SportPesa SUPER CUP: YANGA KUIVAA AFC LEOPARDS NUSU FAINALI!

>JUMANNE SIMBA v NAKURU ALL STARS, GOR v JANG’OMBE!

Ratiba/Matokeo:

Jumatatu Juni 5SPORTPESA-SUPERCUP

Robo Fainali

AFC Leopards 1 Singida United 1 [Penati 5-4]

Yanga 0 Tusker FC 0 [Penati 4-2]

Jumanne Juni 6

Saa 8 Mchana Simba v Nakuru All Stars

Saa 10 na Robo Jioni Gor Mahia v Jang’ombe Boys

Alhamisi Juni 8

Nusu Fainali

Saa 8 Mchana AFC Leopards v Yanga

Saa 10 na Robo Jioni Mshindi RF3 v Mshibdi RF 4

Jumapili Juni 11

Fainali

Saa 10 Jioni

+++++++++++++++++++++++++++++++++

MICHUANO ya kugombea SpoertPesa SUPER CUP, inayodhaminiwa na SportPesa Kampuni ya Kuchezesha Michezo ya Bahati Nasibu Mitandaoni, imeaanza Leo Uwanja wa Uhuru Jijini Dar es Salaam na Mabingwa wa Tanzania Bara, Yanga, na AFC Leopards ya Kenya kutinga Nusu Fainali wote wakipita kwa Matuta baada ya Sare ndani ya Dakika 90.

Kwenye Mechi ya Kwanza hii Leo, Timu Mpya ya VPL, Ligi Kuu Vodacom, Singida United, inayoongozwa na Kocha wa zamani wa Yanga Hans van der Pluijm, ilitangulia kufunga Bao Dakika ya 20 kupitia Pro wao kutoka Zimbabwe Kutinyu Tafadzwa.

Lakini AFC Leopards walisawazisha Dakika ya 63 kupitia Vincent Oburu.

Hadi Dakika 90 kwisha Gemu ilibaki 1-1 na ikaja Tombola ya Mikwaju Mitano ya Penati ambapo AFC Leopards walifuzu kwa Penati 5-4.

Baada ya Mechi hii wakaingia Yanga ambao walitoka 0-0 na Tusker FC ya Kenya lakini kufuzu kwa Penati 4-2 ambazo za Yanga, waliochezesha Chipukizi wengi,  zilifungwa na Nadir Haroub ‘Cannavaro’, Obrey Chirwa, Maka Edward Mwakalukwa na Said Mussa.

Tusker FC walifunga Penati 2 wakati moja ikiokolewa na Kipa Deogratius Munishi ‘Dida’ na nyingine kutoka nje baada kuparaza Posti.

Kwenye Nusu Fainali Yanga watacheza na Tusker FC.

TAIFA STARS KUANZA KUFANYA MAZOEZI USIKU ALEXANDRIA, MISRI

TAARIFA KWA VYOMBO VYA HABARI                                 MEI 30, 2017

TAIFA STARS KUANZA KUFANYA MAZOEZI USIKU

Mayanga na ukaguzi 1ATimu ya mpira wa miguu ya Tanzania ‘Taifa Stars’ inayodhaminiwa na Bia ya Serengeti kutoka Kampuni ya Bia ya SBL, imesafiri salama kutoka Dar es Salaam, Tanzania hadi hapa Alexandria, Misri.

Timu iliyotumia Ndege ya Shirika la Ndege la Ethiopia, ilipaa kutoka Dar es Salaam, saa 10.45 jioni ambako ilipitia Addis Ababa kuunganisha ndege ya kufika Misri.

Stars iliyokuwa na jumla ya watu 30 wakiwamo viongozi, benchi la ufundi na wachezaji kwa ujumla, ilitua Uwanja wa Ndege ya Cairo, Misri majira ya saa 7.45 usiku ambako mbali ya wenyeji Tolip Sports City, pia ilipokelewa na maofisa wa ubalozi wa Tanzania walioko hapa Misri.

