SERGIO RAMOS KUBAKI REAL KWA ASILIMIA 100-BENITEZ!

SERGIO-RAMOSKOCHA mpya wa Real Madrid Rafa Benitez ana uhakika wa Asilimia 100 kwamba Sentahafu wao Sergio Ramos hatahama kwenda Manchester United.
Ipo minong'ono kuwa Man United wapo tayari kubadilisha na Real kwa kuwapa Kipa wao David de Gea, anaesemekana kutaka kuhamia Real, na wao kumchukua Sergio Ramos anaedaiwa kutokuwa na furaha na Real.
Hadi sasa De Gea, ambae Mkataba wake na Man United unakwisha Mwakani, amekataa kusaini Mkataba mwingine mpya.
Akiongea kabla ya Mechi yao Ijumaa na Man City huko Australia, Benitez amesema: "Ninamuheshimu sana Meneja wao Louis van Gaal lakini Ramos atabaki hapa. Ni Mchezaji wetu na Kepteni wetu. Kwangu mimi, nina hakika atabaki kwa Asilimia 100."
Aliongeza: "Nasisitiza ni wazi kwangu na Klabu, Sergio atakuwa hapa. Soka ni Dunia ya kushangaza lakini Ramos atabaki!"
 

INTERNATIONAL CHAMPIONS CUP: SUAREZ AISAIDIA BARCA KUIPIGA LA GALAXY!

BARCA-ULAYA15Wakicheza huko Rose Bowl, Pasadena, California, Mabingwa wa Spain na Ulaya, FC Barcelona wameifunga Timu ya Marekani LA Gallaxy Bao 2-1 kwenye Mechi ya International Champions Cup.
Bao za Barcelona zilifungwa na Luis Suarez, Dakika ya 45, na Sergi Roberto, Dakika ya 56, wakati LA Galaxy walifunga Bao lao Dakika ya 90 kupitia Tommy Meyer.
Hii ni Mechi ya kwanza ya Barcelona tangu watwae Ubingwa wa Ulaya Mwezi Mei walipoifunga Juventus 3-1 lakini Kocha wao, Luis Enrique, alicchagua Kikosi imara ingawa kilikuwa na Wachezaji Watatu tu waliocheza Fainali hiyo ya Ulaya ambao ni Suarez, Sergio Busquets na Ivan Rakitic.
VIKOSI:
LA GALAXY (Mfumo 4-4-1-1): Rowe; Gargan, DeLaGarza, Leonardo, Dunivant; Husidic, Walker, Juninho, Maganto; Gerrard; Keane.
Akiba: Buddle, Vayrynen, Meyer, Lassiter, Lletget, Garcia, Wolverton, Romney, Jamieson, Steres, Mendiola, Villarreal, McBean, Sorto, Rogers.
BARCELONA (Mfumo 4-3-3): Masip; Douglas, Mathieu, Bartra, Adriano; Sergi Roberto, Busquets, Rakitic; Pedro, Suarez, Rafinha.
Akiba: Munir, Sergi Samper, Vermaelen, Sandro Ramirez, Halilovic, Gumbau, Jordi Alba, Jose Suarez, Pique, Iniesta, Ter Stegen.
REFA: Ismail Elfath
 

'MESSI NI PELE WA KIZAZI HIKI!'

MESSI-COPABEKI wa zamani wa Barcelona na Chelsea, Juliano Belletti, amemsifia Lionel Messi na kumtaja kuwa ndie 'Pele wa Kizazi hiki.'
Pele, Lejendari wa Brazil ambae Jina lake kamili ni Edson Arantes do Nascimento, ndie anaesifika kuwa  Mchezaji Bora kabisa katika Historia ya Soka kwa kuiwezesha Brazil kutwaa Kombe la Dunia maraa 3.
Messi, mwenye Miaka 28, alififia mwanzoni mwa Msimu uliopita lakini akalipuka baadae na kuibeba Barcelona kutwaa Trebo, yaani Ubingwa wa La Liga, Copa del Rey na UEFA CHAMPIONZ LIGI.
Hata hivyo, Messi amepondwa Nchini kwao Argentina baada ya kushindwa kutwaa Copa America walipobwagwa na Chile kwenye Fainali.
pele
Belletti, Raia wa Brazil ambae alitwaa Ubingwa wa La Ligas mara 2 na UEFA CHAMPIONZ LIGI mara moja akicheza na Messi huko Barcelona, anaamini Messi hana mfano katika kizazi hiki na hastahili kuzomewa huko kwao Argentina.
"Messi ndio Pele wa kizazi hiki," Amenena Belleti, "Sielewi kwanini kwao wanamponda. Huwezi kumponda Mchezaji kama Messi. Lakini hii pia ilitokea kwa Ronaldinho huko Brazil. "
Belletti pia alimtetea Mbrazil mwenzake Neymar ambae alitolewa kwa Kadi Nyekundu kwenye Copa America na kisha kufungiwa Mechi 4 na kuzikosa Mechi za Brazil ambayo ilikuja kutolewa Robo Fainali.
Kuhusu Neymar, Belletti amesema: "Bado ni Kijana. Watu wanadhani ana Umri mkubwa. Bado ana muda wa kukomaa."
 

