFUKO WA PLASTIKI WA STAA HUYO!

MESSI-MTOTO-AFGHAN-MEETMWEZI Januari, mwanzoni mwa Mwaka huu, Dunia ilipata mtikisiko pale Mtoto mdogo toka Nchi yenye shida kubwa na balaa kubwa ya Vita, Afghanistan, aliponaswa kwenye Picha akiwa amevaa Jezi iliyotengenezwa kwa Mfuko wa Plastiki na kuandikwa kwa Mkono Mgongoni Namba 10 na Jina la Messi.

Picha hiyo ikarindima Mitandaoni na kila Gazeti Duniani kote ikimuonyesha Murtaza Ahmadi, mwenye Miaka 6, akiwa na Jezi hiyo ambayo mwenyewe alikiri Lionel Messi, Staa wa FC Barcelona kutoka Argentina, ni kipenzi chake.

Baada ya hapo Mtoto huyo alipelekewa Jezi halisi na Zawadi nyingine toka kwa Messi.

Lakini umaarufu huo wa Murtaza Ahmadi ukaibua hatari kubwa kwa Mtoto huyo na Familia yake na wakalazimika kuikimbia Nchi yao Afghanistan ambako walikuwa wakiishi Jimbo la Ghazni, Wilaya ya Jaghori na kukimbilia Pakistan.

Hii Leo, Mjini Doha, Qatar, Mtoto Murtaza amekutana uso kwa uso na kipenzi chake Lionel Messi na Staa huyo kumbeba Mtoto huyo kwa furaha.

Messi ametua Qatar na Timu yake Barcelona kucheza Mechi ya Kirafiki na Klabu ya Al Ahli ya Saudi Arabia baadae Leo.

Kukutana kwa Messi na Murtaza kumetangazwa na Kamati ya Matayarisho ya Fainali za Kombe la Dunia za Mwaka 2022 za Qatar ambao ndio waliandaa safari ya Mtoto huyo kwenda Doha.

LA LIGA: SERGIO RAMOS AIPA USHINDI REAL DAKIKA ZA MAJERUHI!

REAL-RAMOS-KADI21SERGIO RAMOS Jana tena alifunga Bao muhimu katika Dakika za lala salama na kuipa ushindi Real Madrid wa Bao 3-2 walipocheza na Deportivo La Coruna ambao umewafanya wawe juuu kileleni mwa La Liga wakiwa Pointi 6 mbele ya Barcelona.

Mapema Jana, Barca waliichapa Osasuna 3-0.

Jana, Real, wakicheza kwao Santiago Bernabeu bila Cristiana Ronaldo, walikuwa 2-1 nyuma na kusawazisha na kushinda katika Dakika 6 za mwisho kwa Bao za Morata, Dakika ya 50, Mariano, Dakika ya 84 na Ramos Dakika ya 92.

Bao za Deportivo zilifungwa na Joselu Dakika za 63 na 65.   

Ushindi huo pia umeweka Rekodi mpya kwa Klabu ya Real ya kutofungwa katika Mechi 35.

Sasa Real wanaruka kwenda Japan kucheza Mashindano ya FIFA ya Klabu Bingwa Duniani.

LA LIGA

Ratiba/Matokeo:

**Saa za Bongo

Ijumaa Desemba 9

Malaga CF 1 Granada CF 1

Jumamosi Desemba 10

Osasuna 0 FC Barcelona 3

Real Sociedad 3 Valencia C.F 2

Las Palmas 1 CD Leganes 1

Real Madrid CF 3 Deportivo La Coruna 2

Jumapili Desemba 11

1400 SD Eibar v Deportivo Alaves

1815 Celta de Vigo v Sevilla FC

2030 RCD Espanyol v Sporting Gijon

2245 Real Betis v Athletic de Bilbao

Jumatatu Desemba 12

2245 Villarreal CF v Atletico de Madrid

LA LIGA: BARCA WAICHAPA TIMU YA MKIANI OSASUNA NA KUWAKARIBIA VINARA REAL!

MESSI-SHANGILIA-BARCAWAKICHEZA Ugenini huko Estadio El Sadar, Mjini Pamplona huko Nchini Spain. Mabingwa Watetezi wa La Liga FC Barcelona walibanwa 0-0 hadi Haftaimu lakini Kipindi cha Pili kuibuka kidedea kwa kuitwanga Osasuna Bao 3-0.

Matokeo haya yamewaweka Barca wawe Pointi 3 tu nyuma ya Vinara Real Madrid ambao baadae Leo wako kwao Santiago Bernabeu kucheza na Deportivo La Coruna.
Bao la kwanza la Barca lilifungwa Dakika ya 59 na Luis Suarez kufuatia ushirikiano wa Lionel Messi, Jordi Alba na kisha kupasiwa Mfungaji.

Bao la Pili alifunga Messi Dakika ya 72 kupitia Messi ambaye pia alipiga Bao la 3 kwenye Dakika ya 92.

Matokeo haya yamezidi kuwachimbia Osasuna mkiani mwa Msimamo wa La Liga.

VIKOSI:

Osasuna (Mfumo 4-4-2): Nauzet; Oier, Miguel Flano, Ivan Marquez, Clerc; Berenguer, De Las Cuevas, Causic, Torres; Sergio Leon, Riera

Osasuna substitutes: Mario, Bonnin, D. Garcia, Riviere, U. Garcia, Fuentes, Kenan.

