EFL CUP – NUSU FAINALI: MATA. FELLAINI WAIWEKA MAN UNITED GUU MOJA FAINALI!

>LEO ‘WATAKATIFU’ NA LIVERPOOL KWA MTAKATIFU MARIA!

EFL-CUP-2016-17EFL CUP

Nusu Fainali

Ratiba/Matokeo:

Jumanne Januari 10

Manchester United 2 Hull City 0

Jumatano Januari 11

**Saa za Bongo

2245 Southampton V Liverpool

++++++++++++++++++++++++

Manchester United, ikiongozwa na MenejaJose Mourinho, wamepiga hatua kubwa kuelekea kutwaa Taji kubwa la pili Msimu huu baada ya Jana huko kwao Old Trafford kuichapa Hull City 2-0 katika Mechi ya Kwanza ya Nusu Fainali ya EFL CUP, ambalo ndio Kombe la Ligi huko England.

Mwanzoni mwa Msimu, Man United walitwaa Ngao ya Jamii.

Bao za Man United, waliochezesha karibu Kikosi chao chote, zilifungwa na Juan Mata na Marouane Fellaini alieanzia Benchi.

Bao la Mata lilifungwa Dakika ya 56 alipounganisha Kichwa cha Henrikh Mkhitaryan na la pili Dakika ya 87 kupitia Fellaini alieunganisha Krosi ya Matteo Darmian.

Hull City na Man United zitarudiana huko KCOM Stadium hapo Januari 28.

+++++++++++++++++++++++++

JE WAJUA?

-Msimu huu hili Kombe la Ligi halina Mdhamini na limebatizwa English Football League Cup, EFL CUP.

-Huko nyuma Kombe la Ligi, kwa sababu za kiudhamini, liliwahi kubatizwa Coca-Cola Cup, Worthington Cup, Carling Cup na Capital One Cup.

+++++++++++++++++++++++++

Leo Jumatano Januari 11 itachezwa Nusu Fainali ya Pili huko Saint Mary kwa Southampton kucheza na Liverpool.

Nusu Fainali hizi huchezwa kwa Mikondo Miwili ya Nyumbani na Ugenini na hivyo Marudiano ya Mechi hizi yatakuwa hapo Januari 25 na 26 huko Anfield na KCOM Stadium.

EFL CUP

Nusu Fainali

MARUDIANO

**Saa za Bongo

**Kwenye Mabano Mabao Mechi ya Kwanza

Jumatano Januari 25

2300 Liverpool v Southampton

Alhamisi Januari 26

2245 Hull City v Manchester United [0-2]

EFL CUP - NUSU FAINALI: JUMANNE KUANZA OLD TRAFFORD MAN UNITED v HULL CITY!