Baada ya kupokelewa, timu hiyo ilisafiri kwa gari maalumu kutoka Cairo, Misri hadi Alexandria umbali wa zaidi ya kilomita 180 na kufika alfajiri baada ya mwendo wa takribani saa mbili. Saa za Misri na Tanzania zina tofauti ya dakika 60. Misri wako nyuma kwa saa hiyo moja.

Kwa niaba ya timu nzima, Kocha Mkuu, Salum Shabani Mayanga pamoja na viongozi wengine akiwamo Mkuu wa Msafara, Wilfred Kidao walishukuru Mungu kwa kusafiri salama hadi kufika hapa Alexandria kwa ajili ya kambi ya wiki moja kujindaa kucheza na Lesotho. Pia walishukuru Watanzania wote kwa dua zao kwa kusafiri salama.

Akizungumza mara baada ya kukagua viwanja vya mazoezi leo asubuhi, Kocha Mayanga ambaye alipewa majukumu ya kuifundisha timu hiyo mapema - Januari, mwaka huu, amesema: “Programu ya mazoezi kwa timu hii itaanza leo saa 2.00 usiku. Ingawa siku nyingine nitafanya asubuhi na jioni.”

Kwa msingi huo, alisema kesho Alhamisi Juni mosi, atakuwa na mazoezi kwa vipindi vyote viwili uwanjani - asubuhi na usiku kabla ya kutoa maelekezo darasani kwa siku ya Ijumaa na baadaye mazoezi ya uwanjani tena.

Taifa Stars inayopiga kambi hapa Misri, inajiandaa na mchezo dhidi ya Lesotho utakaofanyika Juni 10, 2017 kwenye Uwanja wa Azam ulioko Chamazi nje kidogo ya jiji la  Dar es Salaam. Mchezo huo umepangwa kuanza saa 2.00 usiku.

Mchezo dhidi ya Lesotho ni muhimu kwa Tanzania ikiwa ni mechi ya kwanza kwa Taifa Stars katika Kundi ‘L’ kuwania nafasi muhimu ya kucheza fainali za Kombe la Mataiafa ya Afrika (AFCON) za mwaka 2019 zitakazofanyika NCHINI Cameroon.

Mbali ya Lesotho na Tanzania, mataifa mengine katika Kundi ‘L’ ni Uganda na Cape Verde ambao pia wikiendi ya Juni 9, 10 na 11, mwaka huu watakuwa katika mchezo wa kwanza pia kuwania nafasi hiyo.

Wachezaji wanaounda kikosi hicho cha Kocha Salum Mayanga ni makipa Aishi Manula  (Azam FC), Benno Kakolanya  (Yanga SC) na Said Mohammed (Mtibwa Sugar).

Walinzi wa pembeni wako Shomari Kapombe    (Azam FC), Hassan Kessy (Yanga SC), Mohammed Hussein (Simba) na Gadiel Michael.

Walinzi wa kati ni Erasto Nyoni  (Azam FC), Salim Mbonde (Mtibwa Sugar), Abdi Banda (Simba SC) na Nurdin Chona (Tanzania Prisons) ilihali viungo wa kuzuia ni Himid Mao (Azam FC) na Jonas Mkude kutoka Simba SC ambaye kwa sasa anapatiwa matibabu baada ya kupata ajali.

Viungo wa kushambulia Salum Abubakar (Azam FC), Said Ndemla  (Simba SC) na Mzamiru Yassin (Simba) wakati viungo wa pembeni ni Simon Msuva (Yanga SC), Shizza Kichuya (Simba SC) na Farid Mussa (Teneriffe, Hispania).

Washambuliaji wapo Mbwana Samatta (KRC Genk- Ubelgiji), Ulimwengu (AFC Eskilstuna – Sweden), Ibrahim Ajib (Simba SC), Mbaraka Yusufu (Kagera Sugar) na Abdurahman Mussa (Ruvu Shooting).

