VPL BORA MACHI MBARAKA YUSUPH, SERENGETI BOYS KURUKA KWENDA MOROCCO, ROBO YA ASFC JUMATANO AZAM FC-NDANDA FC!

MBARAKA YUSUPH ABEID MCHEZAJI BORA WA VPL MACHI 2017

SERENGETI-BOYS-CHANGIAMchezaji wa timu ya Kagera Sugar FC, Mbaraka Yusuph Abeid amechaguliwa kuwa mchezaji bora wa Ligi Kuu ya Vodacom wa mwezi Machi kwa msimu wa 2016/2017.

Mbaraka aliwashinda wachezaji Abubakar Salum wa Azam FC na Kenny Ally wa Mbeya City kutokana na kuonyesha kiwango cha hali ya juu, hivyo kuisadia timu yake kupata matokeo mazuri.

Katika mwezi huo ilichezwa raundi moja tu na Mbaraka ambaye alicheza kwa dakika zote 90 aliisaidia timu yake kukusanya pointi zote tatu zilizoifanya timu yake kubaki katika nafasi ya nne (4) katika msimamo wa ligi kwa mwezi huo.

Katika mchezo huo mmoja, Mshambuliaji huyo alifunga goli moja, na alionyesha nidhamu ya hali ya juu, hivyo kutopata onyo lolote la kadi.

Kwa kushinda tuzo hiyo, Mbaraka atazawadiwa kitita cha sh. 1,000,000 (milioni moja) kutoka kwa wadhamini wa Ligi hiyo, kampuni ya Vodacom Tanzania PLC.

SERENGETI BOYS KUPAA KESHO MCHANA

Timu ya Taifa ya Tanzania ya vijana wenye umri wa chini ya miaka 17 maarufu kama Serengeti Boys, inatarajiwa kusafiri kesho saa 10.45 jioni kwa Ndege ya Shirika la Ndege la Emirates kwenda Morocco kupitia Dubai, Falme za Kiarabu (UAE).

Timu hiyo yenye wachezaji 23 na viongozi wanane watakuwa Uwanja Uwanja wa Ndege wa Kimataifa wa Mwalimu J.K. Nyerere kuanzia saa 7.00 mchana kwani wanatakiwa kuanza kuingia uwanjani saa 7.45 kwani saa tatu baadaye ndipo ndege itakapopaa.

Wanahabari wanaweza kupata mahojiano ya mwisho kadhalika kupata picha za habari wakati huo wa mchana kabla hawajaingia ndani kwenye ukaguzi wa taratibu za (check in logistics).

Kabla ya kusafiri, timu hiyo ilikuwa kambini hapa nyumbani tangu Januari 29, mwaka huu na baada ya kambi ya mwezi mmoja na nusu, ilicheza mechi tatu za kirafiki za kimataifa.

Machi 30, 2017 ilicheza Burundi ‘Intamba Murugamba’ na kushinda mabao 3-0 kabla ya kurudiana tena Aprili 1, mwaka huu na kushinda mabao 2-0. Mechi zote mbili zilifanyika Uwanja wa Kaitaba, ulioko Bukoba mkoani Kagera.

Mechi ya mwisho hapa nyumbani ilifanyika Aprili 3, mwaka huu dhidi Ghana ‘Black Starlets’ na kutoka sare ya 2-2 katika mchezo ulifanyika Uwanja wa Taifa, Dar es Salaam.

Serengeti Boys ilitumia mchezo kama ishara ya kuwaaga mamilioni ya Watanzania kabla ya kusafiri kwenda kwenye fainali za Kombe la Mataifa ya Afrika kwa vijana zitakazofanyika Gabon kuanzia Mei 14, mwaka huu.

Serengeti Boys itakuwa Rabat, Morocco kufanya kambi ya takribani mwezi mmoja kuanzia Aprili 5, mwaka huu. Ikiwa huko angalau itacheza mechi za kirafiki zisizopungua mbili dhidi ya wenyeji morocco na timu nyingine ya jirani ama Tunisia au Misri.

Kambi hiyo ya Morocco itamalizika Mei mosi, mwaka hu ambako timu itasafiri hadi Cameroon. Ikiwa Cameroon, timu itacheza mechi mbili za kirafiki za kimataifa dhidi ya wenyeji yaani Mei 3 na 6, mwaka huu kabla ya kusafiri Mei 7, mwaka huu kwenda Gabon ambako Serengeti Boys imepangwa kundi B pamoja na timu za Mali, Niger na Angola.

Vipimo vya mechi dhidi ya Ghana kadhalika hapo baadaye Cameroon, vitakuwa mwafaka kwenye kufanya tathmini ya uwezo wa Serengeti Boys kwani wapinzani hao wamekuwa na rekodi nzuri kwenye soka la vijana na kwa kipindi hiki zimepangwa kundi A pamoja na wenyeweji Gabon na Guinea.

