EFL CUP – NUSU FAINALI: LIVERPOOL YAPIGWA NA ‘WATAKATIFU’!

EFL CUP

Nusu Fainali

Matokeo:

Jumanne Januari 10

Manchester United 2 Hull City 0

Jumatano Januari 11

Southampton 1 Liverpool 0

++++++++++++++++++++++++

EFL-CUP-2016-17Southampton imeifunga Liverpool 1-0 huko Saint Mary hapo Jana katika Mechi yao ya Kwanza ya Nusu Fainali ya EFL CUP, ambalo ndio Kombe la Ligi huko England.

Juzi, kwenye Mechi nyingine ya Kwanza ya Nusu Fainali nyingine iliyochezwa Old Trafford, Manchester United iliichapa Hull City Bao 2-0 kwa Bao za Juan Mata na Marouane Fellaini.

Bao la ushindi la Southampton, ambao ni maarufu kama ‘Watakatifu’, hapo Jana lilifungwa na Nathan Redmond baada kupokea Pasi ya Jay Rodriguez katika Dakika ya 20.

Southampton wamgeweza kupata Bao nyingi kama si ushujaa wa Kipa wa Liverpool Loris Karius alieokoa Mipira mingi na hasa mara 2 kufuta kwenye chaki ya Goli Mipira ya Nathan Redmond.

+++++++++++++++++++++++++

JE WAJUA?

-Msimu huu hili Kombe la Ligi halina Mdhamini na limebatizwa English Football League Cup, EFL CUP.

-Huko nyuma Kombe la Ligi, kwa sababu za kiudhamini, liliwahi kubatizwa Coca-Cola Cup, Worthington Cup, Carling Cup na Capital One Cup.

+++++++++++++++++++++++++

Nusu Fainali hizi huchezwa kwa Mikondo Miwili ya Nyumbani na Ugenini na hivyo Marudiano ya Mechi hizi yatakuwa hapo Januari 25 na 26 huko Anfield na KCOM Stadium.

EFL CUP

Nusu Fainali

MARUDIANO

**Saa za Bongo

**Kwenye Mabano Mabao Mechi ya Kwanza

Jumatano Januari 25

2300 Liverpool v Southampton [0-1]

Alhamisi Januari 26

2245 Hull City v Manchester United [0-2]