EFL CUP
Nusu Fainali
**Saa za Bongo
Jumanne Januari 10
2300 Manchester United v Hull City
Jumatano Januari 11
2245 Southampton V Liverpool
=============================
IMG-20170109-WA0000NUSU FAINALI za Kombe la Ligi hukoEngland ambalo sasa huitwa EFL CUP (English Football League Cup) zitaanza Jumanne Januari 10 huko Old Trafford kwa Manchester
 United kucheza na Hull City.
Siku ya Pili, Jumatano Januari 11, itachezwa Nusu Fainali ya Pili huko Saint Mary kwa Southampton kucheza na Liverpool.
Nusu Fainali hizi huchezwa kwa Mikondo Miwili ya Nyumbani na Ugenini na hivyo Marudiano ya Mechi hizi yatakuwa hapo Januari 25 na 26 huko Anfield na KCOM Stadium.
Kwenye Mechi ya Old Trafford, Meneja wa Man United Jose Mourinho amedokeza atabadili Kikosi chake toka kile kilichoichapa Reading 4-0 Jumamosi katika Raundi ya 3 ya FA CUP.
Akiongea baada ya Mechi hiyo, Mourinho alieleza: "Jumamosi tumecheza na Wachezaji freshi. Ila sitaki ieleweke tuna Timu ya Kwanza au ya Pili! Wachezaji ambao hawakucheza Mechi hii watacheza na Hull..hivyo ni rahisi kujua Zlatan, Pogba, Herrera, Valencia watarudi Mechi na Hull."
+++++++++++++++++++++++++
JE WAJUA?
-Msimu huu hili Kombe la Ligi halina Mdhamini na limebatizwa English Football League Cup, EFL CUP.
-Huko nyuma Kombe la Ligi, kwa sababu za kiudhamini, liliwahi kubatizwa Coca-Cola Cup, Worthington Cup, Carling Cup na Capital One Cup.
+++++++++++++++++
Hull City, chini ya Meneja Mpya Marco Silva kutoka Ureno alietwaa mikoba ya Mike Phelan alietimuliwa Wiki iliyopita, itatinga Old Trafford ikiwa na Difensi ya kuungaunga kutokana na Majeruhi kadhaa.
Sentahafu wao Michael Dawson aliumia na kutolewa Kipindi cha Pili Juzi kwenye FA CUP walipoifunga Swansea City na nafasi hiyo kushikwa na Kiungo Tom Huddlestone alishirikiana na Kiungo mwingine Jake Livermore.
Beki mwingine Majeruhi wa Hull ni Curtis Davis na hivyo kuwaacha Hull kutumia Viungo Watatu kwenye Nafasi 4 za Difensi yao.
Nafasi ya Fulbeki wa Kulia imelazimika kuzibwa na David Meyler baada kumpoteza Ahmed Elmohamady ambae ameenda Egypt kujiunga na Timu ya Taifa kwa ajili ya Fainali za Kombe la Mataifa ya Afrika, AFCON 2017, yanayoanza huko Gabon Januari 14.
EFL CUP
Nusu Fainali
MARUDIANO
**Saa za Bongo
Jumatano Januari 25
2300 Liverpool v Southampton
Alhamisi Januari 26
2245 Hull City v Manchester United

JOHN OBI MIKEL AAGA CHELSEA KWENDA CHINA, MARCO SILVA BOSI MPYA HULL CITY!

MNIGERIA John Obi Mikel ametangaza kuihama Chelsea kujiunga na Klabu ya China Tianjin TEDA wakati Hull City ikitangaza kumteua Bosi wa zamani wa Olympiakos na Sporting Lisbon kuwa Meneja wao Mpya.

JOHN OBI MIKEL AIGA CHELSEA KWENDA CHINA

JOHN-OBI-MIKEL-CHINAJohn Obi Mikel ametangaza kupitia Posti kwenye Mitandao ya Kijamii kuihama Chelsea kujiunga na Klabu ya China inayocheza Supa Ligi Tianjin TEDA.

Mikel, mwenye Miaka 29, alijiunga na Chelsea akiwa na Miaka 19 akitokea Klabu ya Norway Lyn Mwaka 2006 na kucheza Mechi 374.

Lakini Msimu huu, chini ya Meneja Mpya Antonio Conte, Mikel hajacheza hata Mechi moja na hilo limemfanya ahame.

Akiwa na Chelsea, Mikel alitwaa Makombe 11 yakiwemo Mawili ya Ubingwa Ligi Kuu England na moja la UEFA CHAMPIONZ LIGI.

Akiaga, Mikel alitoa Shukran kwa Mmiliki wa Chelsea Roman Abramovich pamoja na Mashabiki wa Klabu hiyo.

MARCO SILVA BOSI MPYA HULL CITY!HULL-SILVA

Marco Silva, Raia wa Miaka 39 kutoka Ureno, ameteuliwa kuwa Meneja Mpya wa Hull City kuchukua nafasi ya Mike Phelan ambae alitimuliwa Jumanne iliyopita kufuatia matokeo mabovu yaliyoiacha Klabu hiyo ikiwa mkiani mwa EPL, Ligi Kuu England.

Hull City wapo Nafasi ya 20, ya mwisho kabisa, wakiwa Pointi 3 nyuma ya Timu ya 17 ambayo ndio nafasi salama kwenye EPL.

Silva alieanza Ukocha Mwaka 2011 akiwa na Klabu ya Daraja la Pili Estoril na kuipandisha Daraja na kisha Mwaka 2014 kuhamia Sporting Lisbon huko Ureno ambako aliiwezesha kutwaa Kombe la Ureno lakini akatimuliwa Juni 2015 ikiwa ni Siku 4 tu baada ya kutwaa Kombe hilo kwa madai ya kutovaa Sutu rasmi ya Klabu kwenye mojawapo ya Mechi zao.