Kila la kheri Serengeti Boys katika mapambano ya kuwania ubingwa wa Afrika kadhalika kucheza fainali za Kombe la Dunia hapo Novemba, mwaka huu zitakazofanyika India. Serengeti Boys inaweza na Mtanzania tunakuomba kuichangia timu hii kwa namna ya 223344 kupitia mitandao yote ya simu.

ROBO FAINALI YA TATU AZAM SPORTS FEDERATION CUP

Robo Fainali ya tatu ya Kombe la Shirikisho la Azam (Azam Sports Federation Cup 2016/2017), kati ya Azam FC na Ndanda FC itafanyika kesho Aprili 5, 2017 saa 1.00 usiku kwenye Uwanja wa Azam ulioko Chamazi, nje kidogo ya jiji la Dar es Salaam, imefahamika.

Kadhalika, Robo Fainali ya nne ya mwisho ya Kombe la Shirikisho la Azam (Azam Sports Federation Cup 2016/2017), kati ya Young Africans na Tanzania Prisons FC itafanyika Aprili 22, 2017 saa 10.00 jioni kwenye Uwanja wa Taifa, jijini Dar es Salaam.

Tayari timu za Mbao FC ya Mwanza na Simba ya Dar es Salaam, zimefuzu kwa hatua ya Nusu Fainali.

Mbao iliifunga Kagera Sugar mabao 2-1 katika mchezo ulifanyika Uwanja wa Kaitaba mkoani Kagera Machi 18, 2017 ilihali Machi 19, mwaka huu Simba iliilaza Madini ya Arusha kwenye mchezo uliofanyika Uwanja wa Sheikh Amri Abeid jijini Arusha.

Bingwa wa michuano hi ambayo msimu huu ilishirikisha timu 86 ikiwa ni pamoja na za Ligi Kuu ya Vodacom (timu 16); Ligi Daraja la Kwanza (timu 24); Ligi Daraja la Pili (timu 24) na mabingwa wa mikoa timu 22, atawakilisha nchi katika michuano ya Kombe la Shirikisho - CAF.

…………………………………………………………………………………………

IMETOLEWA NA SHIRIKISHO LA MPIRA WA MIGUU TANZANIA

VPL: SIMBA ‘YAFWA’ KAGERA, MABINGWA YANGA WABAKI KILELENI!

VPL – LIGI KUU VODACOM

VPL-DTB-SITJumapili Aprili 2

Matokeo:

Kagera Sugar 2 Simba 1

African Lyon 1 Stand United 0

Tanzania Prisons 0 Mtibwa Sugar 0

Mwadui FC 2 JKT Ruvu 2

Maji Maji FC 4 Toto Africans 1

++++++++++++++++++++++

Kagera Sugar Leo imeitandika Simba 2-1 katika Mechi ya VPL, LIGI KUU VODACOM, na kuizima ndoto ya Simba kurejea kileleni baada ya Jana kukwanyuliwa huko Mabingwa Watetezi Yanga.VPL-APR2

Jana Yanga waliichapa Azam FC 1-0 na kukwea kileleni wakiwa wamecheza Mechi 1 zaidi na hivyo Leo ilitegemewa Simba wangeichapa Kagera Sugar na kurejea kiti chake lakini Wenyeji hao wa Kaitaba Mjini Bukoba walikuwa na mawazo mengine kwa kuitwanga Simba na wao kukalia Nafasi ya 3 wakiishusa Azam FC.

Kagera Sugar ndio walitangulia kufunga Dakika ya 27 kwa mzinga mkali wa Mbaraka Yusuf na Bao hilo kudumu hadi Haftaimu.

Kipindi cha Pili Dakika 47, Kagera Sugar walienda 2-0 mbele kwa Bao la Edward Christopher.

Simba walipata Bao lao pekee Dakika ya 67 kupitia Muzamil Yassin.

Matokeo haya yameiacha Simba Nafasi ya Pili wakiwa Pointi 1 nyuma ya Yanga huku Kagera Sugar wakishika Nafasi ya 3 wakiwa pointi 10 nyuma ya Simba na Pointi 1 mbele ya Timu ya 4 Azam FC.

