ARSENAL NA WENGER: BODI KUKETI JUMANNE, NINI KITAZUKA?

WENGER-WINNER FACUP17JUZI Arsene Wenger alicheka sana na kuwavaa wapondaji wake baada ya Timu yake Arsenal kubeba FA CUP kwa kuwabwaga Mabingwa Wapya wa England Chelsea 2-1.
Furaha hiyo haifichi ukweli kuwa Msimu huu Arsenal, kwa mara nyingine tena, wamefeli na hasa kwa kumaliza Nafasi ya 5 kwenye EPL, LIGI KUU ENGLAND, na kukosa kucheza UEFA CHAMPIONZ LIGI Msimu ujao ikiwa ni mara yao ya kwanza katika Miaka 20.
Sasa, Arsenal, kwa Nafasi yao ya Ligi, ambayo pia kubeba FA CUP inawapa, Msimu ujao watacheza UEFA EUROPA LIGI Hatua ya Makundi.
Wenger, mwenye Miaka 67, amewashambulia wapondaji wake na kuwaita ni fedheha na hatawasahau kwani wamemvunjia heshima na kusahau mafanikio yake katika Miaka 20 ya himaya yake hapo Arsenal.
Katika kipindi hicho, Wenger ameipa Arsenal FA CUP 7 na Ubingwa wa EPL mara 3.
Sasa maamuzi yote ya Wenger kubaki au kuondoka yataamuliwa na Bodi ya Arsenal Jumanne.
Laki swali kubwa ni Je Wenger asipopewa Mkataba Mpya wa kuendeleza huu wa sasa unaoisha Juni nani atakuwa Mrithi wake?
 

EMIRATES FA CUP: MABINGWA CHELSEA WAIKOSA DABO, ARSENAL WABEBA KOMBE, ‘KUMNUSURU’ WENGER?

2017 FA Cup FAINALI

Jumamosi Mei 27

Arsenal 2 Chelsea 1

++++++++++

FACUP-FAINALI2017ARSENAL Jana wametwaa FA CUP baada yta kuwachapa Mabingwa Wapya wa England Chelsea 2-1 katika Fainali iliyochezwa Uwanja wa Wembley Jijini London.

Ushindi huu huenda ukaponya kibarua cha Meneja wao Arsene Wenger ambae sasa ametwaa Mataji Matatu ya FA CUP katika Misimu Minne iliyopita na hii ni FA CUP yake ya 7 kuitwaa katika Historia yake ya Miaka 20 akiwa na Arsenal.

Kombe hili kidigo litaleta ahueni Klabuni hasa baada ya kumaliza Nafasi ya 5 kwenye EPL, LIGI KUU ENGLAND, na kukosa kucheza UEFA CHAMPIONZ LIGI kwa mara ya kwanza katika Miaka 20 na Msimu ujao watacheza UEFA EUROPA LIGI.

Pia sasa Arsenal wameipita Man United na kuweza kulichukua FA CUP mara 13 na kuongoza kwa idadi huku Man United wakifuatia wakilibeba mara 12.

Arsenal walifunga Bao Dakika ya 4 tu kupitia Alexis Sanchez Goli ambalo halikukubaliwa moja kwa moja baada Refa Msaidizi kuinua Kibendera kuashiria Aaron Ramsey alikuwa Ofsaidi na Refa Anthony Taylor kulazimika kwenda kuongea nae na baada ya hapo kuashiria ni Goli halali.

Utata huo ulizuka kuhusu Ramsey ambae alikuwa Ofsaidi lakini hakuugusa Mpira wakati Sanchez akifunga ingawa ipo tafsiri kuwa huenda ‘aliingilia mchezo’.

Pia kabla tu ya hapo ilionekana wazi Sanchez aliucheza Mpira kwa mikono baada ya Kante kuosha na muvu hiyo kusababisha hilo Goli.

Hadi Haftaimu Arsenal 1 Chelsea 0.

Kipindi cha Pili Dakika ya 68, Chelsea walibaki Mtu 10 baada ya Victor Moses kupewa Kadi ya Njano ya Pili na kutolewa nje kwa Kadi Nyekundu.

