ZIARA 2017: MAN UNITED KUPIGA GEMU 7 SIKU 19!

MANUNITED-TOUR2017Manchester United wametangaza Ratiba ya Mechi zao za Kujipima kabla Msimu Mpya wa 2017/18 kuanza inayoonyesha watacheza Mechi 7 ndani ya Siku 19.

Mechi hizo, zinazoitwa Ziara 2017, zitaanzia huko Marekani ambako watacheza Mechi 5 dhidi ya LA Galaxy, Real Salt Lake, Real Madrid, Barcelona na Manchester City, nah ii ndio itakuwa Dabi ya kwanza kabisa kuchezwa nje ya Uingereza.

Baada ya Ziara hiyo ya huko USA, Man United wataruka kwenda huko Oslo, Nchini Norway kucheza na Klabu ya huko Valerenga na kisha kwenda Dublin Nchini Ireland kucheza na Sampdoria ya Italy.

Mechi hizo zitaanza Julai 15 na kumalizika Agosti 2.

Msimu Mpya wa EPL, LIGI KUU ENGLAND, utaanza Agosti 12 na kumalizika 13 Mei 2013 wakati Ratiba ya Msimu huo itatangazwa Juni 14.

Akiongelea kuhusu Ziara hiyo, Makamu Mwenyekiti Mtendaji wa Man United, Ed Woodward, ameeleza kuwa Mechi hizo zitawapa changamoto tofauti na pia kuwapa nafasi Mashabiki wao maeneo mengi tofauti kuona Timu yao huku pia zikimpa Meneja nafasi ya kutathmini Timu dhidi ya Timu pinzani nzuri na zenye nguvu.

MAN UNITED - RATIBA KAMILI:
Jumamosi 15 Julai - LA Galaxy;
StubHub Center, Carson, California, USA

Jumatatu 17 Julai - Real Salt Lake; Rio Tinto Stadium, Sandy, Utah, USA
Alhamisi 20 Julai - Manchester City; NRG Stadium, Houston, Texas, USA
Jumapili 23 Julai - Real Madrid; Levi’s Stadium, Santa Clara, California, USA
Jumatano 26 Julai - Barcelona; FedEx Field, Landover, Maryland, USA
Jumapili 30 Julai - Valerenga; Ullevaal Stadium, Oslo, Norway
Jumatano 2 Agosti - Sampdoria; Aviva Stadium, Dublin, Ireland

EPL: CITY, LIVERPOOL ZAITUPA ARSENAL NJE UEFA CHAMPIONZ LIGI!

>KINDA MAN UNITED ANGEL GOMES NI HISTORIA, UMRI MDOGO EPL, WA KWANZA ALIEZALIWA KARNE YA 21 KUCHEZA EPL!

EPL, LIGI KUU ENGLAND

Jumapili Mei 21

Mechi za Mwisho za Ligi

Matokeo:

Arsenal 3 Everton 1          

Burnley 1 West Ham United 2               

Chelsea 5 Sunderland 1              

Hull City 1 Tottenham Hotspur 7           

Leicester City 1 Bournemouth 1            

Liverpool 3 Middlesbrough 0                 

Manchester United 2 Crystal Palace 0              

Southampton 0 Stoke City 1                 

Swansea City 2 West Bromwich Albion 1          

Watford 0 Manchester City 5       

+++++++++++++++++++++++++

chelsea-kombe-2016-17EPL, LIGI KUU ENGLAND, Leo imefika tamati ya Msimu kwa Mabingwa Chelsea kukabidhiwa Kombe lao la Ubingwa walioutwaa tangu Wiki iliyopita na kikubwa ni Arsenal kutupwa nje ya 4 Bora na hivyo kukosa UEFA CHAMPIONZ LIGI Msimu ujao kwa mara ya kwanza katika Miaka 20.

Huko Stamford Bridge Mabingwa Chelsea walitoka nyuma 1-0 na kuibamiza Sunderland ambayo ilikuwa ishashuka Bao 5-1 huku Kepteni wao John Terry, ambae anastaafu, kuanza Mechi hii na kubadilishwa Dakika ya 26.

Terry, alitoka Uwanjani Dakika hiyo ya 26 kama ilivyo Namba ya Jezi yake, na Nafasi yake kuchukuliwa na Gary Cahill huku Terry akiwekewa Gadi ya Heshima na Wachezaji wenzake alipokuwa akitoka Uwanjani.

Bao za Mechi hii zilifungwa na Manquillo kwa Sunderland na kwa Chelsea zilipachikwa na Willian, Hazard, Pedron na Bao 2 za Batshuayi.

Baada ya Mechi kwisha, Chelsea na Mashabiki wao ilikuwa nderemo na vifijo walipopokea Kombe la Ubingwa.

