LA LIGA: REAL NA UBINGWA JUMAPILI HUKO MALAGA, YAKUMBUSHWA KILIO CHA TENERIFE, BARCA WAHOFU MALAGA KULA NJAMA!

>PATA UNDANI!

REAL-MABINGWA WARAJIWAJUMAPILI, La Liga, Ligi kubwa huko Nchini Spain, inafunga Pazia lake kwa Msimu wa 2016/17 na Bingwa atakuwa Real Madrid au Barcelona.

Real wapo Pointi 3 mbele ya Barcelona na Jumapili wanamaliza Ugenini kwa kucheza na Malaga wakati  Barcelona wapo Nyumbani kupambana na Eibar.

Real wanahitaji Pointi 1 toka Timu ambayo waliifunga 2-1 katika Mechi ya Kwanza ya La Liga Msimu huu ili watwae Ubingwa wao wa kwanza wa La Liga tangu 2012.

Lakini Wachambuzi wengi huko Spain wamekumbusha nini kiliwatokea Real Mwaka 1993.

Wakihitaji Pointi 1 tu kuwa Mabingwa katika Mechi ya Mwisho ya Msimu, Real waliruka kwenda Visiwani Tenerife na kufungwa na Ubingwa ukaenda kwa Barcelona walioshinda Mechi yao.

Siku hiyo huko Tenerife mmoja wa Wachezaji wa Real Madrid alikuwa Kiungo wao Michel Gonzalez ambae alinaswa kwenye Picha akiwa na huzuni kubwa huku akifarijiwa Uwanjani na Mchezaji wa Tenerife Quique Estebaranz.

Sasa Michel Gonzalez, ambae alianzia utotoni kuichezea Real na kupanda hadi Timu ya Kwanza alikokaa kwa Miaka 14, ndie Meneja wa Malaga ambao wanaweza kuisimamisha Real kutwaa Ubingwa.

Hii Leo huko Spain, Michel Gonzalez amebatizwa Jina la ‘Jaji wa Ligi’ kutokana na hii Mechi na Real itakayoamua Bingwa.

Huko Spain zishazagaa Stori za Njama za kuipa Real Ubingwa na baadhi kudai Michel Gonzalez anataka Real ishinde.

Pia, Rais wa Malaga, anadaiwa kuwaita Barcelona ‘takataka’ na kusema ‘hawatasikia hata harufu ya Ubingwa’!

Lakini pia upo ukweli kwamba Malaga ina Wachezaji Watano wenye asili ya Real na pia Mkataba wa Kiungo wa Real, Isco, kuuzwa kutoka Malaga kwenda Real una kipengele cha kuilipa Malaga Bonasi ya Euro Milioni 3 endapo Real watatwaa Ubingwa.

Mambo hayo yamelifanya Gazeti moja la huko Mjini Barcelona liandike Bango kubwa: ‘MALAGA INANUKIA NYEUPE!” ikimaanisha Malaga ni Real Madrid.

Hilo pengine ni chuki hasa wakikumbuka Msimu huu Malaga iliiwasha Barcelona 2-0 ndani ya Nou Camp.

Kwa upande wa Soka, hiyo Jumapili Barcelona inabidi kwanza waifunge Eibar na ndio waombe Real iteleze huko Malaga.

Mvuto wa Mechi hii ya Barcelona na Eibar ni kuwa Mtoto wa Kocha wa Malaga, Michel Gonzalez, anaeitwa Adrian ni Mchezaji wa Eibar.

Ukiitazama Real kufungwa na Malaga, ambayo ukweli ipo salama La Liga, na pia hivi sasa mwendo wake ni mbendembende, ni ndoto na hasa ukizingatia Real imefungwa Mechi 3 tu Msimu mzima.

Katika Mechi 3 zilizopita, Real imebonda Bao 4 kila Mechi huku Nyota wao, Cristiano Ronaldo, akionekana yuko fiti na moto baada ya kukosa Mechi 14 Msimu huu kutokana na maumivu.

Katika Mechi 8 zilizopita, Ronaldo amepiga Bao 13.

