TOKA TFF: FAINALI ASFC, MBAO-SIMBA DODOMA JUMAMOSI, YANGA YAPONGEZWA NA KUADHIBIWA!

TAARIFA KWA VYOMBO VYA HABARI                           MEI 26, 2017

NI FAINALI ZA AZAM SPORTS FEDERATION CUP 2016/17

TFF-TOKA-SIT-1Kesho Jumamosi, Mei 27 mwaka huu Simba SC ya Dar es Salaam na Mbao FC ya Mwanza zitakutana Uwanja wa Jamhuri mjini Dodoma kwenye fainali za kuwania Kombe la Shirikisho la Azam yaani Azam Sports Federation Cup - ASFC 2016/17 katika mchezo utakaoanza saa 10.00 jioni.

Kwa mujibu wa kanuni ya 7 (2) za michuano ya ASFC, ratiba ya Kombe la Shirikisho la Azam Sports HD itatolewa na TFF na ndiyo kesho itachezwa.

Kadhalika kwa mujibu wa Kanuni ya 6 (2), Mshindi wa mchezo wa fainali (Kwa msimu huu kati ya Simba na Mbao), ndiye akayekuwa Bingwa wa Kombe la ASFC - HD, atapewa Kombe la Ubingwa na zawadi ya fedha kiasi cha shilingi milioni hamisini (50,000,000/-) kama zilivyoainishwa kwenye waraka wa zawadi wa michuano.

PONGEZI ZA INFANTINO KWA YOUNG AFRICANS

Rais wa Shirikisho la Mpira wa Miguu la Kimataifa (FIFA), Gianni Infantino, Mei 24, mwaka huu alituma ujumbe Shirikisho la Mpira wa Miguu Tanzania (TFF) kuipongeza Young Africans ya Dar es Salaam kwa kutwaa ubingwa Ligi Kuu ya Vodacom Tanzania Bara msimu wa 2016/17.

Young Africans imetwaa Kombe hilo ikiwa ni mara tatu mfululizo na katika salamu za pongezi, Rais Gianni Infantino amesema ubingwa huo wa Young Africans ni kielelezo cha ushirikiano baina ya wachezaji, kocha, utawala, matabibu pamoja na mashabiki.

Katika pongezi zake Rais Infantino ameishukuru Young Africans na shirikisho la mpira wa miguu la nchi kwa kusadia kupeleka ujumbe chanya kwa jamii kuhusiana na mpira wa miguu.

UAMUZI WA ADHABU MBALIMBALI KUTOKA KAMATI YA SAA 72

Mechi namba 206 (Yanga 1 Vs Toto Africans 0).

Klabu ya Yanga imepigwa faini ya sh. 1,000,000 (milioni moja) kutokana na timu yake kutoingia vyumbani wakati wa mechi hiyo iliyochezwa Mei 9, 2017 kwenye Uwanja wa Taifa, Dar es Salaam.

Adhabu hiyo imetolewa kwa mujibu wa Kanuni ya 14(48) ya Ligi Kuu. Uamuzi huo umezingatia pia kuwa Yanga imekuwa ikirudia kosa hilo mara kwa mara.

Mechi namba 225 (JKT Ruvu 0 Vs Majimaji 1).

Timu ya Majimaji haikuingia vyumbani wakati wa mapumziko katika mechi hiyo iliyofanyika Mei 13, 2017 katika Uwanja wa Mkwakwani jijini Tanga.

Kutokana na timu hiyo kurudia kufanya kosa hilo, klabu ya Majimaji imepigwa faini ya sh. 1,000,000 (milioni moja). Adhabu hiyo ni uzingativu wa Kanuni ya 14(48) ya Ligi Kuu.

Mechi namba 230 (Kagera Sugar 2 Vs Mbao FC 0).

Klabu ya Mbao imepigwa faini ya sh. 500,000 (laki tano) kutokana na timu yake kutoingia vyumbani wakati wa mechi hiyo iliyochezwa Mei 13, 2017 katika Uwanja wa Kaitaba mjini Bukoba. Adhabu hiyo ni uzingativu wa Kanuni ya 14(48) ya Ligi Kuu.

Mechi namba 231 (Yanga 2 Vs Mbeya City 1).

