EPL: CHELSEA HAIKAMATIKI, MUULIZE WENGER KISAGO ALOPATA, LIVERPOOL CHALI KWA HULL!

EPL – Ligi Kuu England

Ratiba/Matokeo:

**Saa za Bongo

Jumamosi Februari 4

Chelsea 3 Arsenal 1          

Crystal Palace 0 Sunderland 4               

Everton 6 Bournemouth 3           

Hull City 2 Liverpool 0                

Southampton 1 West Ham United 3       

Watford 2 Burnley 1         

West Bromwich Albion 1 Stoke City 0              

2030 Tottenham Hotspur v Middlesbrough

++++++++++++++++++++++++++

CHE-ARSE-3-1CHELSEA, Vinara wa EPL, Ligi Kuu England, Leo wamepaa Pointi 12 mbele baada ya kuwatandika Arsenal 3-1 wakati Liverpool wakinyukwa 2-0 na Hull City huku Everton ikiibandika Bournemouth 6-3 na Sunderland, waliokuwa Ugenini, kuinyuka Crystal Palace 4-0.

Mapema Leo huko Stamford Bridge, Chelsea walivunja kwa kiasi kikubwa matumaini ya Arsenal ya kutwaa Ubingwa na wao kujizatiti zaidi waliposhinda 3-1.EPL-FEB4

Huku Meneja wa Arsenal Arsene Wenger akiwa Jukwaa la Watazamaji akitumikia Mechi ya 3 ya Kifungo chake cha Mechi 4, Bao za Chelsea zilifungwa na Marcos Alonso, Eden Hazard na Cesc Fabregas huku Arsenal wakipata Bao lao pekee mwishoni kupitia Olivier Giroud.

Huko Goodison Park, Romelu Lukaku alipiga Bao 4 wakati Everton ikiichabanga 6-3 na nyingine kufungwa na James McCarthy na Ross Barkley wakati za Bournemouth zikifungwa na Joshua King, Bao 2, na Harry Arter.

Huko Selhurst Park, Sunderland wameichapa Palace 4-0 lakini wote wamebaki mkiani wakifungana kwa Pointi.

Bao za Sunderland zilipigwa Kipindi cha Kwanza na Lamine Kone, Didier Ndong na 2 za Jermain Defoe.

Baadae Leo Tottenham wako kwao White Hart Lane kucheza na Middlesbrough na Jumapili zipo Mechi 2 za EPL.

EPL – Ligi Kuu England

Ratiba

**Saa za Bongo

Jumapili Februari 5

1630 Manchester City v Swansea City             

1900 Leicester City v Manchester United

STAMFORD BRIDGE JUMAMOSI: CHELSEA Vs ARSENAL, WENGER JUKWAANI KWA MASHABIKI WA CHELSEA, CONTE BURDANI!

CHE-ARSEWAKATI Meneja wa Arsenal Arsene Wenger akiwa Jukwaani miongoni mwa Mashabiki wa Chelsea kushuhudia Arsenal ikiwavaa Vinara wa EPL, Ligi Kuu England, Chelsea, Meneja wao Antonio Conte ameitaka Timu yake kutumia nafasi hii murua kupiga hatua kuelekea Ubingwa.

Wenger haruhusiwi kukaa Benchi la Ufundi la Timu yake kwa vile yupo Kifungoni na alipaswa kukaa Jukwaa la Wakurugenzi lakini muundo wa Stamford Bridge ni tofauti na akikaa huko atakuwa mbali na Benchi la Ufundi kwa vile liko upande wa pili wa Uwanja.

Ili kuwa karibu na Benchi, Wenger atalazimika kukaa pamoja na Washabiki wa Chelsea akiwekewa ulinzi mkali.

Kifungo cha Wenger hakimzuii kutoa maelekezo wakati wa Mechi.

Hivi sasa Chelsea wanaongoza EPL wakiwa Pointi 9 mbele huku Gemu zikibaki 15 na wakiifunga Arsenal, Timu ambayo iliifunga Chelsea 3-0 kwenye Mechi yao ya kwanza ya Ligi Msimu huu huko Emirates.