Nao Tottenham, ambao tayari walishashika Nafasi ya Pili nyuma ya Chelsea waliibamiza Hull City iliyokuwa ishashushwa Daraja kabla Mechi hii Bao 7-1.

Bao za Spurs zilipigwa na Harry Kane, Hetitriki, Dele Alli, Wanyama, Davies na Alderweireld huku la Hull likifungwa na Clucas.

Bao hizo za Kane zimemfanya azoe Buti ya Dhahabu kama Mfungaji Bora wa EPL akiwa na Bao 29 akifuatiwa na Romelu Lukaku mwenye Bao 25.

Vita ya kuwemo 4 Bora ilibaki kwa Timu 3 Man City, Liverpool na Arsenal lakini ushindi kwa City na Liverpool uliikata maini Arsenal ambayo Leo iliifunga Everton 3-1 licha kucheza Mtu 10 na kumaliza Nafasi ya 5 na sasa kuikosa UEFA CHAMPIONZ LIGI na kulazimika kucheza EUROPA LIGI Msimu ujao.

City waliibamiza Watford 5-0 kwa Bao za Kompany, Aguero, Bao 2, Jesus na Fernandinho.

Nao Liverpool waliichapa Timu iliyokuwa ishashuka Daraja Middlesbrough 3-0 na kukamata Nafasi ya 4 ya EPL.

Bao za Liverpool zilifungwa na Georginio Wijnaldum, Philippe Coutinho na Adam Lallana.

Mvuto wa Leo ulikuwa huko Old Trafford ambako Meneja wa Man United Jose Mourinho aliamua kubadili kabisa Kiukosi chake akiweka Jicho Fainali ya Jumatano ya UEFA EUROPA LIGI ambayo watacheza na Ajax Amsterdam huko Stockholm, Sweden.

Leo Mourinho alipanga Makinda Wanne toka Rizevu ambao walikuwa hawajawahi kucheza hata Mechi 1 ya Timu ya Kwanza kabla ya Leo.

Hao ni Kipa Joel Pereira, Demi Mitchell, Josh Harrop na McTominay na kukifanya Kikosi cha Leo kiwe na Wastani wa Umri Mdogo katika Historia ya EPL.

manunited-rooney-gomes

Lakini, utamu ukaja pale Dakika ya 88 wakati Kinda Angel Gomes alipoingizwa kumbadili Kepteni Wayne Rooney na kuweka Rekodi.

Gomes, mwenye Miaka 16 na Siku 263, ndie amekuwa Mchezaji mwenye Umri mdogo kabisa kuichezea Man United kwenye EPL.

Pia Gomes ameweka Rekodi ya kuwa Mchezaji wa Kwanza aliezaliwa Karne ya 21 kuichezea EPL, LIGI KUU ENGLAND.

Bao za Man United hii Leo zilipachikwa na Josh Harrop na Paul Pogba katika Dakika za 15 na 19.

VIKOSI:

MAN UNITED: Pereira, Fosu-Mensah, Bailly, Jones, Mitchell, McTominay, Tuanzebe, Pogba (Carrick 45), Lingard (Martial 45+2), Rooney (Gomes 88), Harrop.

Akiba hawakutumiwa: O'Hara, Blind, Willock, Dearnley.

CRYSTAL PALACE: Hennessey, Ward, Kelly, Tomkins, Schlupp, Milivojevic, Puncheon, McArthur (Sako 60), Zaha (Campbell 79), van Aanholt (Kaikai 67), Benteke.

Akiba hawakutumiwa: Speroni, Dann, Wan-Bissaka, Lee.

EPL, LIGI KUU ENGLAND: JUMAPILI NDIO TAMATI, NINI KINAWEZA KUTOKEA?

JUMAPILI MEI 21, EPL, LIGI KUU ENGLAND, ndio inafikia mwisho wa Msimu wake wa 2016/17 huku Bingwa tayari ameshapatikanaEPL-MWISHO na Timu 3 za kushuka Daraja zinajulikana.

Tayari Chelsea ndio Mabingwa Wapya na Hull City, Middlesbrough na Sunderland ndio zitaaga rasmi EPL hiyo Kesho.

Lakini Kesho yapo mambo kadhaa yatapatiwa ufumbuzi.

YAPITIE:

Buti ya Dhahabu

Vita ya kuwania Buti ya Dhahabu, ikiashiria ndie Mfungaji Bora, bado inaendelea.

Juzi Harry Kane aliifungia Tottenham Bao 4 walipoichapa Leicester City 6-1 na kumtambuka Romelu Lukaku wa Everton na kuongoza Listi hiyo ya Wafungaji Bora.

