BARCA KUIBURUZA FIFA KWA CAS KUSHINIKIZA ARDA TURAN ACHEZE!

ARDA-TURAN-BARCABarcelona sasa wanahaha kutaka Kiungo wao mpya kutoka Uturuki Arda Turan aruhusiwe kucheza na wako tayari kufungua Kesi kwenye Mahakama ya Usuluhisho Michezoni, CAS [Court of Arbitration for Sport] baada ya FIFA kutowaruhusu.

Hivi sasa Barcelona wako kwenye Kifungo cha FIFA cha Madirisha Mawili cha kukatazwa kununua na kutumia Wachezaji mpya baada ya kukiuka Sheria za Usajili za Wachezaji Chipukizi.

Kwa hali hiyo, licha ya kumnunua Arda Turan mwanzoni mwa Msimu kutoka Atletico Madrid, Mchezaji huyo haruhusiwi kuichezea Barca hadi Dirisha la Uhamisho la Januari litakapofunguliwa.

Hivi sasa Barca wanakabiliwa na Majeruhi wengi wakiwemo Lionel Messi na Andres Iniesta lakini kuumia vibaya kwa Kiungo wao Rafinha kuliifanya Klabu hiyo iombe ruhusa ya dharura toka kwa Shirikisho la Soka la Spain, RFEF, na FIFA, kumtumia Turan.

Wakati RFEF haikutoa pingamizi lolote kuhusu ombi hilo, FIFA ilikaa kimya.

Baada ya Bodi ya Barca kuketi hapo Jana na kuthibitisha FIFA haijajibu lolote kuhusu Turan licha ya wao kuwasilisha mara 3 maombi yao.

Bodi hiyo imesema Leo Alhamisi Barca itawasilisha Rufaa yao kwa CAS ili waruhusiwe kumchezesha Turan.

Mechi zifuatazo kwa Barcelona ni Jumamosi kwenye La Liga ambako watakuwa Nyumbani Nou Camp kucheza na Rayo Vallecano na kisha Jumanne wana Mechi ya Kundi E ya UEFA CHAMPIONZ ambayo ni ya Ugenini na BATE Borisov ya Belarus.

 

 

 

KOCHA WA PORTUGAL AIONYA REAL - RONALDO HATOLEWI KWENYE MECHI!

RONALDO-GOLDENBOOT-EUROJANA Cristiano Ronaldo alitwaa Buti ya Dhahabu baada ya kuwa Mfungaji Bora wa Ulaya kwa Msimu uliopita alipombwaga Lionel Messi na Kocha wa Nchi yake Portugal ameonya juu ya kumtoa nje Staa huyo wakati wa Mechi.
Kocha wa Portugal, Fernando Santos, amemuonya Kocha wa Real Madrid, Rafa Benitez, juu ya madhara ya kumbadili Ronaldo wakati wa Mechi.
Jumanne Ronaldo alifanikiwa kuzoa Buti ya Dhahabu ya Ulaya kwa kufunga Bao 48 Msimu uliopita na kumpiku Lionel Messi wa Barcelona aliefunga Bao 43.
Hiyo ni mara ya 4 kwa Ronaldo kuzoa Tuzo hiyo na kuweka Rekodi kuwa Mtu wa kwanza kufanya hivyo.
Ronaldo ametwaa Buti ya Dhahabu ya Ulaya mara 3 akiwa na Real na mara moja akiwa na Man United katika Msimu wa 2007/08.
Akiongea Jana mara baada ya kumsindikiza Ronaldo kutwaa hiyo Buti ya Dhahabu, Kocha Fernando Santos alisema: "Haiwezekani kumtoa Ronaldo wakati wa Mechi. Kwanza mwenyewe hapendi!"
Ronaldo alitimiza Miaka 30 Mwezi Februari lakini Santos anaamini Ronaldo, ambae ndie Mchezaji Bora Duniani, atawika zaidi na kutwaa Tuzo zaidi kwa sababu ana ari ya ushindi.

PIQUE AZIDI KUZOMEWA SPAIN, CAZORLA ASONONEKA, RAMOS ASIKITIKA, DEL BOSQUE AAPA KUTOMTEMA!

PIQUE-BOOSKiungo wa Spain anaechezea Arsenal, Santi Cazorla, ambae Jana alipiga Bao 2 wakati Mabingwa hao wa Spain wakiifumua Luxembourg 4-0 kwenye Mechi ya Kundi C la EURO 2016 na kutinga Fainali huko France Mwakani, amesononeshwa na Mashabiki wa Spain kumzomea Beki wao Gerrard Pique.

Katika Mechi za hivi karibuni za Spain, Pique, Mchezaji wa Barcelona, amekuwa akizomewa na Mashabiki wa Spain na Jana huko Logrono Nchini Spain haikuwa tofauti.

Cazorla, akiongea baada ya Mechi ya Jana, amewasihi Mashabiki kuacha tabia hiyo.

Cazorla amenena: “Hii hali ya Pique si safi. Pique ni Mtu thabiti na yeye hubadilisha kuzomewa kuwa shangwe!”