Hata hivyo, Chelsea walifanikiwa kusawazisha kwa Bao la Dakika ya 76 la Diego Costa lakini Bao hilo lilidumu Dakika 3 kwani Aaron Ramsey aliunganisha kwa Kichwa Mpita kutoka Olivier Giroud na kuwapa Bao la Pili na la ushindi.

Kipigo hiki kimeifanya Chelsea ishindwe kupata Dabo kwa mara ya kwanza tangu 2010 walipobeba Ubingwa wa Ligi na FA CUP.

VIKOSI:

Arsenal: Ospina, Holding, Mertesacker, Monreal, Bellerin, Ramsey, Xhaka, Oxlade-Chamberlain, Sanchez, Ozil, Welbeck.

Akiba: Lucas Perez, Giroud, Walcott, Iwobi, Cech, Coquelin, Elneny.

CHELSEA: Courtois, Azpilicueta, Luiz, Cahill, Moses, Kante, Matic, Alonso, Pedro, Costa, Hazard.

Akiba: Begovic, Fabregas, Zouma, Ake, Willian, Batshuayi, Terry.

REFA: ANTHONY TAYLOR

EMIRATES FA CUP: NI FAINALI, NI JUMAMOSI, NI WEMBLEY, NI MABINGWA CHELSEA KUIVAA ARSENAL!

2017 FA Cup FAINALI

Uwanja: Wembley Stadium, London

Tarehe: Jumamosi Mei 27

Saa: 1930 Bongo Taimu

Arsenal v Chelsea

++++++++++

FACUP-FAINALI2017JUMAMOSI Wembley Stadium Jijini London, ipo patashika ya mwisho kabisa ya Msimu huu wa Soka huko England kwa kuchezwa Fainali ya FA CUP ambayo ni Fainali ya 136 tangu Mashindano haya yaanzishwe Mwaka 1872 na ndiyo Mashindano makongwe kabisa Duniani.

Safari hii Fainali hii ya FA CUP, sasa ikibatizwa EMIRATES FA CUP kwa sababu za kiudhamini, itawakutanisha Mabingwa Wapya wa England Chelsea na Arsenal ambao walimaliza Nafasi ya 5 kwenye EPL, LIGI KUU ENGLAND.

Arsenal walifuzu kutinga Fainali hii walipoifunga Man City 2-1 katika Dakika 120 za Mchezo baada ya Sare ya 1-1 katika Dakika 90 na Chelsea kuinyuka Tottenham Hotspur 4-2 katika Nusi Fainali nyingine, Mechi zote zikichezwa Wembley.

Wakati Chelsea wakitinga Fainali hii huku wakiwa na morali kubwa ya Ubingwa, Arsenal wao wanaomba tu wamalize Msimu wao wa balaa na taabu kwa kubeba Kombe hili kwa mara ya 13 na hivyo kuipiku Manchester United na kuweka Rekodi ya kulitwaa mara nyingi kupita Klabu yeyote.

Arsenal na Man United ndizo sasa zinazoshikilia Rekodi kwa kubeba FA CUP mara 12 kila mmoja.

Msimu huu kwa Arsenal umekuwa mgumu mno kwao hasa baada ya Meneja wao wa muda mrefu, Arsene Wenger, kusakamwa akitakiwa ang’oke na baadhi ya Mashabiki huku pia Timu yenyewe ikikosa Msimu ujao kucheza UEFA CHAMPIONZ LIGI kwa mara ya kwanza katika Miaka 20.

Kwa Chelsea mambo ni murua na sasa wanalenga kutwaa Dabo kwa mara ya kwanza tangu 2010 walipobeba Ubingwa wa Ligi na FA CUP na kutia Kabatini Kombe kubwa la 15 tangu Mmiliki wao Roman Abramovich alipoinunua Chelsea Mwaka 2003.

++++++++++

JE WAJUA?

-FA CUP 2016/17, ambalo pia hujulikana kama FA Challenge Cup, ni mara ya 136 kushindaniwa kila Mwaka tangu lilipoanzishwe na linatambuliwa kama ndio Mashindano ya kale kupita yote Duniani.