Wasaidizi wa Mayanga katika benchi la ufundi ni Novatus Fulgence ambaye ni kocha msaidizi Patrick Mwangata - kocha wa makipa pia yumo Meneja wa timu, Danny Msangi; Mtunza Vifaa, Ally Ruvu, Daktari wa timu ni Richard Yomba na Daktari wa viungo ni Gilbert Kigadye.

PICHA:

Madakatari na lishe

Madaktari na baadhi ya wachezaji

Madaktari wa Taifa Stars, Dk. Gilbert Kigadye (aliyesimama kushoto) na Dk. Richard Yomba (aliyesimama kulia) wakitoa maelekezo ya chakula hitajika kwa baadhi ya wachezaji wa Taifa Stars.

Mayanga na Gym

MAYANGA-GYM

Kocha wa Taifa Stars, Salum Mayanga (kulia) na viongozi wengine wakikagua ukumbi wa mazoezi ya viungo ‘Gym’.

Nyoni na mizigo

Beki wa Taifa Stars, Erasto Nyoni akisaidia kubeba mizigo kuingiza kambini.

Nyoni na mizigo

……………………………………………………………………..……………..……

IMETOLEWA NA SHIRIKISHO LA MPIRA WA MIGUU TANZANIA

STARS KURUKA JUMANNE KAMBINI MISRI, WAKIRUDI KUIVAA LESOTHO DAR MAKUNDI AFCON 2019!

TAARIFA KWA VYOMBO VYA HABARI MEI 29, 2017

MAREKEBISHO KIKOSI TAIFA STARS KINACHOSAFIRI

TFF-TOKA-SITKikosi cha wachezaji 21 wa timu ya mpira wa miguu ya Tanzania ‘Taifa Stars’ kinachodhaminiwa na Kampuni ya Bia ya Serengeti, kinatarajiwa kuondoka kesho Jumanne saa 10.45 jioni kwenda Misri.

Taifa Stars ambayo itakuwa Uwanja wa Ndege wa Kimataifa kesho saa 7. 45 mchana inakwenda Misri kufanya kambi ya siku nane kujindaa na mchezo dhidi ya Lesotho utakaofanyika Juni 10, 2017 kwenye Uwanja wa Taifa, Dar es Salaam.

Wachezaji hao 21 kutoka hapa Tanzania wataungana na na wengine wawili, Nahodha Mbwana Samatta na Faridi Mussa wanaocheza ughaibuni katika kikosi hicho na kufanya jumla ya wachezaji kuwa 23 watakaokuwa nchini Misri. Tayari Thomas Ulimwengu wa AFC Eskilstuna – Sweden.

Nahodha Msaidizi, Jonas Mkude hatakuwako kwenye msafara huo kutokana na ushauri wa madaktari walioelekeza kwamba nyota huyo wa Simba apate mapumziko ya angalau siku nne.

Kocha Mkuu wa Taifa Stars, Salum Mayanga ameridhia na kusema kuwa Mkude ataungana na wenzake Juni 8, mwaka huu timu itakaporejea kutoka Misri. Mayanga hajajaza nafasi ya Mkude.

Wachezaji ambao hawatakuwako kwenye kikosi hicho ni pamoja na Haji Mwinyi (Yanga SC) na Aggrey Morris (Azam FC) ambao wanaweza kuingia kwenye timu ya Taifa ya Zanzibar baada ya kuwa mwanachama mpya wa CAF kama kocha akiwahitaji.

Michezo dhidi ya Lesotho ni muhimu kwa Tanzania ikiwa ni mechi ya kwanza kwa Taifa Stars katika Kundi ‘L’ kuwania nafasi muhimu ya kucheza fainali za Kombe la Mataiafa ya Afrika (AFCON) za mwaka 2019 zitakazofanyika NCHINI Cameroon.

Mbali ya Lesotho na Tanzania, mataifa mengine katika Kundi ‘L’ ni Uganda na Cape Verde ambao pia wikiendi ya Juni 9, 10 na 11, mwaka huu watakuwa katika mchezo wa kwanza pia kuwania nafasi hiyo.