Barcelona (Mfumo 4-3-3): Ter Stegen; Sergi Roberto, Pique, Umtiti, Alba; Andre Gomes, Busquets, Iniesta; Messi, Suarez, Arda

Barcelona substitutes: Rakitic, Denis, Rafinha, Cillessen, Mascherano, Alcacer, Digne.

REFA: Juan Martínez Munuera

LA LIGA

Ratiba/Matokeo:

**Saa za Bongo

Ijumaa Desemba 9

Malaga CF 1 Granada CF 1

Jumamosi Desemba 10

Osasuna 0 FC Barcelona 3

1815 Real Sociedad v Valencia C.F

2030 Las Palmas v CD Leganes

2245 Real Madrid CF v Deportivo La Coruna

Jumapili Desemba 11

1400 SD Eibar v Deportivo Alaves

1815 Celta de Vigo v Sevilla FC

2030 RCD Espanyol v Sporting Gijon

2245 Real Betis v Athletic de Bilbao

Jumatatu Desemba 12

2245 Villarreal CF v Atletico de Madrid

RONALDO, BENZEMA & MODRIC KUPUMZIKA MADRID v DEPORTIVO

REAL-ZIZOUCristiano Ronaldo na Karim Benzema hawamo kwenye Kikosi cha Real Madrid ambacho Jumamosi kinacheza Mechi ya La Liga na Deportivo La Coruna Uwanjani Santiago Bernabeu Jijini Madrid huko Nchini Spain.
Kwa vile nae Gareth Bale ni Majeruhi, basi Real, ambao wanaongoza La Liga wakiwa Pointi 6 mbele ya Mabingwa FC Barcelona, itakuwa imekosa Fowadi yake yote kamili ya Timu ya Kwanza.

Pia, Kocha Zinedine Zidane ameamua kumpumzisha Kiungo mahiri Luka Modric kwa ajili ya Mechi hii.

++++++++++++++++

JE WAJUA?

-Real haijafungwa katika Mechi 34 mfululizo na hii wameifikia Rekodi ya Klabu hiyo iliyowekwa huko nyuma!
++++++++++++++++

Zidane ameamua kumchukua Fowadi wa Timu yao ya Rizevu, Mariano, ili aungane na Alvaro Morata na Lucas Vazquez kwenye Mashambulizi kwa ajili ya Mechi hii na Deportivo ambao wako Nafasi ya 16 kwenye La Liga wakiwa Pointi 21 nyuma ya Vinara Real.
Zidane hakusema kwa nini Mastaa wake wako nje lakini Real, baada ya Mechi hii, wanasafiri kwenda Japan kucheza Mashindano ya FIFA ya Kombe la Dunia kwa Klabu wao wakiwa ndio Wawakilishi wa Bara la Ulaya baada ya kutwaa Kombe la UEFA CHAMPIONZ LIGI Msimu uliopita.

LA LIGA

Ratiba

**Saa za Bongo

Ijumaa Desemba 9

2245 Malaga CF v Granada CF

Jumamosi Desemba 10

1500 Osasuna v FC Barcelona

1815 Real Sociedad v Valencia C.F

2030 Las Palmas v CD Leganes

2245 Real Madrid CF v Deportivo La Coruna

Jumapili Desemba 11

1400 SD Eibar v Deportivo Alaves

1815 Celta de Vigo v Sevilla FC

2030 RCD Espanyol v Sporting Gijon

2245 Real Betis v Athletic de Bilbao

Jumatatu Desemba 12

2245 Villarreal CF v Atletico de Madrid

EL CLASICO: RAMOS AIPA REAL SARE DAKIKA ZA LALA SALAMA!

ELCLASICO-RAMOSULE Mtanange wa El Clasico uliochezwa huko Nou Camp Wenyeji Barcelona walikosa ushindi baada ya Real kusawazisha Dakika za mwishoni kabisa na Gemu kwisha 1-1.

Bao la Barca lilifungwa Dakika ya 53 na Luis Suarez kwa Kichwa alipounganisha Frikiki ya Neymar kutoka upande wa kushoto.

Baadae Barca walipata nafasi mbili za Bao za wazi na Neymar na Lionel Messi kupiga nje.

Huku Dakika zikiyoyoma Frikiki ya Luka Modric kutoka kushoto iliunganishwa kwa Kichwa na Sergio Ramos na kumshinda Ter Stegen na kutinga wavuni na kuiandikia Bao Real.

Mara baada ya Bao hilo Frikiki ya Barca ilileta kizaazaa Golini mwa Real na Kipa Navas kuupanchi Mpira uliorudishwa kwa Kichwa Golini Sergi Roberto na Kiungo wa Real Casemiro, alieingizwa Kipindi cha Pili, kuokoa Mstarini.

Sare hii imewabakisha Real kileleni mwa La Liga wakiwa Pointi 6 mbele ya Barca ambao ni wa pili.

VIKOSI:

Barcelona: Ter Stegen, Sergi Roberto, Pique, Mascherano, Jordi Alba, Rakitic, Sergio Busquets, Andre Gomes, Messi, Suarez, Neymar

Akiba: Cillessen, Denis, Arda Turan, Iniesta, Paco Alcacer, Digne, Umtiti.

Real Madrid: Navas, Carvajal, Varane, Sergio Ramos, Marcelo, Modric, Kovacic, Lucas Vazquez, Isco, Ronaldo, Benzema

Akiba: Casilla, Pepe, Nacho, James, Casemiro, Mariano, Asensio.

REFA: Carlos Clos Goméz