BUTI

Kane, Lukaku na Alexis Sanchez watachuana hadi Siku ya mwisho lakini Kane anaonekana ndie mwenye njia rahisi kwani Timu yake inaivaa Hull City ambayo tayari ishashuka Daraja wakati Lukaku na Sanchez Timu zao, Everton na Arsenal, zinapambana zenyewe.

Glovu ya Dhahabu

Wagombea wa juu ni Thibaut Courtois wa Chelsea, Hugo Lloris wa Tootenham, David De Gea wa Man United na Fraser Forster wa Southampton.

GLOVU

Coutois ndie anaonekana ana nafasi kubwa kutwaa Taji hili huku De Gea akiwa hana nafasi kwani ashatangazwa hatacheza Mechi ya mwisho ya Man United.

Vita – Kuwania 4 Bora

Chelsea na Tottenham tayari wapo 4 Bora na kuziacha Man City, Liverpool na Arsenal kugombea Nafasi za 3 na 4.

4BORA

Arsenal wapo Nafasi ya 5 wakiwa Pointi 1 nyuma ya Liverpool na 2 nyuma ya City.

Ili kufuzu 4 BORA, Arsenal kwanza lazima waifunge Everton na kisha kuomba City na Liverpool zipoteze mwelekeo Mechi zao dhidi ya Watford, ambao washasalimika, na Middlesbrough, ambayo ishashushwa Daraja.

Liverpool wako kwao Anfield kucheza na Middlesbrough na City wapo Ugenini kuivaa Watford.

Dau la Fedha za Zawadi

Mbali ya Ubingwa, kufuzu 4 Bora na kucheza UEFA CHAMPIONZ LIGI na pia kushuka Daraja, pia lipo Donge la Nafasi kwenye Msimamo wa Ligi.

Kadri unavyomaliza Nafasi ya juu basi Dau huzidi.

DAU 

Timu zilizotajwa kwenye Tebo juu ni zile ambazo zina uhakika kubaki Nafasi hizo baada ya Mechi za mwisho.

Chelsea – Kukabidhiwa Kombe la Ubingwa

Chelsea walitwaa Ubingwa Wiki Moja iliyopita wakiwa na Mechi 2 mkononi lakini bado kupewa Kombe lao la Ubingwa.

Sasa Chelsea watapewa Kombe Uwanjani kwao Stamford Bridge mara baada ya Mechi yao na Sunderland huku Kepteni wao John Terry, katika Mechi yake ya mwisho Klabuni hapo, akilipokea pamoja Gary Cahill.

EPL, LIGI KUU ENGLAND

Ratiba:

Jumapili Mei 21

Mechi za Mwisho za Ligi, zote kuanza Saa 11 Jioni

Arsenal v Everton            

Burnley v West Ham United                 

Chelsea v Sunderland                 

Hull City v Tottenham Hotspur              

Leicester City v Bournemouth               

Liverpool v Middlesbrough          

Manchester United v Crystal Palace                 

Southampton v Stoke City          

Swansea City v West Bromwich Albion            

Watford v Manchester City

EPL: KANE & SON WABAMIZA 6 SPURS IKIIFYEKA LEICESTER HUKO KING POWER!

>>KANE AMTAMBUKA LUKAKU NA KUONGOZA UFUNGAJI BORA!

EPL, LIGI KUU ENGLAND

Matokeo:

Alhamisi Mei 18

Leicester City 1 Tottenham Hotspur 6              

+++++++++++++++++++++++++

SPURS-KANE-SONWALIOKUWA Mabingwa wa England Leicester City Jana walitandikwa 6-1 Uwanjani kwao King Power Stadium na Tottenham Hotspur ambao watamaliza EPL, LIGI KUU ENGLAND, wakiwa Nafasi ya Pili.

Bao zote za Spurs zilifungwa na Harry Kane, Bao 4, na Son Heung-min, Bao 2 kwenye Mechi ambayo waliongoza 2-0 hadi Haftaimu kwa Bao za Dakika za 25 na 36 za Kane na Son.

Kipindi cha Pili Dakika ya 59 Leicester waifunga Bao lao pekee kupitia Ben Chilwell lakini hilo lilichokoza mvua ya Magoli kwani Dakika za 63 na 71 Kane na Son tena wakapiga Bao na kuifanya Spurs iongoze 4-1.

Kane akaongeza Bao 2 nyingine Dakika za 88 na 92 na gemu kwisha 6-1.

Bao 4 za Harry Kane zimemfanya afikishe Bao 26 kwenye EPL Msimu huu na kuongoza Safu ya Ufungaji Bora akiwa na Bao 26 akimtambuka Romelu Lukaku mwenye Bao 24.