-Kombe hili linadhaminiwa na Kampuni ya Ndege ya Emirates na kwa sababu za kiudhamini linaitwa Emirates FA Cup.

-Timu 736 zilikubaliwa kushiriki Mashindano haya Msimu huu na yalianza kwa Raundi ya Awali na yatafikia Tamati kwa Fainali itakayochezwa Uwanjani Wembley Jijini London hapo Mei 27, 2017.

-Mshindi wa FA CUP ataingizwa Hatua ya Makundi ya UEFA EUROPA LIGI Msimu wa 2017/18.

KUANZIA MSIMU HUU – KUANZIA Robo Fainali:

-Hamna Marudiano ikiwa Timu zipo Sare baada ya Dakika 90. Sare itafuatia Dakika za Nyongeza 30 na kama Gemu bado Sare, zitafuatia Penati ili kupata Mshindi.

-Kila Timu inaruhusiwa kubadili Wachezaji si zaidi ya Wanne lakini huyo wa Nne ni pale tu Gemu ipo Dakika za Nyongeza 30.

++++++++++

FACUP-SAFARI

Hali za Timu

Wakati Chelsea mambo ni shwari, Arsenal wana hali ngumu hasa kwenye Difensi yao kwa kuwakosa Laurent Koscielny, Gabriel na ipo hatihati kuhusu kupona kwa wakati kwa Majeruhi Shkodran Mustafi.

Koscielny yeye yupo Kifungoni Mechi 3 baada ya Jumapili iliyopita kupewa Kadi Nyekundu walipocheza na Everton kwenye Mechi yao ya mwisho kabisa ya Msimu wa Ligi wakati Gabriel akiumia katika Mechi hiyo hiyo.

Kuumia huko kwa Gabriel katika Mechi hiyo kulitoa mwanya kwa Mjerumani Per Mertesacker kucheza Mechi yake ya kwanza ya Msimu baada kuwa nje kwa muda mrefu akiuguza Goti lake.

Nini Mameneja Wanasema

-BOSI wa Arsenal Arsene Wenger: "Haitakuwa Mechi yangu ya mwisho kwani lolote litakalotokea nitabaki kwenye Soka. Je itakuwa ni kuagwa vizuri tukishinda? Hapana, Siku zote nataka nishinde Gemu ifuatayo. Napenda ushindi na napenda Klabu yangu ifanye vyema. Nataka tutwae Kombe kwa Klabu yangu. Hili si langu ni Klabu!”

-BOSI wa Chelsea Antonio Conte: "Kutwaa Ubingwa Msimu huu ni kitu kikubwa. Msimu huu utakuwa mkubwa zaidi tukitwaa FA CUP. Hii ni nafasi bora kushinda na kutwaa Dabo! Lakini ukiniuliza nani ana nafasi nzuri kubeba Kombe ntakwambia ni Arsenal!”

TAKWIMU MARIDHAWA:

-Hii ni Fainali ya Pili ya FA CUP kuzikutanisha Arsenal na Chelsea. Mwaka 2002 Arsenal iliichapa Chelsea 2-0 huko Cardiff kwa Bao za Ray Parlour na Freddie Ljungberg.

-Ushindi kwa Arsenal, utawafanya Arsenal wawe wamebeba FA CUP mara 13 na kuipiku Man United, iliyotwaa mara 12, na wao kuweka Rekodi ya kulichukua mara nyingi Kombe hili.

-Ikiwa Chelsea watashinda, hii itakuwa ni mara yao ya 8 kubeba FA CUP na kufungana na Tottenham wakishika Nafasi ya 2 kwa wingi.

-Ikiwa Arsenal watashinda Fainali hii, itakuwa ni mara ya 3 kwa Arsene Wenger kubeba FA CUP katika Misimu Minne na kuweka Rekodi ya kulibeba mara nyingi.

Kwa sasa Wenger anafungana na George Ramsay wote wakishinda mara 6.

