EMIRATES FA CUP: LEO NUSU FAINALI CHELSEA NA SPURS HUKO WEMBLEY!

>JUMAPILI ARSENAL v CITY!

EMIRATES FA CUP

Nusu Fainali

Jumamosi Aprili 22

Wembley Stadium, London

1915 Chelsea v Tottenham Hotspur

+++++++++++++++++++++++

EMIRATES-FACUP-2017-SITLEO ipo Nusu Fainali ya FA CUP itakayochezwa huko London Uwanja wa Wembley kati ya Chelsea na Tottenham Hotspur Timu ambazo kwenye EPL, Ligi Kuu England zipo Nafasi za Kwanza na za Pili.

Nusu Fainali ya Pili ya FA CUP itachezwa Kesho Jumapili pia Uwanjani Wembley kati ya Arsenal na Manchester City.

Chelsea wataingia kwenye Mechi hii wakimkosa Beki wao Gary Cahill ambae ni Mgonjwa lakini Kipa wao Thibaut Courtois ambae aliikosa Mechi ya Wiki iliyopita walipofungwa 2-0 na Man United amepona Enka yake na anaweza kucheza.

Pia, Marcos Alonso, alieikosa Mechi ya Wiki iliyopita, anaweza kurejea Uwanjani.

Spurs wao watamkosa Danny Rose ambae ndio kwanza ameanza Mazoezi baada ya kupona Goti lake.

+++++++++++++++++++

JE WAJUA?

-FA CUP 2016/17, ambalo pia hujulikana kama FA Challenge Cup, ni mara ya 136 kushindaniwa kila Mwaka tangu lilipoanzishwe na linatambuliwa kama ndio Mashindano ya kale kupita yote Duniani.

-Kombe hili linadhaminiwa na Kampuni ya Ndege ya Emirates na kwa sababu za kiudhamini linaitwa Emirates FA Cup.

-Timu 736 zilikubaliwa kushiriki Mashindano haya Msimu huu na yalianza kwa Raundi ya Awali na yatafikia Tamati kwa Fainali itakayochezwa Uwanjani Wembley Jijini London hapo Mei 27, 2017.

-Mshindi wa FA CUP ataingizwa Hatua ya Makundi ya UEFA EUROPA LIGI Msimu wa 2017/18.

KUANZIA MSIMU HUU – KUANZIA Robo Fainali:

-Hamna Marudiano ikiwa Timu zipo Sare baada ya Dakika 90. Sare itafuatia Dakika za Nyongeza 30 na kama Gemu bado Sare, zitafuatia Penati ili kupata Mshindi.

-Kila Timu inaruhusiwa kubadili Wachezaji si zaidi ya Wanne lakini huyo wa Nne ni pale tu Gemu ipo Dakika za Nyonfeza 30.

+++++++++++++++++++

Spurs wameifunga Chelsea mara 2 tu katika Mechi 16 zilizopita wakitoka Sare 7 na kufungwa 7.

VIKOSI VINATARAJIWA KUWA:

CHELSEA: Courtois, Azpilicueta, David Luiz, Ake, Moses, Kante, Matic, Alonso, Pedro, Costa, Hazard

TOTTENHAM: Lloris, Dier, Alderweireld, Vertonghen, Walker, Wanyama, Dembele, Davies, Eriksen, Kane, Alli

REFA: Martin Atkinson

FA CUP

Ratiba

Nusu Fainali

**Saa za Bongo

Jumapili Aprili 23

1700 Arsenal v Man City

UEFA EUROPA LIGI: RASHFORD AIPELEKA MAN UNITED NUSU FAINALI, GENK YA MBWANA SAMATTA NJE!

>MAN UNITED KUJUA MPINZANI LEO, NI CELTA VIGO, AJAX AU LYON!

UEFA EUROPA LIGI

Robo Fainali – Mechi za Pili

**Kwenye Mabano Jumla ya Mabao kwa Mechi 2

Manchester United 2 RSC Anderlecht 1 [3-2]

KRC Genk 1 Celta Vigo 1 [3-4]

Schalke 3 Ajax 2 [3-4]

Besiktas 2 Lyon 1 [3-3, Penati 6-7]

+++++++++++++++++++++++++++++

MANUNITED-RASHFORD-SEMIMECHI za Pili za Robo Fainali ya UEFA EUROPA LIGI zimekamilika Alhamisi Usiku huu na 3 kati ya hizo kwenda Dakika za Nyongeza 30 lakini ile ya KRC Genk Genk ya Nahodha wetu Mbwana Samatta kuishia Dakika 90 tu na wao kutupwa nje baada ya Sare 1-1 huko Belgium.