Mwezi Julai 2015, Silva akajiunga na Klabu ya Ugiriki na kuiwezesha kucheza Mechi 17 za ushindi mfululizo na pia kuitwanga Arsenal 3-2 Uwanjani Emirates, London kwenye Mechi ya UEFA CHAMPIONZ LIGI.

Baada ya kuipa Ubingwa wa Ugiriki, Silva akaamua kuondoka Olympiacos mwishoni mwa Msimu uliopita na tangu wakati huo alikuwa hana kibarua.

DABI LONDON – DELE ALLI AITUMBUA CHELSEA, NDOTO ZAO KUFYATUA REKODI YAYU!

SPURS-CHELSEA-DELEDabi ya Jiji la London ilipigwa Uwanjani White Hart Lane na Tottenham Hotspur kuibuka kidedea kwa ushujaa wa Dele Alli kuwabwagaVinara wa EPL, Ligi Kuu England,ChelseaBao 2-0 na kuifyeka ndoto yao ya kuweka Rekodi ya ushindi wa Mechi 14 mfululizo kwenye Ligi hiyo.

Huku Timu zote zikitumia Mfumo wa aina moja, 3-4-3, Gemu ilichezwa sana kati kulikokuwa na lundo la la Wachezaji lakini Kipindi cha Kwanza chote Spurs walionekana wako ngangari na kutawala na kuleta kosakosa kadhaa langoni mwa Chelsea.

Presha yao ilitoa majibu pale Walker alipochomoka na Mpira na kumzidi maarifa Alonso na kisha kumrudishia Mpira Eriksen alietoa Krosi iliyounganishwa na Dele Alli kwa Kichwa ikimwacha Kipa Courtois akilala hoi na kutinga wavuni kuwaandikia Bao Dakika ya 46.

Hadi Haftaimu, Spurs 1 Chelsea 0.EPL-JAN5

Dakika ya 53, Spurs wakaenda 2-0 mbele baada ya Krosi ya Eriksen kuunganishwa kwa Kichwa na Dele Alli hadi wavuni.

+++++++++

JE WAJUA?

-Tottenham wameshinda Mechi 5 tu kati ya Mechi 49 za Ligi dhidi ya Chelsea wakitoka Sare 19 na Kufungwa 26 lakini Mechi zao zote 5 za ushindi zilikuwa Uwanjani White Hart Lane.

-Katika Mechi 10 zilizopita za EPL Uwanjani White Hart Lane, Chelsea wameshinda mara 1 tu, 4-2 hapo Oktoba 2012 nyingine ni Sare 5 Kufungwa 5.

+++++++++

Hii ilikuwa ni Mechi ya mwisho ya EPL baada kuchezwa Mechi mfululizo toka Krismasi na sasa inaenda Vakesheni kupisha Mechi za Raundi ya 3 ya FA CUP zinazoanza Ijumaa Usiku.

EPL itarejea dimbani Jumamosi Januari 14.

VIKOSI:

Tottenham Hotspur: Lloris, Dier, Alderweireld, Vertonghen, Walker, Wanyama, Dembele [Winks, 74’], Rose, Alli [Sissoko, 86’], Eriksen, Kane [Son Heung-min, 92’]

Akiba: Son Heung-min, Vorm, Trippier, Sissoko, Wimmer, Winks, Davies

Chelsea: Courtois, Azpilicueta, David Luiz, Cahill, Moses [Batshuayi, 85’], Kante [Fabregas, 79’], Matic, Alonso [Alonso, 65’], Pedro, Diego Costa, Hazard

Akiba: Begovic, Ivanovic, Fàbregas, Zouma, Willian, Batshuayi, Chalobah

REFA: Martin Atkinson

EPL – Ligi Kuu England

Ratiba

**Saa za Bongo  

Jumamosi Januari 14

1530 Tottenham Hotspur v West Bromwich Albion     

1800 Burnley v Southampton               

1800 Hull City v Bournemouth              

1800 Sunderland v Stoke City               

1800 Swansea City v Arsenal                

1800 Watford v Middlesbrough             

1800 West Ham United v Crystal Palace           

2030 Leicester City v Chelsea                

Jumapili Januari 15

1630 Everton v Manchester City

1900 Manchester United v Liverpool

EPL: LEO WHITE HART LANE JIJINI LONDON NI DABI SPURS v CHELSEA!