Timu zote mbili hazikupita kwenye mlango rasmi wakati wa kuingia uwanjani katika mechi hiyo iliyochezwa Mei 13, 2017 kwenye Uwanja wa Taifa, Dar es Salaam. Hivyo, kila klabu imepigwa faini ya sh. 500,000 (laki tano) kutokana na kitendo hicho, uamuzi ambao umezingatia Kanuni ya 14(48).

Pia klabu ya Yanga imepigwa faini ya sh. 1,000,000 (milioni moja) kwa kutoingia vyumbani kwenye mechi hiyo. Adhabu hiyo pia imezingatia Kanuni ya 14(48) ya Ligi Kuu.

Mechi namba 236 (Mbao FC 1 Vs Yanga 0).

Klabu ya Yanga imepigwa faini ya sh. 1,000,000 (milioni moja) kwa kupita mlango usio rasmi katika mechi hiyo iliyofanyika Mei 20, 2017 kwenye Uwanja wa CCM Kirumba jijini Mwanza. Adhabu hiyo imetolewa kwa kuzingatia Kanuni ya 14(48) ya Ligi Kuu.

Pia Yanga imepigwa faini ya sh. 1,500,000 (milioni moja na laki tano) kwa kutoingia vyumbani. Adhabu hiyo imezingatia Kanuni ya 14(8) ya Ligi Kuu. Vilevile klabu hiyo imepigwa faini ya sh. 500,000 (laki tano) kutokana na kuonyesha vitendo vinavyoashiria ushirikiana. Adhabu hiyo imetolewa kwa mujibu wa Kanuni ya 42(1) ya Ligi Kuu.

Washabiki wa Yanga walivunja uzio wa ndani (fence) wa upande wa Magharibi wakati wakiingia uwanjani kusherehekea ubingwa wa timu hiyo. Hivyo, klabu ya Yanga imeagizwa kulipa gharama za uharibifu huo uliofanywa na washabiki wake, uamuzi ambao umezingatia Kanuni ya 42(3) ya Ligi Kuu.

Nayo klabu ya Mbao FC imepigwa faini ya sh. 500,000 (laki tano) kutokana na washabiki wake kuingia uwanjani kushangilia baada ya timu yao kupata ushindi.

Wachezaji Deus Kaseke, Simon Msuva na Obrey Chirwa wa Yanga wamesimamishwa kucheza mechi za Ligi Kuu wakati wakisubiri suala lao la kumsukuma na kumwangusha Mwamuzi Ludovic Charles kusikilizwa na kutolewa uamuzi na Kamati ya Nidhamu ya Shirikisho la Mpira wa Miguu Tanzania (TFF).

Walifanya kitendo hicho katika mechi hiyo dhidi ya Mbao FC iliyofanyika Mei 20, 2017 kwenye Uwanja wa CCM Kirumba jijni Mwanza. Uamuzi wa Kamati umezingatia Kanuni ya 9(5) ya Ligi Kuu.

Mwamuzi Ludovic Charles amepewa onyo kali kwa kutodhibiti vizuri mchezo. Uamuzi dhidi yake ni kwa mujibu w Kanuni ya 38(5) ya Ligi Kuu kuhusu Udhibiti wa Waamuzi.

……………………………………………………………………..……………..……

IMETOLEWA NA SHIRIKISHO LA MPIRA WA MIGUU TANZANIA

VPL: YANGA BINGWA KWA MARA YA 3, SIMBA WAUNGOJEA TOKA KWA GIANNI INFANTINO!

>TOTO, LYON ZAJUMUIKA NA RUVU JKT DIVISHENI WANI!

VPL – LIGI KUU VODACOM

Matokeo:

MECHI ZA MWISHO

Jumamosi Mei 20

Azam FC 0 Kagera Sugar 1

Maji Maji FC 2 Mbeya City 1

Simba 2 Mwadui FC 1

Mbao FC 1 Yanga 0

Stand United 2 Ruvu Shooting 1

Mtibwa Sugar 3 Toto Africans 1

Tanzania Prisons 0 African Lyon 0

Ndanda FC 2 JKT Ruvu 0

+++++++++++++++++++++

VPL-DTB-SITLICHA kufungwa 1-0  huko CCM Kirumba Jijini Mwanza na Mbao FC, Yanga Leo wamefanikiwa kutetea vyema Ubingwa wao nah ii ni mara ya 3 mfululizo kuutwaa Ubingwa wa VPL, LIGI KUU VODACOM.