Kikosi cha Taifa Stars kinachofundishwa na Kocha Salum Mayanga kinaundwa na makipa Aishi Manula (Azam FC), Benno Kakolanya (Yanga SC) na Said Mohammed (Mtibwa Sugar).

Walinzi wa pembeni upande wa kulia ni Shomari Kapombe (Azam FC) na Hassan Kessy (Yanga SC) wakati upande wa kushoto wapo Mohammed Hussein (Simba) na Gadiel Michael.

Walinzi wa kati Erasto Nyoni (Azam FC), Salim Mbonde (Mtibwa Sugar), Abdi Banda (Simba SC) na Nurdin Chona (Tanzania Prisons) ilihali viungo wa kuzuia ni Himid Mao (Azam FC) na Jonas Mkude kutoka Simba SC ambaye hatasafiri na timu kwa sasa.

Viungo wa kushambulia Salum Abubakar (Azam FC), Said Ndemla (Simba SC) na Mzamiru Yassin (Simba) wakati viungo wa pembeni ni Simon Msuva (Yanga SC), Shizza Kichuya (Simba SC) na Farid Mussa (Teneriffe, Hispania).

Washambuliaji wapo Mbwana Samatta (KRC Genk- Ubelgiji), Ulimwengu (AFC Eskilstuna – Sweden), Ibrahim Ajib (Simba SC), Mbaraka Yusufu (Kagera Sugar) na Abdurahman Mussa (Ruvu Shooting).

Wasaidizi wa Mayanga katika benchi la ufundi ni Novatus Fulgence ambaye ni kocha msaidizi Patrick Mwangata - kocha wa makipa pia yumo Meneja wa timu, Danny Msangi; Mtunza Vifaa, Ally Ruvu, Daktari wa timu ni Richard Yomba na Daktari wa viungo ni Gilbert Kigadya.

Timu hiyo iliingia kambini Machi 23, 2017 kwenye Hoteli ya Urban Rose, Dar es Salaam kabla ya kesho kwenda Misri na baadaye itarejea Tanzania kucheza na Lesotho, Juni 10, mwaka.

……………………………………………………………………..……………..……

IMETOLEWA NA SHIRIKISHO LA MPIRA WA MIGUU TANZANIA

BAADA ‘NYUNDO YA FIFA’, SIMBA YAFARIJIKA KWA ‘TUTA’!

>NAO SIMBA SASA WA KIMATAIFA, WAIBWAGA MBAO FC 2-1, KUCHEZA AFRIKA!

ASFC-FINALSIMBA, Leo huko Jamhuri Stadium, Dodoma, wamekuwa Mabingwa wa Kombe la Shirikisho la Azam (Azam Sports Federation Cup - ASFC) baada ya kuifunga Mbao FC 2-1 katika Fainali iliyokwenda Dakika 120.

Timu hizi zilikuwa 0-0 hadi Dakika 90 na Gemu kulazimika kuongezwa Dakika za Nyongeza 30 na ndipo Bao zote kupatikana.

Bao la kwanza la Simba lilifungwa Dakika ya 95 Mfungaji akiwa Blagnon na Mbao kusawazisha kwa Goli la Robert Ndaki la Dakika ya 109.

Lakini, Dakika ya mwisho, ya 120, Refa Ahmad Kikumbo akawapa Penati Simba ambayo Wadau wengi wanadai ni tata na Kichuya kuipa Simba Bao la Pili na la ushindi.

Simba sasa wataiwakilisha Nchi kwenye Mashindano ya CAF ya Kombe la Shirikisho Msimu ujao ikiwa ni mara yao ya kwanza tangu 2013.