VIKOSI:

KAGERA SUGAR: Juma Kaseja, Godfrey Taita, Mwaita Gereza, Juma Shemvuni, Mohamed Fakhi, George Kavila, Suleiman Mangoma, Ame Ally [Ally Ramadhani], Edward Christopher [Themi Felix], Mbaraka Yusuf, Japhet Makalai [Anthony Matogolo]

SIMBA: Daniel Agyei, Muzamil Yassin, Mohammed Hussein ‘Tshabalala’, Abdi Banda, Juuko Murshid, Jonas Mkude, Shiza Kichuya [Mwinyi Kazimoto], Said Ndemla [Juma Luizio], Laudit Mavuo, Ibrahim Ajib [Mohammed Ibrahim], James Kotei

REFA: Jimmy Fanuel

VPL – LIGI KUU VODACOM

Jumamosi Aprili 8

Stand United v Tanzania Prisons

Kagera Sugar v JKT Ruvu

Yanga v Toto Africans

Mtibwa Sugar v Azam FC

Jumapili Aprili 9

Mbeya City v Ndanda FC

Maji Maji FC v African Lyon

Jumatatu Aprili 10

Mbao FC v Simba

MSIMAMO

**Kwa hisani ya Soka_APP

VPL: MABINGWA YANGA WAIPIGA AZAM FC NA KUKAA KILELENI!

> JUMAPILI SIMBA WAPO KAITABA NA KAGERA!

VPL-DTB-SITVPL, LIGI KUU VODACOM, Leo imerudi kilingeni kwa Mabingwa Watetezi Yanga kuichapa Azam FC 1-0 kwenye Mechi iliyochezwa Uwanja wa Taifa Jijini Dar es Salaam na kurudi kileleni mwa Ligi hiyo.

Bao la ushindi la Yanga lilifungwa Dakika ya 70 na Straika kutoka Zambia Obrey Chirwa.

Ushindi huu umewafanya Yanga waongoze VPL wakiwa na Pointi 56 kwa Mechi 25 na Nafasi ya Pili ni Simba wenye Pointi 55 kwa Mechi 24.VPL-APR1

Azam FC wanabaki Nafasi ya 3 wakiwa na Pointi 44 kwa Mechi 25.

Katika Mechi nyingine za hii Leo ya huko Mjini Mbeya, Mbeya City na Ruvu Shooting zilitoka Sare 1-1.

Jumapili zipo Mechi 4 na Macho Kodo ni huko Uwanja wa Kaitaba Mjini Bukoba kati ya Kagera Sugar, walio Nafasi ya 4, wakiwavaa Vinara Simba.

Nyingine za Jumapili ni Jijini Dar es Salaam kati ya African Lyon na Stand United, Mjini Mbeya ni Tanzania Prisons na Mtibwa Sugar na huko Mwadui Complex, Shinyanga ni Mwadui FC na JKT Ruvu.

VIKOSI VILIVYOANZA:

YANGA: Deogratius Munishi, Juma Abdul, Mwinyi Haji, Nadir Haroub, Vicent Bossou, Saidi Juma, Saimoni Msuva, Justine Zulu, Obrey Chirwa, Haruna Niyonzima, Deusi Kaseke

Akiba: Beno Kakolanya, Oscar Joshua, Andrew Chikupe, Juma Mahadhi, Geofrey Mwashiuya, Mateo Antony, Emanuel Martin

AZAM FC: Aishi Manula, Erasto Nyoni, Gradiel Michael, Yakubu Mohamed, Daniel Amoah, Himid Mao, Salumu Abubakar, Frank Domayo, Yahaya Mohamed, Shabaan Iddi, Ramadhan Singano

Akiba: Mwadini Ally, Abdalah Kheri, Bruce Kangwa, David Mwatika, Masoud Abdalah, Joseph Mahundi, Samuel Afful

VPL – LIGI KUU VODACOM

Jumamosi Aprili 1

Yanga 1 Azam FC 0

Maji Maji FC v Toto Africans

Mbeya City 1 Ruvu Shooting 1

Jumapili Aprili 2

Kagera Sugar v Simba

African Lyon v Stand United

Tanzania Prisons v Mtibwa Sugar

Mwadui FC v JKT Ruvu

Jumamosi Aprili 8

Stand United v Tanzania Prisons

Kagera Sugar v JKT Ruvu

Yanga v Toto Africans

Mtibwa Sugar v Azam FC

Jumapili Aprili 9

Mbeya City v Ndanda FC

Maji Maji FC v African Lyon

Jumatatu Aprili 10

Mbao FC v Simba

MSIMAMO

**Kwa hisani ya Soka_APP

VPL – LIGI KUU VODACOM: KUTIMUA JUMAMOSI TAIFA MABINGWA YANGA NA AZAM, JUMAPILI VINARA SIMBA WAPO KAITABA NA KAGERA!

VPL-DTB-SITVPL, LIGI KUU VODACOM, inarejea tena kwa kishindo Jumamosi hii Aprili Mosi kwa Mechi 3 na kubwa kabisa ni ile itayopigwa Uwanja wa Taifa Jijini Dar es Salaam kati ya Mabingwa Watetezi Yanga na Timu ngumu Azam FC.