>CHELSEA KUFYATUA REKODI USHINDI MECHI 14 MFULULIZO?

>PATA TATHMINI!

EPL – Ligi Kuu England

Ratiba:

Jumatano Januari 4

2300 Tottenham Hotspur v Chelsea

+++++++++++++++++++++++++++++

SPURS-CHELSEALEO ni Dabi ya Jiji la London Uwanjani White Hart Lane wakati Tottenham Hotspur wakiivaa Chelsea ambao ni Vinara wa EPL, Ligi Kuu England, walio kwenye wimbi la ushindi Mechi 13 mfululizo wakisaka ushindi ili kuweka Rekodi ya kushinda Mechi nyingi mfululizo ndani ya Msimu mmoja.

Hii ni mara ya pili kwa Timu hizi kukutana katika EPL na katika Mechi ya kwanza huko Stamford Bridge, Chelsea iliifunga Spurs 2-1.

Msimu uliopita, kwenye Mechi kama hii Uwanjani White Hart Lane, Timu hizi zilitoka 0-0.

Chelsea, chini ya Meneja kutoka Italy Antonio Conte, wanaongoza EPL wakiwa na Pointi 49 kwa Mechi 19 wakifuatia Liverpool wenye Pointi 44 kwa Mechi 20.

Spurs, chini ya Meneja kutoka Argentina Mauricio Pochettino, wao wapo Nafasi ya 5 wakiwa na Pointi 39 kwa Mechi 19.

Msisimko kwa Mechi hii ni kuona Mastraika hatari wa Timu hizi, Harry Kane wa Spurs mwenye Bao 10, na Diego Costa, mwenye Bao 14, wakichacharika kuipa ushindi Timu yao.

Hali za Timu

Chelsea watakuwa nae Kikosini Pedro ambae alikuwa Kifungoni na pengine pia kumtumia Kiungo Nemanja Matic aliepumzishwa Mechi iliyopita walipoifunga Stoke City lakini Nahodha wao John Terry bado ni Majeruhi.EPL-JAN4

Nao Spurs wanaweza kuwa nao Wachezaji wao Wawili waliomaliza Kifungo, Kyle Walker na Jan Vertonghen, ambao waliikosa Mechi yao iliyopita waliyoifunga Watford pamoja na Mousa Dembele aliepumzishwa lakini watamkosa Majeruhi Erik Lamela.

Uso kwa Uso:

-Tottenham wameshinda Mechi 4 tu kati ya Mechi 49 za Ligi dhidi ya Chelsea wakitoka Sare 19 na Kufungwa 26 lakini Mechi zao zote 4 za ushindi zilikuwa Uwanjani White Hart Lane.

-Katika Mechi 10 zilizopita za EPL Uwanjani White Hart Lane, Chelsea wameshinda mara 1 tu, 4-2 hapo Oktoba 2012 nyingine ni Sare 5 Kufungwa 4.

VIKOSI VINATARAJIWA KUWA:

TOTTENHAM: Lloris, Trippier, Alderweireld, Vertonghen, Rose, Dier, Wanyama, Eriksen, Alli, Son, Kane

Akiba kutokana na: Vorm, López, Davies, Wimmer, Carter-Vickers, Carroll, Winks, Onomah, Sissoko, Nkoudou, Janssen

CHELSEA: Courtois, Azpilicueta, David Luiz, Cahill, Matic, Kante, Moses, Alonso, Willian, Costa, Hazard

Akiba kutokana na: Begovic, Eduardo, Ivanovic, Zouma, Aina, Mikel, Pedro, Fàbregas, Van Ginkel, Loftus-Cheek, Chalobah, Solanke, Batshuayi

REFA: Martin Atkinson

EPL – Ligi Kuu England

Ratiba

**Saa za Bongo  

Saturday 14th January 2017

1530 Tottenham Hotspur v West Bromwich Albion     

1800 Burnley v Southampton               

1800 Hull City v Bournemouth              

1800 Sunderland v Stoke City               

1800 Swansea City v Arsenal                

1800 Watford v Middlesbrough             

1800 West Ham United v Crystal Palace           

2030 Leicester City v Chelsea                

Sunday 15th January 2017

1630 Everton v Manchester City

1900 Manchester United v Liverpool