LA LIGA 

Ratiba/Matokeo:

Raundi ya 38 – Mechi za Mwisho
Ijumaa Mei 19
Granada 1 Espanyol 2 

Jumamosi Mei 20
18:00 Deportivo v Las Palmas 
18:00 Sporting Gijon v Real Betis 
18:00 Leganes v Alaves 

Jumapili Mei 21
17:45 Atletico Madrid v Athletic Club 
17:45 Celta Vigo v Real Sociedad 
17:45 Sevilla v Osasuna 
17:45 Valencia v Villarreal 
21:00 Barcelona v Eibar 
21:00 Malaga v Real Madrid 

XAVI – REAL WATABEBA LA LIGA ILA ULAYA WATABWAGWA NA JUVE!

XAVI-AL SADDXavi, Mkongwe aliechezea Barcelona kwa Miaka 17 na kuhamia Al Sadd ya Qatar Mwaka 2015, anahisi Real Madrid itatwaa Ubingwa wa La Liga Jumapili lakini anaona Juventus ya Italy itaibwaga Real kwenye Fainali ya UEFA CHAMPIONZ LIGI hapo Juni 3.

Jumatano iliyopita Real, chini ya Kocha Zinedine Zidane, iliitandika Celta Vigo 4-1 na kuongoza La Liga Pointi 3 mbele ya Barcelona huku kila Timu ikibakiza Mechi 1 tu itakayochezwa Jumapili.

Hiyo Jumapili Real wanahitaji Pointi 1 tu Ugenini na Malaga ili kuzoa Ubingwa wao wa kwanza wa La Liga tangu 2012 lakini Barca wataombea yatokee yale ya Msimu wa 1991/92 wakati Tenerife ilipoifunga Real na Ubingwa kupeperuka kwenda Barca katika Mechi ya Mwisho ya Msimu.

Lakini Xavi, alietwaa Mataji 8 ya La Liga akiwa na Barca, amekubali kuwa safari hii Real hawawezi kuteleza.LALIGA-MEI20

Ameeleza: “Ni ngumu La Liga kuiponyoka Real. Wao ni Timu imara. Wana Kiungo imara kina Toni Kroos, Luka Modric, Isco…..nawapenda wote!”

Aliongeza: “Malaga wapo vizuri na kuwafunga kwao ni ngumu. Wanapaswa kuleta miujiza kama ya Tenerife ili Barca watwae La Liga. Vipigo kwa Barca Nyumbani na Alaves na Deportivo La Coruna Ugenini vimeleta balaa kwa Barca Msimu huu!”

Wakitwaa La Liga, Real watakuwa njiani kutwaa Dabo kwani wapo Fainali ya UEFA CHAMPIONZ LIGI watakayocheza na Juventus hapo Juni 3 huko Cardiff, Wales wakiwania kuwa Klabu ya Kwanza kutetea vyema Ubingwa huu.

Lakini Xavi anaamini Fainali hiyo ni ngumu mno na anaombea Kipa Mkongwe wa Juve, Gianluigi Buffon, atamaliza subira yake ya muda mrefu ya kutotwaa Kombe hili.

Xavi ameeleza: “Juventus ni wazuri sana. Wameonyesha hilo kwa kuwatupa nje Barca na pia wana ngome imara. Hii Fainali ni 50-50. Nilimsikia Buffon akisema hajatwaa Kombe hili. Anastahili kulibeba pamoja na Ballon d'Or!”.

LA LIGA 

Ratiba:

Raundi ya 38 – Mechi za Mwisho
Ijumaa Mei 19
21:45 Granada v Espanyol 

Jumamosi Mei 20
18:00 Deportivo v Las Palmas 
18:00 Sporting Gijon v Real Betis 
18:00 Leganes v Alaves 

Jumapili Mei 21
17:45 Atletico Madrid v Athletic Club 
17:45 Celta Vigo v Real Sociedad 
17:45 Sevilla v Osasuna 
17:45 Valencia v Villarreal 
21:00 Barcelona v Eibar 
21:00 Malaga v Real Madrid 

LA LIGA: RONALDO AISOGEZEA UBINGWA REAL, AWEKA REKODI MPYA ULAYA!

>REAL POINTI 1 JUMAPILI MABINGWA!

LA LIGA 

Matokeo:

Raundi ya 37

Jumatano Mei 17
Celta Vigo 1 Real Madrid 4 

++++++++++++++++++

REAL-RONALDO-UBINGWAWakicheza Ugenini huko Estadio Balaidos kwenye Mechi yao ya Kiporo, Real Madrid wameitamdika Celta Vigo 4-1 katika Mechi ya La Liga na sasa wako kileleni wakibakisha Mechi 1 tu na wakihitaji Pointi 1 tu kutwaa Ubingwa wa Spain kwa mara ya kwanza tangu 2012.