Yanga wamemaliza VPL wakiwa na Pointi 68 sawa na Simba ambao Leo Jijini Dar es Salaam waliifunga Mwadui FC 2-1.

Lakini Simba, ukiondoa kwamba Leo ndio ilikuwa tamati ya VPL na Yanga ashakabidhiwa Kombe lao la Ubingwa ambalo safari hii analichukua moja kwa moja kwa vile amelibeba mara 3 mfululizo, bado wana matumaini ya kuubeba Ubingwa huu baada ya Juzi kuthibitisha kuwa FIFA imeshapokea Rufaa yao ya kupinga kupokwa Pointi 3 ilizopewa na Kamati ya Masaa 72 ya TFF baada kufungwa na Kagera Sugar na wao kudai alichezeshwa Mchezaji aliekuwa na Kadi za Njano 3.

Pia hii Leo, Toto Africans na African Lyon rasmi zimeungana na JKT Ruvu kushushwa Daraja.

Timu ambazo Msimu ujao zitachukua nafasi zao baada ya kupanda Daraja na kutinga VPL ni Singida United, Mji Njombe na Lipuli FC.

VPL LIGI KUU VODACOM

MSIMAMO:

**Kwa Hisani ya Naipenda Yanga

 FB IMG 1495291063762

VPL: LEO YANGA KUIPIGA MABAO MBAO, KUHITIMISHA UBINGWA WAO?

>KIPIGO KWA MBAO ‘KITAIKATA MAINI’ RUFAA YA MILIONI 30 YA SIMBA KWA FIFA!

>NANI KUUNGANA NA RUVU JKT KUCHEZA DIVISHENI WANI?

VPL – LIGI KUU VODACOM

VPL-MECHIRatiba:

MECHI ZA MWISHO

Jumamosi Mei 20

Azam FC v Kagera Sugar

Maji Maji FC v Mbeya City

Simba v Mwadui FC

Mbao FC v Yanga

Stand United v Ruvu Shooting

Mtibwa Sugar v Toto Africans

Tanzania Prisons v African Lyon

Ndanda FC v JKT Ruvu

+++++++++++++++++++++

YANGA, ambao ni Mabingwa Watetezi wa VPL, Ligi Kuu Vodacom Leo wako huko CCM Kirumba Jijini Mwanza kuhitimisha utetezi wa Ubingwa wao wakihitaji Pointi 1 tu katika Mechi hii ya mwisho ya Msimu wa Ligi.

Lakini, kwa hali ilivyo sasa, hata Yanga, ambao wako Pointi 3 mbele ya Simba, akifungwa Mechi hii bado Simba ana kazi mbili kubwa ili kutwaa Ubingwa na hizo ni kwanza waifunge Mwadui FC na pili ushindi huo uwe Bao VPL-MEI20nyingi, pengine 12-0, ili wafute tofauti kubwa ya Magoli ya Yanga.

Ukiondoa hayo na ukichukua makandokando, Simba Juzi ilithibitisha kuwa FIFA imeshapokea Rufaa yao ya kupinga kupokwa Pointi 3 ilizopewa na Kamati ya Masaa 72 ya TFF baada kufungwa na Kagera Sugar na wao kudai alichezeshwa Mchezaji aliekuwa na Kadi za Njano 3.

Hili litaifanya Yanga Leo kusaka ushindi kwa udi na uvumba ili waifunge Mbao FC ili kuondoa mzizi wa fitina endapo FIFA itaipa Simba Pointi 3 kwani ushindi huo utafuta kabisa matumaini hayo ya Simba ya kucheza 'Mpira Mezani'.

Huu utakuwa Ubingwa wa Yanga wa 3 mfululizo na wa 5 ndani ya Miaka 6 na wa 26 katika Historia yao ya Miaka 26 wakishika Rekodi kupita Timu yeyote.

Kwa kutwaa Ubingwa mara 3 mfululizo, TFF italazimika kuwapa Yanga Kombe la Ubingwa moja kwa moja liwe lao la kudumu na Msimu ujao kutoa Kombe jipya kabisa.