Kipigo hicho kiliibadilisha Chelsea na Conte akaja na Mfumo mpya wa 3-4-3 wakicheza Mechi 17 za Ligo na kufungwa 1 tu.

Conte ameeleza: "Zipo 15 zimebaki na mi Pointi 45. Wao ni Timu nzuri inayoweza kupigania Ubingwa na usisahau kwao walitufunga 3-0!"

Aliongeza: "Lakini hii ni nafasi nzuri kwetu ma sasa sisi ni Timu tofauti.

Wakati Chelsea wanatinga Mechi hii wakitokea Anfield ambako Jumanne walitoka 1-1 na Liverpool, Arsenal wanatoka kwao Emirates walikodundwa 2-1 na Watford.

Hii ni Mechi ngumu kwa Arsenal kwani hawakashinda hapo Stamford Bridge tangu 2011.

Kipa wa Arsenal Petr Cech, ambae kabla alidakia Chelsea na kutwaa nao Ubingwa mara 4, ameelezea kipigo cha Watford ni pigo kubwa katika azma yao ya Ubingwa na kuitaka Timu yao kukaza Buti.

EPL – Ligi Kuu England

Ratiba

**Saa za Bongo

Jumamosi Februari 4

1530 Chelsea v Arsenal              

1800 Crystal Palace v Sunderland         

1800 Everton v Bournemouth              

1800 Hull City v Liverpool          

1800 Southampton v West Ham United          

1800 Watford v Burnley             

1800 West Bromwich Albion v Stoke City        

2030 Tottenham Hotspur v Middlesbrough               

Jumapili Februari 5

1630 Manchester City v Swansea City            

1900 Leicester City v Manchester United

EPL: CITY YATWANGA, MAN UNITED YABANWA, STOKE-EVERTON SARE!

EPL – Ligi Kuu England

Ratiba

**Saa za Bongo

Jumatano Februari 1

West Ham United 0 Manchester City 4             

Manchester United 0 Hull City 0            

Stoke City 1 Everton 1

++++++++++++++++++++++++++

CROUCH-100EPL, Ligi Kuu England imeendelea Jana kwa Mechi 3 na Manchester City kuibuka washindi wakubwa kwa kuicharaza West Ham 4-0 wakati Manchester United ikitoka 0-0 na Hull City na Stoke City na Everton kutoka 1-1.

Huko London Stadium Jijini London, Wenyeji West Ham walibandikwa Bao 4-0 na Man City kwa Bao za Kevin De Bruyne, David Silva, Gabriel Jesus na Yaya Toure.

Matokeo hayo yamewabakisha City Nafasi ya 5.

Huko Old Trafford, Kipa wa Hull City Eldin Jakupovic aliikosesha ushindi Man United kwa kuokoa Bao za wazi kadhaa na hasa michomo ya Zlatan Ibrahimovic na Paul Pogba.

Matokeo hayo yamewabakisha Man United Nafasi ya 5 ingawa hawajafungwa katika Mechi EPL-FEB2zao 14 zilizopita za Ligi lakini Sare hii ya 3 mfululizo ndio inawatafuna na kuwabakisha Nafasi hiyo ya 6 wakiwa Pointi 4 nyuma ya Timu ya 5 City na Liverpool zinazofungana kwa Pointi.

Huko Britannia Stadium, Wenyeji Stoke City na Everton zilitoka Sare 1-1 na Wafungaji walikuwa Peter Crouch kwa Stoke na Ryan Shawcross aliejifunga mwenyewe kuisawazishia Everton.

Kwa Crouch, hilo lilikuwa Bao lake la 100 la Ligi.

EPL – Ligi Kuu England

Ratiba

**Saa za Bongo

Jumamosi Februari 4

1530 Chelsea v Arsenal               

1800 Crystal Palace v Sunderland          

1800 Everton v Bournemouth               

1800 Hull City v Liverpool           

1800 Southampton v West Ham United           

1800 Watford v Burnley              

1800 West Bromwich Albion v Stoke City         

2030 Tottenham Hotspur v Middlesbrough                

Jumapili Februari 5

1630 Manchester City v Swansea City             

1900 Leicester City v Manchester United           

ANFIELD, LIVERPOOL-CHELSEA DROO, ARSENAL YAPIGWA KWAO EMIRATES, SPURS YABANWA NA SUNDERLAND!