WAKALA AMNANGA RAIS WA REAL, ADAI RONALDO ATAHAMA TU!

IKER-CASILLAS12WAKALA wa Kipa Iker Casillas aliehamia FC Porto amemshambulia Rais wa Real Madrid na pia kudai Staa wao Cristiano Ronaldo ataihama Klabu hiyo.
Wakala huyo, Santos Marquez, amesema si kitu cha kawaida kwa Cristiano Ronaldo, ambae ndie Mchezaji Bora Duniani, kuamua kuuza Haki zake za Matangazo kwa Kampuni inayomilikiwa na Peter Lim, Rais wa Klabu nyingine ya La Liga, Valencia.
Marquez, akidai uamuzi huo ni dalili ya kuhama kwa Ronaldo baada ya kutoridhika na Rais wa Real, Florentino Perez, ameeleza: "Kuna Siku Perez itabidi aeleze kwa nini Ronaldo anafanya kazi na Kampuni nyingine nje ya Real. Hebu fikiria Ronaldo akizalisha Euro Milioni 40 nje ya Real na kumpa Peter Lim, Mmiliki wa Valencia. Kuna Mtu anaweza kumuuliza Perez kwanini Criistiano ameuza Haki zake kwa Peter Lim? Si kawaida, hii inaonyesha Ronaldo anataka kuhama!"
Kisha Wakala Santos Marquez akamshambulia Rais Perez kwa kulazimisha Mteja wake Kipa Iker Casillas kuhamia FC Porto ya Ureno licha ya kubakiza Mkataba wa Miaka Miwili na mwenyewe kutaka sana kubakia Real kumalizia Soka lake.
Marquez amelalamika: "Iker hakutaka kuhama. Hakuomba awe Kipa Namba Moja, yeye alibakiza Mkataba wa Miaka Miwili na alitaka kukaa Real kumalizia Soka lake hapo. Alikuwa na furaha hapo na Madrid ni Nyumbani kwake lakini hawakumtaka....."
Marquez aliongeza: "Wiki 3 zilizopita Kocha mpya Benitez kaja na Klabu ikaanza kuheuka kumsaini De Gea huku wakisema Kipa Keylor Navas ni bora. Hiyo ni kumvunjia heshima Iker. Hawezi kupuuza hayo. Perez hajasema ukweli hata mara moja kwa Miaka mingi. Amewapiga teke Watu bora Real kina Fernando Hierro, Raul, Vicente Del Bosque..! "
Marquez alimaliza: " Florentino Perez ataondoka tu Real kwa sakata hili la Casillas. Sijui lini itatokea lakini itatokea tu." 
 

BENITEZ: RAMOS ANABAKI SANTIAGO BERNABEU!

SERGIO-RAMOSMeneja mpya wa Real Madrid Rafael Benitez ametoboa kuwa Beki wao Sergio Ramos hatahama.
Mwezi Juni Manchester United ilitoa Ofa ya Pauni Milioni 28.6 kumnunua Beki huyo wa Kimataifa wa Spain na Ofa hiyo kugomewa na Real.
Hivi sasa Man United wanaisuka upya Timu yao chini ya Meneja Louis van Gaal na tayari wameshanunua Wachezaji wapya Wanne, ambao ni Viungo Bastian Schweinsteiger na Morgan Schneiderlin, Fulbeki wa Kulia Matteo Darmian na Winga Memphis Depay, huku Robin van Persie na Nani wakiiuzwa kwa Klabu ya Uturuki Fenerbahce.
Ilitarajiwa Sergio Ramos atatua Man United huku Kipa wao David De Gea akienda Real lakini inaelekea Dili hii imekwama huku kila upande uking'ang'ania matakwa yake.
Lakini Wachambuzi wengi walikuwa na imani kuwa nia halisi ya Ramos si kuhama Real bali kuishinikiza Klabu hiyo iboreshe Mkataba wake.
Nao Man United hawana nia yeyote ya kumuuza David De Gea na wako tayari kukaa nae hadi mwishoni mwa Msimu ujao ambapo Mkataba wake utakapoisha na aondoke bure tu.
Hata hivyo zipo pia habari kuwa ikiwa De Gea ataondoka hivi sasa basi Man United inataka ilipwe si chini ya Pauni Milioni 33 ili kumfanya Kipa huyo awe wa Bei ghali katika Historia na kupiku Dau ambalo Juventus lilitoa kumnunua Kipa wao Gianluigi Buffon kutoka Parma Mwaka 2001 walipolipa Pauni Milioni 32.1
Akiongea kuhusu Ramos, ambae Real wamesafiri nae kwenye Ziara yao huko Australia, Benitez amesema: "Mengi yamezungumzwa kuhusu Ramos. Kwangu mimi Rais ashatamka anabakia Real. Namuona Ramos kama sehemu muhimu ya mipango yetu hapa Real. Yeye ni mshindi na hilo ndio tunataka kwa Timu yetu. "