Hilo limethibitishwa na TFF.

Hii itakuwa ni mara ya 3 kwa Yanga kuutwaa Ubingwa mara 3 mfululizo tangu Mwaka 1965 ambapo Mfumo rasmi wa Ligi ulianzishwa.

Yanga ilitwaa Ubingwa mara 3 mfululizo kwenye Miaka ya 1991- 1993, 1996- 1998 na sasa kipindi hiki cha 2014 2017.

Mbali ya sakata hili la Ubingwa pia ipo vita kubwa ya Timu zipi 2 zitaungana na JKT Ruvu kushushwa Daraja.

Timu ambazo zipo hatarini ni Toto Africans, Ndanda FC, Mbao FC, African Lyon, Maji Maji FC na Mbeya City ambao kidogo Tofauti ya Magoli yao Bora inaweza kuwalinda.

 

KOCHA MAYANGA AITA 24 TAIFA STARS KWA AJILI YA COSAFA CUP!

TFF-TOKA-SITKOCHA wa Timu ya Taifa ya Tanzania, Salum Mayanga, ameita Kikosi cha Wachezaji 24 ili kujitayarisha kwa ajili ya Mashindano ya 2017 COSAFA Castle Cup yatakayofanyika huko South Africa Jimbo la Kaskazini Magharibi kuanzia Juni 25 hadi Julai 9.

Kwenye Mashindano hayo Tanzania ipo Kundi A pamoja na Angola, Mauritius na Malawi.

Hii itakuwa ni mara ya 3 kwa Tanzania kucheza Mashindano haya baada ya kushiriki yale ya 1997 na 2015.

Kundi B la Mashindano la 2017 COSAFA Castle Cup lina Nchi za Zimbabwe, Madagascar, Mozambique na Seychelles.

Nchi Wanachama wa COSAFA, South Africa, Swaziland, Botswana na Zambia wataanzia Hatua ya Robo Fainali ambapo South Africa itacheza na Mshindi wa Kundi A na Swaziland kucheza na Mshindi wa Kundi B wakati Botswana ikivaana na Zambia.

Mashindano ya COSAFA yalianzishwa Mwaka 1997 na Nchi za South Africa, Zambia na Zimbabwe kubeba Kombe mara 4 kila moja wakati Angola ikibeba mara 3 na Namibia mara 1.

KIKOSI KAMILI:

STARS-COSAFA

2017 COSAFA CASTLE CUP

COSAFA CASTLE CUP, SOUTH AFRICA 2017

 

No

Match

GP

Date

K.O. Time

Venue / Lieu:

 
   

A

25/06/2017

15h00

Moruleng

 

1.

Tanzania

V

Malawi

 
             

2.

Mauritius

V

Angola

A

25/06/2017

17h30

Moruleng

 
             

3.

Mozambique

V

Zimbabwe

B

26/06/2017

17h00

Moruleng

 
             

4.

Madagascar

V

Seychelles

B

26/06/2017

19h30

Moruleng

 
             

5.

Malawi

V

Mauritius

A

27/06/2017

17h00

Royal Bafokeng

 
             

6.

Angola

V

Tanzania

A

27/06/2017

19h30

Royal Bafokeng

 
             

7.

Zimbabwe

V

Madagascar

B

28/06/2017

17h00

Royal Bafokeng

 
               

8.

Seychelles

V

Mozambique

B

28/06/2017

19h30

Royal Bafokeng 

 
             

9.

Tanzania

V

Mauritius

A

29/06/2017

17h00

Moruleng

 
             

10.

Malawi

V

Angola

A

29/06/2017

17h00

Royal Bafokeng **

 
             

11.

Mozambique

V

Madagascar

B

30/06/2017

17h00

Moruleng

 
             

12.

Zimbabwe

V

Seychelles

B

30/06/2017

17h00

Royal Bafokeng  **

 
   

 

QUARTER FINALS

 
   

13.

Botswana

V

Zambia

01/07/2017

15h00

Royal Bafokeng

 
         

14.

Namibia

V

Lesotho

01/07/2017

17h30

Royal Bafokeng

 
         

15.

South Africa

V

WIN. GROUP A

02/07/2017

17h00

Royal Bafokeng

 
           

16.