Ushindi huu wa Leo na kurudi kucheza Michuano ya Kimataifa ni faraja kubwa kwa Simba kwani mapema Leo kuliibuka stori kuwa FIFA wameipiga chini Simba kwa kuikataa Rufaa yao iliyokuwa ikidai Pointi 3 kwenye VPL, LIGI KUU VODACOM, ambazo walipokwa, na ambazo kama wangezipata wangepewa Ubingwa wa Ligi hiyo ambayo Mabingwa wake ni Yanga.

TOKA TFF: FAINALI ASFC, MBAO-SIMBA DODOMA JUMAMOSI, YANGA YAPONGEZWA NA KUADHIBIWA!

TAARIFA KWA VYOMBO VYA HABARI                           MEI 26, 2017

NI FAINALI ZA AZAM SPORTS FEDERATION CUP 2016/17

TFF-TOKA-SIT-1Kesho Jumamosi, Mei 27 mwaka huu Simba SC ya Dar es Salaam na Mbao FC ya Mwanza zitakutana Uwanja wa Jamhuri mjini Dodoma kwenye fainali za kuwania Kombe la Shirikisho la Azam yaani Azam Sports Federation Cup - ASFC 2016/17 katika mchezo utakaoanza saa 10.00 jioni.

Kwa mujibu wa kanuni ya 7 (2) za michuano ya ASFC, ratiba ya Kombe la Shirikisho la Azam Sports HD itatolewa na TFF na ndiyo kesho itachezwa.

Kadhalika kwa mujibu wa Kanuni ya 6 (2), Mshindi wa mchezo wa fainali (Kwa msimu huu kati ya Simba na Mbao), ndiye akayekuwa Bingwa wa Kombe la ASFC - HD, atapewa Kombe la Ubingwa na zawadi ya fedha kiasi cha shilingi milioni hamisini (50,000,000/-) kama zilivyoainishwa kwenye waraka wa zawadi wa michuano.

PONGEZI ZA INFANTINO KWA YOUNG AFRICANS

Rais wa Shirikisho la Mpira wa Miguu la Kimataifa (FIFA), Gianni Infantino, Mei 24, mwaka huu alituma ujumbe Shirikisho la Mpira wa Miguu Tanzania (TFF) kuipongeza Young Africans ya Dar es Salaam kwa kutwaa ubingwa Ligi Kuu ya Vodacom Tanzania Bara msimu wa 2016/17.

Young Africans imetwaa Kombe hilo ikiwa ni mara tatu mfululizo na katika salamu za pongezi, Rais Gianni Infantino amesema ubingwa huo wa Young Africans ni kielelezo cha ushirikiano baina ya wachezaji, kocha, utawala, matabibu pamoja na mashabiki.

Katika pongezi zake Rais Infantino ameishukuru Young Africans na shirikisho la mpira wa miguu la nchi kwa kusadia kupeleka ujumbe chanya kwa jamii kuhusiana na mpira wa miguu.

UAMUZI WA ADHABU MBALIMBALI KUTOKA KAMATI YA SAA 72

Mechi namba 206 (Yanga 1 Vs Toto Africans 0).

Klabu ya Yanga imepigwa faini ya sh. 1,000,000 (milioni moja) kutokana na timu yake kutoingia vyumbani wakati wa mechi hiyo iliyochezwa Mei 9, 2017 kwenye Uwanja wa Taifa, Dar es Salaam.

Adhabu hiyo imetolewa kwa mujibu wa Kanuni ya 14(48) ya Ligi Kuu. Uamuzi huo umezingatia pia kuwa Yanga imekuwa ikirudia kosa hilo mara kwa mara.

Mechi namba 225 (JKT Ruvu 0 Vs Majimaji 1).

Timu ya Majimaji haikuingia vyumbani wakati wa mapumziko katika mechi hiyo iliyofanyika Mei 13, 2017 katika Uwanja wa Mkwakwani jijini Tanga.

Kutokana na timu hiyo kurudia kufanya kosa hilo, klabu ya Majimaji imepigwa faini ya sh. 1,000,000 (milioni moja). Adhabu hiyo ni uzingativu wa Kanuni ya 14(48) ya Ligi Kuu.