>LEO MAN UNITED-HULL CITY OLD TRAFFORD!

EPL – Ligi Kuu England

Matokeo:

Jumanne Januari 31

Arsenal 1 Watford 2         

Bournemouth 0 Crystal Palace 2           

Burnley 1 Leicester City 0           

Middlesbrough v West Bromwich Albion          

Sunderland 0 Tottenham Hotspur 0                 

Swansea City 2 Southampton 1             

Liverpool 1 Chelsea 1                 

++++++++++++++++++++++++++

LIVER-CHELSEA-COSTACHELSEA wameendelea kupeta kileleni mwa EPL, Ligi Kuu England, licha ya Jana Diego Costa kukosa Penati ambayo ingewapa ushindi na kuambua Sare ya 1-1 Ugenini huko Anfield walipocheza na Liverpool.

Chelsea walitangulia kufunga Dakika ya 24 kwa Frikiki ya David Luiz na Liverpool kusawazisha Dakika ya 57 kwa Bao la Georginio Wijnaldum.

Zikibaki Dakika 14, Refa Mark Clattenburg aliwapa Penati Chelsea baada Diego Costa kuangushwa na Joel Matip na Costa kupiga Penati hiyo iliyochezwa vizuri na Kipa Simon Mignolet.

Baada Mechi 23, Chelsea wapo kileleni wakiwa na Pointi 56 na wa Pili ni Tottenham wenye EPL-FEB147 pamoja na Arsenal wenye 47 baada ya Jana Tottenham kutoka 0-0 na Sunderland huko Stadium of Light wakati Arsenal, wakiwa Nyumbani Emirates Jijini London, ikitwangwa 2-1 na Watford

Wakicheza huku Meneja wao Arsene Wenger akiwa Jukwaani kwa Watazamaji badala ya Benchi akitumia Kifungo cha Mechi 4 na hii ikiwa ni ya pili kwake, Arsenal walibwagwa na Watford ambao ndani ya Dakika 2 na Sekunde 57 walipiga Bao 2 na kuongoza 2-0.

Bao la Kwanza la Watford lilifungwa na Younes Kaboul Dakika ya 10 na la pili kupigwa Dakika ya 13 na Troy Deeney.

Arsenal walipata Bao lao Dakika ya 58 kupitia Alex Iwobi.

Leo hii EPL itaendelea kwa Mechi 3 wakati Man United wakiwa kwao Old Trafford kucheza na Hull City, Man City wakiwa Wageni wa West Ham huko London Stadium Jijini London na Stoke City kuikaribisha Everton.

VIKOSI:

LIVERPOOL: Mignolet, Clyne, Matip, Lovren, Milner, Can, Henderson, Wijnaldum, Lallana, Firmino, Coutinho.

Akiba: Karius, Sturridge, Klavan, Moreno, Mane, Lucas, Origi.

CHELSEA: Courtois, Azpilicueta, Luiz, Cahill, Moses, Kante, Matic, Alonso, Willian, Costa, Hazard.

Akiba: Begovic, Fabregas, Zouma, Pedro, Batshuayi, Terry, Chalobah.

REFA: Mark Clattenburg

EPL – Ligi Kuu England

Ratiba

**Saa za Bongo

Jumatano Februari 1

2245 West Ham United v Manchester City                 

2300 Manchester United v Hull City                

2300 Stoke City v Everton 

Jumamosi Februari 4

1530 Chelsea v Arsenal               

1800 Crystal Palace v Sunderland          

1800 Everton v Bournemouth               

1800 Hull City v Liverpool           

1800 Southampton v West Ham United           

1800 Watford v Burnley              

1800 West Bromwich Albion v Stoke City         

2030 Tottenham Hotspur v Middlesbrough                

Jumapili Februari 5

1630 Manchester City v Swansea City             

1900 Leicester City v Manchester United           

EMIRATES FA CUP: DROO RAUNDI YA 5: MABINGWA MAN UNITED UGENINI KWA ROVERS, ARSENAL WAGENI WA TIMU ISIYO KWENYE LIGI!