Hakika Mechi hii ni Bigi Mechi na itatoa mwanga mkubwa kama kweli Yanga wanaweza kutetea Ubingwa wao hasa kwa vile wapo Nafasi ya Pili wakiwa Pointi 2 nyuma ya Vinara Simba huku wote wakiwa wamecheza Mechi 24 kila mmoja na kubakiza Mechi 6 tu kila mmoja.

Azam FC wao wapo Nafasi ya 3 wakiwa Pointi 9 nyuma ya Yanga wakiwa bado wana matumaini finyu ya Ubingwa.

Mechi nyingine za hiyo Jumamosi, ambazo hasa nyingi ni vita za kutoshuka Daraja, ni huko Songea kati ya Maji Maji FC na Toto Africans wakati nyingine ni Mjini Mbeya kati Mbeya City na Ruvu Shooting.

Jumapili zipo Mechi 4 na Macho Kodo ni huko Uwanja wa Kaitaba Mjini Bukoba kati ya Kagera Sugar, walio Nafasi ya 4, wakiwavaa Vinara Simba.VPL-MAR31

Nyingine za Jumapili ni Jijini Dar es Salaam kati ya African Lyon na Stand United, Mjini Mbeya ni Tanzania Prisons na Mtibwa Sugar na huko Mwadui Complex, Shinyanga ni Mwadui FC na JKT Ruvu.

VPL – LIGI KUU VODACOM

Jumamosi Aprili 1

Yanga v Azam FC

Maji Maji FC v Toto Africans

Mbeya City v Ruvu Shooting

Jumapili Aprili 2

Kagera Sugar v Simba

African Lyon v Stand United

Tanzania Prisons v Mtibwa Sugar

Mwadui FC v JKT Ruvu

Jumamosi Aprili 8

Stand United v Tanzania Prisons

Kagera Sugar v JKT Ruvu

Yanga v Toto Africans

Mtibwa Sugar v Azam FC

Jumapili Aprili 9

Mbeya City v Ndanda FC

Maji Maji FC v African Lyon

Jumatatu Aprili 10

Mbao FC v Simba

MSIMAMO

**Kwa hisani ya Soka_APP

KIMATAIFA KIRAFIKI: TAIFA STARS YAICHAKAZA INTAMBA MURUGAMBA!

STARS-BURUNDITanzania, maarufu kama Taifa Stars, Leo imeiwasha Burundi, maarufu kama Intamba Murugamba, Bao 2-1 kwenye Mechi ya Kimataifa ya Kirafiki Uwanja wa Taifa Jijini Dar es Salaam.

Wakicheza bila ya Nahodha wao Mbwana Samatta, Stars waliongoza 1-0 hadi Mapumziko kwa Bao la Siimon Msuva aliefunga Dakika ya 22.

Burundi walisawazisha Bao hilo Dakika ya 53 kwa Bao la Mchezaji wa Simba ya Dar es Salaam Laudit Mavugo lakini Chipukizi kutoka Kagera Stars, alietokea Benchi, Mbaraka Yussuf, aliipa ushindi Taifa Stars baada ya kuinasa Pasi ya Msuva na kusonga mbele akiachia Shuti lilopiga Mwamba na yeye mwenyewe kumalizia Mpira uliorudi hadi Wavuni katika Dakika ya 77.

Huu ni ushindi wa Pili kwa Stars kwenye Mechi ya Pili ya Kocha Mpya Salum Mayanga, anaesaidiwa na Patrick Mwangata, baada ya Majuzi Jumamosi kuiwasha Botswana, maarufu kama The Zebras, ‘Pundamilia’, Bao 2-0 pia Uwanja wa Taifa, Dar es Salaam  na Bao zote kupigwa na Samatta.

Leo Samatta hakucheza Mechi hii baada ya kulazimika kurudi Klabuni kwake KRC Genk huko Belgium.

VIKOSI:

TANZANIA: Deo Munishi ‘Dida’, Shomary Kapombe, Mohammed Hussein ‘Tshabalala’, Abdi Banda, Salim Mbonde, Himid Mao, Muzamil Yassin [Jonas Mkude], Salum Abubakar [Said Ndemla], Ibrahim Ajib [Shiza Kichuya], Farid Mussa [Mbaraka Yussu], Simon Msuva

BURUNDI: Jonathan Nahimana, Gael Duhayindavya, Rashid Harerimana, Omary Moussa, David Nshirimimana [Eric Ndoyirobija], Youssouf Ndayishimiye, Tresor Ndikumana, Jean Ndarusanze [Franck Barirengako], Laudit Mavugo, Kiza Fataki [Moustapha Selemani], Djuma Nzeyimana [Sudi Ntirwaza]

 

REFA: Israel Mujuni Nkongo

Habari MotoMotoZ