-Antonio Conte atakuwa Meneja wa 5 toka Italy kubeba FA CUP na Watatu kati ya Wanne kufanya hivyo walikuwa na Chelsea. Hao ni Vialli, Mwaka 2000, Ancelotti 2010, Mancini 2011 na Di Matteo 2012.

-Chelsea hawajapoteza Fainali yao yeyote ya FA CUP katika 4 zilizopita zilizochezwa Wembley (Walishinda 2007, 2009, 2010 na 2012). Mara ya mwisho kufungwa Fainali ya FA CUP ni 2002 na tena ilikuwa ni mikononi m

MAN UNITED NI WAFALME, WABEBA UEFA EUROPA LIGI!

>MOURINHO, MAN UNITED NI WASHINDI, WABEBA MATAJI 3 KATI YA 5 NA WAMO UEFA CHAMPIONZ LIGI!!

UEFA EUROPA LIGI

FAINALI

24 Mei 2017: Friends Arena, Solna, Sweden

Ajax Amsterdam 0 Manchester United 2

+++++++++++++++++++++++++++++++

MANUNITED-MABINGWA-EUROPALIGIMANCHESTER UNITED Usiku huu huko Friends Arena, Solna, Stockholm, Sweden wamebeba Kombe la UEFA EUROPA LIGI baada ya kuichapa Ajax Amsterdam 2-0 katika Fainali.

Hili ni Taji la 3 kwa Man United kulitwaa Msimu huu chini ya Meneja Jose Mourinho ambae yupo Msimu wa kwanza tu na Klabu hiyo wakitwaa Ngao ya Jamii, EFL CUP na sasa UEFA EUROPA LIGI Kombe pekee la Ulaya ambalo walikuwa hawajawahi kulitwaa katika Historia yao ya kubeba Makombe Ulaya.

Kwa Jose Mourinho, ambae ametinga Fainali kubwa 14, sasa ameshinda 12 kati ya hizo.

Licha kumalixza Nafasi ya 6 kwenye EPL, LIGI KUU ENGLAND, na kukosa nafasi ya UCL, UEFA CHAMPIONZ LIGI kwa nafasi hiyo, Ubingwa huu wa UEFA EUROPA LIGI umewapa fursa ya kutinga na kucheza Hatua ya Makundi ya UEFA CHAMPIONZ LIGI.

Sasa Man United wataungana na Mabingwa wa England Chelsea, Tottenham na Man City kucheza Hatua ya Makundi ya UCL na Liverpool, ambao walimaliza Nafasi ya 4 kwenye EPL, wataanza Mechi za Mchujo ya Mashindano hayo na wakifuzu ndio watatinga Hatua ya Makundi ya UEFA CHAMPIONZ LIGI.

Mechi hii imekuja Siku 2 tu tangu Mlipuko wa Jijini Manchester ulioua Watu 22 na tukio hili limeifanya Man United kuvaa Utepe Mweusi Mkononi ikiwa ni ishara ya Msiba huo.

Pia, Uwanjani, kabla Mechi kuanza, kila Mtu alisimama Dakika 1 kimya kuomboleza.

Man United walifunga Bao lao la kwanza Dakika ya 18 baada ya Marouane Fellaini kupewa Mpira waliounasa kutoka Mpira wa kurusha wa Ajax na kumpasia Paul Pogba ambae Shuti lake la chini lilimparaza Sanchez na kumhadaa Kipa Onana na kutinga.

Hadi Mapumziko, Ajax 0 Man United 1.

Dakika ya 48, Kona ya Juan Mata ikakutana na Kichwa cha Chris Smalling na Mpira kumfikia Henrikh Mkhitaryan ambae alikuwa kalipa mgongo Goli lakini akafunga kistaili ya Tikitaka nusu.

Ajax 0 Man United 2.

×××××××

JE WAJUA?

-MAN UNITED wamejumuika na Ajax, Bayern Munich, Chelsea na Juventus kuwa Klabu pekee zilizonyakua Makombe yote ya UEFA huko Ulaya.