Ligi hii itafunga Pazia Jumapili Mei 21 kwa Mechi 10 za Timu zote 20 ambapo Bingwa tayari ni Chelsea na Timu 3 za kushuka Daraja zishapatikana, ambazo ni Sunderland, Middlesbrough na Hull City, na kuacha vita iliyobaki kuwa ile ya kupata Timu 2 zitakazoungana na Mabingwa Chelsea na Spurs EPL-MEI20kwenye 4 Bora ili kucheza UEFA CHAMPIONZ LIGI Msimu ujao.

Nafasi hizo 2 zinagombewa na Man City, Liverpool na Arsenal.

VIKOSI:

Leicester: Schmeichel; Simpson, Benalouane [Gray, 66], Fuchs, Chilwell; Mahrez, Ndidi, Amartey, Albrighton; Okazaki [Okazaki, 45], Vardy [Musa, 78]

Akiba: Musa, Kapustka, Slimani, Zieler, Gray, Wasilewski, Moore.

Tottenham: Lloris; Dier, Alderweireld, Vertonghen, Davies; Wanyama, Dembele [Lesniak, 86]; Sissoko [Nkoudou, 90], Alli, Son [Janssen, 78]; Kane

Akiba: Vorm, Wimmer, Lesniak, Shashoua, Eriksen, Nkoudou, Janssen.

REFA: Michael Oliver

EPL, LIGI KUU ENGLAND

Ratiba:

Jumapili Mei 21

Mechi za Mwisho za Ligi, zote kuanza Saa 11 Jioni

Arsenal v Everton            

Burnley v West Ham United                 

Chelsea v Sunderland                 

Hull City v Tottenham Hotspur              

Leicester City v Bournemouth               

Liverpool v Middlesbrough          

Manchester United v Crystal Palace                 

Southampton v Stoke City          

Swansea City v West Bromwich Albion            

Watford v Manchester City

EPL - WAFUNGAJI BORA:

EPL-SCORERS-MEI20

EPL: SOUTHAMPTON 0 MAN UNITED 0, SERGIO ROMERO AOKOA PENATI TATA!

Matokeo:

Jumatano Mei 17

Southampton 0 Manchester United 0

+++++++++++++++++++++++++

MANUNITED-ROMERO-PENATIHUKO Saint Mary, Wenyeji Southampton wametoka Sare 0-0 na Manchester United katika Mechi ya kukamilisha Ratiba tu ambayo Shujaa mkubwa alikuwa ni Kipa wa Man United Sergio Romero alieokoa Penati tata.

Dakika 4 tu tangu Mpira uanze, Refa Mike Dean aliamua Eric Bailly ameushika Mpira na hilo halikuwa na ubishi lakini kitendo hicho kilifanyika nje ya Boksi lakini Refa huyo aliamua ni Penati.

Penati hiyo ilipigwa na Manolo Gabbiadini na Kipa Romero akadaivu kulia na kuokoa mchomo huo.

Mbali ya kuokoa Bao hilo, Romero pia aliokoa Mashuti kadhaa hatari.

Moja ya shambulio la Man United ni lile Shuti la Anthony Martial lililomshinda Kipa Forster na kupiga Posti na kutoka.EPL-MEI17

EPL itaendelea Alhamisi Usiku kwa Mechi 1 ya Kiporo kati ya Leicester City na Tottenham.

Ligi hii itafunga Pazia Jumapili Mei 21.

VIKOSI:

SOUTHAMPTON: Forster, Cedric [Pied, 69], Stephens, Yoshida, Targett, Ward-Prowse [Boufal, 77], Romeu, Davis, Redmond, Gabbiadini [Rodriguez, 62], Tadic.

Akiba: Clasie, Rodriguez, Austin, Caceres, Boufal, Pied, Hassen. 

MAN UNITED: Romero, Bailly, Smalling, Jones, Darmian, Fellaini [Herrera, 74], Tuanzebe [Carrick, 63], Mkhitaryan, Mata [Rashford, 68], Rooney, Martial.

Akiba: Lingard, Carrick, Rashford, Ander Herrera, Mitchell, McTominay, Joel Pereira. 

REFA: Mike Dean

EPL, LIGI KUU ENGLAND

Ratiba:

Alhamisi Mei 18

2145 Leicester City v Tottenham Hotspur         

Jumapili Mei 21

Mechi za Mwisho za Ligi, zote kuanza Saa 11 Jioni

Arsenal v Everton            

Burnley v West Ham United                 

Chelsea v Sunderland                 

Hull City v Tottenham Hotspur              

Leicester City v Bournemouth               

Liverpool v Middlesbrough          

Manchester United v Crystal Palace                 

Southampton v Stoke City          

Swansea City v West Bromwich Albion            

Watford v Manchester City

Habari MotoMotoZ