Timu ya Samatta, ambayo ilifungwa 3-2 na Celta Vigo ya Spain katika Mechi ya Kwanza Wiki iliyopita, ilihitaji ushindi lakini ikajikuta ikitoka 1-1 na kutupwa nje, licha Staa wetu kucheza Dakika zote 90.

Celta Vigo walitangulia kufunga Dakika ya 63 kwa Bao la Sisto na Genk kurudisha Dakika ya 67 kupitia Trossard.

Huko Old Trafford Man United walitangulia 1-0 kwa Bao la Dakika ya 10 la Henrikh Mkhitaryan na Anderlecht kusawazisha Dakika ya 32 kupitia Hanni.

Hadi Dakika 90, licha Man United kutawala na kukosa nafasi za wazi lukuki, Mechi ilikuwa 1-1 na kulazimika kwenda Dakika za Nyongeza 30 kwa vile walitoka 1-1 katika Mechi ya Kwanza.

Dakika ya 107, Marcus Rashford akaipa Man United Bao la Pili na la ushindi.

Droo ya Nusu Fainali itafanyika Ijumaa Aprili 21.

VIKOSI:

MANCHESTER UNITED: Romero; Valencia, Bailly, Rojo [Blind 23’], Shaw, Carrick, Pogba, Lingard [Fellaini 59], Mkhitaryan, Rashford, Ibrahimovic [Martial 90]

Akiba: De Gea, Blind, Fellaini, Herrera, Young, Martial, Rooney

RSC ANDERLECHT: Ruben, Appiah, Kara, Spajic, Obradovic, Tielemans, Dendoncker, Hanni [Stanciu 63], Chipciu [Bruno 63], Acheampong, Teodorczyk [Thelin 79]

Akiba: Boeckx, Deschacht, Bruno, Nuytinck, Capel, Kiese Thelin, Stanciu

REFA: Alberto Undiano Mallenco (Spain)

UEFA EUROPA LIGI

Tarehe Muhimu:

04/05/17: Nusu Fainali, Mechi ya Kwanza

11/05/17: Nusu Fainali, Mechi ya Pili

FAINALI

24 Mei 2017: Friends Arena, Solna, Sweden

UEFA EUROPA LIGI: LEO MAN UNITED KUTINGA NUSU FAINALI? KRC GENK YA SAMATTA KUPINDUA KIPIGO?

UEFA EUROPA LIGI

Robo Fainali – Mechi za Pili

**Mechi zote kuanza Saa 4 Dakika 5 Usiku

**Kwenye Mabano Matokeo Mechi ya Kwanza

Manchester United v RSC Anderlecht [1-1]

KRC Genk v Celta Vigo [2-3]

Schalke v Ajax [0-2]

Besiktas v Lyon [1-2]

+++++++++++++++++++++++++++++

EUROPA-LIGI-2016-17MECHI za Pili za Robo Fainali ya UEFA EUROPA LIGI zitachezwa Alhamisi Usiku Aprili 20 na Manchester United wako kwao Old Trafford wakihitaji ushindi au hata Sare ya 0-0 dhidi ya RSC Anderlecht ya Belgium ili kutinga Nusu Fainali.

Wiki iliyopita, Man United walitoka Sare 1-1 na Anderlecht huko Belgium na sasa wana matumaini makubwa ya kusonga kwani wana Rekodi nzuri Uwanjani kwao Old Trafford na pia dhidi ya Anderlecht ambayo waliwahi kuitandika 10-0 Mwaka 1956.

Mbali ya kuwa ni Kombe pekee la Ulaya ambalo Man United hawajawahi kulitwaa, kulibeba Kombe hili kutawafanya watinge moja kwa moja UEFA CHAMPIONZ LIGI Msimu ujao.