Mwezi uliopita huko Oviedo, Uwanja wa Carlos Tartiere, Nchini Spain, Pique pia alizomewa wakati Spain inaifunga Slovakia 2-0 katika Mechi nyingine ya Kundi C la EURO 2016.

Chimbuko hasa la kuzomewa kwa Pique linatokana na msimamo wake wa kisiasa wa kutaka Jimbo la Catalan ambako Mji na Klabu ya Barcelona ilipo lijitenge.

Pia Mashabiki wa Real Madrid walikerwa mno na kejeli za Pique Msimu uliopita kwao na kwa Staa wao Cristiano Ronaldo walipokosa Mataji makubwa.

Hali hiyo ilimfanya hata Mchezaji wa Real Madrid kuwataka Mashabiki wa Spain wasitishe kuzomea huko kitu ambacho Kocha wa Spain, Vicente del Bosque, pia alitaka kiachwe.

Wakati huo Del Bosque alieleza: “Nadhani hali ya Pique si siasa bali ni upinzani wa Barca na Real. Akiwa na Timu ya Taifa amecheza Zaidi ya Mechi 70 kwa hali ya juu kabisa pamoja na zaidi ya Mechi 30 kwa Timu za Vijana. Lazima tumtetee. Nikimwacha Timu ya Taifa nitawapa ushindi wale wanaompinga wajione walikuwa na haki!”

MESSI AFUTIWA KESI ILA BABAKE HATARINI KIFUNGO!

MESSIMamlaka za uendeshaji Kesi huko Spain zimeamua kumfutia Mashitaka Lionel Messi ya ukwepaji Kodi.
Mamlaka hizo zimetoa uamuzi huo baada ya kuafiki hoja kwamba wakati makosa hayo yakitendeka Messi alikuwa na umri mdogo kiasi cha kutojua nini kinaendelea.
Hata hivyo Kesi hiyo itaendelea kwa Baba yake Messi aitwae Jorge Messi.
Messi, ambae ni Mchezaji wa Barcelona, alishtakiwa yeye pamoja na Baba yake kwa ukwepaji Kodi kati ya 2007 na 2009 unaokadiriwa kufikia Euro Milioni 4.1.
Ukwepaji huo wa Kodi ni ule wa kuuza Haki za Matangazo ya Staa huyo nje ya Spain na hivyo kuikosesha Nchi hiyo mapato.
Licha ya kumfutia Mashitaka Messi, Waendesha Mashitaka wa Kesi hiyo wamesema Messi huenda akaitwa Mahakamani kutoa ushahidi dhidi ya Baba yake ambae ndie Wakala wake tangu aanze Soka.
Ikiwa atapatikana na hatia, Jorge Messi anaweza kufungwa Miezi 18 au kupigwa Faini Euro Milioni 2 au vyote kwa pamoja.
Hata hivyo, mara baada ya tuhuma hizi kuibuka Messi na Baba yake walilipa Kodi yote waliyokuwa wakidaiwa pamoja na malimbikizo ya Riba yake.

EL DERBI MADRILEÑO: NGOMA NGUMU, ILA REAL WAPAA NAFASI YA PILI!

REAL-ATLETIEl Derbi Madrileno, Mechi ya Mahasimu wa Jiji la Madrid huko Spain, Atletico Madrid na Real Madrid, iliyochezwa Vicente Calderon imemalizika kwa Sare ya 1-1.LALIGA-TOP-TEBO-OKT4

Real walitangulia kufunga katika Dakika ya 9 baada ya Krosi ya Carvajal kuunganishwa kwa Kichwa na Karim Benzema na kumwacha Kipa wa Atletico Oblak akidaka hewa.

Katika Dakika ya 20 Atletico walipewa Penati kufuatia rafu ya Ramos kwa Tiago na Griezmann kupiga Penati hiyo ambayo Kipa wa Real Navas aliikoa.

Hadi Haftaimu, Atletico 0 Real 1.

Bao la kusawazisha la Atletico lilifungwa Dakika ya 84 na Luciano Vietto, Mchezaji alietokea Benchi Dakika ya 58 kumbadili Angel Correa.

Matokeo haya yamewapaisha Real na kukamata Nafasi ya Pili wakiwa Pointi 1 nyuma ya Vinara Villareal.

VIKOSI:

Atletico Madrid: Oblak; Juanfran, Gimenez, Godin, Filipe; Tiago, Gabi, Oliver; Griezmann, Torres, Correa.

Real Madrid: Navas; Carvajal, Varane, Sergio Ramos, Marcelo; Casemiro, Kroos, Modric; Isco, Ronaldo, Benzema.

REAL-BENZEMA

LA LIGA

MATOKEO:

Ijumaa Oktoba 2

Celta de Vigo 0 Getafe CF 0

Jumamosi Oktoba 3

Sevilla FC 2 FC Barcelona 1

Granada CF 1 Deportivo La Coruna 1

RCD Espanyol 1 Sporting Gijon 2

Las Palmas 0 SD Eibar 2

Malaga CF 3 Real Sociedad 1

Jumapili Oktoba 4

Rayo Vallecano 0 Real Betis 2

Athletic de Bilbao 3 Valencia C.F 1

Levante 1 Villarreal CF 0

Atletico de Madrid 1 Real Madrid CF 1

Habari MotoMotoZ