Mechi namba 230 (Kagera Sugar 2 Vs Mbao FC 0).

Klabu ya Mbao imepigwa faini ya sh. 500,000 (laki tano) kutokana na timu yake kutoingia vyumbani wakati wa mechi hiyo iliyochezwa Mei 13, 2017 katika Uwanja wa Kaitaba mjini Bukoba. Adhabu hiyo ni uzingativu wa Kanuni ya 14(48) ya Ligi Kuu.

Mechi namba 231 (Yanga 2 Vs Mbeya City 1).

Timu zote mbili hazikupita kwenye mlango rasmi wakati wa kuingia uwanjani katika mechi hiyo iliyochezwa Mei 13, 2017 kwenye Uwanja wa Taifa, Dar es Salaam. Hivyo, kila klabu imepigwa faini ya sh. 500,000 (laki tano) kutokana na kitendo hicho, uamuzi ambao umezingatia Kanuni ya 14(48).

Pia klabu ya Yanga imepigwa faini ya sh. 1,000,000 (milioni moja) kwa kutoingia vyumbani kwenye mechi hiyo. Adhabu hiyo pia imezingatia Kanuni ya 14(48) ya Ligi Kuu.

Mechi namba 236 (Mbao FC 1 Vs Yanga 0).

Klabu ya Yanga imepigwa faini ya sh. 1,000,000 (milioni moja) kwa kupita mlango usio rasmi katika mechi hiyo iliyofanyika Mei 20, 2017 kwenye Uwanja wa CCM Kirumba jijini Mwanza. Adhabu hiyo imetolewa kwa kuzingatia Kanuni ya 14(48) ya Ligi Kuu.

Pia Yanga imepigwa faini ya sh. 1,500,000 (milioni moja na laki tano) kwa kutoingia vyumbani. Adhabu hiyo imezingatia Kanuni ya 14(8) ya Ligi Kuu. Vilevile klabu hiyo imepigwa faini ya sh. 500,000 (laki tano) kutokana na kuonyesha vitendo vinavyoashiria ushirikiana. Adhabu hiyo imetolewa kwa mujibu wa Kanuni ya 42(1) ya Ligi Kuu.

Washabiki wa Yanga walivunja uzio wa ndani (fence) wa upande wa Magharibi wakati wakiingia uwanjani kusherehekea ubingwa wa timu hiyo. Hivyo, klabu ya Yanga imeagizwa kulipa gharama za uharibifu huo uliofanywa na washabiki wake, uamuzi ambao umezingatia Kanuni ya 42(3) ya Ligi Kuu.

Nayo klabu ya Mbao FC imepigwa faini ya sh. 500,000 (laki tano) kutokana na washabiki wake kuingia uwanjani kushangilia baada ya timu yao kupata ushindi.

Wachezaji Deus Kaseke, Simon Msuva na Obrey Chirwa wa Yanga wamesimamishwa kucheza mechi za Ligi Kuu wakati wakisubiri suala lao la kumsukuma na kumwangusha Mwamuzi Ludovic Charles kusikilizwa na kutolewa uamuzi na Kamati ya Nidhamu ya Shirikisho la Mpira wa Miguu Tanzania (TFF).

Walifanya kitendo hicho katika mechi hiyo dhidi ya Mbao FC iliyofanyika Mei 20, 2017 kwenye Uwanja wa CCM Kirumba jijni Mwanza. Uamuzi wa Kamati umezingatia Kanuni ya 9(5) ya Ligi Kuu.

Mwamuzi Ludovic Charles amepewa onyo kali kwa kutodhibiti vizuri mchezo. Uamuzi dhidi yake ni kwa mujibu w Kanuni ya 38(5) ya Ligi Kuu kuhusu Udhibiti wa Waamuzi.

……………………………………………………………………..……………..……

IMETOLEWA NA SHIRIKISHO LA MPIRA WA MIGUU TANZANIA

Habari MotoMotoZ