Mvuto mwingine kwa Wadau wa Soka wa Tanzania ni Mechi ya huko Ubelgiji kati ya KRC Genk na Celta Vigo ya Spain ambapo Mashabiki wengi Nchini wapo nyuma ya Nahodha wa Timu yetu ya Taifa, Mbwana Samatta, ambae ataongoza safu ya Fowadi ya KRC Genk wakisaka kupindua kichapo cha 3-2 walichopewa Wiki iliyopita.

VIKOSI VINATARAJIWA KUWA:

MAN UNITED: Sergio Romero, Antonio Valencia, Eric Bailly, Marcos Rojo, Darmian, Michael Carrick, Paul Pogba, Jesse Lingard, Henrikh Mkhitaryan, Marcus Rashford, Zlatan Ibrahimovic

RSC ANDERLECHT: Martínez, Appiah, Kara Mbodji, Nuytinck, Obradovic, Bruno, Tielemans, Dendoncker, Stanciu, Acheampong, Teodorczyk

REFA: Alberto Undiano Mallenco (Spain)

UEFA EUROPA LIGI

Tarehe Muhimu:

13/04/17: Robo Fainali, Mechi za Kwanza

20/04/17: Robo Fainali, Mechi za Pili

04/05/17: Nusu Fainali, Mechi ya Kwanza

11/05/17: Nusu Fainali, Mechi ya Pili

FAINALI

24 Mei 2017: Friends Arena, Solna, Sweden

KUWAKA KWA MARCUS RASHFORD JE ZLATAN IBRAHIMOVIC ANA CHAKE?

IBRA-MARTIAL-RASFORDKUCHEZA vyema sana kwa Chipukizi Marcus Rashford Juzi Jumapili wakati Manchester United inaifunga Chelsea huku akipiga Bao 1 kumezua mjadala mkali kuhusu hatima ya Mkongwe Zlatan Ibrahimovic.

Wachezaji Nyota wa zamani ambao sasa ni Wachambuzi mahiri wa TV ya Sky Sports huko England, Jamie Carragher na Gary Neville, wamejadili kwa kina iwapo Ibrahimovic, mwenye Miaka 35, bado anahitajika na Man United baada Rashford, mwenye Miaka 19, kuonyesha yeye analiweza zigo zito la kuwa Fowadi tegemezi wa Man United. 
Licha kukiri Rashford ni moto na ana uwezo mkubwa wa kuwa Straika chaguo la kwanza la Man United, Wachambuzi Carragher na Neville wote wamekubaliana Ibrahimovic bado anahitajika Man United.
Neville, Beki wa zamani wa Man United, ametaka Ibrahimovic abaki kwa ajili ya Msimu ujao lakini Rashford na Anthony Martial watumike zaidi badala ya Mkongwe huyo na pia aongezeke Straika mwingine Mmoja Mpya.
Neville ametaka Man United iwe na Mastraika Wanne wanaopokezana namba kama ilivyokuwa kwenye enzi zao walipokuwepo kina Dwight Yorke, Andy Cole, Teddy Sheringham na Ole Gunnar Solksjaer na kupeana zamu kucheza Mechi.
Lakini Carragher, Beki wa zamani wa Mahasimu wa Man United, Liverpool, ameonya Watu wasihadaike sana kwa Rashford kung'ara mno katika Gemu moja.
Amedai: "Watu wasisahau Zlatan amekuwa mmoja wa Wachezaji Bora Ligi Kuu England Msimu huu!"
 

EPL: MAN UNITED YAITWANGA CHELSEA, YAREJESHA MATUMAINI 4 BORA, YAFUNGUA MBIO ZA UBINGWA!

>MBINU ZA MOURINHO ZAMZIDI AKILI CONTE!

MANUNITED-HEROESEPL, LIGI KUU ENGLAND

Matokeo:

Jumapili Aprili 16

West Bromwich Albion 0 Liverpool 1

Manchester United 2 Chelsea 0   

+++++++++++++++++++++++++

LEO, katika Mechi ya EPL, Ligi Kuu England, iliyochezwa Old Trafford Jijini Manchester Wenyeji Manchester United waliwatandika Vinara wa Ligi hii Chelsea Bao 2-0 na kujiweka hai kumaliza 4 Bora huku wakiacha mbio za Ubingwa kuwa wazi.

Ushindi huu wa Man United umewachimbia Nafasi ya 5 wakiwa Pointi 4 nyuma ya Timu ya 4 Man City huku wao wakiwa na Mechi 1 mkononi.