Cristiano Ronaldo aliipa Real Bao Dakika ya 10 ambalo limemfanya awe ndie Mfungaji Bora katika Ligi kubwa 5 huko Ulaya akiivunja Rekodi ya Miaka 46 ya Straika wa England Jimmy Greaves aliefunga Bao 366 ya Mechi za Ligi.

Hilo lilikuwa Bao la 367 la Ronaldo kwenye Ligi.

Bao hilo lilidumu hadi Haftaimu.

Dakika 3 baada ya Kipindi cha Pili kuanza Ronaldo akaifungia Real Bao la Pili kufuatia kauntaataki na pasi safi ya Isco.

Celta Vigo walibaki Mtu 10 kuanzia Dakika ya 62 pale Iago Aspas alipopewa Kadi ya Njano ya Pili na kutolewa nje kwa Kadi Nyekundu lakini hilo halikuwavunja nguvu kwani Dakika ya 69 John Guidetti akawafungia Bao na Gemu kuwa 2-1.

Hata hivyo, Dakika ya 70, kazi njema ya Marcelo kumtambuka Beki wa Celta na kumlisha Karim Benzema ilizaa Bao la Pili alilofunga Mfaransa huyo.

Celta Vigo 1 Real 3.

Real walipiga Bao la 4 Dakika ya 88 Mfungaji akiwa Toni Kroos na kuifanya Real washinde Mechi hii 4-1.

Sasa Real wako kileleni mwa La Liga ambayo itamalizika Jumapili na wapo Pointi 3 mbele ya Timu ya Pili Barcelona.

Real watamaliza Ugenini na Malaga wakihitaji Pointi 1 tu kuwa Mabingwa.

VIKOSI:

CELTA VIGO:Sergio; Mallo, Cabral, Roncaglia, Jonny; Wass, Pablo H, Jozabed; Aspas, Guidetti [Beauvue, 86], Sisto [Diop Gueye, 80]

Akiba:Villar, Fontas, Pape, Diaz, Beauve, Hjulsager, Gomez

REAL MADRID:Navas; Danilo, Ramos, Varane, Marcelo; Casemiro [Kovacic, 71], Modric, Kroos, Isco [Vazquez, 84], Ronaldo [Asensio, 84], Benzema

Akiba:Casilla, Nacho, Coentrao, Morata, Asensio, Lucas, Kovacic

REFA:Juan Martínez Munuera

LA LIGA 

Ratiba:

Raundi ya 38 – Mechi za Mwisho
Ijumaa Mei 19
21:45 Granada v Espanyol 

Jumamosi Mei 20
18:00 Deportivo v Las Palmas 
18:00 Sporting Gijon v Real Betis 
18:00 Leganes v Alaves 

Jumapili Mei 21
17:45 Atletico Madrid v Athletic Club 
17:45 Celta Vigo v Real Sociedad 
17:45 Sevilla v Osasuna 
17:45 Valencia v Villarreal 
21:00 Barcelona v Eibar 
21:00 Malaga v Real Madrid 

LA LIGA: LEO REAL 'KULA KIPORO KITAMU' CHA CELTA VIGO KUELEKEA UBINGWA?