EMIRATES-FACUP-2017-SITDROO ya Raundi ya 5 ya EMIRATES FA CUP, Kombe Kongwe Duniani, imefanyika Jana na hakuna Mechi yeyote itakayokutanisha Timu za EPL, Ligi Kuu England, pekee wakati Mabingwa Watetezi Manchester United walipopangwa Ugenini huko Ewood Park kucheza na Blackburn Rovers ambayo sasa ipo Daraja la chini.

Sutton United, moja ya Timu mbili ambazo haipo kwenye Mfumo rasmi wa Ligi na imetinga Raundi hii, wapo Nyumbani kuwakaribisha Arsenal ambao wametwaa FA CUP mara 12 wakiongoza pamoja na Man United kwa wingi wa kulibeba.

Timu ya Pili isiyo kwenye Ligi, Lincoln City, wao wapo Ugenini kucheza na Timu ya EPL, Burnley.

Vinara wa EPL Chelsea wapo Ugenini kucheza na Wababe wa Liverpool, Wolves wakati Manchester City wapo Ugenini kwa Huddersfield ambao wako Daraja la Championship ambamo pia wako Fulham watakaokuwa Wenyeji wa Tottenham.

++++++++++++++++++++

JE WAJUA?

-FA CUP 2016/17, ambalo pia hujulikana kama FA Challenge Cup, ni mara ya 136 kushindaniwa kila Mwaka tangu lilipoanzishwe na linatambuliwa kama ndio Mashindano ya kale kupita yote Duniani.

-Kombe hili linadhaminiwa na Kampuni ya Ndege ya Emirates na kwa sababu za kiudhamini linaitwa Emirates FA Cup.

-Timu 736 zilikubaliwa kushiriki Mashindano haya Msimu huu na yalianza kwa Raundi ya Awali na yatafikia Tamati kwa Fainali itakayochezwa Uwanjani Wembley Jijini London hapo Mei 27, 2017.

-Mshindi wa FA CUP ataingizwa Hatua ya Makundi ya UEFA EUROPA LIGI Msimu wa 2017/18.

-Bingwa Mtetezi ni Manchester United.

+++++++++++++++++++

Mechi 8 za Raundi ya 5 zitachezwa kati ya Ijumaa Februari 17 na Jumatatu Februari 20.

DROO KAMILI:

Burnley v Lincoln City

Fulham v Tottenham Hotspur

Blackburn Rovers v Manchester United

Sutton United v Arsenal

Middlesbrough v Oxford United

Wolverhampton Wanderers v Chelsea

Huddersfield Town v Manchester City

Millwall v Derby County/Leicester City

TAREHE MUHIMU:

HATUA

RAUNDI

DROO

MECHI

Raundi za Awali

Raundi ya Awali kabisa

8 Julai 2016

6 Agosti 2016

Raundi ya Awali

20 Agosti 2016

Raundi ya 1 Mchujo

15 Agosti 2016

3 Septemba 2016

Raundi ya 2 Mchujo

5 Septemba 2016

17 Septemba 2016

Raundi ya 3 Mchujo

19 Septemba 2016

1 Oktoba 2016

Raundi ya 4 Mchujo

3 Oktoba 2016

15 Oktoba 2016

Mashindano rasmi

Raundi ya 1

17 Oktoba 2016

5 Novemba 2016

Raundi ya 2

7 Novemba 2016

3 Desemba 2016

Raundi ya 3

5 Desemba 2016

7 Januari 2017

Raundi ya 4

Kujulishwa

28 Januari 2017

Raundi ya 5

Kujulishwa

18 Februari 2017

Raundi ya 6 [Robo Fainali]

Kujulishwa

11 Machi 2017

Nusu Fainali

Kujulishwa

22 na 23 Aprili 2017

FAINALI

27 Mei 2017