-Vikombe hivyo ni UEFA CHAMPIONZ LIGI, UEFA Cup Winners' Cup, UEFA Cup/UEFA EUROPA LIGI

×××××××

MANUNITED-MKHITARYAN-BAO-AJAX

Baada ya Filimbi ya mwisho kwisha, Kikosi chote cha Man United, wakiwamo Majeruhi wao waliokuwa na Magongo ya Kutembelea kina Zlatan Ibrahimovic, Marco Rojos, Luke Shaw na Ashley Young, walipanda Jukwaani kukabidhiwa Kombe la UEFA CHAMPIONZ LIGI ambalo Kepteni Wayne Rooney alilipokea.

Hapo furaha, vifijo na nderemo vilitawala Uwanjani huku Mashabiki wakishangilia: ‘MANCHESTER, MANCHESTER!’ ikiwa pia ni dalili ya Majonzi ya pamoja kwa Janga lililoikuta Mji wa Manchester.

VIKOSI:

AJAX: Onana; Riedewald [De Jong, 82], De Ligt, Sanchez, Veltman; Ziyech, Schone [Van de Beek, 70], Klaassen; Younes, Dolberg [Neres Campos, 62], Traore

Akiba: Boer, Tete, Westermann, De Jong, Van der Beek, Kluivert, Neres.

MANCHESTER UNITED: Romero; Valencia, Smalling, Blind, Darmian; Herrera, Fellaini; Mata [Rooney, 90], Pogba, Mkhitaryan [Lingard, 74]; Rashford [Martial, 84]

Akiba: De Gea, Fosu-Mensah, Lingard, Carrick, Jones, Martial, Rooney.

REFA: Damir Skomina (Slovenia)

UEFA EUROPA LIGI

WASHINDI WALIOPITA:

1971–72 Tottenham Hotspur

1972–73 Liverpool

1973–74 Feyenoord

1974–75 Borussia Mönchengladbach

1975–76 Liverpool

1976–77 Juventus

1977–78 PSV Eindhoven

1978–79 Borussia Mönchengladbach

1979–80 Eintracht Frankfurt

1980–81 Ipswich Town

1981–82 IFK Göteborg

1982–83 Anderlecht

1983–84 Tottenham Hotspur

1984–85 Real Madrid

1985–86 Real Madrid

1986–87 IFK Göteborg

1987–88 Bayer Leverkusen

1988–89 Napoli

1989–90 Juventus

1990–91 Internazionale

1991–92 Ajax

1992–93 Juventus

1993–94 Internazionale

1994–95 Parma

1995–96 Bayern Munich

1996–97 Schalke 04

1997–98 Internazionale

1998–99 Parma

1999–2000 Galatasaray

2000–01 Liverpool

2001–02 Feyenoord

2002–03 Porto

2003–04 Valencia

2004–05 CSKA Moscow

2005–06 Sevilla

2006–07 Sevilla

2007–08 Zenit Saint Petersburg

2008–09 Shakhtar Donetsk

​(Mashindano yakabadilishwa na kuitwa UEFA EUROPA LIGI)

2009–10 Atlético Madrid

2010–11 Porto

2011–12 Atlético Madrid

2012–13 Chelsea 

2013–14 Sevilla

2014–15 Sevilla

2015–16 Sevilla

2016-17 Manchester United

FAINALI UEFA EUROPA LIGI-LEO NI LEO MAN UNITED v AJAX HUKO SWEDEN!

>MAN UNITED KUBEBA KOMBE PEKEE AMBALO HAWANA? KUFUZU UEFA CHAMPIONZ LIGI?

UEFA EUROPA LIGI

FAINALI

24 Mei 2017: Friends Arena, Solna, Sweden

Ajax Amsterdam v Manchester United

+++++++++++++++++++++++++++++++

UEL-FINALLEO wanaweza kufuzu kucheza Mashindano ya UEFA CHAMPIONZ LIGI ya Msimu ujao na pia kubeba Kombe pekee kubwa la Ulaya ambalo hawajawahi kulichukua ikiwa wakaifunga Klabu ya Holland Ajax Amsterdam kwenye Fainali ya UEFA EUROPA LIGI ambayo inachezwa Friends Arena huko Solna, Sweden.