Chelsea bado wanaongoza EPL lakini sasa tofauti ya Pointi na Timu ya Pili Tottenham ni Pointi 4 na Mechi zimebaki 6.

Hadi Leo Man United wamecheza Mechi 53 Msimu huu ukilinganisha na Chelsea Mechi 39 tu na Wadau wengi kuamini Man United itakuwa 'mboga' tena kwa Chelsea Msimu huu kwani tayari washawafunga ma ra 2, 4-0 kwenye Ligi na 1-0 kwenye FA CUP.

Leo sifa kubwa ziende kwa Meneja wa Man United Jose Mourinho kwa mbinu zake za kumpiga Benchi Zlatan Ibrahimovic na kuwatumia Chipukizi Jesse Lingard na Marcus Rashford kuongoza mashambulizi wakati Ander Herrera ‘akimkaba’ Eden Hazard lakini kubwa ni ‘kuiga’ Mfumo wa Chelsea wa 3-4-3 na Man United kuutawala zaidi kupita Chelsea ambao Mechi nzima walishindwa kupiga hata Shuti 1 lililolenga Goli.

Bao za Man United hii Leo zilifungwa na Marcus Rashford Dakika ya 7 kwa pande kali la Ander Herrera.

Bao hilo lilidumu hadi Mapumziko.

Kipindi cha Pili, Dakika ya 49 shambulizi kali la Man United lilizua kizaazaa Golini mwa Chelsea na pasi ya Ashley Young kumfikia Ander Herrera alieachia kigongo kilichombabatiza Zouma na kutinga.

Ushindi huu wa Man United umehakikisha kuendeleza mbio zao za kutofungwa Mechi 22 za EPL Msimu huu.

+++++++++

JE WAJUA?

Uso kwa Uso:

Man United: Ushindi 76

Chelsea: Ushindi 52

Sare: 49

+++++++++

Kwenye Mechi iliyochezwa awali Leo huko The Hawthorns, Bao la Dakika ya 46 la Roberto Firmino EPL-APR16limewapa Liverpool ushindi wa 1-0 dhidi ya West Bromwich Albion na kupaa hadi Nafasi ya 3.

VIKOSI:

Manchester United:De Gea; Valencia, Darmian, Bailly, Rojo, Young [Fosu-Mensah 92’], Fellaini, Herrera, Pogba; Lingard [Carrick, 60’], Rashford [Ibrahimovic, 82’]

Akiba: Romero, Blind, Fosu-Mensah, Shaw, Carrick Mkhitaryan, Ibrahimovic.

Chelsea:Begovic; Azpilicueta, David Luiz, Cahill; Moses [Fabregas 54’], Kante, Matic [Willian, 66’], Zouma [Loftus-Cheek 83’], Pedro, Hazard; Diego Costa

Akiba: Eduardo, Zouma, Terry, Loftus-Cheek, Fabregas, Willian, Batshuayi.

REFA:Bobby Madley

EPL, LIGI KUU ENGLAND

Jumatatu

2200 Middlesbrough v Arsenal    

Jumamosi Aprili 22

1700 Bournemouth v Middlesbrough               

1700 Hull City v Watford             

1700 Swansea City v Stoke City            

1700 West Ham United v Everton          

Jumapili Aprili 23

1615 Burnley v Manchester United                  

1830 Liverpool v Crystal Palace             

Jumanne Aprili 25

2145 Chelsea v Southampton                

Jumatano Aprili 26

2145 Arsenal v Leicester City                

2145 Middlesbrough v Sunderland                   

2200 Crystal Palace v Tottenham Hotspur                  

Alhamisi Aprili 27

2200 Manchester City v Manchester United               

Jumamosi Aprili 29

1700 Southampton v Hull City              

1700 Stoke City v West Ham United                

1700 Sunderland v Bournemouth           

1700 West Bromwich Albion v Leicester City              

1930 Crystal Palace v Burnley               

Jumapili Aprili 30

1400 Manchester United v Swansea City          

1605 Everton v Chelsea              

1605 Middlesbrough v Manchester City            

1830 Tottenham Hotspur v Arsenal                 

Jumatatu Mei 1

2200 Watford v Liverpool