LALIGA-2017-MBIO-1LEO, Real Madrid wako Ugenini huko Estadio Balaidos kucheza Mechi yao ya Kiporo na Celta Vigo na ushindi kwao utawaweka Pointi 3 mbele ya Barca huku Mechi zikibaki 1 kwa kila Timu.
La Liga itafikia tamati Jumapili Mei 21 na hadi sasa Barca na Real ziko juu kileleni zikifungana kwa Pointi lakini Barca wanaongoza kwa Rekodi yao Bora ya uso kwa uso na Real.
Hata hivyo, Real wana Mechi 1 mkononi na ndio hiyo wanayocheza Leo na wakishinda hii Leo basi Jumapili kwenye Mechi yao ya mwisho Ugenini na Malaga watahitaji Sare tu ili watwae Ubingwa wao wa kwanza wa La Liga tangu 2012. 
Hivi sasa Celta Vigo wapo Nafasi ya 13 kwenye La Liga na hawajashinda Mechi tangu katikati ya Mwezi Aprili wakifungwa Mechi 6 kati ya 7 walizocheza tangu wakati huo ambapo pia walitupwa nje ya Nusu Fainali ya UEFA EUROPA LIGI na Manchester United.
Licha ya takwimu hizo, Kocha wa Real, Zinedine Zidane, amesisitiza Mechi hii ni kama Fainali kwao huku akithibitisha kuwemo Kikosini Mchezaji Bora Duniani Cristiano Ronaldo.
Nae Kocha wa Celta Vigo, Eduardo Berizzo, amesisitiza Mechi hii ni nafasi safi kwao kufuta matokeo mabovu yao ya hivi karibuni. 
Katika Mechi ya Kwanza ya La Liga Msimu huu iliyochezwa Mwezi Agosti huko Santiago Bernabeu Jijini Madrid, Real iliichapa Celta Vigo 2-1 kwa Bao za Alvaro Morata na Toni Kroos wakati lile la Celta lilifungwa na Fabian Orellana
LA LIGA 
Ratiba:
**Saa za Bongo
Jumatano Mei 17
22:00 Celta Vigo v Real Madrid 
Raundi ya 38 – Mechi za Mwisho
Ijumaa Mei 19
21:45 Granada v Espanyol 
Jumamosi Mei 20
18:00 Deportivo v Las Palmas 
18:00 Sporting Gijon v Real Betis 
18:00 Leganes v Alaves 
Jumapili Mei 21
17:45 Atletico Madrid v Athletic Club 
17:45 Celta Vigo v Real Sociedad 
17:45 Sevilla v Osasuna 
17:45 Valencia v Villarreal 
21:00 Barcelona v Eibar 
21:00 Malaga v Real Madrid 
 
   

LA LIGA: RONALDO APIGA 2 REAL IKIPIGA 4 IKIKIMBIZANA NA BARCA ILIYOPIGA 4, NEYMAR HETITRIKI!

LALIGA-2017-MBIOREAL MADRID Jana waliinyuka Sevilla 4-1 ndani ya Estadio Santiago Bernabeu Jijini Madrid na sasa kuhitaji Pointi 4 tu katika Mechi 2 walizobakiza ili kuwa Mabingwa wa LA LIGA huko Spain kwa mara ya kwanza tangu 2012.

Jana, Mabingwa Watetezi Barcelona, wakicheza Ugenini, waliiwasha Las Palmas 4-1 kwa Bao 3 za Neymar na moja la Luis Suarez na kuendelea kuongoza La Liga wakiwa Pointi sawa na Real na wao wako juu kwa ubora wa Magoli lakini wamebakisha Mechi 1 tu wakati Real wana Mechi 2.

Bao kwenye Mechi ya real na Sevilla zilifungwa na Nacho, Cristiano Ronaldo, Bao 2, na Toni Kroos.

Jumatano, Real wako Ugenini huko Estadio Balaidos kucheza Mechi yao ya Kiporo na Celta Vigo na utashindi kwao utawaweka Pointi 3 mbele ya BarcaLALIGA-MEI15 huku Mechi zikibaki 1 kwa kila Timu.

LA LIGA 

Ratiba/Matokeo:

Raundi ya 37

 **Saa za Bongo

Jumamosi Mei 13

Espanyol 0 Valencia 1 

Osasuna 2 Granada 1 

Jumapili Mei 14
Alaves 3 Celta Vigo 1 
Athletic Club 1 Leganes 1 
Real Betis 1 Atletico Madrid 1 
Eibar 0 Sporting Gijon 1
Las Palmas 1 Barcelona 4 
Real Madrid 4 Sevilla 1 
Real Sociedad 2 Malaga 2 
Villarreal 0 Deportivo 0 

Jumatano Mei 17
22:00 Celta Vigo v Real Madrid 
Raundi ya 38 – Mechi za Mwisho
Ijumaa Mei 19
21:45 Granada v Espanyol 

Jumamosi Mei 20
18:00 Deportivo v Las Palmas 
18:00 Sporting Gijon v Real Betis 
18:00 Leganes v Alaves 

Jumapili Mei 21
17:45 Atletico Madrid v Athletic Club 
17:45 Celta Vigo v Real Sociedad 
17:45 Sevilla v Osasuna 
17:45 Valencia v Villarreal 
21:00 Barcelona v Eibar 
21:00 Malaga v Real Madrid 

Habari MotoMotoZ