Man United walimaliza EPL, LIGI KUU ENGLAND, Nafasi ya 6 na hivyo kuikosa Nafasi ya kucheza UEFA CHAMPIONZ LIGI lakini Leo wakishinda wataungana na Mabingwa wa England Chelsea, Tottenham na Man City kucheza Hatua ya Makundi ya UEFA CHAMPIONZ LIGI.

Liverpool, ambao walimaliza Nafasi ya 4 kwenye EPL, wataanza Mechi za Mchujo na wakifuzu ndio watatinga Hatua ya Makundi ya UEFA CHAMPIONZ LIGI.

Mechi hii imekuja Siku 2 tu tangu Mlipuko wa Jijini Manchester ulioua Watu 22 na tukio hili litaifanya Man United kuvaa Utepe Mweusi Mkononi ikiwa ni ishara ya Msiba.

Pia, Uwanjani, kabla Mechi kuanza, kila Mtu atasimama Dakika 1 kimya kuomboleza.

Ajax wanatinga kwenye Fainali ya Ulaya kwa mara ya kwanza tangu 1996.

Akiongelea Fainali hii, Kocha wa Ajax Peter Bosz amesema Man United itapambana na staili yao ya mashambulizi ya haraka na mfululizo.

Amedai hatabadili Mfumo huo licha ya kucheza na Man United ngumu na yenye uzoefu.

Kikosi cha Ajax kinategemewa kuwa na Vijana watupu na Mchezaji pekee mwenye Umri zaidi ya Miaka 25 ni Lasse Schone.

Man United wataingia Mchezoni wakimkosa Beki wao Eric Bailly ambae alipewa Kadi Nyekundu kwenye Nusu Fainali na Velta Vigo na hivyo Kufungiwa.

Piam Straika wao mahiri, Zlatan Ibrahimovic, Mwenyeji wa Sweden aliewafungia Man United Bao 5 kwenye Mashindano haya, hayupo akijiuguza Goti lake.

Majeruhi wengine wa Man United ni Luke Shaw, Marcos Rojo na Ashley Young.

Ajax, ambao walimaliza Nafasi ya Pili kwenye Ligi ya kwao, watamkosa Fulbeki wao wa Kushoto Nick Viergever ambae yupo Kifungoni.

×××××××

JE WAJUA?

-MAN UNITED wanasaka kujumuika na Ajax, Bayern Munich, Chelsea na Juventus kwa kuwa Klabu pekee zilizonyakua Makombe yote ya UEFA huko Ulaya.

-Vikombe hivyo ni UEFA CHAMPIONZ LIGI, UEFA Cup Winners' Cup, UEFA Cup/UEFA EUROPA LIGI

×××××××

Ajax, chini ya Kocha Peter Bosz, wanasaka kutwaa Kombe lao la kwanza tangu Bosi huyo atue hapo Mwezi Mei Mwaka Jana.

Nae Jose Mourinho, alianza kazi Man United mwanzoni mwa Msimu huu na tayari ashatia Kabatini Ngao ya Jamii na EFL CUP huko England na sasa analitaka Kombe hili ili Msimu ujao atinge UEFA CHAMPIONZ LIGI baada kumaliza Nafasi ya 6 kwenye EPL, LIGI KUU ENGLAND.

Hali za Timu

Ajax ni Timu inayocheza kwa kushambulia kwa haraka kwa mfumo wa kaunta ataki na Msimu huu kwenye Mashindano haya wamefunga Bao 24 wakati Man United wamepachika 23 katika Mechi 14.

Ajax, kikawaida, hutumia Mfumo wa 4-3-3 na Mtu 3 zao za Fowadi ni Kasper Dolberg, Bertrand Traore, ambae ni wa Mkopo kutoka Chelsea, na Amin Younes huku Fowadi wa Miaka 17, Justin Kluivert, Mwana wa Lejendari Patrick Kluivert, mar kwa mara akiingizwa kuongeza nguvu kwenye Wingi.

Kwa Man United, kumkosa Mkongwe Zlatan Ibrahimovic ambae ameumia na aliepiga Bao 5 kwenye Mashindano haya ni pigo lakini yupo Kinda Marcus Rashford ambae ni moto.