Swaziland

V

WIN. GROUP B

02/07/2017

19h30

Royal Bafokeng

 

 

REST DAY

     
   
               

17.

LOSER M13

V

LOSER M15

04/07/2017

17h00

Moruleng

 
               

18.

LOSER M14

V

LOSER M16

04/07/2017

19h30

Moruleng

 
               

19.

WIN. M13

V

WIN. M15

05/07/2017

17h00

Moruleng

 
               

20.

WIN. M14

V

WIN. M16

05/07/2017

19h30

Moruleng

 

REST DAY

       
         

21.

WIN. 17

V

WIN. M18

07/07/2017

17h00

Moruleng

 
               

22.

LOSER M19

V

LOSER M20

07/07/2017

19h30

Moruleng

 
               

23.

WIN. M19

V

WIN. M20

09/07/2017

15h00

Royal Bafokeng

 
               

 

DEPARTURE OF TEAMS AND OFFICIALS

 

10/07/2017

     
                     

 

VPL MCHEZAJI BORA 2016/17: WAGOMBEA MANULA, NIYONZIMA, MOHAMED HUSSEIN, KICHUYA, MSUVA!

>KUPIGIWA KURA!

TAARIFA KWA VYOMBO VYA HABARI. 298                   MEI 17, 2017

WACHEZAJI WATANO KUWANIA TUZO YA MCHEZAJI BORA

TFF-TOKA-SITWachezaji watano wameteuliwa (nominees) kuwania tuzo ya Mchezaji Bora wa Ligi Kuu ya Vodacom kwa msimu wa 2016/2017.

Walioteuliwa kuingia kwenye kinyang'anyiro hicho ni Aishi Manula (Azam FC), Haruna Niyonzima (Yanga), Mohamed Hussein (Simba), Shiza Kichuya (Simba) na Simon Msuva (Yanga).

Majina hayo yatapigiwa kura na makocha, makocha wasaidizi na manahodha wa timu za Ligi Kuu ya Vodacom pamoja na wahariri wa michezo kutoka vyombo mbalimbali vya habari nchini.

Wahusika watatumiwa fomu maalum za kupiga kura kwenye email za klabu zao na vyombo husika vya habari. Mwisho wa kupiga kura ni saa 6 usiku ya Jumanne, Mei 23 mwaka huu.

Hafla ya kutoa tuzo hiyo ambayo inaratibiwa na Kamati ya Ushauri ya Rais wa Shirikisho la Mpira wa Miguu Tanzania (TFF) itafanyika Mei 24 mwaka huu kwenye ukumbi wa Mlimani City jijini Dar es Salaam.

MU-IVORY COAST KUCHEZESHA TANZANIA, ANGOLA

Abou Coulibaly atachezesha mchezo wa pili wa Kombe la Mataifa ya Afrika kati ya Serengeti Boys ya Tanzania na Angola utakaofanyika Uwanja wa l’Amitie kuanzia saa 11.30 jioni kwa saa za Tanzania.

Mwamuzi Coulibaly atasaidiwa na Mamady Tere wa Guinea na Attia Amsaad wa Libya wakati mwamuzi wa akiba atakuwa Mohamed Maarouf wa Misri huku Kamishna akiwa ni Ismael Locate wa Reunion.

Kocha Mkuu wa Serengeti Boys, Bakari Nyundo Shime amesema kwamba ameiona Angola ikicheza na Niger katika mchezo wa kwanza uliofanyika mara baada ya mchezo wa Serengeti na Mali.

“Utakuwa ni mchezo wa ushindani. Nasi tunakwenda kushindana. Matokeo ya awali ya sare kwa timu zote mbili yanafanya mchezo huu kuwa mgumu kwa kundi B.

“Angola ni wa kuchungwa sana. Kwa sababu walipocheza na Niger waliweza kusawazisha mabao mawili kipindi cha pili. Hii inaonesha kuwa ni wepesi wa kusoma makosa yao na kujirekebisha.

“Ila kikosi changu kiko imara, nikiamini kwamba kesho nitapata matokeo mazuri. Watanzania waendelee kutuombea. Tutafanikiwa,” amesema Shime maarufu kwa jina la Mchawi Mweusi.

……………………………………………………………………………………………

IMETOLEWA NA SHIRIKISHO LA MPIRA WA MIGUU TANZANIA