Pia kumkosa Ibrahimovic kunaweza kumfanya Jose Mourinho akabadili Mfumo kutoka ule wa jawaida yao wa 4-2-3-1.

Nguvu kubwa ya Ajax ipo kwenye Kiungo chao na hasa Davy Klassen na Lasse Schone na endapo Ander Herrera na Paul Pogba wataibuka juu yao, Difensi ya Ajax, hasa Masentahafu Davinson Sanchez na Nick Viergever, si imara kiasi hicho kwani huwa mchecheto kwenye presha na wao na Kipa wao Onana hufanya makosa mengi kwenye hali hiyo.

Tiketi

Kila Timu imegawiwa Tiketi 9,500 kwa ajili ya kuuzia Mashabiki wao kwenye Uwanja huu wa Friends Arena unaopakia Watu 50,000.

Tiketi zilizobaki zitauzwa Mtandaoni kwa Washabiki huko Sweden, Vyama vya Soka vya Nchi husika, Washirika wa Kibiashara wa UEFA, Watangazi wa TV/Radio wa Mechi hiyo na Kampuini maalum za kuhudumia Wateja.

Tiketi zote za Mechi hii zilikwisha kuuzwa Mawiki kabla Leo.

Refa

UEFA imemteua Refa kutoka Slovenia Damir Skomina kuwa ndie atachezesha Fainali ya 2017 ya UEFA EUROPA LIGI kati ya Ajax Amsterdam na Manchester United itakayochezwa huko Stockholm, Sweden hapo Mei 24.

Uteuzi huu huenda usimfurahishe Meneja wa Man United Jose Mourinho kwani aliwahi kumbatukia Refa huyo na kumwita ‘dhaifu’ na ‘asiejua kitu’ baada ya Refa huyo ‘kuidhulumu’ Chelsea Penati ya wazi Mwaka 2015 walipocheza na Dynamo Kiev.

Refa Skomina pia ashawahi kuichezesha Man United Mwaka 2012 Uwanjani Old Trafford walipofungwa 2-1.

VIKOSI VINATARAJIWA KUWA:

AJAX: Onana; Tete, De Ligt, Sanchez, Veltman; Klaassen, Schone, Ziyech; Traore, Dolberg, Younes
MAN UNITED: Romero; Valencia, Blind, Jones, Darmian; Herrera, Fellaini, Pogba; Lingard, Rashford, Mkhitaryan
REFA: Damir Skomina (Slovenia)

UEFA EUROPA LIGI

WASHINDI WALIOPITA:

1971–72 Tottenham Hotspur

1972–73 Liverpool

1973–74 Feyenoord

1974–75 Borussia Mönchengladbach

1975–76 Liverpool

1976–77 Juventus

1977–78 PSV Eindhoven

1978–79 Borussia Mönchengladbach

1979–80 Eintracht Frankfurt

1980–81 Ipswich Town

1981–82 IFK Göteborg

1982–83 Anderlecht

1983–84 Tottenham Hotspur

1984–85 Real Madrid

1985–86 Real Madrid

1986–87 IFK Göteborg

1987–88 Bayer Leverkusen

1988–89 Napoli

1989–90 Juventus

1990–91 Internazionale

1991–92 Ajax

1992–93 Juventus

1993–94 Internazionale

1994–95 Parma

1995–96 Bayern Munich

1996–97 Schalke 04

1997–98 Internazionale

1998–99 Parma

1999–2000 Galatasaray

2000–01 Liverpool

2001–02 Feyenoord

2002–03 Porto

2003–04 Valencia

2004–05 CSKA Moscow

2005–06 Sevilla

2006–07 Sevilla

2007–08 Zenit Saint Petersburg

2008–09 Shakhtar Donetsk

​(Mashindano yakabadilishwa na kuitwa UEFA EUROPA LIGI)

2009–10 Atlético Madrid

2010–11 Porto

2011–12 Atlético Madrid

2012–13 Chelsea 

2013–14 Sevilla

2014–15 Sevilla

2015–16  Sevilla